劉森記麵家 (桂林街)

營業中

休息中

個人都係鍾意去番舊店多D, 起碼冇咁多人... 之前食完腸粉就再呢食劉森記... 劉森記先係我既正餐吧!一坐底緊係先拎一大碗佢地免費既籮白.. 我自己好鍾意食酸籮白, 香港有得免費食籮白既我唸就只得一家了籮白酸度岩岩好, 好食再上既就係佢地既湯, 我覺得佢地冇落味精.. 鍾意呢度既湯比其它麵家既濃味D... 一家食店既好與壞就係由細緻野可以見到吧~主菜就係蝦子鵝腸撈... 佢地麵夠彈牙唔洗多講, 蝦子夠多唔會唔夠食..鵝腸好食..雖然唔可以求係新鮮鵝腸但我覺得幾好... 要話既就鵝腸冇咩味... . 順帶一提都唔知點解澳門賣所謂蝦子麵既可以咁貴.. 同呢度比劉森記既蝦子一定多過佢地果幾間幾倍... 免貴羅白湯蝦子鵝腸撈

今日同朋友去黃金, 順道去探訪劉森記. 聞名已久, 但都係第一次黎光顧.店鋪細小. 要等一陣位. 一入到去坐低已經聞到一陣陣蝦子既香味.二話不說叫個黑柏葉蝦子撈麵. 以麵黎講上菜速度都算慢, 慢功出細貨碟麵一上台, 即刻開左台面o個一大罐酸瓜先. 我同友人都好喜歡食. 但劉森記就成罐都係醃蘿蔔, 同埋比較酸. o係紅磡大光燈度就有埋d 有其他瓜食.蝦子好香, 仲有d 海水味. 麵又彈牙. d 蝦子又多. 好似o係海邊食緊咁黑柏葉加埋d 蔥真係好正, 黑柏葉本身冇乜味, 另外再加豉油, 真係好正. 黑柏葉好爽, 同食鮮魚皮既食法一樣. 我都一樣咁鍾意!個湯都好鮮甜不過$30個麵都唔算平, 而且唔飽肚. 但都會再黎食, 真係好回味!

久聞這兒的蝦子麵...終於有機會一試...但一到達就覺得可怕...因為店內非常細小...空間異常狹窄...還有那多麼多的人在外等候...幸好我開始等時不是太多人...但也要等了大約10分鐘...入內馬上拿去餐牌叫野食...但價錢原來已更新...但算了...難得一次...知道撈麵較出名所以叫了黑柏葉撈麵+雲吞牛根腩撈麵...等候時吃了每台都有一罐罐醃蘿蔔... yo!!!! 非常好味,酸酸地帶甜 而且爽口非常...實在係開胃之選...之後2個撈麵同時上台,賣相非常好 擺設整齊加了蔥絲好靚,但黑柏葉沒味...只是爽...唯有加點醋和剛剛的醃蘿蔔...牛腩味道不錯,但份量很少雲吞3粒....幸好還有麵打底..麵身軟硬剛好...配上蝦子更白更美味...原先以為蝦子係鹹...點知唔係...反而有種甜既感覺...2個麵話咁快食完...味道真的不錯...難怪大排長龍....賣完單出來時條隊仲係咁多人... 下次再來時要搵個少人時間...

好少去深水埗搵食, 上OPENRICE見人人都讚竹昇麵正, 就揀咗劉森記~見面口貼住蔡瀾推介果D剪報, 諗住應該好好食...不過...希望越大...失望越大囉....牛腩撈︰牛腩入味好淋, D麵都好淋...?! 又話彈牙GE?! 一D都冇彈, 好淋...唔香...冇口感...唔好意思...真係完全唔得喎....冬菇撈︰冬菇幾好食, D麵一樣係淋PAT PAT...淨水餃︰好好食, 水餃大大隻, 多蝦, 筍絲爽口~芥蘭︰淋GE...應該係煮麵D水太多鹼喇...D菜烚到"梅"晒...菜葉一PAT野咁...根本唔想放入口...超失敗...醃蘿蔔︰每張枱面都放咗一樽, 自己夾黎食, 爽脆, 酸酸辣辣幾好食~點解會咁呢?? 師傅問題?? 火喉控制得太差?? 可一不可再, 應該冇下次囉....

一心想試一試蝦子撈麵由於唔想排隊所以外賣好快就有得攞,但點解得一盒撈麵唔係有湯咩?啊姐話要湯加一蚊....吓~唯有加啦一打開真係有好多蝦子但唔係好香,油亦都有好多.麵唔彈牙,只有湯幾好味.總結真的唔覺特別好食廿六蚊真係唔係太值這個價

和老公去完高登,通常我們都是會去維記食豬潤麵,但有礙於近日有新聞說如吃了未煮熟的豬潤會致命的危險下停一停轉換地頭到劉森記去到等了五分鐘左右安排入坐,胆係蝦籽撈麵,我們叫了雲吞蝦籽撈麵以及南乳豬手蝦籽撈麵各要30大元,麵未到先吃伴菜酸蘿蔔,放進了紅椒絲但沒有辣味,很爽脆,酸酸的不自覺會吃掉半樽侍應端來了兩碗湯其中一碗內有三隻雲吞另一碗是給撈麵的上湯蝦籽撈麵來了是一貫鋪天蓋地式的蝦子蓋著麵身彈牙略為多油,但還有皂水味,蝦子兵團快速走均整個口腔,很香的包圍麵條而南乳豬手蝦籽撈麵溶入口般的軟林,入哂南乳味的每一口,像是綿花糖般的,恨就恨只有兩舊真的不夠,還有就是要三十元一碗,覺得有點貴

到深水埗買道具準備晚上參加友人的 House Party，買前先吃個午飯。本是想到維記，未到門口，已看見長長的人龍...不用這麼誇張吧...我覺得不是好吃到要花時間排隊喎。於是便決定去我還沒有試的店--- 劉森記到了劉森記的老店，也頗多人的，剛好有位人客離開，我立刻便有位了，好彩~ 店內不是十分舊式，一般開了數年的粉麵檔格局看了看餐牌，點了蝦子水餃撈麵。出菜挺慢的，等了約10分鐘才有得吃：蝦子水餃撈麵水餃和麵是分開上的。這樣可防止水餃皮乾和保持溫度，非常細心。一上碟，真的"嘩"一聲！餐廳真是十分慷慨，整碟麵舖著滿滿的蝦子。把蝦子和麵撈幾下夾進口；蝦子的香味充滿口腔很欣賞他們會同時在麵中下一點油，使蝦子的味更出。麵真的做到"爽口彈牙"，果然是竹昇麵！名不虛傳！而且沒有梘水味 是我吃過最好吃的麵之一！水餃方面，不是一般的水餃，他們的包法和用料像包雲吞般；皮較薄之餘也會加入整隻蝦、豬肉、荀和木耳，咬下比普通水餃爽口，蠻好味的。美中不足是有一只烏蠅不停纏繞我的食物香港仍會做竹昇麵的真是不多，這麼好吃的麵，絕對值得來試。我非常喜歡這裡的蝦子和麵，現在已計劃再去吃

次次去到深水土步,對腳自動波行去劉森記...舊舖雖然冇新舖咁光鮮,但我覺得舊的比新的更有人情味,至少舊店睇碗碟埋單,新店已在寫單仔記帳...平安夜與家母再去舊店開飯,甫坐下已見餐牌貼上了新價錢。現在百物騰貴之下,為何我的糧薪仍舊?唉...一碗牛腩雲吞麵是本人最愛,我去劉森記死都要叫麵...香港所剩無幾既竹昇麵,隨時冇得再食...非物質文化遺產呀!後面個碗係黑柏葉,魚蛋河... 黑柏菜配上辣椒豉油,正!!呢罐野,次次去都食成三分一,因為真係好好好好吃...食左又可以冇咁"濟"!又開胃...正呀!

去深水埗買野路過劉森記,幫襯下試試蔡瀾150間常去食肆之一有幾正要了一碟蝦子雲吞撈麵碟撈麵好大碟,勁多蝦子,直頭舖滿曬,味道一流唯一我唔滿意,係D雲吞,雲吞size同味道都ok,但得3粒.....服務質素又....D阿姐吹水吹到忘我境界咁...又大聲....個蝦子雲吞撈麵係吃得過,但如果價錢平少少或者雲吞多D就更好la

劉森記聞名已久，一直也想來試這天和老公去完電腦節，就來這裏吃吃怎麼樣要了一碟牛柏葉蝦子撈麵撈麵彈牙，柏葉爽口，配上辣椒鼓油味更鮮而且牛柏葉沒漂白過，吃少一點化學物也好沒有吃過太多蝦子撈麵，只是覺得這裏的蝦子也不錯，酌少少湯蝦子更鮮味自家蘸製的酸蘿蔔，更是誠意之作總的來說，經過這裏絕對有機會翻叮的

這家有名的麵家之前也曾幫襯過，不過前次試的是分店，今次則來了老店幫襯。 這裡最有名的是「蝦籽撈麵」，當然不容錯過。不過老婆仔叫的那碟是淨「蝦籽撈麵」，我自己則貪心些，要了「蝦籽牛腩撈麵」。另外還叫了兩枝樽裝汽水添。 撈麵未來，當然首先試試這裡的另一道名物「醃蘿蔔」啦！這裡的店家十分慷慨，放在桌面的「醃蘿蔔」是任客人取來吃的，這些「醃蘿蔔」酸中帶甜，甜中又有一點辣味，醃得味道恰到好處，作為餐前小吃，十分開胃，不錯！不錯！ 兩碟撈麵隨後送到，嘩！這裡的店家確是十分慷慨，兩碟撈麵的蝦籽把整碟麵舖得滿滿的，多得緊要。把蝦籽與底下的麵撈勻來吃，口感特別，蝦籽卜卜脆的，得意。味道適中的麵條中啖啖都有蝦籽的味道，而且沒有梘水味，麵質亦佳。我的麵加上一點腩汁後，更覺好吃。牛腩雖非出色，而且略嫌鬆散，但說到底這裡的撈麵始終是以蝦籽為主角，牛腩只不過是陪襯而已，沒所謂啦！至於撈麵的湯，也算及格，不會有太重的味精味，都頗鮮甜呢！ 這裡的「蝦籽撈麵」的確水準甚高，怪不得能夠得成為有名食家蔡瀾150間常去食肆之一和得到那麼多食家的好評啦！

去開深水埗，去0左劉森記食野。舖頭細細，難得食物的每一部份都很講究。麵底冇梘水味，岩哂我呢d唔食梘水既人，黑柏葉爽口又不失味道，一碟$30有咁既水準，好超值，推介!

去葵涌拜訪我朋友之前, 去深水埗買東西，一個人撘枱不用等位，我要了水餃蝦籽撈粗麵HK$28粗麵夠彈牙， 水餃皮薄餡飽滿， 內裏鮮蝦頗鮮甜，蝦子很多，大地魚湯, 有蝦味，味道一流,，好好食!劉森記的酸蘿蔔-醃得出色，很開胃!!服務質素:- 跟麵的質素成了反比，所以我不說了。結論:-Food = Above Average (Not Excellent)Service= Very Impolite Environment = Shamshuipo local noodle shop只要你不嫌迫和要等位, 劉森記麵家的水準和價錢, 都是吃得過的。

六點前進去, 不用等位, 否則晚一點連撘枱的位置也難有呢!今次點的是我未試過的一款招牌菜 - 蝦子撈麵, 而我喜歡吃這裡的雲吞, 於是便拼了一起!麵夠彈牙, 蝦子很多, 味道一流, 雲吞是一些傳統老店才吃到的那種味道, 難以形容員工效率很好, 一個字'快' !!

聞名不如見面..成日經過都想試下佢D蝦子撈面今日見吾洗排隊就同老公入去食拉.我地叫左一個雲吞蝦子撈同埋水餃撈.等左五分鐘..先黎個雲吞撈..好似比我想像中平平咋..有D失望...之後再黎個水餃撈..好似水餃好味過雲吞喎.食食下有個阿姐買外賣問做咩咁貴..原來尋日開始加左價...本身都吾平而家成三十蚊一碗麵同地都覺得試一次就夠...因為都係普通貨色