力奇四季火鍋 (已結業)

個四川麻辣湯底認真麻麻, 辣又唔辣麻又唔麻,好似沙嗲湯底加辣椒絲咁. 個番茄湯底本身ok, 但係唔知點解兩煲都有d鐡打酒味, 尤其d冬瓜呀, 菜呀, 越索水越大浸味.配料其實可以㗎, 個美國肥牛搭到高高的,好好睇囉,又切得厚, (But當然出面有食更重牛味更好食㗎啦) 最差係牒豬腰, 其實好爽, 不過勁"壓", 全枱冇一個人食曬全舊!! 好在佢都肯換第二樣俾我.Service差係因為唔夠人手,但係都算禮貌嘅. 況且d分量都好夠.一枱都係嘢, 每人都要三舊. 

我哋叫左個麻辣火鍋湯底,嚟嘅時候見到有好多辣椒,不過竟然係甜㗎囉搞到淥出嚟啲嘢唔好食我哋叫左雲吞併粟米豬肉餃!!見到嚟嘅時候係大大隻但食落去竟然又係甜嘅!!!初時以為栗米甜啦!!但再食清楚至發現係啲豬肉甜囉因為連雲吞都係甜嘅都唔知係咪個師傅張糖當鹽咁落現場有個亞嬸,都係喺度做乜!!!嘢又唔做!!廣東話又好似聽唔明但個啤酒妹就好勤力全場四圍走最緊要係個入口好似人哋啲後門咁!!!服務3分係比個啤酒妹

知道呢間火wo店係大堆頭製作, 雖然得三個人但都係太太太想叫豬骨煲, 個湯底好甜, 一上枱我已經係咁飲一座山咁高, 有好多材料呀重要樣樣都有好多完全無需要另外叫菜, 因為有南gua, 粟米, 蘿蔔等等打撈出來既雞腳同豬骨都可以質飽你哈哈叫左碟細牛肉, 一路睇下有幾多啦, 一路等都未見底, 份量一定足夠三個人食有突(最後打包半碟)仲有雙併蚌, 都係好多好多, 都幾彈牙~魚同鮮蝦卷都好好食結論係所有野都係好大份量, 好食同埋新鮮朋友仔連伴碟通菜都話好食到清晒不過最大問題係..等位囉book左都要等ga, 真係要有心理準備同埋唔好諗住好好服務**同場加映食到尾聲停電, 剛開始食既人都真係幾頭痕

 力奇鋪頭入面好似工廠大廈果d飯堂咁，又畀人一種似室內大排檔既free。，鐵檯膠凳。入左去冇人接應你，企度等左好耐冇凳坐！開始點野食，order沙爹燙底，沙爹底畀左d三豆腐……唔係既鐘意。三文魚腩，肉自質比較普通。午餐肉夠大碟，不過d餐肉唔夠實，豬潤係大塊冇點切過，肥牛，…通菜…咁大個鋪位只得3位阿姐坐陣，除左飲啤酒有啤酒小姐招呼唔使自助，豉油助料要自己行出去拎，湯殼同碗都要自助。D間野份量係比較多，味道十分普通！

今日有朋友係到BOOK左枱,咁就當然係一大班人黎食,都好耐無試過,一黎到,睇到個格局有D似大排檔,不過當然係室內嫁喇,依到可以講係自由既,除左野食係佢送上黎之外其他水呀,野飲同餐具,全部係自助拎既,原來佢仲打通左幾間鋪, 成間面積都真係十分大,所以冷氣唔多夠,好彩有幾多掛牆風扇係到,如果唔係真係一路食一路出汗,熱到死,依到比較出名應該係湯底,而且都真係唔錯依個湯料有番茄, 粟米, 南瓜, 豬骨, 翠肉瓜,湯底食落似係無咩味精, 同埋真係幾鮮甜,雖然唔係咩任食火鍋, 但比較起上黎依到全部野都係好大碟下嫁,所以埋單都唔算太貴, 又比任食個d新鮮最推介既係牛肉,夠哂厚身,又夠鮮味, 之後就係醉雞,又係非常之咁大碟,隻雞又夠大隻,就算滾完之後都仲有一陣好濃既酒味.雞肉又夠哂滑,果然係唔錯既 

成班同事gathering，最緊要開心熱鬧，打邊爐就最啱。左揀右揀，最終敲定咗大角咀呢間力奇火鍋。門面很普通，就是一般海鮮火鍋店的樣子，但其實這只是店員製作食材的地方，隔離另一扇小門進去，才是真正開餐的地方!嚟得呢啲地方都唔會係食裝潢，一張張的大圓桌，堆放著水杯﹑餐具，感覺就像是一個大飯堂 真正的戲玉喺個店員送上個鍋底開始。 無錯，呢個只係個鍋底，所有呢啲配料都係隨鍋附送。當我哋見到個鍋底果陣，成班人都「嘩」咗出嚟! 心諗，頭先叫咗果啲嘢食唔食得哂……豬骨煲($240)-睇餐牌240蚊唔算平，但真係勁大煲，入面仲有好多豬骨﹑豬手﹐勁重膠質。應該個湯底本身已經熬咗好耐，上嚟果陣，啲湯已經好黏稠，上面已經浮咗一層薄膜。講真，好味，但對女仔嚟講可能油咗啲果然，跟住送上嚟的所有食物都係king size 平時啲頭盤都係細細碟，但呢個麻辣海哲一啲都唔細，酸酸地，勁爽口，好好食! 不過唔係好辣，更加同個麻字無關係，平時唔食辣的同事都幫襯咗兩箸。手打三寶($100)-分別係墨丸﹑蝦丸同鯪魚球，一碟12粒，粒粒都成個勺咁大，食幾粒都真係飽飽哋 水餃﹑雲吞雙拼(($100)-啲水餃同雲吞十足酒樓

多得同事介紹，認識力奇火鍋，從此之後，一想食火鍋，就會去力奇，因為好食又抵食。每次來力奇，不用選，湯底一定是豬骨湯底。豬骨湯底份量十足，有大大件豬骨、番茄、粟米、蘿蔔、瓜菜等，材料堆到山咁高，可以不用再另叫蔬菜，湯底超甜，湯一滾起，忍不住要立即來一碗湯底暖一暖身。除了湯底份量十足，其它材料都一樣大大碟。必食美國肥牛，288元一大碟，新鮮有牛味。雲吞亦是必食之一，大大大大粒，餡料入味，正。炸魚皮超脆。其它丸類52一碟，質素都好。來力奇，建議要一大班人，因份量多，多人可以叫多些不同種類食物，是晚，還飲了多支大啤，埋單都是200元多些，可以食到有質素，有味道，又飽肚的火鍋，滿足。

很感動，今次終於吃到天天爆場人人讚的力奇火鍋！上次排了二小時人龍都未退過，結果放棄了，非常無奈。今次預早book 枱再戰力奇，不需等位便可入坐。原本想試招牌豬骨煲，可是價錢要$240實在是太貴了，於是轉為大家都喜愛的蕃茄薯仔煲 ($90) 。基本上力奇火鍋大部份的火鍋配料的份量都很多，很適合大夥兒聚餐。不過貼心地，力奇幾乎所有配料都可以雙併，免卻了眼闊肚窄的苦惱。新年當然要吃飽一點! 於是一行5人共點了頗重份量的配料。蕃茄薯仔湯底-超多蕃茄粟米及大約有兩個大薯仔，很好味，讚！食完成個火鍋之後再食舊薯仔真是一絕，事關舊薯仔已經吸收哂成個湯底既精華。巨蠔-非常鮮甜，沒有絲毫腥味，正到不行!!桂花蚌加珊瑚蚌雙併-價錢頗貴，份量不算多。有點腥味，熟後嚴重縮水…肥牛-只叫左小碟，但都夠5人吃午餐肉-很多人認為用來打邊爐怪怪的，但事實上用來打邊爐另有一番風味，正！魚皮餃併菜肉餃-魚皮餃都不錯，可以總覺得不及四海的好吃。菜肉餃大大粒，超夠味，推介！墨魚滑-一般般，不夠結實響聆-如常地好吃雜菇-有金菇，冬菇，雞脾菇，雞脾菇最正！芝士丸加魚麵-芝士丸一般，事關水水的芝心不夠味。魚麵一般，唔鮮味，有點硬。

一早book左20:30, 所以一黎到已經有枱格局係室內版的大排檔咁基本上除左叫o個d野食係佢送上黎外所有水呀, 野飲呀, 餐具呀, 全部係自助拎o既由於佢係打通左幾間鋪, 面積大, 冷氣唔多夠即使有好多掛牆風扇, 10月黎都係熱熱地真係好難想像夏天黎會點*0*唔洗講, 哩度最出名一定係哩個咁大堆頭o既湯底本來碟上o既湯料都係放在鍋上, 係成坐山咁上枱由於太多, 我地分在碟上湯料有番茄, 粟米, 南瓜, 豬骨, 翠肉瓜湯底食得出冇落未精, 都幾鮮甜雖然哩度唔係任食, 但全部都好大碟, 所以計返都唔貴, 食材當然新鮮過任食o個d牛肉都幾厚身, 大大塊的蝦肉質都幾實, 唔霉珊瑚蚌比一般大舊, 都幾爽口生菜好新鮮最後我地堆單每人都係$2xx, 以食左咁多海鮮黎講, 算係好抵

book左位...但都要門口等1個鍾(即係冇BOOK位依樣野).依間火鍋一定要人多先好黎,因為從豬骨湯底開始已經份量很大,人少的話可能叫2-3個料已飽..由攞茶,碗筷,醬油都全自助式,因樓面只見到3幾個但要顧全,根本唔會得閒理你.大排檔既格局.店內很噪的~~豬骨煲料極多,豬骨粟米雞腳好味,蕃茄,薯仔,白蘿蔔,勝瓜等沙嗲湯入口味道唔錯但不明白為什麼是甜的.大碟肥牛好味,新鮮又肥瘦岩岩好,不會太肥大蠔滾完都叫仲肥肥地,但每隻都有沙醉雞後加ORDER,都係好大碟架,隻雞都好大,太飽只些了一件,很入味,滾完還有濃濃的酒味.雞肉滑滑的雲吞一粒雲吞有半隻拳頭大,最初食左半粒幾好食，有蝦同豬肉。但後來食就超咸蝦丸ＱＱ的，爽滑響鈴卷一般飲品酸梅湯,朋友說可以接受,另外一渣一渣的不叫比較好

OK 成班同事收工黎打邊爐黎之前睇過下D相, 都幾特別, 勁大碟肥牛, 勁大隻蠔咁我地6點幾到, 梗係唔洗等位啦, 加上係星期一坐低點湯底先, 廢事野食到水未滾啦5分鐘湯底到, 跟住就開始等野食上一等就係15分鐘...終於...野食到, 得D丸再等10分鐘先有炸魚皮,跟住D腸仔之類出現又等20分鐘, 終於見到勁大碟肥牛係就係大碟, 但收我240好應該大碟丫, 同埋真係普通牛肉, 無咩特別食到咁上下, 發覺唔多飽, 再加單, 墨丸, 雲吞等墨丸, 又20分鐘, 雲吞又 20分鐘等到無晒胃口啦, 最後連埋單都仲要等多15分鐘先有人理下我地食成3個鐘, 都好似無咩野食過, 等到一肚氣力奇, 我真心唔會食多次 lo...

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!秋風起打邊爐係一生一大快事! 大角咀有好幾間打邊爐都好正! 呢間 "力奇" 第二次黎食,好唔好食? 又睇落去?! 好唔好食? 又睇落去?好唔好食?又睇落去? 第332回: 旺角大角咀力奇四季火鍋巨形肥牛大大份份!地址: 大角咀角祥街53號地下去"力奇" book 位係必需既, 雖然 book 左去到都係要等! 不過佢有兩個地鋪位好大, 閒日都可以輕易入座! 呢間食店 d 野食件頭好大, 例如豬骨煲, 擺到成盤滿一滿! 有蕃茄、粟米、蘿蔔、雞腳，豬骨放喺底!黎呢度食, 最難忘一定係佢大大碟巨形肥牛 (掛住食, 無用一 d 實物比大家比較下碟肥牛有幾大 tim)! 總之真係 "numb" 包山咁高咁大啦! 唔係講笑!得個大字無用 woh, 新鮮先係王道啊! d 牛肉上枱唔係冰鮮都硬掘掘嗰隻, 大大塊~~~放落煲拖兩拖見粉紅即夾去, 軟腍腍鮮嫩食落有種想大叫

今日同媽咪去食飯，諗住媽咪鍾意打邊爐，但又唔想成日都同媽咪去百利，雖然好食，但成日去都會覺得悶，所以今次就帶媽咪去大角咀力奇，因我幾年前去食過，覺得都幾好食，同埋不停有人話呢間好出名，估唔到幾年後，差左咁多~~咁一坐低就即刻點野食，要左一個海底椰煲，美國肥牛，白鱔片，豬潤，炸魚皮，鮮魚飄，桶豪，手打墨魚丸同蝦丸，魚皮餃，山根，金姑菜同兩隻雞蛋!坐左超過半個鐘先拎過煲過來，一打開個煲見到都好多料，同埋D湯底都幾好味，不過媽咪話應該係落左好多味精，冇理由咁甜喎~~之後D野係上得勁慢，要兩隻雞蛋都叫左不下5次先可以比到我，而每款食物賣相都好好咖，不過我就唔係樣樣都有影相，影左肥牛、白鱔片同桶蠔!咁多樣都都只係白鱔最好食，而桶蠔同肥牛都係得個樣，桶蠔有腥味，而肥牛賣相好掂，但一D牛味都冇!其他配料更差，手打墨魚丸同蝦丸，簡直入唔到口呀，墨魚丸一咬落去就有陣唔知咩味，我真係唔識形容，而蝦丸係冇味咖，豬潤都係，一D味都冇咖!呢度唯一好處係份量好多，碟碟都份量十足，都叫抵食，不過D野真係得個樣，好多野都係冇味o既~~~仲有，呢度唔夠待應，好多野都好似自助形式咁，唔係咁好!

book左位..但係黎到都要..因為冇人執枱..唔好預佢地服務態度會殷勤因為唔會囉~haha 必食:佢個豬骨煲囉..好濃郁,夠味又大煲..一滾大家即會先飲佢個湯一轉..有d胡椒..而且又夠甜...我最中意就係食豬骨..有時好彩都會俾我夾到筒骨,有骨髓可以食下真係正到飛起....每次去到~鮮鮑魚同生蠔都係必叫架...鮮鮑仲會郁架...又大隻...又好味...佢樣樣野都好大碟...會勁飽架...佢好係好在每碟野食下面都有鋪菜..而菜可以自己揀..就慳返叫碟菜啦~haha!唔好講笑呀~d野真係新鮮架雖然我冇影底個珊瑚蚌 不過大家都可以試下架...有d同類食物如果覺得太多...可以同職員講要雙拚架...例如...珊瑚蚌同貴妃蚌咁 

終於再度二訪了這家一直好想再來吃的火鍋店最為吸引我的是，這個料多又超豐富的豬骨煲地方很大，挺簡陋的偶然一次也都還好啦，不過也有朋友不太喜歡這樣簡陋的地方點餐紙上都沒標價格，其實另外還有一本Menu的那本就有寫嚕！！ 價格提高了一點點蒜味香濃、辣味突出但如果點豬骨煲的話，不沾醬已經好吃了期待好久的，終於要上桌嚕看到這滿滿的材料，已經好歡喜而且是我喜歡的瓜菜湯頭裡有雞爪、豬腳以及大量的蔬果，喝起來鮮甜很順口聽朋友說，這邊採用的蔬菜是以季節而有所更改的每次來可能都會有一點不一樣豬腳帶滿滿的黏性，雖然很肥但好吃煮至軟綿的馬鈴薯 吸飽了湯汁還有清爽的荸薺這晚的墨魚漿有點遜，算是彈牙，但不夠鮮味魚漿中還加入了不少墨魚粒增加口感，有點可惜啊...我愛這的炸魚皮，非常香脆而且份量多，單吃 / 放湯3-5秒都一樣的好吃鮮蝦腐皮卷，蝦漿藏在腐皮卷裡我好像是第一次嚐到，味道還好...沒有很愛3位女生吃量不大，這天只點了3個配料 跟 一個鍋底已經吃得飽飽又滿足的！！ 隔天連早餐都吃不下，有夠厲害耶謝謝你們陪我任性！！ 不經不覺間，我們已經認識了2年多以後，也要讓我一直黏著你們！！ 好好維繫我們的友誼，哇卡卡