冰室99 (已結業)

呢日唔經唔覺行到落嚟炮台山，睇過推介咖喱海鮮配農夫包同蒲燒原條鰻魚咖喱蛋包飯幾吸引，點知我正想落單嘅時候，職員話個餐無咗有成年咁耐啦我哋只好無奈地點咗個招牌焗豬扒意粉，跟蘑菇忌廉汁，雞扒丁轉米粉配火腿奄列拼牛油多士。不過食物整體味道好咸，餐飲熱奶茶諗住安全，可能因為唔係打邊爐時間，冷氣好弱，越坐越熱，已經轉唔切凍飲。餐廳位於和富地下連跨幾個舖位，限時優惠午餐滿「5」免一，自助服務多斟水牙籤紙巾，不過環境都算清靜，可以嚟傾吓偈

今晚又過來食放題，餐牌有改變，而家生啤任飲，冰凍的生啤跟火鍋系絕配，大樽装青島啤酒，仲多左好多野食，好多野飲，有果汁先生的椰青水同橙汁，今次食椰子雞煲，淡汤好好飲，好清凉！

今晚放工同同事一齊繼續過來食放題，今次點了個花膠雞煲，微辣，今次過到來見到每位加$30,生啤任飲，這個牌子仲要係徳國的品牌，出面賣$58 1杯，而家任飲，一邊 打邊爐一邊飲冰凍生啤，一個字：爽！

今晚過來北角和富中心＜冰室99＞食烤魚放題，聽說這裡的烤魚係用新鮮鱸魚， 即点即烤，所以過來試下，過到來烤魚有兩種做法，有香辣烤魚和酸菜魚，我點了酸菜魚，食放題啤酒任飲，啤酒竟然有我愛喝的青島啤酒，肥牛任食，還有大埔振興肉丸，價格不便宜啊，每位才199可以食到這麼好食材，簡直賺了。

我喺outdoor經過見佢地無放下午茶餐牌，於是好好禮貌咁問個後生金髮女waitress「請問可唔可以俾個下午茶餐牌我睇睇？」後生金髮女waitress：「你自己行返入商場去返我哋餐廳門口自己睇啦。」呢啲係乜嘢服務態度？咁請問你返工係做啲乜？餐牌都唔想拎比客人睇吓即係唔想有生意即係想倒米咁啲老細請呢啲職員黎做乜？令人好費解半年冇去以為有改善點知都係咁乞人憎懷疑呢度嘅老闆都係Hea做唔怪得知佢成日冇生意

🌃 食肆為茶餐廳， 位於北角和富中心地下 ， 鄰近於炮台山地鐵站B出口 ， 早餐午餐下午茶為茶餐廳食物， 而晚餐主打烤魚雞煲火鍋放題， 餐廳大堂有自助吧位置， 擺放火鍋配料、 飲品 及醬料吧等等， 餐廳設計為典型茶餐廳格局， 顏色以木系為主， 座位相隔距離合理， 都算舒適。.🤠 通粉foodie 就叫了 烤魚火鍋放題， 於晚市時段任食兩小時， 價錢係199蚊全包， 除咗烤魚仲可以選擇雞煲。.🍲 放題包括 肉類、丸類、 粉麵類、 雜菌蔬菜類、 飲品類。.👉 首先食烤魚， 兩個人食份量都唔少， 我哋揀咗小辣既香辣明爐烤魚， 而辣度到真係偏小， 下次可以嘗試叫中辣，烤魚表面有芫茜， 而烤魚塊魚皮烤得幾香口，用上了鱸魚嘅關係， 魚肉幾結實， 配料有芽菜、 萵筍 、芋頭、 蕃茄、 豆卜， 浸咗啲湯都幾入味。.👉 當食完烤魚之後， 就是火鍋上場了， 叫了職員加湯。.👉 之後小編加了肥牛， 呢個可以任食， 肥牛部位既肥膏比較多， 但呢一個價錢已經收貨了， 牛肉味都食得出。.👉 出面自助吧有高質素嘅大埔振興肉丸、蔬菜類、 豬紅、 炸魚皮、 粉麵類都係任食。.👉 飲品方面有啤酒、汽水、各款茶飲等。。。.

其實個人都幾鍾意食烤魚，最近發現屋企附近呢間冰室原來有烤魚/雞煲放題，明碼實價$199/位（唔收加一），仲有啤酒、牛肉任食！🤩餐廳入面都整潔，唔會好似一般雞煲地方咁亂，可以舒舒服服食2個鐘野！🐟明爐烤魚- 大大盤好夠麻同辣香，用上新鮮海鱸魚，皮滑魚肉白雪雪彈口，而且厚厚的好多肉，點上麻辣湯後真係好香口惹味，正！😋😋- 配菜如金菇、芽菜等非常入味，啖啖都食到惹味嘅辣🌶️，仲有蓮藕好新鮮好粉。食過明爐魚後就到出面任食任飲環節，肥牛可以同店員講，無限點的！外面超多款振興肉丸，仲有菜類。- 個人幾鍾意食魚蛋，好彈口，仲有黑椒丸都好特別。而烤魚加湯後淥菇類更加係超惹味超入味！😋😋😋- 飲品櫃內更加有啤酒、汽水任飲，好啱gathering傾耐d！$398/2位呢個價錢，其實剩食烤魚🐟+飲品都已回本，仲有任食丸類，真係超值！👍🏼

住北角’和富中心’嘅朋友仔帶我嚟呢度食烤魚放題，佢話好味又抵食，除咗個烤魚鍋，仲可以任食蔬菜、丸類、麵類，同埋任飲汽水同啤酒烤魚可以揀香辣或者酸菜湯底，我唔算食得辣，店員推介我哋食酸菜用咗原條海鱸魚，配料有芋頭、萵筍、金菇、豆卜、蕃茄、蓮藕同大豆芽……各樣配料同酸菜湯都幾夾，而且份量唔少特別一讚：芋頭好夠粉，係配菜之中最出色嘅一樣😋👍🏻任食items 有肥牛、炸魚皮、丸丸、腸仔、出前一丁、烏冬、娃娃菜、生菜、金菇、冬菇…… 📣📣炸魚皮超級脆，就咁脆脆食，同埋浸一浸湯底食都一流🤩📣📣所有丸丸係大埔振興嘅出品～質素有晒保證，我覺得係呢個放題另一大賣點，好落本呢！任飲items 除咗有過10款汽水選擇，仲有梳打水、王老吉，同啤酒添🍺～同朋友2個女仔嚟食，齋食個烤魚鍋都已經好滿足同埋呢餐食完無口渴感（我同朋友飲咗唔少酸菜魚湯底🤭）呢到環境簡潔企理，光線充足，讚多一讚係佢用嘅火鍋爐係長方形出火嘅款式，出火嘅位置令烤魚鍋成個受熱得好均勻，係一個抵讚嘅細心位👍🏻埋單仲發現原來免醬料費，免加一 $199/person，絕對好過係屋企自己整啦

天氣開始凍凍地， 係時候去打邊爐👏🏻😍，今次到冰室99，位於北角和富道21-53號和富地下G16號舖。 店內座位寬闊， 光線充足又舒適。 開頭是被門口的餐牌吸引，烤魚/雞煲放題$199 (120分鐘) 📍，已經包括任食各款肥牛🥩、振興雜丸🍡、汽水🥤和獅威啤酒🍻。 烤魚和雞煲都很吸引，今次選了烤魚， 餐廳選用新鮮海鱸魚， 魚皮煎香後再上煱，味道鮮嫩，魚味濃，肉身飽滿啖啖肉🤤🤤，好少骨，我點了小辣， 湯底酸酸辣辣很開胃。 配菜有萵筍、蓮藕、豆卜、芋頭、金針菇、蕃茄和芽菜等等， 材料非常豐富。 食完魚之後可以打邊爐🤤，有美味的肥牛和香脆的魚皮， 自助區有各款丸類、 鮮冬菇、豬紅、蘿蔔、粉絲、金針菇、菜類、烏冬和出前一丁等等， 另外還有自助飲品區， 日本汽水或啤酒任君選擇。 整體而言性價比非常高👍🏻，烤魚味道有水準， 各款打邊爐配料都很新鮮，值得推介🙌🏻😊。 🏷️溫馨提示～ 整個用餐體驗均屬個人分享意見， 只作參考😊。

心血來潮想吃火鍋，朋友建議不如食烤魚～ 北角這個商場內的小店原來有任食雞煲和烤魚！今次選擇了烤魚，食得飽肚，絕對是重口味人士之選🤣烤魚可選擇辣度，BB辣剛剛好，而且會越食越辣，十分過癮！注意湯底都會越食越鹹啊～ 烤魚用上新鮮鱸魚，大大條，兩人食完全足夠；魚肉嫩滑又少骨，方便食用🐟 配菜有金菇、萵苣、芋頭、豆卜及蓮藕等，款款入味十足🙌🏻 喜歡肉類更可任食肥牛和炸魚皮！自助吧有各款菜類和振興丸類，手打肉丸彈牙美味！推介墨魚丸和龍蝦丸🤤 豬紅都不錯，味道不腥！飲品櫃更有各款汽水和啤酒任飲，但如果有茶類飲品就更好了～

呢排凍凍地又落雨咁，下星期仲會更凍，係時間食麻辣烤魚暖下身🐟120分鐘烤魚/雞煲任食 $199(免加一)自助區:各款丸、豬紅、蔬菜🥬、菇類、烏冬/公仔麵🍜、汽水啤酒梳打水等🍺，(肥牛同魚皮都係任食，不過要同店員落單)主角烤魚🐟本身已經有好多配料，有豆卜、芋頭、芽菜、萵笋、蕃茄🍅等，我地要左小辣，唔太食得辣既朋友仔都食到，烤魚夠惹味，欣賞佢將條魚切開一半，無左中間條骨，可以啖啖肉咁食🥰通常放題d丸都係用比較低質既丸，但呢度係用振興既丸呀❣️d丸肉味夠濃，另外肥牛都ok，最後煮番個烏冬吸哂麻辣湯底既味，正🤤Overall$199任食2個鐘，又有啤酒任飲，性價比不錯🤘🏻食得辣既朋友建議叫中辣或以上，會更惹味🌶️

上一個Post就唔係任食嘅而呢個Post嘅打邊爐配料就係任食嘅佢哋依家雞煲/烤魚優惠（$199）而全部打邊爐嘅配料都可以任食‼️‼️我哋就揀咗要雞煲咁首先講咗雞煲嘅味道先啦（我哋揀咗要小辣嘅）呢個辣度都幾啱啱好😆😆（我afford到之餘亦都覺得幾惹味😋😋）味道食落去都幾濃郁而且雞肉都算幾嫩滑之後就講吓佢哋嘅牛肉啦佢哋嘅肥牛雖然唔係好高質素嗰啲但係食落去都唔會太過肥膩😲😲而且都唔會韌到你覺得食得好辛苦跟住就講吓佢哋嘅配料啦我覺得佢哋嘅牛丸真係幾高質🤩🤩食落去好Juicy瀨尿牛丸食落去就真係要小心啲🤔🤔因為一咬落去就爆曬啲汁出嚟（我成件衫都係嗰啲汁⋯⋯🥺🥺）除此之外值得一提嘅係呢間舖頭免收醬料費同埋加一服務費😱😱（應該冇乜打邊爐嘅舖頭會唔收加一）而且員工服務態度真心幾好👍👍有興趣嘅話不妨去北角試吓

聽友人介紹北角和富有一間好抵食嘅雞煲烤魚放題😮 有得任飲任食都唔駛$200 呢晚就嚟咗試試有幾高性價比香辣明爐烤魚齋睇擺盤已經覺得餐廳好有心機 可能有少少強迫症 鍋嘅四角分別放咗一款配料令我好舒服😌 配料分別有番茄 芋頭 豆卜 萵荀 魚下面仲有好多芽菜 上面就係芫茜點綴 辣度揀咗小辣 但係真係好微辣😂 建議想食辣啲嘅朋友要大膽啲 雖然唔算好辣 但係湯底都有好香嘅香料味 烤魚用咗鱸魚 所以肉質唔會好鬆散 食到好紮實嘅魚肉🐟肥牛呢個都係任食架 只要同店員講就可以加 肥牛都有牛味 同呢個香辣湯底都夾嘅🐮 令我都忍唔住嗌咗幾碟香脆魚皮呢個同店員講都可以添 魚皮比較薄身 但係真係好香脆 好啱配啤酒🍻自助吧有蔬菜 丸類 同飲品可以自己拎 特別見到餐廳強調佢哋提供嘅係振興肉丸 令平日食放題好少攞丸嘅我都食咗幾粒🙊 因為丸嘅質素真係比好多放題店嘅高😄 特別推介牛丸👍🏻 飲品就有汽水同啤酒飲揀 估唔到仲冇梳打水飲🥰兩個人食都唔駛$400 有時去餐廳食條烤魚都要呢個價錢啦😝 呢間餐廳仲有埋其他火鍋料任食 真係好高性價比呀😙

今日去北角睇傢俬，之後落左嚟和富搵食。之前幫襯過地下嗰間泰菜館，今次就一於試下隔離嗰間「冰室99」。餐廳裝潢簡潔，以啡木色為主調，環境開揚光猛，座位寬敞闊落，坐得好舒服。頭先入嚟嘅時候已經喺門口睇左餐牌，所以一坐低就可以立即點餐。今次我哋揀左個每位 $199 嘅任飲任食套餐，客人可於雞煲或烤魚中任擇其一，另外仲包任食肥牛、振興肉丸、各式火鍋配料同任飲汽水及獅威啤酒，十分抵食。烤魚選用了新鮮海鱸魚，食落肉質好滑溜，外皮金黃帶脆，魚肉飽滿，鮮嫩雪白，魚味濃郁又無腥味，加上大大條，入口啖啖肉，非常滋味。配料亦唔野少，有大豆芽菜、芋頭、蓮藕、萵筍、豆卜、金針菇同蕃茄等，分量十足，夠晒兩個人分享。食完烤魚就可以開始打邊爐，配料方面，其實大部分都已經放晒喺外面嘅自助區，有豬紅、鮮菇、蘿蔔、金針菇、脆皮腸、雜丸同時蔬等，全部都可以任食。要特別推介幾款振興肉丸，唔單止無味精、無防腐劑、無人造色素，而且用料十足，真材實料，尤其喜愛牛筋肉丸同貢丸，粒粒彈牙有嚼勁，食落肉汁好豐富。另外任食嘅肥牛水準亦唔錯，肉質唔會過肥，放入湯輕輕一灼就食得，入口有油脂甘香。飲品方面，除左汽水、王老吉外，仲有罐裝同支裝啤酒等

黎到11月又係食雞煲打邊爐既季節 今日係北角放工收得夜就去咗和富商場嗰邊搵嘢食 見到#冰室99 有雞煲/烤魚食又免收加一同醬料費 超抵食咁雞煲可以選擇你喜歡嘅辣度🌶我哋唔係咁食得辣 所以揀咗小辣 雞煲嘅份量都啱啱好夠兩個人食雞煲上枱時已經係熟熟地 得地焗多幾分鐘再炒香 🐥配菜有大量蒜頭🧄芫荽同洋蔥🧅食落雞肉肉質嫩滑 配上醬汁都幾惹味下咖☺️ 美國肥牛🐮為咗保持肥牛既質素同衛生關係 肥牛係需要侍應order 然後佢去攞比你呢碟肥牛比較多脂肪 啱晒我呢個鍾意食肥膩野嘅肥妹🤣加埋雞煲本身應有嘅醬汁 點綴左美國肥牛嘅味道自助區有大埔振興嘅丸類及大量蔬菜🥬 飲品都仲有啤酒🍻冰室99📍北角和富道21-53號和富地下G16號舖