六公館

營業中

休息中

最近頻頻試新派中菜😅呢間訂咗好多次位都訂唔到,3號生日26號先至食到晏, 對比之前兩間 ,呢間嘅服務稍遜,電話訂座冇telephone manner. 可能太忙， 服務員啲面口……😑兩個人, 四碟點心 一碟黑松露撈麵,一個最出名嘅燻雞 ，兩個甜品1300蚊埋單。 有無敵大海景，係唔係物有所值就見仁見智。點心其實好一般， 整體食物偏鹹， 最特別係個甜品，茉莉花茶啫喱奶凍， 有非常濃香嘅茶味啫喱，奶凍又唔係太甜。 燻雞果然係signature dish, 係成餐入面最好食嘅。😋嚟試一次都勉強ok嘅。

六公館係海港城, 咁優越嘅地理位置就更係食環境架啦, 入面大大幅落地玻璃, 望住個海食飯, 間唔時見到隻帆船係幾好feel嘅~呢度除咗食環境, 食物質素都好掂。 個中式和牛一啲都唔韌, 有牛味有口感, 配埋個sauce 好啱送飯~ 我覺得個咕嚕肉最好食, 炸粉好薄一層, 唔會漿住曬成口粉, 甜酸度都好適中, 另人想一粒接一粒食落去。 欖菜肉鬆炒四季豆都好正, 夠乾身, 唔會太鹹, 個豆本身都靚, 各樣配搭都恰當。 我地仲叫咗個茶, 呢個茶有個好雅致嘅名叫瑰麗堂煌, 其實係玫瑰荔枝茶, 第一泡個茶味淡淡地好清香, 第二泡開始覺得佢帶微甘, 如果中意甘味可以放耐少少先飲。

入到去明明有位。但要分時段。8點20不能入坐叫你去出面睇海景先。8點半入座。帶位待應叫另一位侍應順便帶埋。坐到落去餐牌冇沒有。服務沒有。招呼沒有。坐左成10分鐘先有人留意到我哋冇餐牌。而中途係完全搵唔到一個待應。唔知佢地做緊乜？拎左餐牌又係10分鐘。完全無理過我地。無服務可言。落單要搵準確嘅侍應先可以落單其他只是傳菜員。好不容易落完單食物方面只係暖既。完全唔熱。真係全部野。。。性價比低。真係食到一肚氣。無名起火。。。。Black list既一間餐廳！

食物正！景觀靚！六公館地點都好容易搵，在海港城LCX果邊行到最尾位置，扶手電梯落到最底就係喇玫瑰荔枝茶飲花茶會有一種輕鬆的感覺，這款花茶味道清香，玫瑰味較荔枝味道濃。杏汁花膠川貝菜膽燉白肺$148湯料好足，厚肉花膠補充骨膠原，奶白色的杏汁湯超級滋潤，又甜，又濃味！冬天到了，飲點滋潤的湯水，皮膚都好d。竹笙蟹皇羹$198如果喜歡濃味一點，可以點這個蟹皇羹，啖啖蟹肉，這個湯比較「creamy 」d。店鋪窩心的用火爐仔「㷫」住碗湯，值得一讚！法國龍眼蜜煎金蠔$228用煎既方法煮蠔又有另一種既味道，我覺得更能夠食到蠔既香味。把蠔每隻都煎到脹卜卜，口感非常豐富。（香口）鴛鴦蝦球$348一款食材，兩種口味！分別咸蛋和蛋黃蝦球！四川水煮星斑球$488水煮魚鍋料有粉皮，少量蔬菜，當然唔少得有魚啦！（魚肉夠厚和彈牙），辣度適中，麻味可以再多dd。魚肉既味道可以再濃一點。鮮茨實濃雞湯浸菜苗$208雞湯豆苗和菇，好入味！正！😋

記得之前同男朋友黎慶祝生日時都黎過依間餐食上星期輪到媽媽生日，作為孝順女既我梗係同媽媽黎慶祝下自從LCX裝修後，媽媽都未黎過依一邊今次順便同佢行下影下相，帶佢食好野坐底之後，店員安排我地面對維港既座位選好茶後就開始點野食首先梗係飲個湯暖暖胃本來想飲杏汁豬肚果個湯可能因為我地晏去食，所以已經賣晒所以就點左「椰子咸金桔燉鮮鮑魚」 $138個湯好鮮甜，椰子味好香而且好足料有原隻鮑魚，咬落好軟身，易入口湯用火烘住，即使慢慢飲都仲係暖笠笠「鴛鴦蝦球」 $298呢一款餸簡直令我同媽媽食唔停口蝦球一共有分兩種味有咸蛋味同埋芥末味道兩種都好惹味蝦球每粒都好大粒好好味好滿足「龍眼蜜生煎金蠔」$218見到相片賣相好靚，所以決定點依個蠔每隻煎完都仲係好大隻上面掃上醬汁黎後，色澤好靚啖啖juicy ,推介「蜜汁黑豚叉燒」 $288普通叉燒食得多黑豚叉燒未食過肥瘦均勻，外面帶點脆既叉燒食落味道好香，都幾入味松茸羊肚菌海膽燴飯 $288最後梗係點個飯真係好好味飯每粒都拌得好均勻入味上面既海膽可以令賣相更靚之餘兩者味道仲好夾，推介

呢間餐廳出名有靚景為左同媽媽慶祝, 今晚唔使煮, 請佢食餐好可惜今晚天公不造美, 食完都無得出去坐但雨後個天都清, 望下海景都好裝修華麗典雅, 帶點中國特式,亦有酒吧, 富fusion 感媽媽鍾意唔太濃既茶, 首先開左桂花烏龍茶, 散發濃郁迷人花香, 與烏龍香渗透融合陳年花雕醉鴿, 由於係凍食, 所以上菜特別快 將整隻乳鴿切片切件, 再砌返鴿型, 有賣相又食得方便 鴿肉皮香肉嫩, 加上滲出香濃酒香, 提昇食慾另一個前菜, 翡翠蟶子皇, 原來都係凍食蟶子肉質而肥, 色白味鮮唔過老, 入口彈牙又爽口, 最緊要係無沙, 洗得乾淨配上爽口蒿筍絲及香濃有益牛肝菌, 令整體多一份層次醬汁帶四川風味, 少少辣而甘甜, 淋上蟶子黎食, 味道幾fresh鴛鴦蝦球, 係我覺得最好食一半係用咸蛋黃炸成既蝦球, 夠咸香, 蛋香起沙,另一半用芒果漿製成既蝦球, 味道濃郁帶甜兩款炸得皮脆, 內裡蝦肉新鮮彈牙, 兩款都好好食蔥油白雲帶子炒飯開頭我地以為係賣相係個單純炒飯咁, 估唔到黎到個賣相同個菜名一樣將蛋白帶子煮成白雲效果圍住炒飯, 而炒飯因為加左蔥油, 所以變左綠色食時將茨汁淋上炒飯, 或者單食蔥油炒飯, 有一

尖沙咀人流多的地方連平日也很難找到位食午餐後來去了泊車walk-in 等位，不用5分鐘我倆可以走入這家餐廳，雖然bar枱位，不錯 居然bar枱位係望住無敵海景心情立即釋放，我們叫了五個點心，不錯也很好味，但是坐吧枱的碟實在太大了勁，沒有位置放，不過整體感覺也不錯👍🏻，服務員也很好下次有機會再去。

難得中午有時間和老婆飲茶，心血來潮試吓walk-in海港城六公館。，平時通常客滿，今日早點去還有高桌位置。.點了黑金蝦餃、龍井煙燻太爺雞、雪山叉燒包、花枝米網腸粉和欖菜肉鬆餃。.點心和小菜水準都非常好。黑金蝦餃蝦肉夠新鮮，黑色餃皮上一抹金，感覺高檔又討好；雪山叉燒包皮夠脆，叉燒餡足料而調味適中，不俗。尤其喜歡那道龍井煙燻太爺雞，煙熏味濃郁，醬油香上更添風味，令雞肉甜滑之餘又不油膩，相當不錯👍🏻

成日想揾間浪漫d既餐廳 飲杯紅酒都係西餐多 今次試下呢間新式中菜 有酒可叫 菜色有創新 叫左幾碟菜 都未試過 幾得意 未食之前叫左個蟹粉海皇羹 好正 一人一碗 熱住 好濃蟹粉味但唔膩有好滑既蟹肉 魚肉 凡立貝 跟住食左個鵝肝 通常都係配多士 第一食配梨 好清甜 中和翻鵝肝既肥膩 感覺好好 好平衡 跟住個鴛鴦大蝦係我最鐘意 一味兩食 一邊係係咸蛋黃炸蝦 新鮮炸起熱辣辣 成隻蝦被咸蛋黃包住 外脆內軟 入面啖啖肉 一d都唔老 係嫩滑 好正 而另一款係沙律蝦 一樣好彈牙 好似平時食炸野要點沙律醬一樣 酸酸地跟住就係呢個龍蝦賽旁蟹 第一次唔係大舊大舊咁食 係係滑滑既蛋白間 有d拆左出嚟 嫩嫩既龍蝦肉 好清新 最後真係要試下呢個甜品 流心奶黃 係黑芝麻包入面 再加雪糕 有少少似心太軟 不過無朱古力咁膩

It was really nice to have such a place in harbour city that serves Hong Kong cuisine. We had a lovely dinner there, 5 adults and one child. The food was delicious and I was very pleased to have a taste on some of HEXA famous dish, including fish maw soup, sea urchin rice, truffle noodles etc. The dishes were all Hong Kong flavour and looked very elegant. The services was okay ish. We ordered a soup but waiter forgot to place the that order for us. One of my guest was on wheel chair and we had t

鴛鴦蝦球真心必試。好好味。食完一碟想食多碟。但普遍份量較少。環境唔錯。望住遊輪出航感覺超好。惟個別服務員態度唔係差。係無視左要求。齊人先上菜變左即上。但都係個別人士問題。其他職員都係主動同好好禮貌。

Located at the far end of ocean terminal, HEXA has an opulent and modern interior and a terrace with the million dollar Victoria Harbour view. It was quite a long walk to the restaurant but the view was definitely worth it.Upon arrival, you’d notice a chic and dim lighted bar for drinks and light snacks on the right of the escalator; While the spacious dinning area was on the left. We were greeted and seated by the floor-to-ceiling glass window. It was a shame that the weather was a tad foggy wh

六-公-館 應該是近呢年數一數二人氣中菜館!起初聽到中菜館 都會好猶豫 香港人咁鐘意食西餐 中菜館又怎能火呢?但一去到餐廳就知道點解呢到會火了!呢到係海港城新建向海既一部分所以整個六沙薑手撕雞 $148公館都可以見到維港一帶 夜晚黎食更加CHILL!!現在來講一講食物既質素我地兩個人叫左2個前菜 2個主菜花雕醉鴿 $188懂我的都知道 花雕什麼 我都很愛所以每次見到都會試一試!呢個花雕醉鴿真的值得一試花雕汁調得恰到好處 就算唔係好鐘意酒味既人都會接受到加上醉鴿非常入味! 份量仲比我想像中多啊!!沙薑手撕雞 $148估唔到呢到連手撕雞都有啊!呢個做前菜也不錯! 手撕雞嫩滑之於沙薑汁好多!之後就同MAIN COURSEE啦!黑蒜焗羊鞍 $308呢個真係好特別啊! 黑蒜包圍住整個羊鞍 個presentation幾有驚喜!食落去外層既黑蒜既脆既 裡面既羊鞍大概係7分熟左右裡面既肉超級嫩滑 肉汁亦都好豐富!!仲有松茸羊肚菌海膽燴飯 $288嗚呀 估都估唔到呢到連海膽都有啊!眼見呢一道菜 幾乎每一台都有叫呢!最頂放左海膽 偏鮮色既橙色 望落海膽相當新鮮啊!燴飯再混合松茸羊肚菌海膽一起，味道就是只有

環境一流唔在講，原來食物都好好味。最鍾意佢既原條48小時慢煮🐮牛肋骨 $578呢碟份量都不少，入口個牛味出曬黎，沾少少岩鹽已經好好味。🐦醉鴿$208，好入味，酒味唔太濃，連胸肉都好嫩滑，刀工好，成隻靚靚上碟。松茸海膽飯🍚$308，選用加拿大🇨🇦新鮮海膽，松茸燴飯，好香，粒粒分明。炒中菜芯$138，炒得有鑊氣，少少辣味，幾野味。我地開咗枝紅酒🍷仲試曬所有signature cocktails 🍸🍹小鳳姐 菠蘿🍍味重，加上熱情果，好好飲泰醉拳🥊 椰子🥥汁味重，加埋香茅同辣椒仔🌶️菊檸氣🌼 中式酒杯上，幾款果汁溝埋都幾好味PTBF 話梅味好出，加上Cinnamon PTGF 呢杯唔係人人接受到，佢既花味酒有d似洗潔精😅餐廳內外環境都好舒服，更加有好多唔同嘅打卡位首選外面HEXA燈箱，連埋夜景🌃一次擁有服務方面非常到位，滿分以上，唯一缺點係室外對外開放，除顧客外，好多遊客都蜂擁而至打卡，對客人有一定影響。

走進海港城餐廳都幾多，而這間餐廳最正係可以睇到維港夜景，仲可走出去露天位置安排坐位食㗎，這秋冬天氣都不錯喔餸菜款式都幾多，仲有好多酒類選擇，啱哂鍾意邊食邊嘆酒嘅你，先點了個冷盤小食，但已經好有睇頭，係川味蟶子皇，擺盤幾靚放在蟶子殼上，食落鮮甜帶微辣，仲好爽口彈牙，川辣味好出幾惹味另一款前菜點了龍眼蜜生煎金蠔，蜜味好出而蠔身飽滿，好甘香啊呢個蜜汁豚叉燒見好多人都有叫，應該係呢到招牌菜式，入口肉嫩鬆化，蜜汁香甜，真係好好食喔呢個叉燒樟茶鴨都係做得不錯，茶葉味好清香，而鴨身油潤有光澤，食落都算嫩滑帶咬口，仲有一點點鹹香味而甜品我選了流沙球配雪糕，其實係湯丸炸到外層香脆仲有黑芝麻味，入面鹹蛋黃幾流心又鹹香，配埋雪糕食幾正