冰室99 (已結業)

和富中心商場雖然唔大不過都有好幾間食店，行了一圈見冰室99門口banner 有啲熟口熟面就入去試下，我們選擇了一個晚市套餐一個精選扒餐，每個套餐都包一客餐湯,丹麥包主菜同飲品，如喜歡特飲可加錢轉特飲56°C慢煮美國戰斧豬鞍10oz~豬鞍比一般的豬扒口感較甘腴豐香，肉質軟腍細緻爽口彈牙 火焰脆皮鹹豬手~豬手一到員會喺你面前點火燒脆個皮， 可以一邊望住啲火燒一邊打卡，豬手皮燒到好香脆又唔肥好好味是日甜品係earl grey 海綿蛋糕~真係意想不到的好味，蛋糕鬆軟又充滿香濃伯爵茶味後來問店員原來同我上星期去現崇山的茶餐廳2.0是同一集團，唔怪得見門口餐牌咁熟口熟面

友人知道我喜歡吃豬扒，她家附近早前新開了這間冰室，吃完後推介給我，故今晚有空檔便過來試試。我們選了 “懷舊鐵板餐” 而沒有選晚餐，因為包了甜品。侍應妹妹說這晚的甜品是蛋糕，有餐湯，飲品與甜品，又不用加一，很超值罷！鐵板美國豬鞍扒$98先來（周打魚湯）濃稠度適中，雖沒有魚肉在裡頭，但含有洋蔥，西芹，椒類，例湯來說已不錯。還有一片厚切（丹麥酥）麵包，端上台正散發濃濃的牛油香，酥香而又軟綿的麵包，好味。(美國豬鞍扒) 連同長⻣端上，賣相相當吸引，豬鞍腍軟有嘴勁，鐵板熱度足夠，可慢慢享用而又能保持暖熱度。肉質不會煮韌，豬肉本身沒有鹹味，點了喜歡的黑椒汁，假如有燒汁，也會是很不錯的選擇。 薯角香脆可口，鹹度適中，伴菜足夠。鐵板美國T 骨牛扒 $128蠻大塊的牛肉，牛味略輕，但有饞勁，少筋少肥。雖忘記跟侍應說牛扒的熟度，慶幸這塊肉也軟度剛好，加上薯菜，很有飽足感。特濃朱古力奶昔$25椰芒派對 $20餐飲可以優惠選購特飲，香濃朱古力加雪糕打成的奶昔，捨我其誰。甜品由蛋糕變為雪糕，也好，因雪糕也是我們的喜好。

重新裝修過後嘅華富中心，不少新的食店林立，今日去試左「冰室99」冰室空間感十足，卡位特別闊，枱與枱之間也有一定的距離，餐廳分為兩邊，一邊是冰室；另一邊是扒房。來到時剛巧過了繁忙的午飯時間，我們可以慢慢食，看完當日午餐餐牌後，決定散點。轉眼間「咖喱海鮮配農夫包」$80 已奉上，超吸晴啊！海鮮多到滿瀉，材料非常重手，大蝦、青口、蜆肉、蟹柳、薯仔、紅椒、洋蔥，還有蔬菜墊底，雖然是雪藏海鮮，但煮得幾吾錯，依然爽口，由其是青口，超大隻，肉有彈性，同時吃得出鮮味，正！以全統馬來咖喱口味，辣度和濃稠度也適中，十分惹味；農夫包焗至香脆，十分可口，配咖喱冇得輸。「芝士焗南瓜汁海鮮飯」$88同樣用上豐富海鮮材料，配上濃稠香滑的南瓜芝士汁，味道甜甜地，炒飯底十分乾爽，好好味，就算成個焗飯食曬都唔覺得膩。點任何主菜可以減$10 配飲品，好抵呀！識飲梗係飲特飲「雪糕紅豆冰」$20味道夠濃稠，花奶沾2/3 杯；紅豆軟糯，形成黃金比例，加上大大球混尼那雪糕，感覺好幸福啊。熱鴛鴦 $8茶味出，但帶點苦澀；再落多啲花奶應該會好啲。平均來說水凖幾好；性價比不錯。

最近看到食評，知道和富中心改裝成美食節廣場，今晚便來到測試一下其中一間冰室。晚市套餐：56度C慢煮美國戰斧豬鞍10安士$158。很少地方可以吃到這個美國戰斧豬鞍，肉質鮮甜味美，口感紮實，由於用慢煮烹調而成，所以不會過硬，配上香味十足的黑椒汁，就更加美味可口。對於喜歡吃豬鞍的太太來說，非常好味。獅王舞影跟餐加$20，其實即係pussy fruit ，味道酸酸甜甜，感覺很清新。是日甜品另加$15，今晚食芝士蛋糕，鬆軟而甜度適中，想不到這裏的甜品也做得不錯。招牌焗豬扒飯$78 ，焦糖凍咖啡跟餐$26招牌焗豬扒飯，內裏有青豆、紅蘿蔔和椰菜花，豬扒肉質鬆軟，加上茄汁的味道十足，絕對稱得上是一道正宗港式焗豬扒飯。一直以來，個人覺得某大連鎖快餐店的豬扒飯很出色，想不到這裏的毫不遜色。焦糖凍咖啡☕️，咖啡味道甘香，配上焦糖的甜味，是一杯美味可口的咖啡。

又係外賣晚餐的時候，呢間冰室在北角和富中心商場，算係新開張，格調幾好，有露天地方，有d似酒吧feel. 佢d款式唔似一般茶記，走高少少路線，當然價錢就貴少少。 但好食既野，貴少少好正常啦。今次叫左咖哩牛腩飯， 龍蝦汁海鮮天使麵，日式燒汁雞扒蛋包飯，吉烈豬扒親子丼。咖哩牛腩飯個咖哩汁好好味，辣度剛剛好，我諗只係撈汁都可食3碗飯， 牛腩煮到好林。龍蝦汁海鮮天使麵又係值得推薦，龍蝦汁味道夠香濃， 天使麵唔會太林， 好爽， 重有好多海鮮，青口，蟹柳，蝦等等。日式燒汁雞扒蛋包飯，雞扒煎到層皮好脆，蛋包飯個蛋熟到適中，有蛋汁包住d飯， 唔會太老。最後係吉烈豬扒親子丼，呢個不過不失， 吉烈豬扒炸得幾好， 但豬扒較簿同瘦。 整體都不錯。 最後一提係，每個餐d,份量好多， 3大2小d飯又係食唔哂，屋企附近又多一間好野食。

北角和富中心大翻新之後多左好多餐廳，今日行過見到呢間新裝茶餐廳，裝修比較新淨新派，餐牌食物偏向西式為主。.2個人食飯，一人叫左一個餐，另外甜品就share食。「紅酒燴牛尾配珍珠飯$78」蕃茄味比較重既燴牛尾，肉質更軟稔，搭配洋蔥同紅蘿蔔好Fresh. 「香煎比目魚配薯菜$110」是日晚餐其中之一係香煎比目魚，飯/意粉/薯菜擇左薯菜，薯角岩岩炸起好脆口，比目魚比較淡味，加上白汁好食嘅😋同埋煎到個面脆脆地幾唔錯。跟餐特飲+20就有雪糕紅豆冰，叫左少甜，所以奶味較重，另外紅豆好淋好好味。無諗過最正係個「雪糕鮮果雞蛋仔$58」雞蛋仔岩岩整完脆卜卜，上面加左Cream,水果同雪糕，又甜又鹹咁幾過癮.餐廳坐得舒服食物又ok, 仲有好多特色甜品🍮見到鐵板餐好似幾特色，下次有機會可以再黎食😋

香港很多的冰室，每間也是供應不同而又有具香港感覺的茶餐，跟茶餐廳，充滿香港情懷，實在值得去吃吃。雜扒餐早期雜扒餐會有豬扒、牛扒、全雞、火腿、太陽蛋。及後，鐵板餐內容不同了，這店的西蘭花作配菜，醃料味不高，在高級西餐廳享用上乘牛扒，固然是人生一大享受；但談到情懷，港式西餐應的鐵板扒餐依然不能被取締。這店雜扒餐，並不是賣完賣剩的牛扒頭豬扒尾，味道很棒雞蛋仔中間是半空的，咬下時感覺亦特別，外脆內軟。日式旦拼鰻魚飯日式料理， 高質鰻魚飯不一定要到日本才有，其實香港也有不少的上佳有質素的鰻魚飯。貴的即劏鰻魚，也有平價之鰻魚飯，各有特色～ 想吃鰻魚飯不一定要飛到日本才吃到，這店的不錯，有齊日本感覺。同意近年鰻魚飯在香港遍地開花，小店、過江龍、專門店也可以吃到如這店的上佳之鰻魚飯，魚肉很嫩滑，上桌時香，也厚身。

Jon和家姐都在復活節有十天八天假期😜，但假期後就要測驗了📝。廣東人有句話是「吊頸都要抖吓氣」（就是無論多艱辛也要懂放鬆的意思），這晚去港島區吃了一頓高質素但平民價的港式西餐🍽。先談談主菜：1️⃣熔岩椰青海鮮珍珠飯 $98椰青很大，份量也多，第一感覺是很吸睛😍！吃進去，芝士白汁混和了椰香，誰也沒搶走誰的鋒頭！🙌🏻海鮮料充足，有青口、蝦、蟹柳、小扇貝等，不能盡錄⋯⋯必須一提：記得刮起椰青肉一起拌飯吃！Jon媽向來晚餐戒飯，但為了這個，立心決戒一天～🤭2️⃣火焰脆皮豬手 $128侍應很細心，見我們有小孩，就問是否要澆上冧酒🍾和點火🔥。那當然沒問題啦，這道菜的精彩就是那把火呢！豬手皮脆肉嫩。Jon媽不禁慨嘆這道菜真的要在街外吃，自己用氣炸鍋做的真心不入流🤣薯角也是值得一讚，應該是為每道菜而炸的，不是翻炸再翻炸那種😋3️⃣石燒美國牛肩胛肉眼扒 200克 $188這個是套餐，有飯有沙律。（忘了拍照😌）肉眼扒送到時約三成熟，可自由切開，在石塊上烤至喜歡的生熟程度。肉質鮮嫩，吃得出是上佳的扒類，份量也不小。4️⃣酥烤焗羊扒3支骨 $168點這個之前有一點猶豫，因為吃過不少餐廳的羊扒都只有長長的骨和很小的肉，經常覺得

最近和富中心開左幾間新餐廳，今次同大家試試“冰室99”，他們主打地道港式美食，性價比超高，而且食物份量十足。威靈頓牛柳沒想到在冰室都可以食到這款英國經典名菜，今次選擇五成熟，裡面還有風乾火腿和鵝肝醬包著牛柳，肉質軟滑同時又增加了鹹香味，不用點任何醬汁已經很夠味道，而且即叫即焗，保持原汁原味！熔岩椰青海鮮珍珠飯上枱視覺效果超正，就好似火山岩漿爆發出黎，芝士白汁之中又夾雜啖啖椰香味，混入珍珠米飯、海鮮配料和椰青肉，又美味又邪惡！蒲燒原條鰻魚咖哩蛋包飯又厚又肥美的蒲燒鰻魚，汁甜無骨，再配上煮到半熟的旋風蛋包飯，不論是打卡，還是美道一樣吸引。乳酸奶昔/芒果奶昔天氣開始越來越炎熱，當然要點杯透心涼的飲品，奶昔是不錯的選擇，甜度適中，酸酸甜甜更令人醒胃！雞蛋仔雞蛋仔即叫即烘，入口外脆内軟，配上雲呢嗱雪糕，絕對是下午茶之選！

放假去shopping賞心樂事gathering ————————和富中心越開越多食肆，要有質素又要好食，99分嘅冰室99，我加多1分比你就係100分👏👏👏👏👏堅好食😋👍—————————-🟧店員介紹必吃的溶岩椰青海鮮珍珠飯：廚師👨‍🍳嘅手工、廚師嘅廚藝、廚師煮食物嘅心得，like 👍👍👍👍👍足料又多款又新鲜好味道的海鮮，鋪🈵️了極度誘惑的芝士😍😍，原個椰青的鮮甜，珍珠飯的口感，芝士和椰青🥥滲入在珍珠飯內的那種特別好吃的味道⋯⋯足料海鮮蝦🦐、青口🦪、蜆、蟹柳、干貝.........等等用珍珠米做的意大利飯、香滑、軟熟、好味道😋極大的斜惡....極大的誘惑😍____________________🟪🥲龍蝦🦞汁海鮮天使麵：又係超級足料海鮮、有蝦🦐、青口🦪、蜆、蟹柳、干貝.........等等天使麵的柔滑、質感、軟熟、軟硬度適中，吃出滋味、又是令人吃出的回味😋————————————🟩特飲：獅王舞影：酸酸甜甜又冰冰凍凍的沙冰，飲得舒腸又解喝😋—————————🟫特飲：芒果🥭派對：一聽派對就知道芒果🥭的濃郁，新鮮芒果🥭做的特飲，芒果的飄香加上的滑溜溜，喝得🈵️足的一杯芒果🥭派對🥳———————-1

炸魚柳飯配日式蛋黃醬$64呢碟飯聽個名好似唔差, 但係一黎到真係嚇一跳! 一隻長碟上面有: 一大個白飯+2塊薄過魚柳包又睇落攤凍左好耐嘅魚柳+一篤蛋黃醬吱喺魚柳隔離收$64比啲咁嘅野人食, 賣相仲要差過大快活啲炸魚柳飯, 咁冇誠意不如唔好開餐廳啦....卡邦尼意粉$68好大兜意粉好似好抵食咁....但係成兜真係得意粉咁滯! 菇同bacon少得可憐, d汁又杰過芝麻糊, 唯一好就係唔會太咸岩岩好我真係未見過咁垃圾嘅卡邦尼意粉, 咁基本西餐嘅食物都可以比人負評, 垃圾pizzahxt都好食過佢煙三文魚沙律配胡麻醬$7x上面兩款食物大大份, 碟沙律個份量反而又唔係多喎!有兩卷煙三文魚尚算ok不過呢個價錢真係唔值最後, 收銀碌卡收錯我錢, 我返到office先發現!! 好彩打返去餐廳佢地都肯認數,收工去拎返差額!

許久未約朋友相見近日終於夾到一齊放假實行行街睇戲食飯糖水直落😈去到北角，發現呢間新開冰室乾淨企理，裝修又充滿型格風一於入去歎個𝚃𝚎𝚊先😂.【香濃芝士熱狗配薯條 $38】呢款熱狗特別之處係將滿滿嘅芝士鋪係表面再用火槍炙溶，芝香濃郁😎麵包鬆軟帶脆，微微焦香，更加吸引～配上皮脆肉厚嘅法蘭克福腸同清爽香甜嘅蕃茄超級邪惡呀🥳同場仲有薯條同新鮮沙律添～下午茶時份，加多$10可配埋迷你雞蛋仔雪糕😈即使係迷你雞蛋仔都係即叫即做👍岩岩出爐嘅雞蛋仔熱辣辣脆卜卜加上冰凍雲尼拿雪糕，冰火交融🙈另外，隨餐附送埋餐飲轉飲手調咖啡或特飲，正價減$10😘益力多賓治，益力多味突出，仲有順滑嘅𝚌𝚛𝚎𝚊𝚖呢！.【咖哩豬扒配農夫包 $68】價錢親民，重點係好高質👍雖然可以轉配飯，意粉或薯菜但個人強烈建議配農夫包先最正🤣農夫包入面裝滿哂咖哩有切好嘅豬扒，薯仔，鮮茄等再係上面鋪左層熱溶芝士！入口好鬆脆，強烈而濃郁嘅咖哩同芝士香充滿整個口腔呀😋.【熔岩椰青海鮮珍珠飯 $98】呢個係店長推薦嘅𝚃𝚘𝚙 1招牌菜食完我地都一致讚好🙈椰青係即叫即開珍珠米加入鮮椰青水，芝士，忌廉同大量海鮮經過烤焗，芝士好似溶漿咁頃瀉出黎每啖都係綿密香口，仲

【 #高質冰室】上星期日同公公婆婆行完山後，精力耗盡，肚仔餓到不行了。經過北角和富中心新裝修後感覺煥然一新，多左好多唔同類型嘅食店，公公想食牛扒、婆婆想食泰式海鮮焗飯、小寶就想食蛋包飯，我就想食甜品，咁點算好呢？新開張嘅冰室99就一次過滿足曬我地唔同口味啦 ～佢地主打地道港式美食，但選擇之多，份量十足，性價比高嘅平民價星級餐廳，佢地仲有露天茶座架, 同毛孩散完步黎一齊共進大餐！是日點餐： 威靈頓牛柳🥩冰室都食到威靈頓牛柳仲要係HK$188, 即刻叫黎試下啦。即叫即焗，熱辣辣嘅酥皮包著肉香四溢嘅牛柳，肉質軟滑好 juicy。熔岩椰青海鮮珍珠飯原個椰青、椰漿、椰青水，再加上忌廉和芝士醬汁燴嘅珍珠米飯，啖啖都充滿椰香，好食到停唔到口，加埋海鮮有青口、蜆肉、元貝、蟹柳等，鮮味同飽肚感十足。蒲燒原條鰻魚咖哩蛋包飯原條鰻魚外層微微焦香, 肉質肥美爽脆, 仲有日式咖哩配旋風滑蛋蓋上珍珠飯, 滑蛋嫩滑＋鰻魚焦香 ＋咖哩甜香，perfect match 完美配搭。食肉獸之選 （肉眼扒16oz) 重量級嘅肉眼扒，外層煎得香脆肉嫩，內層粉嫩有肉汁，再配上時蔬茄汁意粉，飽肚之餘平衡油膩感。雪糕鮮果雞蛋仔飯後點

之前同朋友去北角和富中心食飯，經過一間西餐廳叫冰室99，見到餐廳座無虛席，而且重有多位客人在等位，相信食物質素有返咁上下，又望到客人品嚐的食品都好吸引，今日專程同老公過嚟試吓！招牌雜扒：份量十足的港式鐵板扒餐，熱騰騰上檯，將黑椒汁倒落鐵板傳出滋滋聲，更叫人食指大動。大大隻串蝦彈牙，豬扒、牛扒都好入味，雞扒嫩滑不油膩，還有法蘭克福腸和火腿。配上香辣的黑椒汁，味道層次豐富。揀咗配意粉，意粉用茄汁和調味料炒過，彈牙又美味！扒餐奉送餐湯、餐包、是日甜品，相當抵食！轉特飲有優惠，可以平$10，黑牛：一杯可樂加上一個朱古力雪糕球就係黑牛。 冰涼的雪糕與在口中爆泡泡的可口可樂，為味蕾帶來雙重衝擊。龍蝦汁海鮮天使麵：海鮮有大大隻青口和蝦仁爽口，魚柳嫩滑，蟹棒鮮甜，天使麵掛滿龍蝦汁，味道充滿鮮甜味。雪糕紅豆冰：懷舊雪糕紅豆冰一層雪糕，一層紅豆冰，層次分明，紅豆的清甜混合涼涼的冰感，口感一流！雪糕鮮果雞蛋仔：即叫即做，如果覺得光是吃雪糕不夠的話，這款港式雞蛋仔配雪糕就非常適合您，結合了港式香脆的雞蛋仔、雪糕、新鮮水果等等，非常豐富！

今日去咗北角度做運動，做完運動勁肚餓，要補充番啲蛋白質和富中心開咗好多新餐廳，見到有間冰室幾抵食鐵板餐包左餐湯、餐包，仲有甜品都係百零蚊咋<招牌雜扒(串蝦、豬扒、牛扒、雞扒、法蘭克福腸、火腿$108>Fatbrown 好肚餓，見到有個雜扒餐咩都有，一於試吓你到個份量超級大，豬、牛、雞都有齊，啲拍狗狗都鬆化，唔會硬骨骨，質素幾好<鐵板美國肉眼扒$138>朋友叫咗一個肉眼扒，佢話牛味十足，咁嘅價錢質素都幾有保證<芒果/乳酸奶昔$25>叫特飲可以減$10，芒果奶昔真味麻麻哋，乳酸奶昔好飲啲將奶昔酸酸地，有啲似益力多味，飲咗一啖幾開胃