力奇四季火鍋 (已結業)

久聞力奇大名奈何一直無機會試今次隨舊同學帶領下一行9人諗住好好享受一餐但係似乎我o既期望太高而佢亦過譽喇以下言論只代表我一個人o既立場與我o既一眾同學無關9個人turn out叫得兩碟牛首先牛味唔夠其次肉質粗鞋再者份量唔多而我敢講我地全晚叫得最貴已經係兩碟牛根本無食過咩值錢o野但係埋單竟然人均$150我覺得係一個非常非常唔合理o既價錢而且佢牛o既質同量我都覺得唔值我去到其他店價錢幾乎一樣一碟$168大碟過佢兼好食過佢服務同環境就更加係拎黎比較都o徙氣所以總結係咁o既價錢食D咁o既o野真係完全唔值貴少少甚至同樣價錢我敢講我響佐敦o個頭食得好過呢度好多我應該唔會再番去喇

我在晚上6時15分已到了力奇火鍋，似乎沒有負責人，以及工成人員，我只見有很多人自己倒水， 攞醬油等。是日吃飯的主題是慶祝六月份生日的朋友。:我們湯底叫了豬骨煲內有大大塊豬骨， 粟米，雞腳， 蕃茄，蓮藕，蘿蔔等，而湯底是奶白色，另外一個是蕃茄薯仔湯底。肉類方面，叫了一碟機切肥牛，本地肥牛。海鮮方面，叫了脆肉鯇， 白鱔，魚腩，鮮尤。丸類方面，叫了必食新鮮墨魚滑，手打鮮蝦丸。蔬菜類方面，叫了西洋菜，生菜。其他方面，叫了炸魚皮，很脆沒有油益味，鵝腸， 魚鮫，水餃。d碟放滿全張檯雖然這裏設有訂檯，但入到來是沒有人招呼，根本就是見檯就坐便可以了。因為根本是沒有人會理會你的， 全過程都係自助的。從開茶， 取碗筷,取火鍋調味料, 到火鍋湯底沒有湯全部都是自助形式的，有幾次有其他食客誤會我是這裏的工作人員。材料方面非常新鮮，而且份量很大。

上個月朋友生日已經想去力奇打邊爐! 6月9日滿心歡喜去到撞正連休兩日...今日朋友好想食就去多次啦~ 兩個人10點去到一坐底當然研究下價錢先啦!比起食開良記同骨煲皇佢d價錢真係幾貴! 不過望下隔離d野食好大碟下~先叫蕃茄薯仔湯底 $60~ 超多蕃茄~ 粟米係甜~ 係薯仔得一隻小d!菜肉餃拼粟米豬肉餃 $50 粟米豬肉餃大家一致推介~ 兩樣都ok!雙滑-蝦滑同墨魚滑-$70 蝦滑好食好多!! 鮮味彈牙蝦爽~ 墨魚滑就無咩味~貴花蚌$78好大碟~ 我好鐘意食雖然覺得貴都叫左~ 爽就夠爽不過唔夠稻香鮮甜!朋友叫左...皇帝菜...我自己唔鐘意食!! 應該成$48咖...新鮮南非鮑魚~ $56一隻切片有五塊~ 滾兩下就要食啦~ 唔係d鮑魚味無咁出~ 又淋又好食!! 一定要試我仲叫左竹笙同三文魚腩...好彩佢無晒...無來...~唔係真係食唔晒!仲有叫左一渣雪梨水$40~ 埋單 $400 算唔太貴啦~ 仲有好多野見人地食好想食...不過得兩個人唔食得太多!! 力奇食得過咖~

昨天晚上約5時30分到達剛剛開始營業, 仲要等金毛 skinhead 的哥哥仔拉閘, 仲笑問我地又無咁早就來吃火鍋 , 我地梗係用讚美的語句回答佢 : 你地火鍋咁好味梗係要早d來驚無位麻... 今個夏天第一次吃火鍋, 在剛過去的冬天巳經吃了數次, 好味同埋我實會推介比朋友一定要去試下, 所以今次一行7個人(7 公主)可以食得豐富d.我地無訂位, 咁早到梗唔洗啦, 但係約7點鐘咁上下, 兩邊都全院滿座, 我地8點幾走時仲要等枱, 真係幾時都咁多人.同樣地叫了豬骨煲湯底 $150(其實我來了數次也是點這一款, 要人多才可以食到, ), 同樣地好多料 (嚇親了第一次來食的朋友), 同樣地好好味,同樣地食完唔會口渴, 另名再叫了幾款食物, 評論如下 :墨魚滑 - 水準下降了, 無咩墨魚味同埋有d鬆散, 可以試下無妨蝦滑 - 好好味, 好有蝦味, 保持水準, 一定要叫 鵝腸 - 質量有點變了, 唔夠肥美, 有d腥味, 我下次不會試,炸魚皮 - 好好味, 夠新鮮, 一定要叫粟米豬肉餃拼魚餃 - 好好味, 夠新鮮, 一定要叫, 雖然魚餃唔係自己包, 但都好味半條脆肉鯇 - 好新鮮, 唔腥仲好足秤,

4.5.2008 星期日照完腸後的星期日,肥豬話請我去金船長食野,可惜沒有book位,去到說要等一個幾鐘...我地晌附近hea左陣,最後都係決定唔等lu。晌hea的期間就發現到這間力奇,肥豬就梗係想去喇,因為佢最鍾意打邊爐嘛。咁我見都唔知食乜好,哩間力奇的格局又幾得意又有咁多人食緊,應該都ok啦,所以就齊齊打邊爐lu。睇睇餐牌,哩度唔係任食的,逐碟計,都幾貴啊...我地叫左:1.蕃茄薯仔湯底--嘩,大煲到呢...未試過打邊爐個湯底都咁多料!! 滾到最後d蕃茄溶晒,正呀!不過薯仔得兩大舊...少左d喎?!?! 湯底o既粟米都好好味,好甜呢!2.肥牛(細)--我覺得麻麻,有點難咬,而且肉味唔太濃3.墨魚滑--好味~~十分之新鮮4.脆肉鯇--唔係我點,我唔食魚o既,所以無意見,不過肥豬食晒,應該好味la5.粟米豬肉餃拼雲吞--正~~大大隻好足料,d粟米又甜~~!!咁就已經三百二十幾蚊啦~~~好貴呀!!不過材料又的確係新鮮兼足料!!! 偶爾豪下都唔緊要啦,係咪呀肥豬?服務還可以啦,大家都比較忙,有時叫一大輪都無人理~(又係之後上openrice睇,力奇原來咁出名架,我地真係孤陋寡聞呀~)

上個星期同男朋友一齊去打邊爐，大約7點去到已 經有好多人，我們叫左蕃茄薯仔同沙爹湯底，蕃茄湯底比上次的無咁甜，但都不過不失。之後我地叫左一碟機切肥牛(中)$158，雖然份量多，但無之前咁好味，其次我地叫左鵝腸併黑柏葉、炸魚片併豬潤、蝦滑、檸檬薏米水等等，這裡鵝腸係我食過最好味的，其實本人都唔係咁鍾意食內臟，但都比這裡鵝腸同豬潤吸引，其次蝦滑係必食推介，因為佢ga蝦滑係有好多蝦仁係度，可以知道係真材實料。不過今次最失望ga係佢ga魚片超唔好食仲有陣味...........應該係油膩味又用陳年老油炸...........總括來說火鍋料新鮮又好味，我會再去的!!!哈!!

今日放假倆口子周圍蕩西九龍，中午醫肚選了神厨館，下午茶去中國冰室，晚上去了力奇打邊爐來到尾站力奇火鍋，六點半鐘到達，因為很早所以得兩檯人叫既野亦很快到蕃茄薯仔併沙爹湯底＄60﹣呢度既沙爹非常好味，很香，而蕃茄薯仔依舊好味檸檬薏米水＄40﹣酸酸的，有點過濃鵝腸併魚腸＄48﹣魚腸超肥，放左兩舊之後可以係湯度撈起返五碗魚油，不過魚腸幾好味，如果係唔怕魚腥的話，鵝腸是鮮腸，不會像咬不斷的橡筋蝦滑併墨魚滑＄70﹣最好味係呢個，有啖啖的蝦肉，正雪花肥牛細＄98﹣女友很喜愛，份量亦不少鮑魚切片＄52﹣過下口癮，之前食成隻，今次切片，好似成隻放落去會過癮d，同埋切左片好似細隻左，女友講笑會唔會幾碟都收埋左一片加加埋埋又可以賣多碟白鱔例＄45﹣份量多過之前食，所以覺得今次很抵食，大大塊埋單＄413，喝了很多湯，雖然會很熱氣，但真是很吸引P.S.多謝之前open rice張Rambo飛，諗住填埋個資料都無所謂啦，無想過會真係飛寄黎，很surprise，really THANKS

人人話黎力奇都一定要試鮑魚，我同班friend當然唔執輸啦!!每人一隻，見到佢地郁郁吓，真係有d唔忍心食，下次都係唔叫啦~~~~同埋叫佢地既牛肉同脆肉鯇一定要中size同半條，如果叫了小一個size便差得遠了!!!!同埋盡量7點前去到同叫埋野.....因為人一多，d阿姐根本招呼唔到你。仲有記得最好唔好叫蕃茄薯仔湯底，因為食食吓便痴底了，真係好掃興。不過一定要講係間舖頭有人食煙而d阿姐又唔理，攪到我地一路食一路咳.......有窒息的感覺。必試食物: 魚肚(吸晒d湯、勁正)、脆肉鯇(好新鮮)、葯材湯底(好濃味、好甜)、蝦丸(勁彈牙)

是日又有打邊爐的興致, 好啦, 雖然已八點, 未必有位, 但都試下啦.嘩, 今次真係皇恩浩蕩, 竟然有吉枱, 二話不說. 我去拿枱, 妹妹一個箭步衝去取茶和湯... 無錯, 呢度成日制手架, 所以要預備下.跟手點咗個肥牛和豬骨煲, 上次無試, 但見枱枱都食, 今次梗係要試啦! 肥牛要等好耐嘛, 所以都要order 定先.跟住再點咗墨魚/蝦滑, 照舊好味, 好新鮮, 足料. 鱔片, 鮮腐竹, 炸魚皮, 粟米豬肉餃, 魚皮餃, 羊肉片, 豬柳片. 所有食物都很新鮮, 羊肉片一點都不羶, 好嫩. 肥牛, 唔使講, 正呀! 雖然有幾多肥的部份, 但又不覺肥膩. 至於個豬骨湯, 真係好掂. 我們要先取先鍋中大部份的湯料先可打邊爐, 包括大舊豬骨, 粟米, 雞腳, 蕃茄, 蓮藕, 蘿蔔...有二大碟. 其中雞腳好入味, 正! 而湯也很creamy, 奶白色, 好有味. 把肥牛放下後, 覺得牛肉特別鮮甜...如果唔係咁飽, 我一定要個烏冬. 都係下次先啦...

試過之後,覺得D款式無乜特別,得三四個湯底可以選擇,食物質素麻麻地,牛肉好硬,D餃沙沙地,個沙爹湯有陣怪味,得個樣大,並唔好食,但仲要幾貴! 如果好食收貴D都話無所謂, 最唔抵既係....唔好食要收咁貴, 而且D食好似唔係咁乾淨, 因為我見到佢個魚缸好污糟, 加上佢無得比人睇賬單, 實質都唔知佢有無收多人錢!

其實係力奇還未當紅時, 我已經係佢既fans, 食物新鮮同價錢又合理. 今時今日,不論地方同價錢都變晒, 地方變得"企理"好多,但係價錢就貴d啦!就以鮑魚為例, 以前食好耐都係$38, 但係而家就要$52啦! 不過雖然係變, 但係仍然食得過, 因為佢有好多食物比係出面食既有特色, 比如呢度有魚腸,魚腸係出面好少有得食架啦, 另外又有鵝腸, 佢d 鵝腸並不是黃"金金"種發水鵝腸, 而係新鮮既啡啡地色種!仲有值得要叫黎食既呢, 就係魚肚, 嘩.. 簡真係有用綿花"索"水既效果,好味道呢~.. 自已試下啦另外仲有要叫沙爹湯, 唔洗叫咩豬骨呀番茄呀, 一定要叫沙爹湯就ok 晒, 因為力奇既沙爹湯係加蝦頭醬,好野味!要彈既當然有啦, 酸梅湯!! $40, 又濃又甜.. 過晒種, 加2 jar 冰都未溝得淡!!要改下大致黎講我覺貴1-2成左右, 最貴d 我就唔會山長水遠行俾去大角咀食架啦力奇, 你好自為之啦!

身邊很多朋友到過力奇的都說非常好吃，不但食物新鮮，價錢又不算太貴，而且環境衛生都幾OK，不過唯一就是要等太久了，門口總是企滿等位的人，搞到水洩不通。雖然如此，前陣子終於去到這間傳說中的力奇，由於一早於前一天已親身定位，所以一去到就已經有位子，不過一定要於6:45前到達，否則不知要等多久。打邊爐永遠都是人多最好，因為可以試多幾樣不同的款式。當晚十多人柴哇哇叫了無數咁多款食物，雖然最終都能完全消化所有食物，不過實在太飽了。食物當中最回味的有以下數款1. 鮑魚- HK$52/隻(新鮮、有口感、放上枱時隻鮑魚都重郁)2. 牛肉- 有大中小之分(不太薄不太厚，有口感，份量與價錢成正比)但唯一最差的就是服務佰多人鋪只有數位阿姐招呼..不過都不算是招呼了因為除了一入門口以外基本上就唔會有人招呼你落單就最好自已去落單部如果唔係都唔知幾時先有嘢食

2月18日晚同三位女性朋友到此打邊爐，同兩年前我黎個次比較，量及質素真係下降不少，以前叫碟大肥牛成座山咁，而家比人剷平左！可能出左名多人幫襯做唔切。可以叫既打邊爐材料真係好大路，無乜特別野。!.番茄薯仔湯底。2.豬腰拼豬潤。3.桶蠔(細)。4.肥牛(大)(一般雪藏美國肥牛)。5.西洋菜。6.鱔片。7.雞腸。8.象拔蚌(例)($138)(呢個中計，唔新鮮及份量好少)。9.6支藍妹，一鑵Cole-coke。埋單$74x。由於係22:30後到，咁既價錢不如比多少少$到高流灣，起碼多D野叫(無咁大路野)，新鮮D。講到招呼，真係無，後叫碟西洋菜追阿姐解咁耐未到？阿姐可以問返我，(係喎！解仲未到既？)。你話死唔死！

多年捧場火鍋店, 平靚正係力奇代名詞佢情況唔同金船長, 平有平食只要新鮮種類多就OK. 有冇服務環境係其次風味大曬!新鮮行頭, 鮑魚, 蝦/墨魚挖, OK. 大魚尖更必食! 蕃茄薯仔湯厎好過沙爹.總結: 1. 呢個價位可以話食物整體水準係以上, 服務冇要求就OK.2. 一大班friend厎打邊爐無拘束歡聚好選擇, 要早先位.

咁凍食o麥好? 打邊爐最好!!!力奇每晚都人山人海, 再加上咁鬼凍, 所以一定要早去搵位. 如果唔係真要係街到等位食風!!!見到佢地貼左張紙出o黎寫住:2月1日至12號放農曆年假, 年初七先開, 所以佢地明天開始休假啦!昨晚7人食左2個鍋沙嗲鍋+ 蕃茄薯仔湯底手切牛x 2美國肥牛拳頭咁大隻的蠔鮑魚鮮蝦雞腸黑柏葉魚鮫必食的手打鮮蝦丸脆肉鯇魚片豬肉栗米餃食物雖然等o左好耐, 但d食物真係好新鮮, 一家人過了一個好溫飽的晚上.