再臨閣

營業中

休息中

買了兩日一夜包晚上和早上自助餐晚上自助餐一開始龍蝦和長腳蟹最受歡迎，第一輪龍蝦有蝦子，之後龍蝦只有膏。長腳蟹而家少有自助餐提供。焗蠔較細隻，用wasabi整唔係人人受到，其次煎虎蝦好味道，但每輪限取一隻。燒牛肉幾有牛味。壽司有吞拿魚即制軍艦。有魚子燒吞拿魚腩，但不多無refill。最弱是麵檔，只有雞絲捞面。黃瓜中湯足料多人飲。有蒸比目魚。亦有煎鵝肝但整得太慢無排隊。最恐怖服務員用噴霧清潔枱面，枱上胡椒樽等吸晒😱。8時有10分鐘幻彩詠香江，但被文化中心擋了不少景，上房睇會更好。早上自助餐有點心，叉燒包，蒸牛肉和糯米雞唔錯。奄列指定動作4揀2款料，蛋都幾大隻。生果粒切得太大，好易噎親。即制格仔餅唔錯夠脆香口。有白粥和蕃茄湯通心粉但無麵檔較弱

話說要生日至可以有75折優惠，10月份我們沒人生日，找到位11月生日的朋友，10月訂位，11月才吃，好彩早一點訂位，因為之後有位同學仔的親友想訂枱，被告知11月份已全部爆滿，有優惠的自助餐真的會很快沒位呢！很久沒有來這裡，佈置是簡約而光猛，地方不太大，但用$200/位對比，也算不錯，而且枱與枱之間也很鬆動，望向玻璃窗哪邊，外邊風景，心感舒暢。長形枱設計擺放食物，冷盤熱葷，蒸包，海鮮，牛扒，甜品，雪糕，適中的質素，地點方便。今天最最突出的是「牛骨條」是「牛扒」中的骨，取完牛扒，順便請侍應給我一條骨，牛肉夠腍，邊位香，有牛味添呀，最正是條骨，雖然好似好熟，不過夠味道，有饞勁，我們幾個每人分別在不同時間也取了；後有位叔叔問同學仔，是否真的哪麼好味，但他取不到，因未切到骨。還有即包「軍盤壽司」記得要少飯，紫菜包飯，即包即食最好味，加海鮮或鰻魚也都不錯。「小碟蒸魚」小骨又滑。海鮮有「龍蝦仔」、「海蝦」、「青口」及「蜆」，我只吃了海蝦，有蝦味及彈牙。「沙律菜」新鮮，還有些「漬物」也ok。死火，沒拍甜品呢.....雪糕，雞蛋仔，葡撻，豆腐花，迷你蛋糕，小杯甜品，足夠。豬腳薑有待改善，豬腳未腍，薑太老

網上平台 Package 包早晚餐晚餐自助餐在4樓 (不是YMCA 地下）由6:15-9:30 , 我地2人 6:30 pm落到去好快就入座，可以安心又可以寫紙仔，buffet可以食到9:30, 慢慢嘆。全部窗邊位已經安排了食客， 如果早到，應該可以坐窗邊， 大窗落地玻璃，襯托夜景，非常悅目！食物refill 很快， 款式非常多，新鮮海鮮，燒牛肉， 即燒虎蝦，壽司，甜品，雞蛋仔，港式糖水，haagendazs 雪糕，中式湯，果汁coffee. ✅職員有禮，而且執台反應很快，而且最受歡迎的即燒虎蝦，如果人多排隊大概都只有幾位排隊等，不會出現大排長龍的情況。(有d 酒店食海鮮甜品都因為即製，次次都排好多人，見到都冇心情排。如果要比較其他酒店，呢間冇咖哩檔，但我唔食都ok,所以對她評價很好！）

😄一直staycation各酒店，如Package包了自助晚餐和早餐，都是覺得很抵的🍽餐廳的景觀開揚，看到文化中心和部份維港景，有些座位還可看到晚上8點的幻彩詠香江🍣壽司吧除了有刺身和製作好的卷物外👇🏼，還有現叫現做的壽司，如吞拿魚壽司、鰻魚壽司⋯，排到我時，order了兩件拖羅蓉壽司，味道都OK👇🏼當晚有燒大虎蝦🦐，每次弄十隻，每人限取一隻。即燒虎蝦時，有絡繹不絕的食客排隊。另一樣要排隊取的就是鵝肝，幸好它不是我杯茶🍮甜品小巧精緻，味道挺好；水果顏色耀目，味道也不錯👇🏼還有海鮮冷盤👇🏼👇🏼風乾火腿和煙三文魚總括而言，約$1400入住酒店連自助晚餐和自助早餐，實在性價比很高

第一次到尖沙咀YMCA南座四樓再臨閣食自助午餐🥣環境超好，180度陽光充沛，工人員安排我們一行五近窗口位，跳望維多利亞港，環境值得一讚👍👍👍👍👍食物款式多様化，海洋，熱葷，甜品沙律🥗一律俱備，尤其是甜，精緻細膩，超好味😋

今天到訪YMCA再臨閣食下午茶buffet， 座落半島酒店旁望海景觀差不多，只做星期六/日/假日3:15~5:15(一至五沒有下午茶) 所以訂位緊張。我也於一個月前在OPENRICE 見到有折，仲要星期日75折後連加一$177/人，即訂位一試真心抵食好味道，環境舒適。P.S. 逢單月份之星期六有特別優惠，可到再臨閣社交平台 網頁看看。

dinner buffet由6:15開始(只有一輪无時限)，有充夠時間慢慢食，而且有不停refill 最正係個view，雖然係4樓低層，但前面係太空館、藝術館、文化中心等都係矮層建築物，可以望見維港景觀。buffet一開始大家都首先拎海鮮，有keep住refill熱食唔算十分多，但味道都唔錯，有即煎鵝肝、即燒老虎蝦（寫明每人只可取一隻），燒肋骨牛肉、T骨羊排、燒雞、蝦多士、黑松露焗蠔……有中西湯各一款，茶、咖啡、果汁、凍檸檬茶（太甜无檸檬味）另外仲有師傅整湯麵、日式sushi軍艦……、即做心太軟和pancake班戟甜點 還有 迷你葡撻、啫喱、布甸、（熱）豆腐花……賣相非常吸引，雪糕係HaagenDazs杯裝（有3～4款味揀）餐前菜都有很多，除左幾款芝士，有煙三文魚、肝臟醬多士、凍豆腐、日式温泉蛋、水牛芝士串、涼瓜沙律（有白苦瓜幾特別）……不過最特別係8pm ， 一邊食自助餐，一邊看show餐廳會配合較暗燈光，同播音樂

提供早、午、晚的自助餐，環境寬敞，設計以現代風格為主餐廳設有落地玻璃，十分開揚，更能邊享受美食邊欣賞維港景色虎蝦及鵝肝味道一流! 而家有85折!呢度唔算好迫人 環境又好 長腳蟹缺貨改用其他海鮮代替!甜品區都生果切片, 多款甜品芝士蛋糕大約十幾款 每件都小巧,一口SIZE!熟食炒麵炒飯 時蔬 意粉 煎牛扒 炸軟殼蟹,焗蠔都有!冷盤區有龍蝦 小龍蝦 螺,青口, 大蝦 蟹現成壽司都有5-6款,都係D大路款式無咩特別最好食係鵝肝夠肥夠油香,食多幾件回下本!尖沙咀梳士巴利道41號香港基督教青年會南座4樓消費$333

來staycation包自助早餐☺️比想像中多野食，質素亦比想像中好👍🏻自己執了一份All Day Breakfast🍳很滿意☺️燒賣好食😋有encore!😋牛角包都脆🥐炒蛋唔係即炒都好夠滑🥚煙肉crispy🥓手指魚柳炸粉略嫌厚咗啲🐟但都脆口👍🏻薯餅又係醒神早餐必備嘅😆反而香草腸麻麻地🥲仲等我拎咗兩條😂奄列即叫即製🤤🤤識食一定食蘑菇芝士奄列多芝士🧀🤤🤤當日生果菠蘿係最甜嘅🍍🤤🤤🤤西瓜🍉密瓜🍈都還可以😌飲品撩咗Cappuccino☕️雖然係咖啡機煮但都好濃滑🥰埋尾食咗一碟草🥬加多個Yogurt😆再番上房再訓過😛

因為復活節關係，只有會員85折優惠外就無其他更平嘅優惠…不過哩度係坐得舒服，因為唔會太多人，又睇到8點鐘"幻彩x香江"今晚海鮮由長腳蟹改為龍蝦，其他甜品同熱食根本上同平時一樣，係多咗啲啲復活節擺設咁😅龍蝦唔算太大隻，食一隻都夠，加上留肚食刺身，新鮮嘅一定食得出，但今次只食一碟就無拎，因為我食熟虾食咗2隻都已經好飽喇，另外蒸魚都好出色，每碟仔入面都一片薑，無魚腥味仲好滑。唔記得影煎鵝肝嘅大頭，我飽都食到2舊，煎得唔太油，但真係要夾麵包先出到味。南瓜湯同椰子雞湯都好夠味，南瓜湯我飲咗2碗，親友們就飲超過10碗椰子湯。甜品要即嗌即整嘅，啲醬應該嘅靚，因為無粉味，我都食晒成碟，同綠色心太軟都好有綠茶味。生果就擺晒入一杯杯度，有西瓜蜜瓜哈蜜瓜，但想食西瓜嘅又要食埋其他瓜先得，咁就美中不足喇！芝士同麵包同沙律都無嘜特別，同其他酒店差不多，所以無點影。我地6：15pm入場食到未夠9點已經好飽了，所以話呢…多款嘅都無用，要睇自己食到幾多先得😭走前拎咗一杯Häagen-Dazs食，都係任食，仲諗住今次點都食你幾杯回本…但今次真係食咗龍蝦頂住個肚，我一杯都食唔晒，比咗屋企人幫我搞掂，真係唔抵呀因為有啲特別

琴晚去左左尖沙咀YMCA，4樓嘅再臨閣食自助餐，朋友係員工，有7折，每位$390左右，地方唔係好大，但食物款式都算多。凍海鮮有龍蝦、蟹腳、麵包蟹、蝦、蜆、海螺同青口，有刺身壽司吧，有即煎大虎蝦（朋友話呢個最貴、燒牛肉、肉操伴麵、有好多款中式菜式、甜品有即焗心太軟、即煎熱香餅...仲有大家自己發掘啦野飲就冇汽水嗰啲，得橙汁、蘋果汁、維他命水同熱茶咖啡仲有兩煲湯，青紅蘿蔔同韓式牛肉湯我鍾意佢地方唔大，唔駛攞野食行好多路，野食太多又花多眼亂、眼闊肚窄，自助餐邊食到咁多

四/五星級的飯店食物以及服務，絕對遠遠勝過茶餐廳早餐。 每週末有機會來這裡吃個幽靜的早餐、實在是令人很放鬆的地方～港幣75元可以有早餐配上一杯果汁+ 一杯咖啡，香港難得有這麼物有所致加上hotel 的一流服務。覺得會有經過就會回來。一份早餐除了包一杯咖啡y和一杯果汁，還包括了：蛋( 自選如何煮） - scrambled eggs 放在toast 上面，軟軟滑滑的，熱呼呼的蛋加上剛烤出來的多士，真香口呀。 Bacon 也是炸的酥酥的，配上roasted tomato, hash brown, beans and 🥐 croissant, 大滿足呀！

難小女生平日放假，今日就去吃頓自助午餐，吃飽後又可到對面的藝術博物館行下，扮下去旅行。第一次來再臨閣，餐廳不是很大，但有落地玻璃，景觀真不錯，座位舒適。今天人不算多，這就是最好啊，不用排隊取食物！午餐有沙律、冷盤、芝士、海鮮方面並沒有長腳蟹、生蠔，只有蝦、蜆、翡翠螺及小龍蝦🦞，熟食有燒牛肉、壽司、餃子湯麵及數款熱食（印象中有豬仔髀、蒸龍利柳、中式點心等），甜品都有十多款，飲品就是自助的，有咖啡，檸檬茶、橙汁、蘋果汁等。我們都先吃沙律，我吃蘋果沙律，小女生則吃caesar salad,當中還有意粉沙律和紅菜頭沙律，不過我們都沒試到。之後就選了海鮮，蝦算鮮甜，蝦肉爽口，不會淡而無味，所以我也吃了兩轉！有小龍蝦，但我一向不大興趣，其實我去吃自助餐一向也不吃，所以沒有試！蜆都鮮甜，偶爾一隻有沙，都可以接受。壽司方面，除了有太卷、蛋壽司和油漬三文魚壽司外，有即製燒鰻魚壽司、拖蘿蓉壽司和海鮮壽司，我先試了燒鰻魚和拖蘿蓉壽司，不錯的啊，新鮮好味，之後再試埋海鮮沙律蟹子壽司，小女生還吃了兩件呢！居然有豬腳薑，當然要吃啦！好多豬腳，啖啖肉，而且也煮得夠腍，薑也不辣，沒有根，蛋是少少硬那種，不會是鐵蛋，就

已經不是第一次來， 看見 餐廳也特意來點新年特色的食物 如長壽麵 以及一些糕點是日食物 精選如下甜品有黑芝麻豆腐花 楊枝甘露 pancake。 尚有朱古力布甸和其他蛋糕。 水準很好甜度適中肉食有令我一再回頭的牛骨和牛扒壽司有即製的海鮮 沙律 鰻魚或拖羅軍艦。 因為是即製的所以紫菜很脆食物選擇比起其他 酒店大約是三分之二 但勝在 質素 和選擇都很合口味。 因為本人不太喜歡食蠔 所以這間沒有號 我也是能夠接受。裝修後的格局 很光鮮和有時代感。 服務員很友善。性價比極高的一間餐廳平均每人不用200元

FB睇到再臨閣有節日早鳥八折優惠，於是同男友商量後決定元旦日嚟再臨閣享用新年第一餐！我鍾意呢度環境夠曬寧靜，喺二人限聚令之下，四人家庭都會被安排坐喺附近，枱與枱之間都加上了透明膠版，安全感十足。入餐廳前大家都遵守規定，先用消毒潔手液潔淨雙手，並戴上口罩先可以出去攞嘢食。至於食物方面選擇頗多，有大眾化嘅冷盤熱盤供應，湯品有兩款，我地好鍾意飲湯，所以都試曬兩款。中湯係椰子煲雞，好香椰子味，好滋補。西湯係意大利海鮮湯，淡淡的味道，有雜菜同海鮮喺當中。冷盤有煙三文魚、各式凍肉、沙律菜、白灼蝦、龍蝦仔、青口、翡翠螺。壽司吧有吞拿魚、八爪魚、希靈魚及三文魚刺身、仲有即叫即製的蒲燒鰻魚手卷及拖羅蓉手卷添！順帶一提，炙燒醬油漬三文魚壽司甘香肥美，入口即溶，我都忍唔住鯨吞咗三件落肚啊！熱盤有一份份的香蒸比目魚、蔬菜、燒牛肉、德國腸、豬腳薑，仲有即叫即製嘅奄列，我揀咗三文魚同磨菇做配料，啲蛋又香又滑，好好味呀！完全冇令我地失望，如果出年繼嬻有優惠的話，會再臨！