影片
更多
2005-12-20
19 瀏覽
(未知張相同以下形容, 會否引起個別關注健康人士不安, 請留意.)天氣寒冷, 又係時候打邊爐, 於是約埋一眾滾友, 目標係朋友之前食過讚好既力奇火鍋. 雖然位置唔就腳, 但坐坐下幾個鋪位都爆滿, 可想而知都幾受歡迎.先黎一個蕃茄薯仔湯底, 酸酸甜甜咁, 幾好味, 用黎淥野又唔會搶晒食物既味道, 唔錯. 跟住入正題, 循例先叫個肥牛, 牛肉既油脂分佈均勻, 但肉色唔多靚, 水準比一般大路火鍋店好咁啦. 已經點左個細既, 但份量都好大, 同班蝗蟲打邊, 第一次叫碟肥牛可以食咁耐. 生蠔幾大隻, 有蠔味, 唔錯. 炸魚皮我無食, 但見佢地encore, 應該都幾好.熱過身後, 開始掃d高膽固醇食物, 拼來拼去又唔知叫左幾多round, 總之記得食左:豬潤----睇樣已知係新鮮靚貨, 稍為淥耐d都唔會變柴皮, 爽得黎有甜味.豬腰----完全無異味, 又夠厚, 出面唔係咁易食到.豬心----由於豬心本身質地較韌, 呢度就切到好薄, 見佢一熟即夾上黎, 食落有d韌勁, 質感同豬潤豬腰又有所不同.黑柏葉----平時少食呢味, 見佢係一塊塊好大既, 唔似平時果d一梳梳, 朋友話係將肚果部分切左, 食
天氣寒冷, 又係時候打邊爐, 於是約埋一眾滾友, 目標係朋友之前食過讚好既力奇火鍋. 雖然位置唔就腳, 但坐坐下幾個鋪位都爆滿, 可想而知都幾受歡迎.
先黎一個蕃茄薯仔湯底, 酸酸甜甜咁, 幾好味, 用黎淥野又唔會搶晒食物既味道, 唔錯.
跟住入正題, 循例先叫個肥牛, 牛肉既油脂分佈均勻, 但肉色唔多靚, 水準比一般大路火鍋店好咁啦. 已經點左個細既, 但份量都好大, 同班蝗蟲打邊, 第一次叫碟肥牛可以食咁耐. 生蠔幾大隻, 有蠔味, 唔錯. 炸魚皮我無食, 但見佢地encore, 應該都幾好.
熱過身後, 開始掃d高膽固醇食物, 拼來拼去又唔知叫左幾多round, 總之記得食左:
豬潤----睇樣已知係新鮮靚貨, 稍為淥耐d都唔會變柴皮, 爽得黎有甜味.
豬腰----完全無異味, 又夠厚, 出面唔係咁易食到.
豬心----由於豬心本身質地較韌, 呢度就切到好薄, 見佢一熟即夾上黎, 食落有d韌勁, 質感同豬潤豬腰又有所不同.
黑柏葉----平時少食呢味, 見佢係一塊塊好大既, 唔似平時果d一梳梳, 朋友話係將肚果部分切左, 食落更爽咁話.
雞雜----竟然有呢味賣, 唔好諗, 即叫. 岩岩灼熟既雞肝, 真係人間美味, 我等膽固醇怪獸豈會放過?
魚腸----嘿嘿, 呢樣係我既至愛, 呢度整得好好, 雖然賣相依然非常核突, 但淥熟左之後, 魚肝極鮮嫩, 完全無腥味(我本身都係好怕魚腥之人). 但強烈建議留響最後先淥, 皆因魚腸基本上係一團油包著, 淥完之後鍋湯唔駛旨意飲.
鵝腸----我無食, 據報係新鮮貨色, 所以都好好味. 同魚腸一樣, 極多肥油, 建議留響最後先淥.
雙滑----即墨魚滑同蝦滑, 搓成丸狀, 兩者都極彈牙鮮美, 蝦滑有成隻蝦響入面添~~
水餃----初時都無諗住食, 原來餡料有極多木耳, 爽口又無咁漏.
鯇魚片----都唔錯.
魚腐----呢樣唔掂, 行貨野.
菜就唔少得, 無乜特別意見. 仲有魚皮餃同蟹柳, 不過我都無食. 連啤酒汽水, 埋單位位$140.
總括黎講, 價錢唔算平, 但食物好新鮮, 值回票價. 諗諗下呢餐飯都幾恐佈, 成檯人都唔知食左幾多膽固醇落肚, 仲唔係集體慢性自殺?
要留意既係環境可以用頗差黎形容, 鋪頭地面好濕滑, 鋪外通道更加污糟, 要幫趁的話, 請有心理準備.
張貼
