力奇四季火鍋 (已結業)

今期流行並非椎名林擒,而是力奇火鍋.時為晚秋,眾人亦開始同打邊爐做朋友.公關姐姐提議之下,秋季火窩第一擊,在力奇開始.雖然早一星期前已親身來訂位,店方要求就算訂了位,也要早些前來霸定位,以免人多之關係向隅.心想有無咁_巴閉?)事前已聽聞過有關此店的好評,C小姐身為常客,說這店是"超必",種種原因加埋,未出發,已有期望.踏正時辰到步,不出店方所料,真係很爆場.店內很光猛,一個舖位過,沒有任何間格,有點如身在飯堂吃大鑊飯之味道.身處大角咀地檔,很難與其他連鎖店比較,食客可說是三教九流.坐在我們後面的,又猜枚又玩骰盅,很嘈吵.點菜之重任不敢當,只強烈要求鮑魚.其他的,任由喬治兄同公關姐姐擔當吧.沒有人不吃牛,一窩過要個鴛鴦湯底,一邊為番茄薯仔粟米,一邊為沙爹湯底,無須多講,兩者當然大不同.這店的沙爹湯底,味道濃厚,隔離的番茄薯仔粟米湯,也夠鮮甜.先上炸魚皮,幾香脆,個人在打邊爐當中甚少點此味,當前菜吃也可.墨魚滑也過得去,豬潤片得薄薄,灼熟之後入口爽脆,鵝腸就不夠肥.珍寶蠔眼看肥美,灼一會之後,只是收縮少少,吃落仍感到Juicy,不過就蠔味不算很濃.打邊爐怎能沒有牛?來個本地手切牛.切得幾厚

是晚幾個人來這裡，吃了不少的食物，可以說，好吃的都吃勻，一句講晒，實在是高水準！在車房拉閘的年代來過一次，原來這裡已裝修得光猛闊落，還有大電視在播劇集，環境似不錯。先點窩底，經高人指點，要了沙爹及薯仔蕃茄湯雙併。本來對沙爹湯底全無好感，但這裡的做得不差，用來滾各式配料味道都好味，值得一試。仗著人多，什麼想吃的也要來試試。海鮮類方面，最出色當選一味鮮鮑魚。鮑魚是新鮮得不得了，件頭夠大，估計最少也是「四頭」。連殼下窩淥十分鐘左右，肉質鮮甜彈牙，人間珍味。雖然索價四十多元一隻，但絕對物有所值。我笑說，其實什麼海鮮也不用吃，一人吃三隻鮮鮑，又豪華又滿足！也要了象拔蚌，只需放下湯窩略略灼一下，新鮮爽甜，也是必一試；珠玉在前，蟶子就給比了下去，但其實雖然，是不錯的；蝦丸及墨魚丸雙併，是實上，也很久沒有吃到這樣「老實」的丸了，蝦及墨魚的成份都很高，彈牙可口，如果不是因為是晚食物眾多，必定起碼追加兩轉！桶蠔大大隻，雖然味道好，但太頂胃，吃一隻已夠皮；肉類方面，手切肥牛絕對是首選。雖然是切得平滑，似機切多過手切，但肉質嫩滑，肥油亦甘美，是好貨色；羊肉則刨得太薄，失略食趣。肉質可算是軟滑羶香，是不錯的；雞

以這類型的火鍋店, 環境都算不太差. 燈光夠猛, 地方都算清潔. 服務就當然像典型的大排檔, 愛理不理那一種. 一切加茶加湯自己攪掂.蕃茄湯及豬骨湯底. 個豬骨湯有南瓜, 蕃茄, 好多豬骨, 料足好好味. 大部份食品都好好, 尤其鵝腸好肥, 一定要試. 蝦滑魚滑都唔錯, 夠新鮮.

夜晚朋友仔既同事邀請黎打邊爐因為食左晚飯只係樣樣試左少少三文魚刺身新鮮象拔蚌好彈牙鮮甜鮑魚一隻都幫你切成一片片薄薄地有趙口得黎唔韌生蝦新鮮到隔左大半個鐘d足仲郁郁下墨魚丸幾香墨魚味生菜新鮮鮮甜至正都係個蕃茄煱底材料多到一拎上檯係一座小山服務就差d等好耐先有人理你

地方污糟, 服務態度差, 又要等等等等....食物新鮮好味都係假, 而且全場又多人食煙, 絕對不適合斯文愛清潔衛生一族.

去得力奇食, 就一定要食豬骨煲啦..因為今次我一家人四個去, 所以唔係食到太多野. 佢個價錢就唔可以叫平, 但係佢地食物既質素我覺得就一定高過個價錢. 因為係無加一, 無下欄, 即係食幾多比幾多, 都叫ok 啦. 不過都係一樣野啦, 食咁多次都係, 去食就唔好諗住有服務啦, 拎筷子, 豉油自己黎啦.. (可以既話比我自己去拎食物仲好呀...). 上次去完之後都好耐無去食, 今次去到見到佢有新鋪位, 光鮮左乾淨左好多.我今次四個人食左好少野:豬骨煲$130 (一定要食, 唔再多講)鮑魚$48一隻(一定要食, 好新鮮, 拎到上枱仲識郁, 煮15-20分鐘, 一d都唔韌, 好鮮甜)海中蝦$68 例(好新鮮)鵝腸$35 (夠肥)

已經一年沒有幫襯力奇火煱了心裡都擔心她的水準....好好彩!還是很好食..當然, 環境還是很"地道",姐姐們的服務態度都是一貫自我風格,一行7人,其中五位是第一次來的, 都很滿意!

樣樣都好味, 不過一定要食gei就係蝦同新鮮鮑魚...

次次打邊爐定必去大角咀!今次就去力奇, 都幫襯左幾次la! 次次都咁多人, 冇諗過今次咁多....好彩2個人好快有位!鮮牛肉: 次次黎都食, 下次都係叫返肥牛, 因為太多筋...不過都幾新鮮雙滑, 蝦加墨魚: 最正就係個滑! 次次都食, 好新鮮! 好食過出面個d!桂花蛑: 好爽口, 又新鮮!豬潤: 切得又薄又大片, 烚2下就食得, 好味!魚卜: 吸晒個湯既精華, 又爽口, 我鍾意!2個人食咁多野真係飽到嘔....想加埋個麵為呢餐作完美既結局都唔得....飽得太辛苦!每次個湯都係嗌蕃茄, 夠足料! 今次坐得近廁所, d auntie等去廁所就係度研究我地食d野....仲走過黎問我個湯底點叫....台台都叫既蕃茄湯底, 你竟然問我點叫...有一刻真係dead air左...老闆娘好豪氣, 又好人, d阿姐既態度就麻麻, 叫佢拎野唔應左你但唔會拎比你! 不過有2個阿姐就好好人, 睇你好唔好彩! 埋單就勁慢, 慢到忍唔住出去搵比錢! 埋單$3xx溫馨提示: 黎之前最好訂位

如果人數少要早少少去，因為細枱好少。服務相當差，埋單要成20分鐘以上才搞掂。此店勝在食物新鮮，而且份量多。推介有：豬骨湯底味道好濃，生蠔大大隻有口感，肥牛好滑不是一般的肥牛。

叫了蕃茄薯仔湯，發現湯中有芹菜，本人不食，叫伙計幫手取出，他一手（真的用手）拿，手指還浸到湯中，立即叫停他，他就放回手中的芹菜回湯中，跟他說，他還理直氣壯說湯還未滾，有什麼問題．上食物時，伙伴不小心弄跌了落地，就在腳傍，都唔寄望他會給回，但最神奇是他好像沒事發生一樣，沒有掃走，要待我再叫他清理才掃走．服務態度真是一絕．食物普通，蝦好新鮮，但手切肥牛唔得，跟街市買來抄的牛肉沒分別，失望．其他食物不過不失，總結，名大於實．環境一如其他食評，不是太清潔和有如嘈，不過已是意料中事．

本來諗住同M小姐和朋友M係維景飲完野後就係附近食飯, 但忽然間心血來潮想打下邊爐, 係窩打老道個頭又唔覺有, M小姐之前食過呢間覺唔錯, 就係咁打的過去雖然去之前打左電話來訂檯, 但去到係無人招呼, 要自己入去搵檯坐. 人手好明顯唔夠, 落單...等, 豬骨煲...等, 火鍋料...等, 啤酒...等, 除左埋單最快, 不過雖然係咁, 但D阿姐服務都叫唔錯豬骨煲- 真係好大煲, 要另外拎兩隻碟來裝住D料先, 豬骨係筒骨, 骨髓好腍, 真係好耐都無食過. 雞腳都有好幾隻, 放一陣腍身食好正, 蘿蔔吸左湯既精華好鮮甜, 另外仲有絲瓜, 粟米, 馬蹄, 蕃茄, 南瓜配料, 材料豐富. 最後要提就係個湯, 好濃豬骨味, 仲加左大量黑椒碎, 越滾越辣真係越食越滋味, 未試過打邊爐唔點豉油, 但今次真係唔駛雞子- M小姐之前食過唔係咁新鮮所以唔係好推介, 但係佢反對聲之下都叫左, 雞子算飽滿, 但鮮味唔夠生蠔- 好大隻, 咬開好鮮蠔味, 正機切肥牛- 好多雪花紋, 滾到半熟入口有即溶口感, 不過呢碟野係臨食完先到, 已經好飽所以雖然好正但都有剩每碟都有菜墊底, 所以唔駛專登叫加三支藍妹同一罐可樂埋

四面白牆服務又差可惜食物新鮮單拼$35 雙拼$48 另設單拼$24 雙拼$3x推介:沙dad湯底:夠濃夠甜 豬骨湯底:夠多料 鵝腸:肥美而鮮甜$35 肥牛小:$88我自小呀yee就同我黎,很好味,我成日都黎,好掛住佢d野食,黎過幾十次,佢地d店開完一間又一間,現在己擴張至5間,不過多數唔開前門,係後面入去,小心地滑,招牌不起眼,但一問人就知邊度!!

一年前來過，已經印象深刻。之後試過其他，都及不上力奇！我強烈推介豬骨煲！豬骨湯底一流，湯底鮮甜，勁大煲，堆到成座山咁高，所有料都好入味。只要你試過一次一定很難忘。另外其他海鮮都好新鮮，而且碟頭大，好抵！依度ｄ肥牛好正，喜歡食牛的一定要叫～隆重登場係新鮮鮑魚仔，原隻放入湯中煮，２０分鐘上碟，吸收左湯底精華，好鮮味！一隻都只係四十幾蚊，好抵。一人一隻，好開心。雖然環境睇落好差，服務都唔太好，叫極都唔ｏ黎，但係食物真係超美味！建議晚上７點鐘ｏ黎食，剛開門，有求必應，上菜都快ｄ。埋單叫埋鮑魚都係$110，可想而知有幾平！

2007年3月16日，我們一行10人去了大角咀的"力奇四季火鍋"，價錢平，味道好，有機會下次會再來！白鱔好新鮮！姍瑚X好正呀！超大隻生豪！手切牛肉呀！一定要食！羊肉都幾好，唔太騷！更多相片請參考：http://hk.myblog.yahoo.com/samuel-cheung/article?mid=1349&fid=21