力奇四季火鍋 (已結業)

清湯鍋底鮮牛拼肥牛蝦滑拼墨魚滑生蠔脆鯇腩三文魚剌身烏冬五罐汽水$416味道同價錢OK但服務唔掂完全唔夠人手加湯/取豉油/蒜茸/辣椒全程自助唔緊要因為佢擺晒出黎預左D客可以自助但係你想搵個人同你落單/跟單就真係好難極度缺乏伙記廚房都應該唔夠人除左等位之外仲要等D食物你會見到檯檯都有人摧D阿姐叫左xx好耐都未到希望佢個老細正視下呢個大問題唔好淨係掛住租多幾個舖位咁多間舖D客都等廚房切野不如擴充下個廚房請多D伙記等D客食完快D走出面等位果D又唔駛咁耐快D翻到檯一樣可以賺多D

一行入嚟呢度，第一個感覺就係格局好似以前未發跡之前嘅火井...趁天氣涼涼哋，跟老友嚟打邊爐。街坊格局，食得暢快，無拘無束^_^...基本上樣樣配料都出色--- 蝦滑有濃濃蝦味，夠爽口彈牙；墨魚滑同樣出色，食到唔停得口鵝腸夠粉亦夠肥美，只淖一淖就食得，好爽口，份量亦十分慷慨，一個字:"抵"!..雲吞水餃大大隻，大隻到放咗好耐好耐先熟。雖則如此，卻絕非大而無當--- 雲吞豬肉及蝦肉參半，蝦並唔係雪藏貨，極鮮，又係食到唔停；水餃有大量木耳絲，增加口感，係小弟嘅摯愛，不禁食完一嚿又一嚿...差D唔記得問有冇得買走添...手切牛肉只賣七十五蚊(小碟)，但已係屬king size，質素極佳，仲有少少雪花添，放入窩成分鐘後攞出嚟仲係咁腍，牛味滿溢口中...生蠔小碟亦只賣七十零蚊，但就有成十多隻，隻隻好似jumbo oyster咁大，讚...實在食咗太多太多嘢la..仲有蟮片、牛心椗、金錢展、各類蔬菜....水準相當高，價錢亦相宜，真係只有响大角咀呢D舊區先揾到...第二站...再戰車品品...

這間店在工作地方附近，之前見不少說好的食評，想來試很久，今晚終於和友人來試，這裡檯比較大，基本上沒有兩人檯，甫坐下先叫個沙嗲湯底，再叫了本地肥牛，脆鯇片，羊肉片，雙丸，牛柏葉，桂花蚌，鵝腸，豬粉腸和通菜。本地肥牛雪花並不多，但咬落很霖，唔錯。脆鯇片亦算新鮮爽脆，鵝腸是帶肥羔的那種，也不錯，豬粉腸是已經清潔乾凈的，只吃層腸衣有點沒癮，桂花蚌雖爽口但沒鮮味。整體沒食評寫的那樣好，還是相隔幾間舖的文成記好，而且價錢也不能說便宜。地方環境也真的只合我等麻甩，不適合和女友去。

多位友人提及此食店為平價火井，於是便決心一試。環境比較差，各位女士必留意，不過食物一流，豬心、手切牛肉及脆鯇魚片必試，另外湯底方面雖然豬骨湯底為最佳之選，不過如果不是太多朋友一起，就不要叫此湯底。

(29/5)幾個月沒見面，時間許可總要相聚，我選地點，想吃火鍋故選了這間我未曾試過的火鍋店。五月吃火鍋也不成問題，因房內通風系統充足，三人甫坐下即選了蕃茄薯仔粟米湯底拼沙爹湯底，另一位朋友來不及，我們要著手點很多碟：1.黑柏葉；2.鵝腸；3.蝦與墨魚滑；4.珊瑚蚌5.生蠔(小)；6.蟮片；7.貴妃蚌；8.兩碟手切鮮牛9.水餃拼雲吞；10.魚麵；11.粟米拼生根；12.鴨腸13.羊片；14.肉眼根；15.五罐可樂、兩枝藍妹、柑桔檸檬有些驚恐，四人吃十五碟，碟碟都是大碟，可能冬天以後也沒有火鍋，一次過還債；沙爹湯底出奇好味，夠濃，配合手切鮮牛，一碟也嫌少，一追再追；黑柏葉，開跑時氣勢凌厲，轉眼已清，味道是沒有味；鵝腸，果然是食友推介，真的比柏葉還要快清，若不是留給第四位，早已吃光；蝦與墨魚滑，無懈可擊，絕不放過，鮮、爽、甜；珊瑚蚌及貴妃蚌叫了也無妨，因本人喜歡海鮮，味道是新鮮，不是（鱔貨）；生蠔，大隻嫩滑鮮甜，每一隻似小法包，很飽滿，很好味；後勁放緩，水餃雲吞是本人嗜物，沒有錯過，很多雲耳、鮮蝦，仍未錯過；粟米是朋友追叫，因很鮮甜；鴨腸，胃已開始飽和，吃了幾條，有些酥味，鵝腸更勝此；肉眼根

今日天氣又轉涼得十七度，於是趁機去打邊爐。地點雖然吾就腳，但這裏的食物會令你翻尋味-就算係遠啲。因為得兩個人，食吾到好多嘢，所以無叫豬骨煲。沙爹拼蕃茄薯仔粟米湯底，沙爹同手切牛肉可謂絕佩，尤其是呢度嘅牛肉比一般好，有肉味有彈性但又吾"UN"。海蝦非常生猛，上枱時仲"郁"緊，肉質爽脆新鮮，$50十隻，物有所值。墨丸、蝦丸味道好又彈牙，八爪魚丸同龍蝦丸就粉咗啲、味道尚可。珊瑚蚌就食完都無特別印象，下次可以唔食。墊底嘅生菜同通菜都新鮮好食，夠ニ人份量。最後"啪"埋幾嚿吸盡精華嘅薯仔，飽到上心口。另外幫襯靚姐姐叫咗支大Bluegirl，埋單$318

其實呢度已經幫襯左兩三年,不過豬骨煲都係第一次試. 點解? 一來呢度無話專登推豬骨煲, 二來我本身鐘意食呢度既沙嗲湯底.雖然呢個煲要百一蚊,但係湯底同料都十分正. 一位係附近打開邊爐既朋友,試過個湯底後,話呢度個湯底正過另外個間.因為叫左太多野,自己又無寫低,所以只講部份食物.機切牛肉ok,但手切一定好食過機切.個人就鍾意佢d水餃,夠大隻又足料.蝦丸同墨魚丸都有水準,而且粒粒蝦丸都會見到有隻蝦.另外鐘意食呢度d鵝腸,因為佢無將d肥膏掹走. 如果係掹晒肥膏既鵝腸,我就覺得唔食好過食啦.

今晚同朋友行街行到成十一點都未食野, 等埋佢男友同我妹一行四人黎食, 一黎到見佢落晒閘, 仲以為收咗, 原來連續三個鋪位都係佢0既, 只有其中一個鋪開咗閘門, 結果就由十一點幾打邊爐打到點幾. 要咗個豬骨鍋, 肥牛, 龍蝦丸拼八爪魚丸, 雲吞, 西洋菜. 個豬骨鍋一黎到, 當堂"嘩"出黎, 好大鍋, 直頭好似一個球體咁, d料滿到面果d根本浸唔到湯! 入面有好多大舊豬骨, 雞腳, 蕃茄, 蘿蔔, 蓮藕, 根本無可能再放野落去! 先食蕃茄, 好甜好好味, 啖湯勁甜, 甜到有d假, 應該都放咗唔少師傅, 但間唔中一餐, 無所謂啦. 蘿蔔同蓮藕都係切薄片, 但因為湯底味太濃, 已經食唔到本新0既味道. 豬骨夠大舊, 所以保留到骨髓0係入面, 好味. 雲吞有成隻蝦0係入面, 但肉太實, 龍蝦丸同八爪魚丸都ok(因為我自己唔好丸, 但其實佢地係ok0既), 肥牛都ok啦. 加埋兩支巨峰提子汁埋單$310, 大家都食到好飽仲有野剩. 打邊爐呢度算多野食, 有雞雜有魚春有魚腸, 但今次太少人, 試唔到. 好明顯唔夠人做野, 所以攞乜都好自助下.

本身去過兩次,第一次係男朋友屋企人帶我去既。叫左一個清底同一個沙嗲底,男朋友媽咪話個湯好正,不左d叫我試下,本來見到個環境咁樣真係有d食唔落,不過長輩叫到唔通say no咩...就飲左一啖,當堂第個諗法,因為佢個湯真係好清甜好正,個沙嗲底極為之concertrate又好香.叫左既野都係離不開食開果d,不過豬心真係第一次食。佢切得好薄,一淥就好快食得,好爽口又新鮮,正!!雖然個價錢唔算係好平,不過淨係佢d湯底已經值回票價,加上d食物又新鮮,所以我覺得係抵食。下次要試既係麻辣湯,因為見到第台果鍋麻辣湯一隻隻辣椒o係面,好吸引xDD

(未知張相同以下形容, 會否引起個別關注健康人士不安, 請留意.)天氣寒冷, 又係時候打邊爐, 於是約埋一眾滾友, 目標係朋友之前食過讚好既力奇火鍋. 雖然位置唔就腳, 但坐坐下幾個鋪位都爆滿, 可想而知都幾受歡迎.先黎一個蕃茄薯仔湯底, 酸酸甜甜咁, 幾好味, 用黎淥野又唔會搶晒食物既味道, 唔錯. 跟住入正題, 循例先叫個肥牛, 牛肉既油脂分佈均勻, 但肉色唔多靚, 水準比一般大路火鍋店好咁啦. 已經點左個細既, 但份量都好大, 同班蝗蟲打邊, 第一次叫碟肥牛可以食咁耐. 生蠔幾大隻, 有蠔味, 唔錯. 炸魚皮我無食, 但見佢地encore, 應該都幾好.熱過身後, 開始掃d高膽固醇食物, 拼來拼去又唔知叫左幾多round, 總之記得食左:豬潤----睇樣已知係新鮮靚貨, 稍為淥耐d都唔會變柴皮, 爽得黎有甜味.豬腰----完全無異味, 又夠厚, 出面唔係咁易食到.豬心----由於豬心本身質地較韌, 呢度就切到好薄, 見佢一熟即夾上黎, 食落有d韌勁, 質感同豬潤豬腰又有所不同.黑柏葉----平時少食呢味, 見佢係一塊塊好大既, 唔似平時果d一梳梳, 朋友話係將肚果部分切左, 食

我朋友帶我去到間鋪頭時, 我簡直唔能夠相信可以坐到我們一行十幾人, 點知原來要行後巷, 其實都嚇一跳架, 原來係去隔離鋪, 環境都好乾淨不過果日我哋等咗好耐先有得食, 因為好旺呀, 買單時我哋問咗個後生d的女仔, 點解要等咁耐, 佢話得老闆&老闆娘切野, 所以要耐d, 另外又請唔到人.... 勁say sorry咁.... 不過d野好好食, 等下都抵果日我地食咗個豬骨煲, 好抵食, 成坐山咁$110, 有d黑胡椒, 好多料, 另外仲食咗個沙爹湯, 真係好味到暈, 食完d沙爹味仲係好濃, 另外個手打墨丸, 好好味, 但我就覺得貴咗少少$52十二粒, 手切牛好新鮮, 好大碟, 不過等咗個幾鐘先有得食@_@, 希望下次可以快d就咁睇就以為好貴, 但都好大碟, 新鮮, 除開都係百零蚊, ok喎

終極纖體兄好多個月前已經問過我有關依間野，我唔好意思地因為只去過一次唔記得地址所以無答下去。上個月我終於再次去過所以一定要告知其他食友。力奇原來係的士大佬界已經薄有名氣...上的士話去果條街打邊爐原來好多的士司機都估到你係去果度!初初去到你會俾佢其貌不揚既一個好鬼細既門口嚇親："點坐咁多人呀?"之但係原來佢D枱要行後巷去既!所以其實可以坐十幾二十張枱。條後巷環境就差d但食枱ok。講番食野，火鍋店都係食果D野啦，價錢亦算一般，廿五蚊一碟起。份量同新鮮係佢強項，野食都幾大碟嫁。我喜歡佢個番茄薯仔湯底，滿滿一鍋番茄，已經可以當一碟餸咁食。佢仲有大連鮑魚俾你打火鍋，好新鮮同鮮味，不過我今次食同上次比覺得細隻左，但一樣咁好味。佢有用唔同蔬菜做墊底，所以唔一定要另外叫菜。另一樣唔太好就係如果多人幫襯佢d阿姐都唔一定應到你。相比其他火鍋店，力奇既質素算唔錯而且食料新鮮，值得一試。都估唔到係舊區中有D咁既質素既食肆嫁。經我老婆提點，原來係南非鮑魚不是大連鮑魚