劉森記麵家 (桂林街)

營業中

休息中

今日第二次去劉森記食，又係lunch，又係蝦子雲吞撈，又係唔好食。第一次去完，覺得好普通，今日落開黃金，諗住比多次機會佢..... 點知......老實講，蝦子唔香，麵唔彈牙，雲吞普通，以$28蚊黎諗，唔係話貴，亦都唔平。今次仲要唔好采坐左係風扇下面，個麵食到第三口已經凍晒。個腐乳通菜 無記錯好似係$10，以呢個價錢黎講，就算係抵食..真係無法想像呢度出名蝦子麵，澳門求其一間都好過佢，本地亦有好多更好的選擇.....公平d講唔係難食，不過點都唔可以歸類做好食囉..........街坊行過填肚OK，特登去就免了。

吃過土瓜灣麵麵棧, 見識過劉森記精製的麵如何出色, 還是應該親身去劉森記吃一次, 看看兩代人所炮製的麵食有何分別。劉森記在深水埗有兩間店, 我去這間, 很小, 小到近乎轉身都會碰到其他食客的地步。而夥計的質素, 也跟麵的質素成了反比。當然, 我不是去五星級酒店, 服務環境是次要得很的事。也是吃撈麵, 和麵麵棧幾乎同出一徹, 看來不但麵本身出自同一人之手去造, 在處理麵的程序上都是出自同宗, 濕度也不會相差太遠。炸醬倒是普通吧, 不過也不致拖累整體的水平。還叫了一碟菜心和汽水, 如果有心挑剔的人, 會去談它們, 所以我不說了。結論是想吃沒有梘水味的麵, 原來還有多個選擇, 只要你不嫌迫和要等位, 劉森記的水準和價錢, 都是吃得過的。

一路都想黎試下今日終於黎左試好多人叫左蝦子撈麵, 淨雲吞不外如是, 可以話廢廢地蔡瀾都係無料到既d野真係唔好食以後唔會去了$41埋單

來這兒吃蝦籽撈麵好幾次了，有次專程入元朗試吃有名老店既蝦籽撈麵和人氣十足的牛腩麵店，結果就係都係呢間啱我口味多啲牛筋腩蝦籽撈粗麵28元：店鋪很慷慨，蝦籽下得不少，牛筋腩火侯不錯，炆得夠腍身外，個腩汁亦香濃冶味，加上爽口彈牙、沒有濃烈鹼水的竹昇麵，配合埋咸香的蝦籽，成碟食物真係好好味水餃蝦籽撈幼麵28元：麵質同粗麵同樣咁好，分撰粗麵和幼麵，只是想有不同口感，多點兒撰擇而已，至於水餃方面，皮薄餡飽滿，內裏鮮蝦頗鮮甜彈牙，配合埋筍絲和木耳絲，尚算爽口好味，主角都係蝦籽撈麵，好好食食完撈麵，再進食幾粒免費任食的開胃爽脆酸蘿蔔，好滿足

夏日炎炎,一心出深水步搵d mp3行左陣已經頂唔係幾順,所以都係搵食先。天口咁興,仲要排曬隊食野....唔好啦掛..........見到劉森記,我同女朋友未食過,就同佢去食下先。見到佢出名蝦子撈麵,就叫兩客試一次,一客雲吞蝦子撈麵,另一客就係黑柏葉蝦子撈麵雲吞蝦子撈麵食落麵爽,無咩硯水味;雲吞蝦爽,但略為豬肉味欠奉。主角蝦子我只係食到咸味....完全唔知自己有食到蝦子有無攪錯呀.......咸到死不過好在佢個湯夠掂,大地魚湯,有蝦味,落足料黑柏葉蝦子撈麵同上,只係差在黑柏葉夠爽口,"點"埋辣椒豉油好似打邊爐咁,反而我覺得普通野唔太特別希望下次再黎試下水餃同豬手

以前未到此區工作，間中都會特意來覓食，雖然食肆林立，但左挑右揀之後，大多都會到劉森記，實在太鍾意它的蝦子撈麵。今次自己來食午飯，店內人不多，我點了水餃蝦子撈麵。水餃只有兩隻，但皮薄餡靚，蝦不會「梅」，筍絲和雲耳絲都爽口；此店聞名的竹昇麵不用我多講，仍舊沒有鹼水味，但是次的麵沒以往的美味，輕微有點過腍了；蝦子撒得滿「碟」皆是，很有滿足感。除了麵食，我亦很喜愛店內提供的酸蘿蔔，醃得出色，食完開胃得很，作為餐前小點實在很棒~簡單而滿足的一餐，如非腳程遠了點，一定每星期都會來幫襯。^^

今日LUNCH黎食，好耐冇食劉森記喇～1:30PM...今次只係等5分鐘，算係咁架喇云吞牛筋蝦子撈，仲係好好食！特別係個云吞囉！牛筋都好"林"好入味架麵又唔會硬！不過SERVICE真係麻，我坐正個爐後面，個阿姐一次過倒Ｄ瓷羹出黎，大聲到我同我個FRIEND就黎DEAF!! SERVICE好D一定仲旺D！

上一次到了劉森記新店,吃到了非平時水準的撈麵,結果遺憾離去今天經過了舊店才想起了上次的遺憾......跟門口的招牌貓"豆豆"玩了一會兒後便進去來個晚飯了今次就要了水餃豬手麵水餃豬手麵＄22熱烘烘的麵端上來了~一看就驚喜了"怎麼多了豬手和冬菇的!?"好了,先不管這個,把碗底的麵先挑上來試試看~麵爽,呈金黃色,一貫沒有怪異的鹼水味放湯的豬手醬汁和冬菇醬汁讓湯變得更香濃水餃一貫爽滑多汁,有微微的蝦子香豬手也是彈牙,非常有嚼勁!麵底還有生菜托底呢~真細心不消十分鐘我就消滅了這個精品,捧著大腹滿足離開~果然還是要到舊店吃劉森記才能吃到水準

到過全世門最便宜的米芝蓮餐廳之後 按計劃在劉森記位於桂林街的老店坐下來速讀了一下餐牌 除了馳名的蝦子撈麵外 還提供湯麵 撈麵等等 第一次來到劉森記 不試招牌菜總有點說不過去 跟老媽討論後要了三十二元的 蝦子牛筋雲吞撈麵沒有等太久 蝦子撈麵已經被端到桌上 滿滿一碟的竹昇麵 一如其他食家所言的零鹼水味 劉森記下蝦子絕不吝惜 差不多覆蓋大半碟麵 先嚐了一口麵 麵條煮得夠爽口 吃得出粒粒蝦子 可惜蝦子丁點兒味道都沒有 令蝦子撈麵成了普通撈麵再吃牛筋 雖然對牛筋並沒有大喜好 但這裡的牛筋夠腍 膠質很重 像把口都要黏住 很捧 最後當然是雲吞 雖然只得三粒 但皮薄之餘 鮮蝦夠爽 豬肉好鮮甜 而且雲吞中還有蝦子 湯也是不可忽視的 湯底味道帶甜 非低下品級的味精湯 一流 雖然主角蝦子有點令人失望 但其他的麵 牛筋 而及雲吞都確實令人回味 足以令我為劉森記配上笑臉 不過總得找天過大海品嘗一下蝦子的味道

第一次黎吃, 見咁多人讚,但比想像中差. 間野好細, 得4,5張台, 落單個亞姐都幾好人.1.> 水餃撈蝦子麵=>麵爽,冇簡水味,好味,餃子一般2.> 牛腩牛根湯河粉 => 唔得, 牛腩唔林

見到某雜誌今期介紹蝦子麵,就心血來潮去食蝦子麵.....蝦子雲吞撈麵~好好味~不過得3粒雲吞好似唔係好抵食 $28牛腩蝦子撈~好多牛腩~都係$28一樣價錢,當然選擇牛腩蝦子撈真係好多蝦子!

出開深水埗，之前上openrice做了功課這個牛筋腩蝦子麵風評不錯，便點這個來吃牛筋腩果然夠腍夠入味，吃完就覺得份量太少啦至於蝦子麵就沒有我想像中好吃因為很多人討厭的鹼水味，正正就是我喜歡的這裡的竹昇麵去除了鹼水味，對我來說就好像食羊完全沒有羶味好像欠了什麼的，所以麵倒是吃剩了一點

劉森記新鋪, 在之前已經食過 (詳見食評 http://www.openrice.com/restaurant/commentdetail.htm?commentid=1963465), 有食友話新不如舊, 今天有空, 正好一試舊鋪坐底, 今次好好彩, 上次緣慳一面既黑柏葉今次有售, 當下不作細選, 叫了一碟蝦子薑蔥鵝腸黑柏葉撈麵蝦子撈麵依舊美味, 新鋪舊鋪分別真的不大, 竹昇麵彈牙蝦子香口, 當真是天作之合大地魚湯夠味, 而且還有蝦味, 不過齋飲可能過咸, 建議最好邊吃麵邊飲湯鵝腸黑柏葉都是無味之物, 所以店子給了一小碗辣椒豉油, 兩者都很爽口, 鵝腸不是很肥, 但正合我意, 鵝腸很長, 很怕鵝腸熟了之後短短的, 完全感覺不到在吃鵝腸, 黑柏葉比普通牛柏葉好味, 薑蔥點辣椒豉油更是美味升級, 可是要留意鵝腸、黑柏葉、辣椒豉油三者都是多水之物, 我食到最後碟底就都是水, 害我最後幾啖麵蝦子都沾不上, 旁邊食牛腩撈的反而沒這問題了因為想留肚再戰深水埗, 酸蘿蔔還是留待下次好了去過瑞士看過美麗的琉森之後, 香港的劉森各位也是不去不行呢

今天特地與父親一起去試這個雲吞蝦子撈麵一去到就有位子了但真的是很小的店、很窄的空間沒有人招呼，有一個店員從頭到尾黑面......不喜歡這麼多人光顧嗎??還好有另一個胖胖的比較有禮貌!!!!!!!一坐下便點了父親: 雲吞蝦子撈麵 + 我: 水餃麵本以為水餃沒有蝦(我有海鮮敏感)....怎知原來水餃比雲吞更多蝦!!!!!!!!!!!!蝦很爽很彈牙!!!!入面有一點點木耳增加口感~~水餃皮很薄很滑~~~~很好味!!!!!!!!!因為太多蝦....吃了一個就把水餃全給了父親!!!!!!麵亦都是很爽很彈的~~~~不過份量很小.........父親說雲吞有豬肉 + 蝦撈麵的蝦子過多了~炒得有點燶.......不太香.....外賣了一個雲吞蝦子撈麵給媽媽沒有加$1要湯.....外賣的麵好像多一點........但乾硬得很要緊!!!!!!!!!!!!!短短10分鐘就已經硬成一餅!!!!!3粒雲吞.....還是暖的........但只有一粒有蝦!!!!!!!!!!其他兩粒是全豬肉的!!!!!!!!!!!究竟是不夠蝦還是怎樣???他的餡真的.....難以捉摸

同朋友去左電腦商場,就去食野啦.之前係澳門食過祥記ga蝦子撈麵都1直好想要食返.念念不忘呀!所以知道呢到都有得食蝦子撈麵就黎試下啦!叫左1碟蝦子撈麵 2個人share.上枱時賣相幾好.同澳門祥記都不相伯仲.但食落去就.....有分別啦.呢間的蝦子撈麵就無陣油香, 食落就無咁香口!蝦子都唔夠香. 味道都唔算特出.....麵是ok的爽!overall我覺得只係1般...可能澳門食個次令我太難忘啦..