更多
2020-03-01
1289 瀏覽
曾被CNN曾形容「再興是叉燒的同義詞」，加上幾次榮獲米芝蓮美食推薦，再興係叉燒界王者代表地位真係無庸置疑！平時繁忙時間真係唔洗止意堂食，等位都下下講到要等成半個鐘先有位入，於是今晚經過見到有得wall-in就決定入去懷緬下兒時回憶地點：位處於灣仔中心地帶，英皇中心同埋灣仔油站附近，距離灣仔地鐵站約十分鐘步行時間環境：餐廳好易搵到，門口有個大大塊嘅傳統港式招牌，無論招牌以至餐廳入面嘅格局，都係一間好傳統嘅港式燒味店格局，半開放式廚房，燒味掛晒係櫥窗，等大家可以睇到既新鮮又肥美嘅燒味，望住啲醬料肉汁慢慢咁滴落黎，見到都好想快啲食！食物質素：叉燒油雞飯（$36）再興嘅出左名大碟又平民價，單併雙併一律$36，招牌貨當然係叉燒啦，肥瘦程度任意選擇，佢嘅叉燒同口感扎實，外層表皮微微焦燻，甜甜嘅醬汁（聽聞用左麥芽糖）已經滲透入肉內，入味軟嫩嘅肉質略帶油脂而且又不柴不膩叉燒界王者果然名不虛傳！相對之下，油雞就無叉燒咁出色，畢竟唔係名物，但都係中上，如果想食多幾舊叉燒嘅，不妨叫單併！叉燒燒鵝飯（店員所稱呼嘅黑毛叉飯）配例湯（$66）每次黎食燒鵝叉燒飯嘅時候都會聽到店員叫「一碟黑毛叉飯」初初就咁聽落去仲以
加上幾次榮獲米芝蓮美食推薦，再興係叉燒界王者代表地位真係無庸置疑！
平時繁忙時間真係唔洗止意堂食，等位都下下講到要等成半個鐘先有位入，於是今晚經過見到有得wall-in就決定入去懷緬下兒時回憶
地點：位處於灣仔中心地帶，英皇中心同埋灣仔油站附近，距離灣仔地鐵站約十分鐘步行時間
環境：餐廳好易搵到，門口有個大大塊嘅傳統港式招牌，無論招牌以至餐廳入面嘅格局，都係一間好傳統嘅港式燒味店格局，半開放式廚房，燒味掛晒係櫥窗，等大家可以睇到既新鮮又肥美嘅燒味，望住啲醬料肉汁慢慢咁滴落黎，見到都好想快啲食！
食物質素：
叉燒油雞飯（$36）
再興嘅出左名大碟又平民價，單併雙併一律$36，招牌貨當然係叉燒啦，肥瘦程度任意選擇，佢嘅叉燒同口感扎實，外層表皮微微焦燻，甜甜嘅醬汁（聽聞用左麥芽糖）已經滲透入肉內，入味軟嫩嘅肉質略帶油脂而且又不柴不膩叉燒界王者果然名不虛傳！相對之下，油雞就無叉燒咁出色，畢竟唔係名物，但都係中上，如果想食多幾舊叉燒嘅，不妨叫單併！
叉燒燒鵝飯（店員所稱呼嘅黑毛叉飯）配例湯（$66）
每次黎食燒鵝叉燒飯嘅時候都會聽到店員叫「一碟黑毛叉飯」初初就咁聽落去仲以為真係有分普通叉燒同埋用黑毛豬做嘅叉燒，原來並非如此！
事源係燒鵝同燒鴨嘅讀音有啲相似（大家都係有個燒字應該）但佢地價錢相差一倍，為免廚房叔叔因為種種原因聽錯落錯單，於是就叫燒鵝叉飯做黑毛叉，意思係貴價啲果隻叉燒併飯！
講返個飯，絕頂好味叉燒好就唔在話下啦，燒鵝皮脆內嫩，又唔會有會陣鵝嘅羶味，出面一般嘅燒鵝都會有層好肥嘅肥膏喂住塊皮，但再興嘅燒鵝燒得恰到好處，只有少少肥膏，鵝脂肪嘅油滲入肉內，令到充滿肉汁，唔會有乾淨淨嘅感覺！相比起佢附近嘅對手（唔開名啦），我較喜歡再興嘅相對較接地氣
再加埋再興秘製嘅好味汁，甜甜的，撈飯絕佳燒鵝酸甜醬都係放係枱度比大家任用
例湯今日係西洋菜蘿蔔豬骨湯，係無味精老火湯而且足料！跟飯加六蚊就有，不妨叫碗湯嘗嘗！
服務：一般燒味店嘅感覺都係店員態度差，食到趕頭趕命雖然呢度效率都好高，但店員都好熱情招呼你，無叫雞飯都會又會問你加唔加薑蔥，又問你飲唔飲湯，又唔會催你食快啲！又多謝前多謝後，問多兩句都唔會X你！同場仲可以聽到果把聲線沙啞嘅店員伯伯落單聲，大家不妨去食嘅時候留意下！呢個係一個我嘅回憶
價錢：再興一向做開街坊生意，一直都keep住三十幾蚊一碟飯，經濟又實惠，啱晒唔同階層人嘅接受程度！份量又夠大，無論對勞動開嘅或者文靜嘅你，都一定夠飽！
網上睇到老闆話財富唔係自由行帶比你，而最重視嘅都係本地客人，所以一定要多多支持呢間本地老字號名店！
張貼
