港鐵尖沙咀/尖東站 N2 出口, 步行約1分鐘
繼續閱讀
電話號碼
37217788
開飯介紹
凱悅軒融合現代藝術與20年代傳統茶館的精髓，是品嚐地道中式佳餚的理想地點。
凱悅軒呈獻一系列令饗客難以忘懷的經典招牌菜，另同時炮製多款時令佳餚以供品嚐。無論是清新怡人的夏日菜式，還是豐盛暖胃的冬日美饌，均能將多元化的粵菜精髓發揮得淋漓盡致。
凱悅軒環境優雅舒適，落地玻璃令主廳更見開揚。餐廳另設兩間分別可容納8和12位的貴賓廳，前者更附設迷你酒吧。
繼續閱讀
特色
同客食飯
適合大夥人
附加資料
午餐:
第一輪: 10:00 – 12:00
第二輪: 12:30 – 14:30
晚餐: 18:00 – 22:00
客人必需使用「安心出行」手機應用程式。12歲或以上人士必需已接種最少三劑新冠疫苗。根據政府實施的「疫苗通行證」，客人進入酒店餐廳時，均需主動向餐廳職員出示疫苗接種紀錄或豁免證明書及相關二維碼。
營業時間
今日營業
10:00 - 14:30
18:00 - 22:00
星期一至日
10:00 - 14:30
18:00 - 22:00
公眾假期
10:00 - 14:30
18:00 - 22:00
公眾假期前夕
10:00 - 14:30
18:00 - 22:00
以上資料只供參考, 請與餐廳確認詳情
有關獎賞計劃
相關文章
食評 (195)
久不久就會黎，今次因為主廚黃師傅又有新的傳統手工新菜式，傳統海味特色菜其實出左一段時間，而家到9月30日，睇完有興趣都就要快啲黎。講開新菜單主題係海味乾貨，就當然有鮑魚、海參和花膠呢類傳統海味，今次就係主力食左以呢幾樣為主角嘅菜式。不過同時餐廳又同香港品牌植廚Plant Sifu™️做咗幾個新嘅齋菜菜式，既然黎得就一次過食哂啦。前菜有花膠話梅咸桔水晶凍，唔講以為係甜品，吃下去感受到係強勁嘅骨膠原，花膠同水晶凍鹹甜交錯，前菜來講非常開胃，像鹹鹹地嘅雪葩啫喱般的感覺。之後的香脆蜜椒蟲草花，相信唔需講點整，之前見過出面整，但當然這裡技巧高得多。壽參藏珍係我當日最難忘的菜式，呢一個係好經典嘅粵菜，唔係好多餐廳食到，勁厚重嘅遼參包著成條嘅懷舊手工蝦籽扎蹄，你以為係因為遼參同扎蹄好食，其實最出色係當日嘅黃湯，師傅用雞、鴨、豬肉、豬骨及豬手熬足很久，成件口感豐富再加埋個湯先至係屈機。雖然我唔特別好食魚，但鮮沙薑乾魚鰾滑雞煲就真心推薦，如果你有食過魚鰾你一定欣賞，佢嘅乾魚鰾真係好得，沾上用薑油爆香的鮮沙薑造成嘅汁，係個煲入面同滑雞混然天成，特別係好有油份嘅三黃雞，送下白飯就最適合。剁椒青口乾吊桶仔蒸勝瓜嘅精美同fine dining無異，合時的勝瓜的口感當然好，青口及乾吊桶仔的鹹鮮，加上自家製剁椒，整個配搭更完美，但我在想勝瓜嘅好，如果蒸下扇貝或者蟶子再加埋粉絲會唔會更加正？胭脂雙稻又係海味菜式，以精選海鮮、自家醃製的子薑、加入紅菜頭汁的飯來炒，平時嘅炒飯你可能會食到飽，但係你覺得越食會越舒服，更加有胃口。當日人多，於是食多幾樣，食完海味即刻食下齋，平衝下，原來佢地近日同香港品牌植廚Plant Sifu™️合作，引入本地製造的素豬肉，呢道松子酸豆素肉鬆脆鍋巴就正正係用素肉為主角，配搭勁香脆的鍋巴，仲上自家醃製的豆角等配料，特別香口，又係開胃到震。最尾又係大愛，希望佢有機會可以擺落menu，植物梅頭肉餡同筍粒加馬蹄粒製成的獅子頭，同平時食真係無分別，佢嘅素湯以甘筍和西芹熬製，最重要加上了雜菌同酸菜，石鍋酸菜鮮菌素肉獅子頭就係咁一個人都可以KO，我覺得直頭應該要加個麵仲可以做一個主食，到今日執筆都念念不忘。最後當然不能錯過甜品，因為要食酥皮流沙盞，就清清地今日點了蛋白杏仁茶送，配上佢哋嘅經典，次次黎都唔會點失望。
繼續閱讀
尖沙咀凱悅酒店的中菜廳凱悅軒從來也是我喜歡的餐廳，久不久便想去品嚐黃師傅的手勢，趁著還有傳統海味特色菜單一於約多兩位靚女吃餐勁的。傳統海味特色菜只供應到9月30日，如果想品嚐這些菜式的朋友便要捉緊時間了。第一客傳統海美特色菜名叫花膠話梅咸桔水晶凍＄98，上檯時看見這賣相還以是道甜品呢！口感煙韌爽口的花膠凍配襯酸甜細膩的話梅桔水，內裏藏著滿滿滋補的花膠，味道香甜微酸實在是一道不可多得的開胃前菜。然後還有這個平時也可享用到的香脆蜜椒蟲草花＄108，炸至口感香脆的蟲草花沾滿了甜蜜汁醬，吃上一口後保證會令您吃至慾罷不能。然後來到這兒出名的湯品，今天我們得到的是四寶燉萬壽果＄238，由於車爸爸不愛用生果煲湯所以我甚少能夠享用得到，外出吃飯就可以如我所願了！以原個木瓜製作的燉湯喝下特別清甜，內有蟹肉、竹笙、雞肉及火鴨粒等豐富材料，除了好味更滋潤感滿滿。再來傳統海味特色菜中的鮮沙薑乾魚鰾滑雞煲＄488，香滑魚鰾配以沙薑調味加上肉味香濃的嫩雞件真的非常惹味，如非減肥中肯定要一碗白飯來佐吃。而這一個傳統海味特色菜的剁椒青口乾吊桶仔蒸勝瓜＄228賣相非常可愛，在清甜勝瓜上躺著嬌小玲瓏的吊桶仔和淡菜，配襯惹味的剁椒醬絕對是天使魔鬼混合體的菜式。蔬菜絕不嫌多所以我們再點多一客方魚炒芥蘭＄218，鹹香味濃的方魚融入了爽脆菜遠之中，令清淡的芥蘭也變得特別誘人。凱悅軒名物酥皮流沙盞＄60/4件絕對是不能不吃的甜點，這個流沙盞的味道永遠也令人感受到幸福而且百吃不厭。另外還有山楂凍糕酸味恰好而且不會過甜，糕身爽口彈牙作為飯後甜品非常適合。期待黃師傅再出創意菜式帶來驚喜美食給我們。
繼續閱讀
因為要同客食飯，所以要間環境好嘅餐廳～其實為返呢度都預咗有一大部份嘅價錢係比環境同埋服務結果都係嘅， 不過說食物都絕對唔係差嘅唔記得咗幾多錢，呢個係黃金淮山條，即係有啲鹹蛋黃喺淮山度炸，淮山係爽嘅，不過冇乜興趣都幾普通榨菜雞腎前菜，雞腎幾好味，但係食咗兩塊之後已經冇晒撈，榨菜就偏鹹不過都正常我海蜇幾好味，口感同平時喺街食唔同，比較爽脆同埋新鮮，唔錯呢個係佢推介嘅龍蝦，唔記得咗叫咩做法，有啲只是咁！上到枱大家都好興奮，不過食落去其實每人得一兩舊，其實睇張圖都睇得出好少但係好似收八百幾蚊唔夠喉呀太貴了底下嗰啲係透明嘅粉皮，幾好味喎！不過重點係要龍蝦嗰啲囉東升斑兩味， 東升斑好好味！不過都係同一個問題， 主菜嘅份量太細啦！好快就得返啲菜，我好似都係食得一片！六個人分咁琵琶豆腐，正正常常好冇乜特別呢個海味煲反而有啲驚喜！因為都幾大份量，可能平嘅嘢就會俾多啲你？因為如圖所見，下降佢都唔少㗎 ！不過唔知點解我完全食唔到咁估，可能得1住就俾人夾咗呢度都多魚嘅，但係好多都係骨！同埋用人好似一般呢種整法，唔知係咪太油膩呢！同埋咁樣整會令到啲魚冇咗佢嘅鮮味呢個花膠紫薯菠菜好味呀！不過花膠係每人食到兩舊左右唔係太薄但係都唔算太口！所以都唔夠喉呀呢個好似唔算特別貴，所以都對得住個價錢㗎太飽冇食到個飯，但係睇落好足料同埋幾香服務非常好👍🏻
繼續閱讀
社交距離進一步放闊，久違了的中式大圓桌，終於可以大伙兒圍在一起齊齊享用美食。雖然還未到 12人一枱，但 8人同桌，這種熱鬧場面，已很久未有感受，實在太熱鬧了！ 人多自然可選更多菜餚來品嚐，早前，便約同一班人齊齊來到位於尖沙咀凱悅酒店3樓的《凱悅軒》，品嚐全新菜單的傳統手工菜的技藝及本地農莊特產風味菜的滋味。率先上桌的是黃金淮山條，近年 BeautySearch 愛上邪惡的鹹蛋黃菜餚，金黃外層的確相當吸睛。淮山粗身有咬口，而且味道清甜，是來自本地出產的新鮮淮山，配上散滿鹹蛋黃的外皮，甘香酥脆，一點也不油膩。接著登場的陳年花雕龍蝦伴粉皮【醉龍臥雲】，更為令人觸目！BeautySearch 還是第一次，於中午時分享用龍蝦，不過這龍蝦也相當特別，用上約半公斤重的新鮮西澳龍蝦，配上15年的陳釀花雕酒及鴨蛋黃來泡製，再以粉皮來墊底，猶如遊龍醉臥雲上，相當有氣勢，難怪取名為【醉龍臥雲】！西澳龍蝦爽口彈牙，沾上淡淡花雕酒香，別有一番風味；而粉皮更是盡吸收了酒香精華，酒香滿溢。另一款傳統手工菜，是黃湯蝦籽扎蹄釀關東遼參【壽參藏珍】 。海參口感爽滑又健康，但一般古法扣遼參的確有點乏味，這次廚師選用酥炸煮理，令遼參添加了一層酥脆口感，再配上以鴨掌、豬手、雞腳等食材熬製的黃湯，即時更添鮮味。而最驚喜的，是遼參内釀了彈牙蝦膠，蝦膠內再包裹著懷舊鹹香的蝦籽扎蹄，令爽滑的遼參口感更豐富，蘸一點黃湯同吃，滋味無窮。雖然豉椒炒蟶子充滿大排檔風味，但我本身不愛豉椒的味道...... 而今次的新菜單，用上當造的本地有機秋葵，配以鮮爽的本地側耳菇，鑊氣十足，令蟶子皇更顯鮮甜彈牙，炒出別具風味的側耳菇秋葵炒蟶子皇。這道椰香鮮百合紫淮山鴛鴦雞，用上本地農莊的烏雞及泰安雞，搭配本地紫淮山粒、本地毛豆、本地鮮百合等食材，看似一道簡單的風味菜，卻帶來味蕾的驚喜！不但雞件嫩滑，墊底的蒸蛋白用上烏雞湯、椰青水及椰漿煮理，口感輕盈細滑，與椰青水及椰漿非常夾，味道清新香甜，感覺既是一道日常菜餚，又像一道甜點。而這道欖菜花生苗炒本地黑毛豬，用上本地有機花生苗，不但新鮮，而且顯得粗壯，吃時清甜爽脆，聽說花生苗不但有延缓衰老作用，還能够起到减肥的效果，因此，配上本地黑毛豬梅頭肉來炒，不但不感罪惡感，反而更欣賞黑毛豬溢出的油香，香口惹味。豉油皇炒麵，看似一道簡單的經典麵食，但要做乾身、彈牙、鹹度適中，的確並不簡單。而凱悅軒的豉油皇炒麵，正好符合以上條件，再配上大大隻的蝦乾，即時添加了一份獨特的咸香鮮味。甜品方面，必吃凱悅軒的招牌酥皮流沙盞，精緻小巧，賣相可愛。上層是凹凸的脆皮狀菠蘿包皮，酥脆味美；底層是香口酥化的曲奇撻底；中間夾著流心奶皇炸湯丸，口感煙韌，流心奶皇濃郁的威力，更是無法抵擋！
繼續閱讀
又一間高質點心放題😆今次係位於尖沙咀凱悅酒店既凱悅軒,佢既野食樣樣都高質,好值得回頭既中菜廳👍🏻《點心套餐 $348 pp 兩位起》呢個餐其實係任食,有以下咁多款點心：蜜汁叉燒.口水雞.話梅青瓜.椒鹽茄子.燒賣.蝦餃.香芹菌皇餃.蟲草花鮮蝦時蔬餃.奶皇水晶包.鮮竹卷.蘋果叉燒酥.叉燒包.牛肉球.蘿蔔糕.素腐皮卷.孜然羊肉春卷.鹹水角.陳村粉麵醬蒸排骨點心質素幾高,特別鍾意佢個叉燒,小小肥,話梅青瓜好開胃,口水雞既調味都做得好好,炸野方面鹹水角同埋春卷都比較出色👍🏻當日既老火湯都好足料,足足飲左兩三碗😌另外佢既菜好嫩,好好食😂唔夠飽嘅話可以試吓嗰啲粥粉麵飯,當日試左佢既粥,係髮菜蠔豉瘦肉粥,煮得好綿,值得一試👍🏻至於甜品就有蓮子紅棗茶同圓肉桂花凍糕😋兩款味道都唔錯!尤其係蓮子紅棗茶,味道唔會太甜,好暖胃!整體對佢既評分較高,係會回頭既一間餐廳😎凱悅軒尖沙咀河內道18號香港尖沙咀凱悅酒店3樓[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️⭐️⭐️推薦⭐️⭐️⭐️⭐️⭐️
繼續閱讀