冰室99 (已結業)

又係外賣晚餐的時候，呢間冰室在北角和富中心商場，算係新開張，格調幾好，有露天地方，有d似酒吧feel. 佢d款式唔似一般茶記，走高少少路線，當然價錢就貴少少。 但好食既野，貴少少好正常啦。今次叫左咖哩牛腩飯， 龍蝦汁海鮮天使麵，日式燒汁雞扒蛋包飯，吉烈豬扒親子丼。咖哩牛腩飯個咖哩汁好好味，辣度剛剛好，我諗只係撈汁都可食3碗飯， 牛腩煮到好林。龍蝦汁海鮮天使麵又係值得推薦，龍蝦汁味道夠香濃， 天使麵唔會太林， 好爽， 重有好多海鮮，青口，蟹柳，蝦等等。日式燒汁雞扒蛋包飯，雞扒煎到層皮好脆，蛋包飯個蛋熟到適中，有蛋汁包住d飯， 唔會太老。最後係吉烈豬扒親子丼，呢個不過不失， 吉烈豬扒炸得幾好， 但豬扒較簿同瘦。 整體都不錯。 最後一提係，每個餐d,份量好多， 3大2小d飯又係食唔哂，屋企附近又多一間好野食。