再興燒臘飯店

營業中

休息中

十年前喺灣仔返工成日去再興食燒味, 果時經常排哂長龍,  但好多人都話佢而家走哂樣無咁好食啦....咁啱好耐無食燒味飯, 而行過竟然無人排隊(係因為疫情關係定佢真係而家無人排就唔知啦) ,  不過我都係唔敢堂食住, 始終果度衞生好似一般, 然後再見到外賣個飯只要$34, 所以決定外賣自取. 我叫咗個叉燒燒鴨飯. 先睇份量都算多, 夠舖平成個飯盒唔會見白飯多過餸. 燒鴨表皮算乾身, 醃得夠入味, 食得出有奄料同燒烤香味,  唯鴨肉部分比較嚡口, 叉燒比較出色,  瘦叉係我至愛, 肉質鬆軟, 蜜糖唔太多, 較乾身, 但反而就係咁係最好唯獨個飯真係好唔得....好硬又太乾身, 無飯香,  不過係唔係將價就貨就不得而知啦

🇭🇰再興燒臘飯店·又係一間有表達支持既小黃店💛呢間簡直就係男人既浪漫 我地個日去食 我好似係唯二既女客人 大家食飯都唔講野 超安靜😂😂不過D燒味哥哥講野個tone勁好笑 我地係咁偷聽😂😂·叉燒飯 $36 (雙拼同價)佢係真係超大碟 如果女仔食唔曬記住嗌少飯阿🥰佢D叉燒係口感比較扎實個種 不過個調味做得好好 幾好味 尤其係個外皮既部分🤤🤤個燒肉我自己就覺得鹹左少少 不過個皮做得好脆 係一碟好樸實既燒味飯😋大家去到記住要薑蓉 佢個薑蓉撈飯超好味 我自己好鍾意keke·#rbyeat#rby港式#rby小黃店#rby灣仔·📍灣仔軒尼詩道265-267號地下C座

曾被CNN曾形容「再興是叉燒的同義詞」，加上幾次榮獲米芝蓮美食推薦，再興係叉燒界王者代表地位真係無庸置疑！平時繁忙時間真係唔洗止意堂食，等位都下下講到要等成半個鐘先有位入，於是今晚經過見到有得wall-in就決定入去懷緬下兒時回憶地點：位處於灣仔中心地帶，英皇中心同埋灣仔油站附近，距離灣仔地鐵站約十分鐘步行時間環境：餐廳好易搵到，門口有個大大塊嘅傳統港式招牌，無論招牌以至餐廳入面嘅格局，都係一間好傳統嘅港式燒味店格局，半開放式廚房，燒味掛晒係櫥窗，等大家可以睇到既新鮮又肥美嘅燒味，望住啲醬料肉汁慢慢咁滴落黎，見到都好想快啲食！食物質素：叉燒油雞飯（$36）再興嘅出左名大碟又平民價，單併雙併一律$36，招牌貨當然係叉燒啦，肥瘦程度任意選擇，佢嘅叉燒同口感扎實，外層表皮微微焦燻，甜甜嘅醬汁（聽聞用左麥芽糖）已經滲透入肉內，入味軟嫩嘅肉質略帶油脂而且又不柴不膩叉燒界王者果然名不虛傳！相對之下，油雞就無叉燒咁出色，畢竟唔係名物，但都係中上，如果想食多幾舊叉燒嘅，不妨叫單併！叉燒燒鵝飯（店員所稱呼嘅黑毛叉飯）配例湯（$66）每次黎食燒鵝叉燒飯嘅時候都會聽到店員叫「一碟黑毛叉飯」初初就咁聽落去仲以

近半年比較多大形活動， 過開灣仔都小左去食。 今日開完會一個人又係附近一於去食下煎。 咁耐冇食豪啲啲， 燒腩鴨肶飯， 西洋菜， 例湯。 😁 伙記個個都做左好耐， 我話食咁耐第一次食飯時可以一個人一張枱， 姐姐就話現在很多都是外賣， 堂食小左， 仲多謝晒我地啲熟客特登過來食。 （ 平時啲伙記很忙， 冇咩機會吹水） 都係講番野食， 由於大部分燒味都係每日只做限量， 賣晒就算， 所以機本上冇隔夜嘅你食， 同老火湯日日新鮮。 所以如果要做節買就先打個電話早2日訂左先。 我果日食完個西洋菜（走汁）， 再食個有咩邪惡架燒腩鴨肶飯， 燒味仲有火炭味， 就像細個冇電爐架時侯架風味， 個皮仲脆卜卜tim. 由於冇咩人坐左陣先起身走人。 埋單果時， 幾個伙記都話多謝幫襯， 平平安安呀。 真是很溫暖， 本來每日咁多人架飯店， 完來伙記哥哥姐姐都是應得啲熟客的。 加油呀💪🏻

之前已經聽同事介紹，今日終於試一試。非午飯時間，差不多兩點先食飯，所以有位。同事ordered 燒鵝乳豬飯，我就照跟要少飯，跟個例湯同菜。好足料上枱啲野都仲好熱，但個人唔食咁肥就要自己去肥，不過真係好味道，每張枱都有調味料可以自己加。呢間舖啲人真係做到無停手，但都仲係好敬業樂業，會介紹你食咩，有咩出名。

今日星期六爸爸媽媽放假，原本諗住請佢哋出街食，但係屋企人話難得放假，就不如屋企煮感覺少啲味精，食得健康啲唔緊要啦，爸爸媽媽永遠是對的咁佢哋有佢哋煮，我就出去斬料加送，呢間燒味舖一直都好出名叉燒，但成日都排長龍，爸爸媽媽放假都咁辛苦煮飯，呢條長龍冇理由唔排啦，咁今次就買咗半斤叉燒試吓，叉燒有燶邊非常香脆，半肥瘦，唔會太油膩亦都唔會太乾身，但唯一有一個缺點，就係味道偏重，連續食兩舊就會覺得太鹹，相信下晝食叉燒飯會啱啱好

來度灣仔，我就一定會去一次再興燒臘飯店，因為哩度噶叉燒真系好好味，好合我心意，叉燒飯好大份，而且叉燒比得超級多，叉燒吾會太肥，但系都吾會太瘦，食落去好有口感，滴蜜汁好惹味，叉燒燒得好香口，次次食都差不多都清盤，比個like。

銷售員A人生第一份工作是在灣仔區，故此當時已經常常幫襯再興燒味。今午有機會重臨灣仔會展工作，藉空檔馬上跑到再興買一個燒味飯外賣。叉燒燒排骨飯+半隻咸蛋 : 叉燒較乾及硬，燒排骨味道淡。縱使員工的服務態度大大改善，但重點是在於食物質素，始終是回憶中的燒味飯較好。銷售員回頭指數: 2分

今日路經灣仔，諗著食過快既午餐，一個麻luck 佬，當然男人的浪漫食燒味飯就最好不過。呢頭有間再興燒味，都幾出名。剛好吾使排隊直入。不過入面坐到密麻麻。我叫個半肥瘦叉飯，點知黎過極瘦叉，侍應都 okay ，肯幫我換，但再黎既都吾算肥，不過就好林，可能係梅頭既部位。但我好後悔無叫雙拼，一來雙拼價錢一樣，二來我見其他人既雙拼餸量比我多一倍，蝕底左🙄。在場都有兩枱外國人，侍應阿叔都講得兩句英文，serve 得外國人好開心，佢地對D燒味好似好滿意。

男生們是非我細細聲講給你，叉燒切雞飯，定要凍檸茶一起。宜家才食晏做到五點幾，今日志願要食叉雞飯走肥 。切雞手法，動作很劉華，我真是好奇；收銀嗰個，一直全日咁企。近來走訪不同地方食叉雞飯，一定要嚟打大佬，米芝蓮推介燒味店。叉燒，超過十成熟，有點失望；切雞，四件，雞皮肉可以接受；凍檸茶，走甜真係冇糖，而且有點苦；凍飲杯、飲管和匙羹，都是即棄膠用品，可以改善。給三星，不是米芝蓮，是在開飯網。

燒味飯一直都係香港人最鍾意食嘅飯。呢間係啲人成日話好好食嘅再興。我們今次叫左一碟油雞飯同一碟叉燒飯。碟油雞飯啲雞有啲硬，不過啲薑蓉就好好味。碟叉燒飯啲叉燒都有啲硬同乾，不過就夠瘦。有一壺茶放係檯面比人飲，但啲茶係無味的。呢間價錢都平，只係三十幾蚊一碟飯，食到飽飽。

喺灣仔呢頭返工, 每次我帶飯就唔知諗食咩好。今日有啲想食燒味飯, 第一時間諗到呢度！呢間比較舊式嘅燒味檔, 雖然比較舊, 不過無減佢哋客源, 今日自己一個人黎, 好快就有位, 不過冇幾耐就開始滿座小妹唔介紹係咪要同人搭枱, 都唔介意同其他人坐, 有時一個人食飯都有一個人既好處叫左個好耐冇食既肥叉燒鴨飯, 呢度單/雙併同價 $34如果飲湯就另加$6, 今日個西洋菜湯清清的唔算好濃, 不過感覺好有屋企味道如果唔想飲湯枱面有水比大家自己斟黎飲黎到喇! 肥叉燒鴨飯, 兩者賣相叉燒勝出~外層真係肥肥的, 呢D先叫做肥叉喇, 咁岩老細斬比我果舊肥叉仲要係帶有爽口感果款, 因為肥叉脂肪比較多, 所以肉質好嫩身, 食落真係好香叉燒既味道! 推介燒鴨比較就差左少少, 比左胸位我, 雖然我都好中意食胸位, 多肉食不過鴨比較瘦少左份鴨油, 如果係其他部位應該會好好多~食燒味飯又點可以冇汁撈飯呢? 枱面有枝好味汁, 就係燒味飯既靈魂, 大家一定要試下啊

一家毫無誠意的食店，昨晚心血來潮，想食燒味飯，經過再興，平常見長期排隊，今次有空位便入去幫襯,店內全部用外賣餐具，叫店燒骨燒鵝飯加例湯，$66元，價錢算中等，因為燒鵝來貨比較貴，燒骨似普通义燒沒焦香味，燒鵝六件，四件只有肥肉加塊皮，一丁點肉也沒有，根本是下欄位，其他食店這些位置應該不要，跟店員反映一下，他說鵝背是這樣，落單前可以選擇部位（真係〇左嘴）例湯隔夜湯似饀水，甘既質素，看來只是做自由行的生意，難怪昨日晚上八時已經沒有什麼客人了，大家差不多價位的燒X大皇，相比之下有誠意得多，祝你好運！

都有一段時間冇去再興食飯，今日心血來潮又想食佢地D叉燒燒肉，中午時間，全場爆滿，一位難求，但係我一個人就好容易有位，一座下就叫左個叉燒燒肉飯，可能冇叫肥叉所以今次叉燒有D干燒肉正常，睇怕都有一段日子唔會再去

今次係下午茶時間去食，唔太多人，冇咁逼。又例牌叫咗個雞鴨飯雞胸配鴨脾，雖然係一好一壞嘅配搭，但佢好壞係調轉，雞胸都爽滑，反而鴨脾好差。乾爭爭，冇咩肉汁肉味，下次都係唔叫鴨食，試下其他。