六本木日本料理

營業中

休息中

今日去左深水埗同長沙灣交界既呢間日本菜食晚餐，餐廳既內外都係以木黎做裝修，襯返個名之餘又充滿日本居酒屋既氣氛。我地點左好幾樣野食推介既有：芝士玉子燒玉子夠哂大件之餘，比較特別既係呢度既玉子燒係用鐵板上，半溶既芝士加上半熟既玉子，食既時候又可以keep住熱辣辣咁食，超正磯煮和風鮑魚店員喺我地面前將鮑魚殼底下既鹽點著，形成火燒既效果，岩哂打卡，飽魚口感夠爽，味道甜甜地，醃煮得唔錯。另外其他食物質素都唔錯，值得下次再黎

平日出入長沙灣都經過呢間日本餐廳，一直都好想去試下，今日早咗收工，就約咗朋友去食晚餐。店外嘅裝修別具一格，同日本嘅酒屋好似。店裏環境舒適，同埋座位都好寬敞，牆上放滿了不少日本酒。餐廳嘅食材都係每日新鮮到貨，所以食品嘅質素梗係有保障啦。佢哋提供刺身，壽司，卷物，燒物，煮物，應有盡有，你想食乜嘢都有啊！唔係話好肚餓呀，我地今次就簡單啲叫咗北海道刺身盛(八點)同埋煙熏三文魚扒，睇吓好唔好食啦！北海道刺身盛(八點)$398兩人份量，有八款刺身，分別係油甘魚，八爪魚，加拿大海膽，帆立貝，吞拿魚，赤貝，螺片，熟魚。個刺身盤擺得好靚而且刺身好新鮮，尤其係加拿大海膽入口即溶！油甘魚特別厚切，入口會食到甘香的油份，吞拿魚脂肪分布平均，放進口內散發濃郁魚油芳香，口感細膩到喉嚨，十分滿意！煙熏三文魚扒$125同其他一般嘅煙熏不一樣，佢特別用咗一個玻璃罩罩住塊扒，焗住啲水蒸氣，等你一打開個下聞到好大浸煙熏味，好有心思。三文魚扒非常好食，唔會乾之餘魚肉間仲有好多汁，非常之香！ 加咗少少黑椒做點綴，味道剛剛好！佢哋嘅食物唔單止好食而且擺盤都十分之靚，大家都可以黎打下卡，再享受美食。注意小店有加一服務費喔。不過店員

互動交談漁屋派系裝潢係居酒屋首要的感覺自己也被東瀛肥美風味氣息從而吸引，師傅即劏製造拼搭不同味道個性在輕鬆柔光環境下道道可觀美味 ! ( 三文魚 $45 + 油甘魚 $78 )( 磯煮和風鮑魚 $68 )( 荔枝豚肉串 $30/串 + 牛舌 $46/串)( 北海道炸赤蝦BB $68 )( 鰻魚飯 $148 )主理刺身/壽司/汁煮物/炸物/串燒等為要素以居酒屋條件不可不試肥美刺身濃味既魚脂上桌，色澤晶亮厚度細嫩十足二話不說停不下來卻把罷不能啊 !久嚐下爽口醬燒燒物，味道重回原味打造炭火-鹽-醬油出滋味，雖然大巧不工能夠深刻人心的味道始終最平凡

經過深水埗，見到一間好特別嘅日本餐廳，見到裝修咁靚好吸引到我行入去坐低食嘢！入面嘅裝修好有特色，估唔到深水埗會出現一間咁靚既居酒屋，真係隱世！😂前菜叫左一份胡麻豆腐沙律，唔好睇佢賣相咁樣，食落口係與別不同，呢個沙律係勁開胃就叫咗炸餃子同埋明太子雞翼，全部都係熱辣辣，真係即叫即整去居酒屋一定要去叫串燒，因為揸咗車飲唔到酒，如果唔係配合埋sake 簡直係完美 ！叫左牛舌雞腎同埋荔枝豚肉串！雞腎好爽口，牛舌好彈牙，豚肉又軟又入味！呢個牛肉他他燒煙燻薯蓉底真係要特別推介，牛肉厚薄全部都切到剛剛好，唔會太軟又唔會太硬！重牛味又嫩，點埋個醬汁一齊食就絕配呢隻磯煮和風鮑魚服務員會即時係你面前燒，咬口唔會太硬，燒到剛剛好😍服務員招呼得很體貼，雖然有好多客人係到，但都會經常幫我地加茶，服務真係好周到

六本木 今日難得同朋友去深水埗行電腦商場，行咗一陣見肚餓就諗住搵嘢食，行到一半見到間都幾靚嘅日本餐廳，就入左去。餐廳入邊同出邊係兩個世界，入邊安靜得來環境都幾靚，有啲似日本居酒屋嘅裝修，坐落都幾舒服。入到去就有侍應俾兩杯熱茶我哋，服務都幾貼心。諗住兩個人食唔到幾多野，就淨係叫咗刺身壽司同小菜，希望下次多啲人嚟可以試更加多款式。值得一提嘅係佢哋嘅牡丹蝦刺身，同埋左口魚裙邊壽司，兩款海鮮都非常新鮮。另外仲有烤牛舌，香得來又唔算好油，如果下次仲有機會嚟嘅話會再叫。

呢問真系值得一讚 服務好 有禮貌 老闆仲好Nice添 ， 我都系跟住朋友過黎 黐餐 ！！同日本一樣 都系開門先睇到入邊架 ！！龍蝦沙律 🥗 $45 習慣咗食嘢前 先黎個沙律🥗開開胃先 龍蝦肉都五少喎 ！！ 海膽軍艦 $98 至愛呀 好新鮮 好好好味呀 ！！！ 海膽大大件 包住紫菜小小青瓜絲 +豉油 勁好食呀 勁鮮 荔枝豚肉串$30 + 牛舌 $46 豚肉串好特別 豚肉燒到脆脆地 入邊包住新鮮荔枝 好爽甜多汁 口感特別得黎勁夾 牛舌燒到好嫩 牛味重 。 食食下 老闆請架 人人有份 磯煮和風鮑魚 $68 一上就會點火架啦 ， 五好睇佢細細隻 煮得勁入味之餘仲好淋架 。鰻魚飯 $148 五夠飽 食飯先 原條鰻魚喎 大大條 肉質夠厚 食落啖啖肉呀 ！！😋😋

🔅🔅🔅早排母親節的慶祝活動當然要帶媽媽食餐好係我倆愛的日本菜～🔸位於深水步夠晒近很有日式風情的裝修環境好warm氣氛不錯🔹<香芒軟殼蟹卷>每次見呢款卷物必點入口先是鮮甜芒果後是香脆軟殼蟹雙重美味口感🤩🔸 <玉子燒鰻魚>玉子超級厚身蛋味濃郁又嫩滑鰻魚甜甜的帶焦香👍🏻🔹<磯煮和風鮑魚>火灸下鮑魚非常吸睛口感香軟磯煮十分入味😋🔸<荔枝豚肉串>燒荔枝真的是第一次吃豚肉的鹹和荔枝的甜互相配合得宜好吃🤩🔹<安格斯牛肉串>牛肉味不是特別的濃質感帶點硬很一般😞🔸<牛舌> 肉質偏軟容易入口表面帶焦香味很好吃😍🔹<串燒雞中翼>外脆內嫩不覺油膩不過味道偏淡些～🔸<稠魚濃湯稻庭烏冬>用上新鮮的稠魚肉整個湯頭好鮮甜😋還有些蔬菜菇類可惜烏冬份量太少兩人只有半小碗份～🔹<總結>性價比確實很高推薦磯煮和風鮑魚～真的好好好吃呀～🔅🔅🔅

對上一次去日本都好耐之前， 好回味喺日本呢D居酒屋嘅環境， 今日有幸去到一間餐廳， 居然可以回想返當時日本居酒居嘅環境。一入到去好似自己返左去日本一樣， 完全感覺唔到自己原來喺香港， 老闆親自嚟到講解同介紹， 服務真係非常好。北海道刺生盛： 食得啲全部食物都好新鮮， 唔係普通連鎖店可以做到， 食物嘅排列由清香到濃烈， 絕對值得一讚。六本木秘製牛仔骨： 即場用火焰燒一燒佢， 牛肉的香味馬上飄出嚟， 食落熱辣辣， 同時亦鎖住牛肉嘅味道， 真係想一食再食。溫泉蛋天婦羅： 其他地方好少見到一道菜式， 所以決定一試， 想唔到味道係出奇地咁配合。無論係環境同食物整體嘅感覺都好好， 以後都一定會再嚟食。

今日行完深水埗，同女朋友想食下日本菜，之後就上網睇到黎間野都唔錯，所以就膽粗粗試一試佢。行到去門口，發現間店都幾神秘，完全望唔到餐廳入面既環境。不過一入去間鋪到真係好似去左日本d居酒屋到睇得出裝修係花左好多心思。因為唔係好多地方有得食安康魚肝，所以點左嚟試一試，真係好好味，安康魚肝配上酸酸嘅醬汁，食完好開胃。清酒煮蜆，蜆的體積比較大，但是沒有什麼鮮味，主要食到清酒的味道。雞泡魚干天婦羅，雞泡魚干甜甜的，外層的粉漿不會太厚。燒牛舌，厚度十足食落有口感，當然味道也很好別的。最後不得不讚一下這個鰻魚飯，這是一個有誠意的鰻魚飯，吃得出鰻魚是有燒過的，愛層脆脆，內層軟綿綿。可惜鰻魚汁偏小，我是很喜歡用汁醬送飯的，所以如果可以多番啲鰻魚汁就唔錯了。總結，值得一讚的是服務很好，經理會主動詢問食客的意見。食物質素很好，但是價錢偏貴一些，我和女朋友兩個人埋單大概$500，人均價錢大約$200至$250，如果飲埋酒就會更貴。

早幾日帶左媽咪去預祝母親節🥰🌷日式裝修別有一番風味！————————————————————1️⃣北海道刺身盛 $398 (4.5/5)八款廚師發板嘅刺身😍分別係: 牡丹蝦，油甘魚，帶子，八爪魚，墨魚，赤貝，的鯛，煙燻鰹魚。最好味係的鯛，鮮得黎帶點甜👍🏻其實全部刺身水凖都好好👍🏻如果可以再俾啲貴少少嘅刺身，例如海膽就好了🤪2️⃣鵝肝帶子卷 $128 (4/5)帶子新鮮，鵝肝味非常濃👍🏻卷入面仲有天婦羅，令到口感更加豐富。😋美中不足係個醬太甜，會搶左卷嘅味。😳3️⃣磯煮和風鮑魚 $68 (4/5)甜，爽口，不過份量比較少🙈4️⃣酒煮鮑魚 $68 (3/5)開頭食唔到酒味，要咬到最後先食到少少酒味🤦🏻‍♂份量少5️⃣板燒牛舌 $108(4.5/5)可以配蒜蓉，薑蔥，蘿蔔蓉黎食。建議配蘿蔔，蒜蓉黎食👍🏻牛舌爽口易咬，但唔太厚切。整體都非常好🤤5️⃣香芒蟹籽沙律 $60 (5/5)大量蟹籽，沙律好清新，多汁。🥗配埋芒果帶少少甜，無得挑剔。性價比最高🌟

今日同朋友嚟到深水埗呢度搵食，揀咗呢間叫做六本木嘅日式餐廳，一入到去好有日式風情呀，好似去咗日本嘅居酒屋咁樣。我哋都叫咗好多嘢食。先來一個鮟鱇魚肝，呢樣野比較少有出邊好多地方都食唔到㗎。之後再黎就就有同埋清酒煮蜆，咁咪即係仲有燒好味呀，牛舌全消仲要好我好似好非常之香口同埋好有牛味。個清酒煮蜆用咗大隻嘅花甲，食落有酒香，個湯頭仲好鮮甜，份量都唔少呀，最重要係唔會有沙，好滿足，搞到隔離枱都即時加單叫左個。雞泡魚乾就食得多啦呢度用咗嚟做天婦羅原來別有一番風味喎！佢件貨我再瞓就得啱啱好我落去再鬆軟嘅雞泡魚干，而且甜甜地根本唔使點執都已經好好味呀。最後嚟咗個鰻魚飯同埋芝士玉子燒，其實我本人就唔係好鍾意食鰻魚嘅因為出邊食親嘅都好多骨囉，但係呢朋友仔就好鍾意食所以我每一次都會叫嘅，但係呢個鰻魚飯就令我覺得好驚喜啦。因為佢食落非常之甘香配合埋啲鰻魚汁啱啱好，食落仲好似冇骨咁樣啱晒我呢啲怕哽骨既人。份量絕無呃人，真係成條上。個芝士玉子燒伴鐵板上，啲芝士仲識流出黎呢度無論嘢食同環境都一樣咁出色，而且單嘅服務真係超水準非常之友善同埋非常之有禮貌，絕對係同好友聚舊既好地方呀！

平時去親深水埗都係去買電腦零件或者電話零件，好少會去發掘呢度嘅美食。但原來呢個舊區有一間高質日式居酒屋。今晚去到餐廳嘅時候發現隔離有幾張大枱book咗做清酒tasting。Wine tasing就聽得多，清酒試飲真係第一次見。原來呢間居酒屋間唔時就會做一啲清酒tasting嘅套餐。枱面已經擺好晒酒杯比客人品嚐唔同口味同埋牌子嘅清酒🍶。我哋都唔係太肚餓所以叫得唔係好多嘢食。首先嚟咗一客三文魚刺身($45)；同埋一客帆立貝壽司($75)。三文魚係厚切嘅，帆立貝就比較薄身。香芒軟殼蟹卷($98)，軟殼蟹係暖暖地嘅，份量都算大件，配埋香甜嘅芒果一齊食好開胃。雞翼串燒($28)、雞軟骨串燒($28)同埋京蔥雞肉串燒($30)，全部熱辣辣燒起好香口。鰻魚飯($148) 熱辣辣上枱，鰻魚嘅口感好厚實，鰻魚燒汁嘅份量啱啱好，食落唔會太鹹。特別鍾意呢度嘅日式裝修，感覺就好似置身於日本一樣。

好鍾意食日本野,係因為我好欣賞呢種日本文化同埋佢地對食材既執著!無論味道,賣相,層次都堪稱得上華麗!真係唔可以成日怪我地係港女,淨係鍾意食日本野呀!係的而且確地吸引咖麻!價錢可能會比較貴,但食野最緊要值回票價咁就得啦!今次呢間環境幾舒服!鋪面都幾堂皇,首先試左個鵝肝帶子卷-$128,鵝肝好香,入口即融感覺,帶子都幾粒,面頭仲有鋪左D燒汁tim,一定要試既燒飯團-$58,大大舊岩岩整起,新鮮滾熱辣,咬落有飯焦既質感同香味,幾好食!另外嗌左三文魚壽司同左口魚邊壽司試,平均黎講都唔錯!要大讚既係鰻魚玉子燒-$78,好好味!同埋燒羊架-$58同安格斯牛肉串$48,師傅燒得岩岩好,唔會太乾身,而且味道好濃!下次一定會再黎!!!

咁岩路過肚餓 見到間日本野， 睇下餐牌就行入去望坐。 入到去， 真係幾似日本居酒屋。有人好快就搵位安頓我地，二話不說就拎茶拎餐牌俾我地， 都幾快手。 仲自介紹左d招牌菜俾我地。 先黎左前菜先， 雖然只係叫左枝豆同雞軟骨普通料， 但個枝豆&雞軟骨都熱辣辣新鮮整出黎。個刺身盆真係又靚又新鮮， 海膽入口即溶， 赤貝啦， 等等。 非常滿意。 另外前菜個香芒沙津， 夠晒爽口， 真係可以食唔停口。 最特色又好食既幾樣野招牌菜之一既六本木牛骨肉， 侍應會點火燒起D牛, 就算我對牛肉有要求， 真係可以讚唔停。 外香內軟，我自私食開心d.個海老雲丹天婦羅， 海老我知乜， 雲丹係乜呢？ 原來係海膽。 廚師仲用紫蘇葉包住海老同海膽黎整天婦羅， 我見識少， 真係未食過。 我本來唔食紫蘇葉既人， 食落又真係冇違和感， 仲帶出晒兩樣野既鮮味。 老闆話係其中一樣招牌菜又真係冇錯， 張張台都會叫， 叫我地試下。 又真係啵， 食完諗返會覺得好彩有試下。 仲有其他招牌菜， 可惜食飽晒， 下次翻兜再試埋佢！

之前去附近冰廳經過，關埋門口感覺好神秘。一打開門系傳統日式居酒屋設計，雅座好闊落，同一班朋友黎聚好適合。【板燒牛舌】$108牛舌厚切，油香豐腴，口感爽脆吾韌，搭配蒜容、蘿蔔蓉同蔥花，非常香口。【磯煮和風鮑魚】$68店員會點火燒著鮑魚殼底下既鹽巴，飽魚咬勁十足，味道鮮甜，保持原汁原味。【荔枝豚肉串】$30/串荔枝勁juicy多汁，豚肉被荔枝清甜咪遮蓋哂。【明太子玉子燒】$88明太子非常澎湃，玉子夠哂滑嫩，不過明太子太豐滿，就甘食有啲鹹。【鰻魚飯】$148鰻魚兩大塊，肥美厚肉，而且又無細骨，醬油份量同甜度岩岩好，飯粒就偏軟。【鵝肝帶子卷】$128帶子肥美鮮甜，鵝肝味道就吾系甘突出，食落口感豐富。