冰室99 (已結業)

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 ：8.5/10服務： 9/10味道： 9.2/10影相： 9/10性價比 : 9.7/19回頭率 : 9.7/10➖➖➖➖➖➖➖➖➖➖➖➖➖➖➖小編一直都對冰室情有獨鐘🙈每次見到有新冰室開幕就忍吾住去睇下有咩岩食😂今次係北角和富中心到見到呢間「冰室99」價錢親民貼地之餘，仲要大份夾抵食連食物嘅質素同款式都比到驚喜我😘.©咖哩雜菜煎蛋配農夫包 $56以冰室黎講，一般好少會供應農夫包🙆‍♀️所以係呢間見到真係令我幾𝖲𝗎𝗋𝗉𝗋𝗂𝗌𝖾下🤣農夫包嘅口感好似法包咁，鬆化脆口裡面裝住滿滿嘅濃濃咖哩雜菜最精炒之處係，即使放耐左麵包外層仲係𝖪𝖾𝖾𝗉住脆口吾會因時間而變得軟腍從而引起膩感，呢點要大讚👍選用馬來咖哩， 咖哩味突出混合住椰汁嘅香滑微微嘅辛辣，令味道更富層次感！大量嘅雜菜如紅蘿蔔，豆角得，口感超豐富🥳.©鐵板美國豬鞍扒 $98豬鞍扒目測有成2cm厚架！兩邊煎至金黃色鐵板夠熱，倒落黑椒汁，隨即發出「沙沙」聲豬鞍肉質厚實而又嫩滑配上惹味辛辣嘅黑椒汁，真係超正🥰仲有外脆內薯嘅炸薯角添～一Set仲包埋餐湯，甜品同飲品仲有鬆脆，啖啖奶香嘅丹麥包，勁抵食👍.©特級T

星期六去開北角和富中心嗰邊試下呢間西餐性價比頗高又好食叫左一個set lunch燒汁沙丹豬扒配珍珠米 $68包左是日餐湯同飲品今日係雜菜湯好濃番茄味幾好飲豬扒夠淋配埋個火腿同燒汁撈飯一流特飲 - 芒椰派對 $30 (set lunch減$10)夏天係芒果既季節配埋椰汁消暑一流如果可以少甜更好😋廚師精選 - 龍蝦汁海鮮天使麵 $88一睇menu就比呢個意粉吸引左平時出面食龍蝦汁意粉起碼過百呢度只係$88仲有咁多海鮮好滿足😍呢間絕對值得encoreP.S. 呢個商場比較多幼兒教育中心媽媽們送完小朋友上興趣班可以坐低食住等放學

這家商場翻新後，陸陸續續開了很多新的餐廳，應該都是住附近的街坊食堂吧。食物選擇蠻多的，有鐵板鋸扒、意粉、咖喱飯、焗飯、特色甜品等，也有晚市套餐。丹麥酥及是日餐湯先來個餐包及羅宋湯。原來不是一片普通的多士，上枱時香噴噴，牛油酥皮香，麵包一層層，容易撕開，有驚喜的吐司。法式香草烤焗比目魚扒配意粉魚扒表皮微微煎香，裡面的魚肉細嫩少骨，啖啖都是肉；意粉本身沒有調味，較單寡，所以要拌那香草牛油醬汁一起。蒲燒原條鰻魚咖哩蛋包飯澎湃的漩渦狀半熟滑蛋，吃得茶餐廳那種香濃蛋香的雞蛋。鰻魚雖然不算肥美厚肉，但沒有骨且原條足料，醬汁不多，旁邊配上日本咖喱汁，起初還以為燒汁鰻魚配咖喱好像有點奇怪， 但是沒想到蠻開胃，用來拌蛋包飯最滋味。芒椰派對第一口呷進去，椰奶味蠻突出，隨後芒果味湧上，甜甜酸酸，夏日解渴最佳之特飲。

其實一直都有見到依間餐廳 但係因為佢裝修比較靚同乾淨（相比起其他港式茶餐廳）所以一直都以為佢幾貴 💲💲💲點知今日同事拉我過去我先發覺佢d 野食都幾抵下食物款式真係好多下，睇到👁👁都花，然後望一望隔離枱大叔個碟巨型蛋包飯，真係睇到o 曬咀。。。所以唔係好餓嘅我地決定share 再加個cake 滿足下😚😚🥚蛋好滑🥚有好多雞扒🐣🐣，仲好貼心咁切好左。個咖哩冇太辣，同份量岩岩好，撈住d 飯食，好正😋（而家打番又想再食過）雞扒冇咩雪味 幾唔錯。我地兩個女的分岩岩好🍰蛋糕要加20蚊，質好高，量有d 少🤣🤣🤣🤣🤣不過真係好好味，食落口感好細膩好滑同埋一d 都唔膩 好似係茶嘅味。可惜嘅係我地唔係食set lunch, 如果要加野飲太貴了，所以冇加👉🏻👈🏻

上次同同事食咗cafe應承過會同佢食埋隔離嘅冰室99，所以今晚我哋又嚟咗和富喇！泰式冬陰功軟殼蟹意粉：軟殼蟹炸得酥脆，意粉軟硬度適中！配料有三色椒同埋菇菌，冬陰功味道唔太濃烈，相信唔食辣嘅人都可以食得到🦀咖哩海鮮配農夫包：一上枱已經好吸引！海鮮種類好多，有青口、魚塊、蝦、帶子仔、蜆肉同蟹柳！農夫包大大個烤到好香脆而且成個包入面滿滿嘅都係海鮮同配料，好足料！！咖哩香濃又惹味仲有拉絲芝士喺入面❤️❤️❤️雪糕鮮果雞蛋仔：雞蛋仔熱辣辣外脆肉軟蛋味香濃，加上大量新鮮果肉同雪糕，一凍一熱令平凡嘅雞蛋仔味道層次更加豐富😋芒椰派對：芒果同椰奶嘅比例配搭得好好，又香又滑🥭🥥獅王舞影：酸酸甜甜又夠冰凍，仲有士多啤梨粒粒點綴🍓

話說今日假期就同屋企人出街搵好野食，見到和富哩間餐廳靚靚地又幾多野食就試下喇～叫左三樣嘢，咖喱豬排農夫包，雜扒鐵板燒，同埋原條鰻魚蛋包飯。哩個農夫包係超級大份，咖喱對我黎講有啲辣份量超足，但係都係好鹹..蛋包飯樣係好靚靚，但係條鰻魚又係好鹹.. 同埋有少少腥😓😓總括黎講三碟都好鹹😓😓 除左跟餐嘅湯係OK嘅.. 今次真係有啲失望，唔知係咪我地唔識叫定咩，全部叫嘅嘢都好鹹，餐廳服務又唔係特別好，第一次幫襯嘅印象真係麻麻地... 咁價錢唔算好貴嘅.. 希望佢之後會好啲啦😌

行過，路過，和富道和富薈落去幾級樓梯，有間可以坐露天茶座嘅餐廳，它的設計很好，你不會邊吃邊有人經過睇到你的吃相，但又方便我這些揸車人士 臨走比錢才知道原來入面靠近商場位置也紅靚很舒服的！尤其有毛孩，或者來一吸口新鮮空氣也一流！早餐也是沙嗲牛肉公仔麵，火腿通粉之類，但有少少心思配搭了牛角包， 感覺有誠意，若能牛角包可以供應正常size那就能更給更加高分了！ 熱奶茶，熱咖啡也有試過，溫度夠熱，尚算合格 ，下次一定再來!

經過北角見有間冰室叫冰室99，地方幾大，仲有户外茶座幾舒服，就入去試下。Order咗鐵板特級T骨牛扒配燒汁意粉餐。先來個羅宋湯配上牛油多士，羅宋湯好多蔬菜喺入面好足料，牛油多士亦都好香脆。主角鐵板T骨牛扒就好大塊，因為T骨嘅關係所以比較有嚼勁但少根少肥而且牛味好出，加埋我喜愛嘅薯角完全食到停唔到口。飲品叫咗特濃朱古力奶食同埋熱鮮奶。特濃朱古力奶昔好creamy而且鋪滿濃濃嘅朱古力taste我好鍾意。熱鮮奶就好暖胃。甜品亦都有雪糕提供，呢餐絕對係懷舊嘅回憶味道。

冰室99 網址: 地址: 北角和富道21-53號和富中心地下G16號舖==================方便返工決定搬去港島區住 ,會省卻很多時間在交通上，現時一程車都要1.5小時，加上經常塞車，住近公司可慳返時間休息跟餐的紅湯 豬肋骨飯，塊大大片燒菠蘿甜又多汁，當中酵素有助消化分解蛋白質,食多多肉都無問題啦。件肋骨亦都juicy bbq汁惹味另一碟是羊架飯，羊架面層有香草能去掉羊酥味，有d似apple crumble架脆脆粒。飲返杯凍飲，舒服涼快仲有甜品，是朱古力蛋糕呀，擺盤仲幾靚似足甜品專門店出品

上次食完石燒牛之後，望過吓門口個Menu，睇中佢個農夫包 ，決定下次嚟要試埋連住舖嘅冰室99咖哩海鮮配農夫包 $80平時好少食咖喱，今次為咗個農夫包而點，咖喱海鮮有青口丶蝦丶柱貝丶蜆丶蟹柳，仲有有洋蔥丶薯仔丶蕃茄加芝士，外脆內軟嘅農夫包裡面索滿咖喱汁，特別覺得好味！特級T骨牛扒 $128懷舊鐵板餐，件T骨扒都幾大塊，似乎有啲過熟…加上以我相機食先嘅習慣，塊扒嘅肉質已經開始變韌；跟餐仲有湯丶丹麥包同埋飲品，丹麥包酥脆丶重牛油味，更得我心！莓莓奶昔 +$25微微莓味，有少少沙冰嘅口感，甜度啱啱好芒椰派對 $20芒果加椰奶嘅阻合，無想像中咁甜朱古力心太軟配雪糕 $38食到幾飽，都想叫返個甜品，揀咗一定食得哂嘅心太軟，都算少少流心，小小甜，大滿足。

是日同HONEY去和富中心的冰室99食晚餐，熱情的職員介紹不同的扒餐同埋其他意粉飯類，同HONEY點左個泰式軟殼蟹冬陰功意粉，西冷牛扒配薯菜，另外湯系白湯，點左雪榚紅豆冰同埋芒椰派對白湯白湯味道唔錯，泰式冬陰功意粉泰式軟殼蟹冬陰功意粉意粉爽口，汁夠多，好掛汁，軟殼蟹都炸得唔錯，如果份量多一點會更好西冷牛扒配薯菜，西冷牛扒配薯菜的薯角真的好好食，又唔會林曬，加埋KETCHUP真的好正，另外牛扒做到5成，HONEY都話好食~~雪榚紅豆冰同埋芒椰派對雪榚紅豆冰同埋芒椰派對叫套餐一杯減10蚊，芒椰派對真的有驚喜，估不到冰室的飲品都咁新潮，雪榚紅豆冰都KEEP到水準，柚子芝士蛋榚套餐加15蚊會有是日CAKE，今日系柚子芝士蛋榚，味道都唔錯，酸酸MAYMAY，作為一個最好的ENDING

港式茶餐廳風味，座位寬躺舒適，還提供紙巾，上菜快，價錢公道。免收加一#是日甜品 #伯爵茶忌廉蛋糕不會太甜的雪芳蛋糕，淡淡的伯爵紅茶味道配合得很好，還有藍莓🫐、草莓等伴碟，還有草莓醬、朱古力醬等不會膩，不錯😋#菠蘿汁 $22（跟餐飲品減$10）菠蘿味濃郁，正#紐西蘭肉眼牛扒 #晚餐 $108奉送餐湯～選了意粉，份量很大，飽肚之選～蕃茄意粉軟硬適中。配菜有🥬蘆筍、蘿蔔、椰菜花等肉眼牛排肉質厚實，不會生，味道健康，不會咸。重口味朋友可以在旁邊抽屜有胡椒粉和鹽提供可以自行加料#威靈頓牛柳 $188奉送餐湯和丹麥麵包。平價的威靈頓牛柳配合脆脆的粗薯角，非常惹味。被千層酥包着的well done 厚切牛柳，裡面還鋪著薄薄的蘑菇芝士醬，口感豐富。服務質素：6/10環境舒適度：7/10ᶘ ᵒᴥᵒᶅ個人口味評分：5/10

和富中心翻新左之後多咗好多新餐廳，之前食過一間泰國菜，而家再試下旁邊嘅冰室先！餐牌有多國菜選擇，首先就叫咗日式嘅丼飯，啲肉都燒得幾好，好欣賞佢落咗好多乾木魚，再配上旁邊嘅醬油，好有燒汁同埋芝麻香味中間其實仲有溫泉蛋，令到啲飯更加滑溜~蒜香意粉都炒得好乾身，唔會油淰淰，同埋啲蝦都幾新鮮！如果可以多番啲蒜味同埋橄欖油味會更加正😛我咁啱坐嘅位置望到佢哋入邊整甜品，啲雞蛋仔真係即整㗎，啲邊邊位會好脆但係一定要快啲食！如果唔係啲cream同雪糕就會好快溶！

冰室99 - 新派港式冰室今日介紹一間位於北角的冰室，除了有港式常見的菜式例如粉面、鐵板餐外，還有多款特色的多國菜，而且價錢親民，一定有款啱你。招牌雜扒鐵板餐港式冰室的經典鐵板餐，小時候一定要點的雜扒餐，因為包羅萬有，這款也不例外，有豬扒、牛扒、雞扒、法蘭克福腸、火腿和串蝦，超豐富的。蒲燒原條鰻魚咖喱蛋包飯長長的原條蒲燒鰻魚，厚度十足啖啖肉，配上惹味的蒲燒汁，還有香甜的日式咖哩和滑蛋。雪糕鮮果雞蛋仔即叫即製熱騰騰的雞蛋仔，外脆內軟，而且有香濃的蛋味，上邊加上忌廉和雲呢拿雪糕，還有藍莓和士多啤梨粒。雪糕紅豆冰 有鐵板餐，當然唔少得雪糕紅豆冰。

今日同朋友係北角和富行街見到呢間都幾多人就去試吓～睇一睇餐牌其實價錢都相當抵食，set dinner 大概$100左右一位已經包括飲品同餐湯 ，如果唔啱嘅話亦都有散嗌 ，有農夫包丶鐵板餐丶常餐等等 我同朋友就要咗個熔岩椰青海鮮珍珠飯同埋香煎紐西蘭肉眼牛扒 (set dinner)餐湯係周打魚湯, 入邊有蘿蔔丶洋蔥等等都幾creamy 主菜肉眼扒要了燒汁 都好大塊，食落去都有牛味 以呢個價錢來講可以收貨 ，意粉唔係白灼意粉，係蕃茄意粉🍝～睇得出有誠意 至於熔岩椰青海鮮珍珠飯 🥥 一上枱好震撼，真係有用熔岩既感覺 成個椰青入邊放滿左芝士海鮮飯 其實好邪惡🤪但係又好好食 芝士夾雜椰香味 再配上新鮮海鮮 正～另外叫咗兩杯特色飲品 包括係芒椰派對同乳酸奶昔乳酸奶昔酸酸甜甜 都不錯👌至於芒椰派對🥭好重芒果味 甜度適中 食完野飲番啲凍嘢令人好透心涼😋以呢個價錢來講性價比幾高！