凱悅軒

營業中

休息中

聖誕節想食buffet , 冇六七百一定唔得！但係凱悅軒的任食點心只係$318 ！ 媽咪喜歡中菜，聖誕快樂！咁多點心，餃特別食！個皮好yin un 個叉燒又係好好味，肥瘦適中！總之樣樣都好味！我好希望自己個胃大D😜 而且點心質素好高 聖誕可以鮑魚or 灌湯餃2選1

聖誕將至，家人聚餐又不喜歡自助餐或其他者可一試凱悅軒的中菜。小妹光臨當天是星期五，在場客算上人來人往，但仍有八成滿，環境剔除某客人高談闊論的聲音外，清幽恬靜，侍應態度，反應良好，但添菜水等需要示意才添加，稍遜。食物素質頗佳，以下是小妹誠意推介(金粟記憶，食物正確的名早忘)：前菜，湯：冰鎮鹵水九孔鮑，蒜蓉茄子，四寶燉萬壽果主菜：茉莉茶燻雞，大蝦蒸蛋白，魚湯泡勝瓜魚肚，菠蘿蕃茄炒飯甜品：荔枝糕， 酥皮流沙盞，蓮蓉西米焗布甸(小妹)，蛋白杏仁茶，楊枝甘露五人行，八五折後二千多元，數學不佳的小妹大概以二千除五，人均四百港元，合理與否各位自行定斷，小妹認為非常值得。

呢間真係想試好耐，因為佢星期一至日午市（11:30-14:30）都有個任食點心供應，$268一位另加茶錢同加一，以酒店級環境同服務黎講，價錢可以接受，如果有匯豐或AE白金卡，仲有85折。地方唔大，只得十幾張枱（連卡位），我係閒日去，初時冇咩客人，但大約1點左右就開始坐滿，所以最好都係book定位。呢個任食點心套餐有十幾種點心燒味、炒粉麵飯仲有粥、老火湯同甜品可選，雖然唔算包羅萬有，但每款試少少，都足以飽到嘔。注意菜牌會定期更換。唔駛驚分量好多，呢度按人頭供應相應分量菜式，如果係點燒賣蝦餃之類，兩個人會畀兩粒你，如此類推。每款點心上枱時都熱辣辣，唔會好似有d酒樓係溫溫吞吞咁，非常滿意。據聞佢嘅叉燒好食，就試下。厚切叉燒有少少肥，燶邊位唔多，咬落好腍好鬆化，蜜味好重，的確唔錯。不過我覺得最好食反而係鹵水金錢肚（飽到死都再encore左一次），鹵水加埋麻油味極香，金錢肚腍到冇牙都食到，必試。比較特別係椒鹽靈芝菇，菇菇炸得香脆，椒鹽味唔重，當零食送酒更加一流。我非常喜歡的豬腳薑呢度都有供應，有兩至三件豬腳、幾片薑，我冇食薑，豬腳就好腍好入味，甜酸醋都好美味。粉葛豬骨湯幾清淡，冇味精，好似媽媽湯

話說今日同honey家人吃飯，選擇左食凱悅軒，因為之前食過呢度既片皮鴨兩吃好正！所以今日既主角就係片皮鴨啦！照平時一樣，師傅會先拎個鴨出黎比我地望下，然後會係我地後面即開即食！片皮鴨皮薄薄一片，師傅一對巧手將油脂片走，咬落去不會太油，但有淡淡鴨油香味，食完齒頰留香！超好味！第二味: 鴨肉用作炒麵，麵條中間夾住鴨肉，既有芽菜的爽口，又有麵條的彈牙，多重口感!! 

一值想試這家中菜廳的任點午餐，終於有機會試了，雖然是平日，餐廳亦座無心虛設。 必試推介是蜜汁叉燒及椒鹽豆腐。叉燒肉質鬆軟多汁，蜜汁甜度適中，非常惹味。椒鹽豆腐外脆內軟，細細粒，很香口，一個人唔覺唔覺好快食晒成碟。而蝦餃，燒賣，老火湯雖然好食好飲，但不太驚喜。 提提大家，任點午餐，只限平日星期一至五。

凱悅軒隱藏在K11內，如果不是曾經在這兒參加過親友的婚宴，平日應該不會注意到。致電到凱悅軒訂位，如果只有兩個人，店員會問你介不介意入座旁邊的請請吧，可能你會覺得奇怪，酒吧怎麼可以吃點心，答案是可以的。請請吧位於凱悅軒內，晚上是有駐場樂隊演唱的酒吧，白天不營業，放着不用也浪費，所以會接收凱悅軒的客人。因為酒吧本身的裝潢中國風非常濃厚，所以在這兒用餐一點違和感也沒有。這兒有單點的點心，也有All-you-can-eat午市點心套餐，前者款式不多，一般蝦餃燒賣等大路的點心亦沒有放在這邊，唯有選擇後者。每位$268的點心套餐最少要點兩位，點心一共有17款，再加上粉麵飯4款，以及甜品2款。湯、叉燒等按每人份量，蒸籠點心可以少至每人1粒亦可，就算是食力不強的客人亦能開開心心把全部菜式試清光。先來二人份的蜜汁叉燒，一碟大概十片左右，叉燒又熱又香軟，瘦中帶點肥，入口爽爽的，那種甜甜的蜜味混了油脂味，很香很出色，令人忍不住要重覆再點一次。對海蜇並沒有特別的情意結，不過店員向我們推介，我們就試一試。雞絲海蜇切得比平時肥厚，整片的橘色令人想起海膽的顔色，入口索索有聲，爽口得很。師傅混了麻醬、芝麻和辣椒，微辣

今天我們一家人來吃點心套餐，餐廳是中式佈置，氣氛寧靜。我們點了的點心如下：蜜汁叉燒：叉燒質地軟熟，肥瘦適中，熱熱地很美味涼拌鮮枝竹：枝竹很軟腍，上面有芝麻，蘸得很味美，感覺很新鮮，甜酸度恰到好處話梅青瓜：話梅味輕微，青瓜味道清新芥蘭生菜：是涷的，有點硬茶樹菇豬𦟌湯：味道似魚湯般香濃鮮甜，很美味椒鹽靈芝菇：很脆很惹味蝦餃：蝦很爽口新鮮，餃皮很薄瑤柱燒賣王：味道一般，質地有點實鵪𪂹蛋燒賣：鵪𪂹蛋美味，燒賣軟硬適中羊肚菌素粉果：皮很薄，質地很軟XO醬炒腸粉：XO醬和炒腸粉味道很夾煎釀茄子：很熱，質地軟熟，味道不錯窩䀡：非常熱辣燙口，肉質juicy皮蛋瘦肉粥：好多瘦肉，有油條附上，十分香脆蛋黃蓮蓉包：好香好熱，蓮蓉餡甜度適中滑蛋肉片炒河：炒河質感有點似pasta, 肉片很少，味道有點西式酸辣湯米線：只有酸味沒有辣味，並不好吃芝麻糊：很香滑，味道可以接受椰汁馬豆糕：很冰涷甜美總括而言，整體上大部份點心味道不錯，有兩位年紀較大的男侍應都很細心和有禮貌，唯一美中不足的是這裡有一位年紀較輕的男侍應態度很差，他不但黑面，而且還大力地拿放茶壺，又不願落單和加水，完全沒有禮貌。服務的分數全靠前面提及那兩位有

假期話咁快就完了，今日同家人一起去飲茶我地今日食他們的任食甜心套餐，選擇都唔少喎花生雞腳湯~~~個湯煲得好濃，又唔油，味道剛好NICE涼拌雲耳絲~~~少少麻辣，配上青瓜絲、蘿蔔絲同海蜇，好味蜜汁叉燒~~~肉質好軟，肥瘦均勻，味道非常GOOD吞拿魚芋角~~~芋角的餡料係吞拿魚有點奇怪，但芋角做得不錯的，炸得一點都唔油，不過都係平得的芋角好味D蝦餃~~~皮做得好薄，每隻都會見到蝦肉在餃皮外透出的棉花雞~~~棉花吸收哂湯汁雖然好肥但好好味呢！菜苗餃~~~餃皮同樣的薄，蝦肉夠爽口而有蝦味NICE七味豆腐粒~~~豆腐細細粒，一口一粒好方便，外皮炸得微脆，內裡軟軟滑滑的鮮蝦春卷~~~又係一讚，一點油都冇，脆卜卜好味咸水角~~~香香脆脆，皮做得很好燒賣~~~冇特別叉燒包~~~唔太大個，餡料味道好，包包又做得不錯素菜餃~~~媽咪的推介，皮薄到見到全部餡料GOOD其實仲食左好多野，但都係醫左肚先HAHA這裡環境好舒服，價錢又OK

農曆新年期間同屋企人飲茶，一定人想坐得好D，凱悅軒可以話係我嘅不二之選。午市有點心放題，除左有點心之外，仲有前菜、燒味、湯之類。值得一讚嘅係點心可以一籠雙拼，而就算係粉麵飯類份量唔大，就算人少少想試多幾樣都得，中意嘅先再叫囉。其實所有食物都已經係酒店水準，絕對唔會有「唔好食」嘅情況出現。前菜牛展出色，點心就推介燒賣同拉排骨，燒賣足料而排骨就一d都唔痴骨，蒸得剛剛好。另外今次去食有個迷你焗豬扒飯，雖然係做中菜既地方但個豬扒飯竟然都咁好食，有炒底而且豬扒鬆化，如果餐牌有的話就必定要點！

the food was okcrispy greens and ok scollapsthe scollaps are abit over cooked thoughbut the service was very good and attentivebe honest, I highly recommend this hotel for wedding banquets or even lunch buffetssuckling pigthe skin was lovely crispy and not too much fatnice!!!I ate like a pig check out the Fried Crab ClawSnot greasy at allit was perfect that is y I had two lol

2015年1月10日日本男友同佢父母一齊黎香港跟我家兩老見面，我做足資料搜集後決定去尖沙咀凱悅軒食晚飯。因為之前訂左檯，所以我地一行八人浩浩蕩蕩準時到達位於酒店3樓的中菜廳。服務員面帶笑容引領我地入座，餐廳的樓底都幾高，即使餐廳面積唔算好大都唔會覺得好焗促。餐廳燈光暗暗地，感覺上都幾溫暖同有情調。餐廳Captain推介我地食8人Set，不過個價錢都幾高，所以我地都決定點a la carte就好啦。我地叫左北京片皮鴨﹑蜜汁叉燒﹑腐皮卷﹑八味豆腐﹑琵琶豆腐﹑荷葉飯﹑蒸茄子同埋浸芥蘭。 以下幾個菜色都值得試下。蜜汁叉燒的肉質都幾軟，叉燒中間呈嫩紅色，外面掛上香甜暖蜜糖，不過個人認為味道咸左少少。一碟叉燒的份量都幾足夠，我地八個人每人都吃到2至3件，整體上都好好味 ^^蒸茄子就最深得我男友爸爸歡心。貌似平平無奇的茄子上淋上炒蒜蓉醬汁，蒜蓉味唔會好強，甜甜地，同茄子幾夾。平時食野都幾清淡的男友爸爸都一口接一口食唔停，我知道佢鍾意就好喇 ^^腐皮卷係素食，入面有野菌有雜菜。咬落去外皮脆卜卜，中間的餡料好夠味，我自己就好鍾意。如果一碟份量可以多少少就好喇，印象中好似得6件左右。八味豆腐！香港同日本代

自從今年三月在此參加朋友生日飯局後，就一直沒有空再來品嘗盧師傅廚藝了。其實自己十分喜歡凱悅軒的小菜、因為甚有家常風味！所以今晚家人提議在此聚會，自己不亦樂乎！餐廳裝修非常簡潔也非常舒服！在此晚飯的客人、都是以本地家庭及朋友聚會為主。少了一份強國氣但多了一份本土風。每次食飯自己都必然會點幾個此處必食的美饌、鹵水鮑魚、廣東叉燒、燒腩仔、五味豆腐、川椒豬頸肉、茄子及腐皮卷等作為前菜等。其中以鹵水鲍魚及五味豆腐為最愛！鹵水鲍魚、鹵水味完全和鮑魚融為一體！把鮑魚味提昇了、再加上鮑魚又夠爽口，一啖咬下、超正！五味豆腐、炸到一粒一粒、外面脆卜卜裡面軟綿綿！賣相好，加上外面灑上了辣味粉、一粒一啖、香口又好味道！烤北京片皮鴨，鴨烤到皮下脂肪都融化了、只剩下幼嫩鴨肉及香脆鴨皮。再配合麼麼皮及配料一起食用，入口時鴨油、京䓤及醬油味一起在口腔內、十分美味！蜜糖豆炒鮮白合、炒得恰恰好又小油，豆煮到八成熟帶有輕微菜青味，配以鮮百合小小甜味、入口頓時有清新的美味！帶子琵琶豆腐、豆腐滑溜又帶有小小豆香及豬肉味、加上了淡淡帶子鮮味，味道十分融洽！上湯豆苗、把豆苗莖切去只剩下嫩綠的葉，以上湯、紹酒、火腿絲混合煮成、入口豆

我和我老豆，兩個都是打橫行的……巨蟹。所以，會等埋一齊慶生。今年，老豆話要食中菜，由我去選一間。既不要天價的酒店食肆，又想有一定水準，我就想起了這家低調高手 – 凱悅軒。其實，我也是這裡的粉絲，不論是朋友慶生，商務飯局，或甚是試菜，我也來過好幾次，總之沒有一次會是失望而回的。環境依舊典雅，服務到位，是老豆老媽子喜歡的地方。故此，食物還未上桌，老媽子已問我呢度既點心掂唔掂，價錢如何……可預見，她將會是這裡的熟客。好了，介紹食物。指定動作是叉燒，看其色澤以及燶邊位，相信依舊保持水準。這碟叉燒，應該是兩個不同部份，雖然兩者均有蜜香和肉香，味道對勁。墊底的是帶點肥，且肉質鬆化，但邊位的明顯頗韌，要花力氣去咀嚼。再來的柚子海中蝦，蝦是做得香脆，連殼也可以吞下去，蝦頭的羔更是甘香，配上酸酸甜甜的柚子醬汁，感覺清新醒胃。配角的青椒和紅西柚，我統統都不會放過。繼而是馬友煎肉餅，這道家常菜色，從來討我歡心。這兒的亦很出色，咸魚夠香，肉餅沒有死實實，卻亦不會完全失去口感，確是精彩。吃不完的，我妹已打包翌日帶飯了。最後一款咸食，有帶子琵琶豆腐。外表跟一般的琵琶豆腐沒兩樣，實質是花手功的菜色，因為這是釀入了帶

朋友生左BB都成個月了，我地終於可以見面了有BB同行當然要搵一個較舒適又好的地方啦今次我地想飲茶，於是想一想下就來這裡了又真係好抵喎！每人都係$248任食點心喎！都算幾多選擇喎先來一人一碗是日老火靚湯粉葛乜乜湯~~~個湯煲得好濃，味道剛好喎飲完湯湯，就食D前菜先潮式鹵水鴨片~~~鴨片薄薄的，鴨肉又好入味，又唔會好肥，仲有墊底D豆腐好滑又好好味蜜汁叉燒~~~肥瘦均勻，肉質又鬆軟，仲有一份焦香，吃完一件又一件麻辣榨菜腎片~~~少少辣多多脆，我覺得個汁好好味呀，D榨菜好爽脆又唔會好咸，腎片又係好爽口，I LIKE IT雜菌素菜腐皮卷~~~真係好LIKE食腐皮卷，外皮煎得好香脆，餡料又好豐富喎點心出場了荀尖蝦餃皇~~~皮做得好薄，D蝦蝦約穏約現呀！柱侯金錢肚~~~金錢肚入哂味，NICE，又唔會"UN"海參帶子餃~~~又係皮薄餡靚之選，海參同帶子都好爽口，配上薄薄的皮真係好朋友呀香芹素粉果~~~一看就知晶瑩剔透，真係可以看透入面D餡料，雖然係素菜，但加入了香芹所以都好惹味呢松露燒賣皇~~~每粒都有松露宿架，松露好香，燒賣本身都好好味，面層的蝦蝦都好爽喎食左一輪點心，係時候食D炸野喇梅子醬燒鵝酥~

家姐生日，揀一日同佢補祝，她在尖沙嘴返工，可以在此區同她食飯兼倾心事，又想揀一間新食店來試，所以就揀凱悅軒。 因祇有我兩姊妹，食量都不算大，衹點了每人一盅四寶燉萬壽果、半隻茉莉茶燻雞及ＸＯ醬炒露筍，而甜品有豆䊢蔴蓉湯丸及芝蔴糕。四寶燉萬壽果 - 原個燉木瓜,裡面有竹笙、蟹肉、雞肉及火鴨粒等，湯中唔會過多的肉粒及餸料來清燉，所以湯水飲下感覺清甜潤喉，加上香甜的木爪肉，正！ 半隻茉莉茶燻雞 - 雞肉非常嫩滑有肉汁，但唔會過鹹，唔錯！不過煙燻味再加重些就更合我口味。雞皮爽脆兼帶有煙燻味，喜愛食雞皮的朋友不容錯過。ＸＯ醬炒露筍 - 簡單不過的小菜，並不特別驚喜。豆䊢蔴蓉湯丸 - 因適憑週年紀念做特價，衹是五元一碗 (希望自己沒記錯)，豆槳滿有豆味但祇是微甜，加以細小的蔴蓉湯丸，芝蔴味味濃，豆槳及芝蔴配搭味得宜，令人喜出望外兼無欺客。芝蔴糕 - 一款我喜愛的傳統甜點, 食落煙靭但幼滑，最令我喜愛的是，小小的芝蔴糕，芝麻味居然香濃, 幾粒芝麻加上糕面上，除了美觀裝飾外，亦加強芝蔴味及軟滑中帶有咬口，是水準之作！