再興燒臘飯店

營業中

休息中

一家毫無誠意的食店，昨晚心血來潮，想食燒味飯，經過再興，平常見長期排隊，今次有空位便入去幫襯,店內全部用外賣餐具，叫店燒骨燒鵝飯加例湯，$66元，價錢算中等，因為燒鵝來貨比較貴，燒骨似普通义燒沒焦香味，燒鵝六件，四件只有肥肉加塊皮，一丁點肉也沒有，根本是下欄位，其他食店這些位置應該不要，跟店員反映一下，他說鵝背是這樣，落單前可以選擇部位（真係〇左嘴）例湯隔夜湯似饀水，甘既質素，看來只是做自由行的生意，難怪昨日晚上八時已經沒有什麼客人了，大家差不多價位的燒X大皇，相比之下有誠意得多，祝你好運！

都有一段時間冇去再興食飯，今日心血來潮又想食佢地D叉燒燒肉，中午時間，全場爆滿，一位難求，但係我一個人就好容易有位，一座下就叫左個叉燒燒肉飯，可能冇叫肥叉所以今次叉燒有D干燒肉正常，睇怕都有一段日子唔會再去

今次係下午茶時間去食，唔太多人，冇咁逼。又例牌叫咗個雞鴨飯雞胸配鴨脾，雖然係一好一壞嘅配搭，但佢好壞係調轉，雞胸都爽滑，反而鴨脾好差。乾爭爭，冇咩肉汁肉味，下次都係唔叫鴨食，試下其他。

今日lunch去咗灣仔再興食燒味，去到門口因為一個人所以唔使排隊，於是入咗去。入到去好細但係坐滿晒人，非常擠迫。平均一張元枱坐四個人是五個人坐滿晒之後接近郁都郁唔到咁滯。佢推介嘅叉燒同埋鵝我都冇叫，叫咗個雞鴨飯，佢俾咗個比為我所以有雞脾食，但係呢鴨就比咗鴨胸喎。雞本身有醃過，所以唔使醬料都有味，好好食。薑蔥都有佢自己嘅風格，比例大約一半一半，唔太咸。雞皮好薄，唔肥，唔老。而鴨呢，由於係鴨胸所以好‘鞋’，同埋有啲老。雞比較好食，鴨呢一般啦，相信鴨同鵝都會一樣，下次有機會就試吓叉燒燒鵝飯。但係呢如果嚟食嘅話，要有心理準備食嗰陣會俾人撞來撞去，因為真係好迫，同埋佢會不斷向你施壓，務求你快啲食完佢就可以比下一個入嚟食。

上次買過一次又硬又乾的义燒，以為是意外。今天再經過，畀多次機會再興，斬了半斤半肥瘦义燒返家加餸，清楚聽到伙記叫師傅斬肥义。可惜，再一次失望，又是又硬又乾，沒半點肥，比幾間連鎖快餐店更差，以後不會再買。😤

灣仔區最抵食午餐，其中之一我於灣仔再興燒臘飯店，幾十年老字號，維持一貫舊裝修風格=無裝潢真正只係食野既餐廳雖然星期1-5午餐時段一定要等位，但因為流轉量快，所以都好快入座 叫咗個肥叉油雞飯+例湯 唔做$40埋單 強烈建議黎呢間鋪頭食野，要預早諗定先，同埋叫肥叉，因為職員會不停催你落單

 Signature barbecued pork is the first choice, in addition to roast duck, oil chicken and a variety of lo mei taste, ordered a barbecued duck rice, fork burned fat but not greasy, the taste is particularly good, roast duck is very fragrant, The juice of the duck is very good. In Hong Kong, this is already very cheap. As long as it costs more than 30 , you can eat roast pork. It is a bit less. After all, in Wan Chai, where the price is small, the store is small, but there is central air condition

喺未有米芝連/自由行/旅遊書必食推介前已經係再興的常客。與其話再興的質素已變，其實變的可能是食客對再興的 expectations. 今日食嘅乳豬叉燒飯同平時差不多。六件乳豬厚肉皮脆而不太肥。叉燒今日偏淋，不是我的喜好但依然入味。$56一碟飯（不配乳豬或燒鵝更平好多）比起其他的燒味茶餐廳算抵食。

今天工作關係在灣仔，14:30左右先lunch,剛好經過再興燒味。平常12:00-14:00會大排長龍，見內有位就入內食，以前常常吃非常美味，叉燒半肥瘦，肉質嫩，配埋燒味汁完全是佳品。但今次再食已經得個名了，連普通燒味店都已差不多。但價錢又不是普通燒味價。失望之極，回味指數是零。😔食物燒鵝叉燒飯加咸蛋⭐️燒鵝皮加肥膏無乜肉，如果當片皮鴨食就可以了，叉燒乾身，硬，如果想練習牙力，是一舊好好牙膠。燒味汁亦不濃味。可能是我不幸運。👎🏻幸好例湯還可以。

話說今日過黎呢頭做野~  香港人趕頭趕命  好多時都係想食個快飯 醫下肚姐~  咁岩一落樓下就見到呢間野有d人係門口排緊隊~  好似唔錯咁  所以同兩個同事黎試下一入黎就見到一個叉飯都係32蚊咋!  簡直唔敢相信呀!!! 係灣仔區會有咁平燒味飯  認真呢??!!我就叫左呢個同另一個女仔share   就咁睇已經唔錯啦  係咪先~食落仲好好味架~  叉燒少肥 岩晒我地~  燒鴨又夠味~   正   $49蚊 兩個人已經食都係25   已經夠飽了xd然後仲有另一個男同事叫左個叉米粉  D叉燒就差D,,~  但湯米都唔錯呀~    32$ 佢都話好可以架啦 仲想點wo    然後仲有個同事堂食左  燒雞飯  話好差~  好難食  所以黎唔黎幫襯就見人見智啦 030~   我自己就覺得可以ge... 又唔貴  當支持下老店本地店囉~  呵呵

最近轉回灣仔返工，幫襯咗一兩次都還ok⋯今日lunch再去，一人食飯竟要迫入半張泊牆的圓枱（已經坐梗三個人）。灣仔lunch hour 係人多，但要我迫入坐三個人都已經很勉強的枱，我再坐埋入去慘過沙甸魚，相信完全郁唔到，咁係唔係合理？我望一望，猶豫了一秒，不發一言便轉身離開。個阿伯仲補一句：「入面係坐三個人（相信到過的人會知道入面既枱有幾大），你唔坐就下個坐囉！」我知你生意好，但我唔會為坐貪平同簡單而唔要尊嚴。灣仔仲有好多價錢及質素合理的食肆！如果閣下不介意比錢換劣質服務及被呼喝,歡迎繼續幫襯。有同樣經歷的師兄師姐，千祈唔好諗住自己唔再幫襯就算。呼籲一定要分享你的不快經歷，我仲會轉發到大陸食評，一個人做唔到d咩唔代表你連發言權都沒有！

港式的燒味，那也是我特別喜歡的食物經過友人推介下就一齊來到再興...店子完全是街坊格局，都不用太拘緊了一坐下來我地都是叫叉燒切雞飯。叉燒切雞飯份量十足雞味好香 白切雞來說都唔錯 皮滑肉還是嫩嫩的呀⋯⋯我好中意食雞皮 又唔敢食太多 佢雞皮好肥好多脂肪層。那豐庾之感又係啖啖肉既..朋友碟雞有少少生！仲有血紅色，勉強接受....但證明都幾新鮮叉燒可以吩咐師傅要求肥瘦叉燒...我揀左半肥瘦叉燒，有肉味肉質甜美多汁又有小小肥膏 好邪惡但係唔錯 幾好味加上甜豉油的白飯，也算是交足貨。

作為一名街坊已光顧再興多年，平常多是買义燒、雞翼之類⋯⋯做冬諗住食好D，見乳豬$180一斤，就買了半斤⋯⋯結果有半盒是頭頭尾尾，餘下半盒貌似靚仔，看橫切面才發現有三份之二是肥肉！⋯⋯幸好只是我和老公兩個人吃，也炒了蝦仁，否則就會很失禮了⋯⋯不禁想起多年前買燒肉是否一定要搭豬骨的爭論⋯⋯還是那句：成本太高可以加價，好過搵顧客老襯！⋯⋯難怪近年顧客內地人的比例愈來愈多、香港人愈來愈少了！唔休做更加話之你了！貨比三家，以後還是不要太心急，灣仔大街市也有水準不錯的燒臘檔！

第二次食呢間叉燒飯，叉燒又乾又硬又無味。紫菜湯咸到饮唔落。搭枱有2位客人講普通話，侍應亞姐係甘sell人食最貴的乳猪飯，叉鵝饭，人家叫了一碟，仲想叫雲吞，她竟然唔睬人。我幫佢地叫雲吞菜湯。她竟然話我好幫佢地。關妳咩事，我鍾意幫呀！呢間店倚住老字號，快餐店好過你呀。以後永不幫襯。

幾年前在灣仔工作，很喜歡食這𥚃的叉燒，今日特登帶朋友來吃，唉，失望，以前的再興叉燒，是灣仔的名物。如果你喜歡較乾身的、較硬的、冇乜肥膏的、要用力咬的叉燒，你可以去再興order 半肥瘦叉燒😅仲有，門口的姐姐，可能很忙，我唔小心問了她關於「支付寶」的事情，因為看見他們有貼「支付寶」discount label, 她回一句「我唔知，支付寶唔關我哋事」，難怪前幾年再興曾經是米芝蓮推介，但近年已經不是了講句公道話，灣仔34元一碟飽肚叉燒飯，又確實好抵食