力奇四季火鍋 (已結業)

湯底：豬骨湯夠濃味，有椰奶香，放滿大舊豬骨蕃茄粟米南瓜，好味，不過講真也頗單調。論價錢，百多元，雖然材料很滿，但其實只是「賺你少啲」，不算「抵」。食物：我們只有三個人，所以只叫了牛肉、脆肉鯇、蝦丸拼墨丸、娃娃菜。只有蝦丸較好吃，牛肉？對不起，催了三次都沒有來，但反正吃湯底的餸都飽了九成，算數。環境和服務：以為一切自助，但阿姐又拿來了豉油蒜頭。以為有服務，但催三次都沒有主菜－－牛肉，這頓火鍋，可謂「匪夷所思」。還有，我本人非常討厭那種光管照明（科學研究已證明光管燈會令人緊張，我不明白為何還有餐廳會使用）。總結：普普通通，只不過勝在足料。但足料根本就是餐廳應該做到的最低要求，這餐廳更忘了「服務」也是餐飲業的必備元素！我認為只有習慣了劣質快餐／連鎖食店的本地人，才會吹捧這種餐廳。單單要足料的話，自己在家開鍋也可，不必來這餐廳。

一行五男，先Call 一鍋豬骨煲 ... 但黎左一鍋什菜煲 ... 鋪滿休菜面的豬體煲 ... 可算是特色，當中有雞腳、豬腳等等 ... 賣相一般，但味道還可以 !!然後四圍望，難得發現價錢牌.... 乍看之下，打冷價錢( $78 / $40 / $28)，小菜份量，於是點了一些慣叫的食物 ...等左一陣，d 火鍋料就陸逐有來 .,... 基本上，大家也是期待那鍋豬頭骨，所以對配料無乜厚望... 但吃起配料來，卻感覺之前去開 D 任飲任食火鍋無得比 ... 基本上，酒樓用開都係急凍ge火鍋料，係呢 度食 都好新鮮... 今晚個 D 珊瑚蚌 食入口仲有陣海水味 ...起碼唔覺係急凍料 ... ( 唔知關唔關未熟事呢?)另外，魚麵都好好食 ... 四洲魚麵簡直無得比 ... 今日力奇火鍋推介：1. 珊瑚蚌：啖啖海水味 ... 彷彿未熟 ... 2. 魚麵：好有魚味 !3. 生菜：火鍋料配生菜底，生菜仲多過配料，唔駛再叫菜食 .. 4. 亞姐：好吹得水，傾多兩句魚麵都大碟 D審慎考慮之選：1. 豬肉餃：$78/12 隻 - 無咩特別，滾左十分鐘都唔熟 ... 咁就side 左一隻 ..

一行大小十一人往力奇，今天很幸運，六時四十分去到還有大桌子一張。二話不說立即自肋取各式食具，然後點菜。如果很介意沒人招呼的，千萬別來此處，真的叫天不應叫地不聞。我們可不介意，最愛阿姐不會打擾，也不趕我們離開。拿了生日蛋糕來切，也不會加收甚麼切餅費。叫了極多東西，心頭好是：鮑魚、象拔蚌：很鮮甜，雖不便宜，份量卻足。豬肝：很新鮮。美國肥牛：水準之上了。蝦丸：鮮甜魚麵：比有x氣好吃，超市買的更比不上這兒的了。蔬菜：新鮮好吃可以不再吃的：黑柏葉、鵝腸（沒味道﹚、蝦滑（不及蝦丸好吃，反正差不多，只吃一款可以了﹚、墨魚丸及滑（沒甚麼味道﹚、珊瑚蚌（沒味道﹚、豬腳筋（要煮很久﹚。補充一句，地方很簡陋，但感覺清潔。

早早已約朋友吃晚飯，經過左改右改後，終於定到今日，可惜我有點病，吃了藥神情呆滯，都不顧一切，照吃火鍋可也！六時許到達，沒有客人，相信沒有人像我們這般早吃火鍋吧，哈哈！病人最緊吃得清淡些，我選了莞茜皮蛋湯底，從未見過這麼多莞茜，好像菜湯，機乎嚇呆！價值$60當然要足料啦！美國肥牛，都很肥美，但近來我較多吃手切牛肉，再吃這種肥牛，感覺有點怪南非飽魚，沒有灼得過火，肉質很軟，十分好！蟶子王，爽口游水中蝦，鮮甜桶蠔，肥美手打墨魚滑及蝦滑，又爽又彈牙！朋友說這餐一次過能滿足我兩個願望，一是吃火鍋，二是吃海鮮！食完即刻開始多了幾聲咳，不過都是值得的，哈哈！最後一提是七點幾已經坐滿人，店內有多部電視，還有很多張大枱，適合大顆人。但沒有招呼，叫天不應叫地不聞，要自助型式，連埋單都困難，沒有人理你死活吧。

9月30日, 一行8人去左食呢度~叫左個豬骨煲~點左d生料~豬骨煲轉頭就到, ok的~但個阿姐叫我地食啦, 食得架喇...一夾舊豬骨...凍的....其他生料...等左個半鐘先唻...枱枱都係咁..佢係做完一張枱,先做另一張...我地keep住吹佢, 係咁話唻緊...我見有對情侶, 怒到取消哂d野, 食完個煲就走...好多人講d蠔好食, 冇錯係唔縮水, 不過好粉...唔好食..其他野都係一般貨式, 頗高收費...環境九流...朋友聚會, 完全傾唔到偈...臨走, 見有枱人掉轉, 唻哂d野食, 唔唻個煲...如果真係要試, 請大家叫豬骨煲, 唔係因為佢好食, 係等生料o既時間,都有野好食...

今天和男朋友阿淳一起去力奇吃火鍋之前　听他說在openrice 找到 听說不錯就去看看南非鮑魚 2只 $112小肥牛 ﹑羊肉片﹑ 魚餃﹑ 雞脾gu﹑蟹柳﹑山根﹑ 3寶丸﹑竹笙(原來感覺好怪的)﹑龍蝦丸...我們選了$60 元茜皮蛋湯底再加一瓶blue girl $21 開始有點醉了來 吃一只鮑魚 好新鮮 原只 小心用筷子一掂就會縮好有趣 元茜配鮑魚 感覺好甜 味道還可以啦

有同事介紹去力奇,於是尋日就去試下係咪真係好正,等左都幾耐,Around 一小時,坐到入去,因為2個人既關係,所以無叫豬骨煲,叫左嚴西皮旦湯底,d嚴西超多,多到好似西洋菜咁,之後叫左以下既野:1. 肥生蠔 (真係好肥美,大大隻)2. 三文魚 (三文魚一般,我食到有根,下次可以唔叫)3. 鮑魚 (大大隻,一定要食,好過癮)4. 雙拼(肥羊拼豬眼根)- 我覺得個肥牛好好食,不過都幾大碟,2個人食唔曬要打包,豬眼根一般啦,好漏)其實我地叫既野如果加個豬骨湯底我估可以夠4個人食!!不過d野食黎得好慢,令我明白點解個場都唔細但點解要等咁耐!!

We the gang united for welcoming friend 1 from singapore and wedding of friend 2 coming weekend. Our esteemed food expert (肥仔) recommended this wonderful place which his wonderful wife has tried.Agreed that this is the best hotpot extravaganza in hk. For 10 of us, each has -1 super big & fresh 鲍魚1 jumbo 聖子1 bigger-than-fist 蠔- along with all the other good stuff (beef, 蝦滑, 墨魚滑....can't name all) The most impressive, of course, is the 豬骨煲, the soup base is unbelievably sweet and all the stuff in

Everything was super good. Dont know how to write. I ordered 豬骨煲、龍躉腩、鮮鮑魚,蟶子王. All of them were super fresh. 豬骨煲 with lots of bones and veg. Not very cheap but very reasonable price. Still can say clean, but it is not hotel environment. Very local style. Need at least 6 person to go in order to try most of the good things.

第一次食呢間原來o係火鍋界有d 名氣既力奇大家都肚餓關係起勢咁order個豬骨煲真係好好味, 仲成座山咁一半係肚餓關係, 一半係真係湯底正無論係粟米/蘿白/南瓜/豬骨都好好味其他order 既火鍋配料都好新鮮炸魚皮脆加大件而唔油益味蝦滑同墨魚滑都彈牙肥牙仲要絕對唔係落湯即刻縮水總之就正....係service 差少少, 成個場咁大, d 阿姐就好少, 攪到叫極都唔應

自從上次食完力奇之後成班工友睇完我影0的相之後好大迴響，個個都話要來食﹗於是今晚一行七人浩浩蕩蕩打到黎﹗只係一個星期前食過今晚又食了﹗食物水準當然無變，都不用說太多只說一些前篇無吃過的東西﹗今次試左豬骨湯底，好貴成百五蚊，不過超級足料，0的料成坐山咁，0的豬骨雞腳多到食唔哂，湯底超甜，入面埋藏左0的入哂味既蘿蔔，由於太正個個爭來食﹗我當然食左幾舊我最鍾意既超甜粟米啦﹗再來左個象拔蚌，好新鮮呢﹗輕輕一灼入口好爽好鮮味﹗其中一個工友是蠔王，竟然唔睇價錢就叫左個大既生蠔，最後發現要180蚊。我不嗜蠔，不過佢地食完之後大讚特讚話超有驚喜，0的蠔大隻過西冷牛扒，真係可以用刀叉食，入口肥美一0的腥味都無，見佢地食完一隻話飽不過又唔捨得又再食多一隻再一隻就知有幾好食﹗大家見我上次食左鮑魚個個都話食，今次仲癲到一人叫一隻，其實鮑魚真係好漏，我覺得試下一人半隻已足夠，依然係超新鮮個個食完都話口感好過癮﹗今次仲叫左一人一隻大蟶子、蝦、炸魚皮(好大碟抵食)、蝦滑(呢個一百一十分)、墨魚滑等等等等等，總之有咩都叫哂﹗好食真係九十九分﹗不過都係無人理你，0的阿姐忙得要命，服務減一分啦﹗

我哋第一次幫襯, 加上係臨時唸起呢間, 所以唔識規矩, 其實力奇可以現場寫明茶水/壺響邊, 碗筷, 調味料係自助, 咁一開始我哋就可自己嚟,省時又唔駛麻煩d亞姐… 但叫飲品係避免唔到請佢哋出埸… 拿來時發現叫漏咗罐可樂, 叫亞姐再拎, 即刻黑面+怨言…食物質量ok啦, 沒有海鮮等貴嘢, 最貴也只點了一碟肥牛, 都平均$160/位, 佢哋唔係走抵食路綫.手打鮮魚滑，鮮蝦滑好新鮮.酸梅湯 = 糖水, 甜過可樂, 可以不點.傳統手寫單, 不列明價錢… 所以比錢時可以慳返不用對單.環境係室內大牌檔+多個flat tv, 睇奧運幾好氣氛!總結係唔會再去, 因為食得開心先係最重要!

話說昨日八號風球，無端端多左日假，左等右等下5:15先落波，唔洗返工當然要慶祝一下﹗決定相約友人去打個邊爐﹗從來都不會待薄自己，見呢排咁鬼辛苦決定食大佢﹗去左大角咀既力奇火鍋!可能八號風球岩岩落波關係，我地七點去到都無咩人﹗上網睇食評都知呢度無服務架喇﹗等左好耐先有個阿姐羅0的豉油俾我地，而0的蒜呀辣椒呀全部都係自己走出去門口羅的﹗真係無人理﹗今次點左蕃茄薯仔湯底，好多料呢﹗有我好鍾意食既粟米﹗滾左一陣倒一碗來飲﹗超清甜﹗倒牌蝦，$70，係大虎蝦來架﹗成隻手板咁長﹗仲要好生猛係咁跳﹗你地睇下幾大隻﹗打邊爐用料唔洗有咩講究，最緊要就係新鮮，呢隻蝦真係超爽超好味呢﹗唔洗蘸任何醬油已經好好味﹗墨魚滑，$75，又係要激讚﹗食落口彈牙得要命，最緊要係佢真係墨魚打，入口滿佈墨魚粒，我同工友即時想起台北太和殿的好味花枝丸呢﹗四寶丸，$70，鯪魚丸超級香﹗食到我地四個隻眼發哂光﹗跟住到呢間野必食推介............鮑魚嘩大佬鮑魚，$56一隻﹗我咁大個仔都係第一次食咁大隻鮑魚吧﹗埋到台隻野仲係咁動，好鬼生猛，當然個外觀就係核突左少少.......大家心照﹗阿姐話齋灼佢十分鐘就好食喇﹗起左個殼之後

放工去完動漫節，去到都成9點，成班好似餓鬼咁。但係去到無位，要等，但都好在都係等0左3個字就有枱，可借............等阿姐拾乾淨都等0左成半個鐘。但呢d少事都無影響我地勁食的心情，10點終於有0野食，正叫0左蕃茄湯底、粟米X1、菜X2、飽魚(1人1隻)、脆肉骨腩X2、蝦滑X1、墨魚滑X1、大肥牛X1、魚皮X1、鮮腐竹X1、豬潤X1、大啤X7、汽水X4d0野真係好鬼新鮮,真係好鬼好食，但係服務都差唔多叫無，差唔多係自助，但係d0野食已經可以勝過一切

雖然只是七月不過就係力奇打過六次邊爐 貪佢就腳而且價錢唔算太貴 而每次必食就是肥牛同鮑魚 五十幾元有咁大隻鮑魚去邊到搵不過每次去都會試吓d新嘢 今次試咗~豬心 俾我想像中好 而爽口又冇腥味同海底椰煲 味道有甜 但食完之後 喉嚨唔會乾同感覺冇咁燥不過服務始終有待改善 如果遲過七點入坐 剩係等湯底都有排等而且飲品就永遠都唔夠凍 有時情願去對面馬路買