影片
電話號碼
25771668
開飯介紹
以高級粵菜著稱，餐廳裝潢奢華，提供窗邊座位可享維港美景。特色菜包括龍井熏太爺雞、黑豚叉燒和竹炭流沙包，每道菜品均以精緻手藝製作，帶來一流的用餐體驗。
繼續閱讀
營業時間
今日營業
11:30 - 23:45
星期一至日
11:30 - 23:45
公眾假期
11:30 - 23:45
公眾假期前夕
11:30 - 23:45
以上資料只供參考, 請與餐廳確認詳情
有關獎賞計劃
相關文章
六公館嘅點心質素非常高，每一道菜都係外型靚靚，無論係賣相定味道都非常出色。雖然價錢偏高，但絕對係物有所值⭐️ 竹炭流沙包 $62竹炭流沙包係六公館嘅一款特色點心。包皮用竹炭粉製成，外觀黑色，頗有特色。流沙包嘅內餡係鹹蛋黃流沙，味道濃郁，甜中帶鹹，口感非常豐富。包皮軟糯但不黏牙，咬開嗰一刻，內餡流出嚟嘅感覺真係好吸引。$62嘅價錢對於流沙包嚟講可能稍微偏高，但勝在味道一流，值得一試。⭐️ 千絲蘿蔔酥 $68千絲蘿蔔酥係一道非常精緻嘅點心，外層包裹住酥脆嘅細絲，咬落去時口感非常鬆脆。內餡係蘿蔔絲，味道清甜，唔會過於油膩。呢道菜嘅賣相同口感都非常好，令人口齒留香。$68嘅價錢算係合理，尤其係呢種工藝精細嘅點心，更顯得物有所值。⭐️ 黑魚籽蝦多士 $88六公館黑魚籽蝦多士係一道非常豪華嘅點心，賣相非常吸引。多士脆脆嘅，配上新鮮嘅蝦膠，再加上黑魚籽，味道層次感豐富。蝦膠非常彈牙，黑魚籽帶有獨特嘅鹹香味，配合多士嘅脆口，真係一絕
繼續閱讀
超高質既中茶館😀雞好食甜品好打卡 好值得食𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝑯𝑬𝑿𝑨 六公館🍚𝐿𝑜𝑐𝑎𝑡𝑖𝑜𝑛📍: 𝐻𝑎𝑟𝑏𝑜𝑢𝑟 𝐶𝑖𝑡𝑦, 𝐻𝑜𝑛𝑔 𝐾𝑜𝑛𝑔𝐶𝑢𝑖𝑠𝑖𝑛𝑒 🥂: 𝐶𝑎𝑛𝑡𝑜𝑛𝑒𝑠𝑒 𝑐𝑢𝑖𝑠𝑖𝑛𝑒🥢𝐷𝑖𝑠ℎ𝑒𝑠 📸：1. 𝑆𝑀𝑂𝐾𝐸𝐷 𝐶𝐻𝐼𝐶𝐾𝐸𝑁 𝑊𝐼𝑇𝐻 𝐿𝑂𝑁𝐺𝐽𝐼𝑁𝐺 𝑇𝐸𝐴 𝐿𝐸𝐴𝑉𝐸𝑆 ($358)💨龍井熏太爺雞🐓2. 𝑃𝐴𝑁-𝑆𝐸𝐴𝑅𝐸𝐷 𝐷𝑅𝐼𝐸𝐷 𝐺𝑂𝐿𝐷𝐸𝑁 𝑂𝑌𝑆𝑇𝐸𝑅𝑆 𝑊𝐼𝑇𝐻 𝐿𝑂𝑁𝐺𝐴𝑁 𝐻𝑂𝑁𝐸𝑌 ($268)🦪龍眼蜜生煎金蠔 🏆3. 𝐺𝑂𝐿𝐷𝐸𝑁 𝐵𝑅𝐼𝐶𝐾 𝑆𝐼𝐿𝐾𝑌 𝐵𝐸𝐴𝑁𝐶𝑈𝑅𝐷 ($148)⭐️八味金磚豆腐🧱4. 𝑃𝑂𝑅𝐾 𝐶𝐻𝐸𝐸𝐾 ($308)🐷黑醋豬臉頰🐖5. 𝑆𝑇𝐼𝑅-𝐹𝑅𝐼𝐸𝐷 𝑇𝐻𝐼𝐶𝐾𝐸𝑁 𝑁𝑂𝑂𝐷𝐿𝐸𝑆 𝑊𝐼𝑇𝐻𝑆𝐻𝑅𝐸𝐷𝐷𝐸𝐷 𝐵𝐵𝑄 𝑃𝑂𝑅𝐾 𝐴𝑁𝐷 𝐵𝐿𝐴𝐶𝐾 𝑇𝑅𝑈𝐹𝐹𝐿𝐸 𝑆𝐴𝑈𝐶𝐸 ($288)🍝黑豚叉燒松露撈粗生麵 🐗6. 𝐽𝐴𝑆𝑀𝐼𝑁𝐸 𝑇𝐸𝐴 𝐹𝐿𝐴𝑉𝑂𝑅𝐸𝐷 𝑃𝐴𝑁𝑁𝐴 𝐶𝑂𝑇𝑇𝐴𝑊𝐼𝑇𝐻 𝐻𝐴𝑍𝐸𝐿𝑁𝑈𝑇 𝑃𝑈𝐹𝐹 ($168) ☕️茉莉花味意式奶凍 🍵🌟𝐶𝑜𝑛𝑠𝑢𝑚𝑝𝑡𝑖𝑜𝑛 𝑝𝑒𝑟 𝑝𝑒𝑟𝑠𝑜𝑛：𝐻𝐾𝐷 $600
繼續閱讀
六公館係海港城數一數二嘅高級中菜餐廳，即興約食生日飯呢間實無死。環境冇得輸，落地大玻璃對著維港，仲有室外草地位置可以打卡 。我們四個人來慶祝朋友生日。頭盤叫咗蜜汁黑豚叉燒，肥肥地好好食 。特別推薦佢個斑片脆米肉鬆魚湯泡飯！佢嘅湯底味道超好飲，簡直係一個好飲嘅魚湯 ，湯裡面還有一些脆米，令到泡飯口感一流。另外，仲叫咗幾碟小菜，味道都唔錯 。最後，我們點了一個水果盤甜品，餐廳放咗啲乾冰喺旁邊，上菜時煙霧彌漫，上面還寫著Happy birthday，令我朋友非常驚喜又開心🥳整個用餐體驗好好，服務員的態度都好好，環境又舒服。滿足晒要享受高級中菜 + 香港維港景色 。
繼續閱讀
唔好以為咁嘅價錢，咁嘅地點，起碼會比到少少服務，點知個個侍應都係黑口黑面，其中有一個白頭髮粗框眼鏡阿叔更加係勁冇禮貌，我叫住兩度餸先，叫佢keep個Menu繼續睇，佢就即刻收返，我想留隻碟仔俾小朋友放毛巾仔，佢就話要收起…我要喺佢手上攞實佢先好唔願意咁放返俾我。到細節嘢啦，電話訂座嘅時候話會比小朋友餐具，點知坐低見到小朋友都唔會自動自覺比嘅，問佢攞又係黑口黑面。不能接受，真係以後都唔會再嚟，大家唔好比個環境呃咗。就算幾好食都唔應該再來。
繼續閱讀
今晚老公生日，諗住食啲特別嘢，响OpenRice 睇見係得奬餐廳，所以勇敢地訂坐。我要求要窗邊位，工作人員話嘗試，但唔肯定。結果有窗邊坐之餘仲要係最角落嘅位，好舒服。呢度就係海邊，客人可以到店外海邊坐坐拍照。風境超靚。食物水準十分高，其中牛筋肉和海膽飯真係回味無窮😋😋😋喜出望外💖💖💖可謂物超所值
繼續閱讀