六両三 (已結業)

最近連台灣都冇得去, 點都要食下台灣野先平衡到個心台灣野黎講台灣麵都可說是我的最愛呢間位於觀塘近上班個區既小店叫六兩三裝潢同環境都好令人舒服, 而價錢中等我點左個川味紅燒三寶牛肉麵川味紅燒三寶牛肉麵所謂既三寶就係牛筋、牛腱及牛肚既組合一碗麵既價錢可以食到三樣唔同既野可說係超化算先講三寶, 入面最鐘意既就係牛肚, 因為爽滑彈牙得黎又入味!! 其次就係牛筋, 超淋超彈牙!! 最重要既麵底係多既, 而且咬口十足, 同個湯底好夾!!紅燒牛筋同友人食個牛筋正到想再ENCORE!! 係值得再食既

#中意嘅請分享請點讚🍻----------💛#黃店💛5/8, 13/11罷工💛20/10為遊行人土免費提供礦泉水及冬瓜茶💛11/11一半收入不扣除成本捐星火💛合作設計香港聖誕卡,免費派發----------🍚滷肉飯 小$18 大$28大碗睇落好細碗但食落都好飽，滷肉肥瘦適中，撈飯一流。-😋百頁豆腐 $254件百頁豆腐好實心好飽肚，而且好香豆味、好香滷水汁，面頭再加微辣嘅甜酸汁更開胃。建議share食，因為食哂4件會好濟🤣。----------🔎六両三🚩尖沙咀宜昌街3號地下

«一個人的午餐»下午有要事去尖沙咀見客，所以要獨自食午餐。旅行癮起，想念台灣的味道。便找到六両三這間台灣小店。裝修頗有台灣感。選了滷肉飯，甜不辣和冬瓜檸檬茶。滷肉飯不要小看它的份量，份量多，很有飽足感!!! 滷肉味道濃郁，胡椒味比較重，膠質多，配飯食一流!!!甜不辣凍食，加上醬油膏，咸咸地，口感就比較煙韌。冬瓜檸檬茶不太甜，酸酸甜甜，好開胃。六両三喺觀塘仲開左分店，九龍東又多一間回味台灣的好地方!!!

好多人都瘋狂吹奏六兩三 話佢黃得黎又好食 今次就同大家一齊睇吓係咪真係咁正先😎-店內位置有限 如果晚飯時段約七點黎 大家要有心理準備等超過一個鐘先可以入座所以唔想排咁耐 建議最好七點前就好拎飛排隊🙆🏻‍♀️-🔸半筋半肉麵 $85🔸湯底比起其他傳統台灣店舖有啲唔同 有少量藥材味同肉嘅鮮甜味成個湯底冇落味精但都好夠味 食完唔會覺得好口乾比起傳統嗰隻我更加鍾意呢度嘅湯底👍🏻男仔如果大食啲嘅仲可以係落單之前要求加底 幾貼心❤️牛筋食落唔會過焾 幾唔錯但係肉真係麻麻 有啲鞋 最後係食剩左嘅😳-🔸滷肉飯 $28🔸滷肉飯方面我就覺得認真麻麻😐阿元來了嘅滷肉飯相對係比較出色滷肉整體來講偏瘦 所以導致口感方面食落會好鞋不太推薦🤔-整體來講如果唔需要排隊的話係有機會再食但如果要排一個鐘頭以上 我就覺得無呢個必要啦🤣

岩岩係附近整完頭髮，決定要覓食尖沙咀嘅黃店，見到尼間黃店好多人排隊，門口又擺滿了一箱箱水比手足，決定要懲罰一下。 滷肉飯滷肉肥瘦相間連豬皮，甘香肥膏入口即溶，肉汁香甜，滷肉汁香口惹味，餸飯一流。牛腱牛肋條麵牛腱帶有牛筋食落口感彈牙，牛肋炆得好腍好入味，食落嫩口，湯底濃得黎唔太油膩，帶有少少藥材香味，飲得出真係無加味精。麵條方面有得揀粗麵幼麵，我地揀咗幼麵食落彈牙唔會過腍。滷水溏心蛋滷水味道唔太突出，如果溏心蛋浸耐啲相信味道更加入味更好食，流心程度一百分滷豬腳豬腳炆得夠腍而且好入味，完全唔覺得肥膩冬瓜檸檬茶去台灣最中意飲就係冬瓜茶,普遍冬瓜茶較甜，尼杯加咗檸檬茶底飲落無咁甜，仲帶有微微清新嘅感覺

上網啲人話呢間牛肉麵好好食，最鍾意食三星牛肉麵嘅我就決定要去試吓啦！首先係滷肉飯（大）$28味道岩岩好，唔會過鹹～ 而且滷肉切開做小塊，唔會太碎成個飯連埋滷肉同埋醬汁一齊食就好夾 雖然係大，不過其實都係一碗多啲到～ 男仔未必夠飽哦～之後就喺重頭戲：紅燒牛肉麵$75湯底好清但係好有牛肉味呀牛肉煮得好軟淋，但又富牛肉香～ 反而面底有啲硬，好似有少少生粉味（？）不過感覺應該冇落味精，飲完之後幾個鐘都冇口乾抵讚呀～～～

佢啱啱開既時候已經成日食 知道佢係黃店更加開心 不過冇啲耐性都食唔到 因為經常大排長龍每次去到都要叫碗滷肉飯 今次就試埋拌麵同牛肉麵 再加埋個豆腐小菜 拌麵味道幾好不過如果有肉碎就更好

六兩三在觀塘的分店, 不是地舖也不是在商場內, 在舊工業區來的一楝商廈裏面, 當然想吸引在附近寫字樓工作的人員. 在這疫情下, 午餐有大約一半的入座率, 已經算是不錯. 點了在本店沒有機會試到的川味紅燒三寶麵, 麻香而不太辣, 湯頭有柔和的牛油香. 麵身夠粗, 掛湯能力夠強, 三寶有牛𦟌, 牛筋和牛肋條, 後兩者住得夠腍身, 全部都煮得很入味, 只是牛𦟌有少少韌. 在這艱難時間開分店, 對店主是冒險還是機會, 只能留待這段時間過後才有答案.

對滷肉飯嘅印象就係細個每次去台灣都會食，但真係好少係香港食🤣近呢幾年都係會去西環嘅阿元來了食，高峰時期可以自己一個食兩碗～之前見六兩三嘅滷肉飯都好似唔錯，所以一直都好想試！但上次夜晚去到已經冇晒飯，而食過佢嘅牛肉麵之後覺得食物質素都唔錯，所以今次特登下晝就黎食，終於比我試到滷肉飯啦！😝.We rarely eat Taiwanese braised pork rice in Hong kong 😂 but recently with the opening of so many authentic taiwanese resto 😆 i have been eating it non stop ✋ last time we came to this place they sold out of rice 😔 so we only tried their beef noodles 🍜 so this time we came in the afternoon 😋 overall, the braised pork is not as fatty but the flavors and s

果日同另一個係尖沙咀翻工嘅朋友去食飯，佢極力推介呢間台灣野。雖然我已經聽過唔少介紹佢，但係老實講大家身邊都終有一間x木係左近，百思不得其解點解大家都覺得呢間新鮮，咪都係魯肉飯，刀削麵、甜不辣等等。中午時間去到果度，已經大排長龍，朋友先到先排隊，都已經排左10幾分鐘，仲有兩三張大枱係前面等緊。入到去，見到裝修都幾簡單，舖頭細細，但裝飾得好有台灣風味。見到餐牌，朋友已經大叫要食牛筋麵，我就點左碗豬軟骨麵，簡簡單單就係想飲啖湯底，基本上沒有理會朋友幫呢間店冠上嘅光環。上麵食之前，店員仲問我地需唔需要橡筋綁頭髮。碗麵上到，先呷一口湯，係香濃唔油膩嘅，仲環飲完唔口渴！個麵麵好滑，好彈牙，唔係平日係超買到嘅質素。但衰左果日朋友個牛筋好軟好入味，我件豬軟骨又乾又hai。老實講，有點失望，又唔好意思同朋友講，唯有安靜食完出門再講。總結，我有點唔好彩果件豬軟骨唔滑，但相信佢其他野都有翻咁上下水準，但價錢都有翻咁上下睇頭，抵唔抵食就見人見智啦！

初二晚上，想搵間仍然開門嘅食肆已經唔容易，想搵間仍然開門嘅黃店就更加難，結果輾轉之下嚟到尖沙咀，幫襯咗呢間。雖然係食台灣菜，但係店內嘅裝修就走日本風格，感覺簡約舒服。牆上面有一幅好大嘅掛飾，解釋小店點解唔落味精，令人印象好深刻👍。兩個人食，叫咗川味紅燒牛肉麵，川味紅燒三寶牛肉麵同甜不辣，我食嘅係紅燒牛肉麵，最初都驚川味會好辣，但係原來只係 BB 辣😂；麵質比較硬同煙韌，而且有啲岩岩巉巉，較似手工麵，非常好食；牛肉味道雖然唔算好濃，但係煮得非常腍，不錯；最出色係個湯底，味濃但又唔會死鹹，當我食完成碗麵，湯底都幾乎一飲而盡😆。值得一提係檯面有紮頭髮嘅橡筋免費供應，以免長頭髮嘅顧客食湯麵時頭髮食先，非常窩心，絕對稱得上係良心小店。 另外，當晚我居然冇不停扯水，證明真係冇落味精，又係值得一讚👍。

今日同朋友夜晚去咗呢間台式食店食晚飯。去到見到好多人排隊(因為係黃店)，最終等左大概半個鐘到先入到去食飯!我叫咗個滷肉飯(只係$28!!)，而我朋友就嗌咗個牛筋麵，我哋亦都share咗溏心蛋，皮蛋豆腐同埋一杯冬瓜茶。滷肉飯嘅size比我想像中少咗啲但係竟然都幾飽肚!!滷肉嘅份量適中，而且飯入面有好多汁，所以食起上嚟唔會好乾，$28嚟講算係唔錯!!👍🏼牛筋麵加麵望落去份量足夠，湯底係微微川辣味道，感覺唔差。牛筋軟硬適中。大食嘅朋友，落單前記得同侍應講加麵，係免費嘅。上碟溏心蛋嘅時候已經漏咗好多黃出嚟，不過味道都還可以，唔會太甜。而皮蛋豆腐真係唔錯!佢嘅擺法係一磚豆腐係中間然後有四片皮蛋圍住，上面仲有好多蔥，魷魚絲同埋鹹鹹地嘅醬汁，豆腐食落去好軟身同埋唔會有散修修嘅感覺!😋 冬瓜茶就不過不失啦!

琴日剪完頭髮💇🏻‍♂，餓餓地想食返個下午茶，竟然都搵到一間高質台式黃店。滷肉飯大約落單後幾分鐘就到，一見到真嚇一嚇，因為碗飯真算大碗，大過一般家用飯碗😯！滷肉用別用左連皮五花腩、再加上滷肉而成。五花腩食落非常滑身，三層肉結構，又香又有口感，似入口即溶咁！其他滷肉就醃得好入味，非常甘香。飯明顯係珍珠飯，食落一般，每粒飯都算大粒同軟熟，美中不足係唔夠黏口😅。滷肉汁陣味唔差，味道比較濃郁。有人覺得會唔會好膩😂？我覺得就一般，唔好膩！五花腩咁好食😋，食多兩啖飯都唔覺😂。剛好我同朋友又share左個涼伴青瓜，因為係用醋腌製，所以完全唔油膩或怕制住個肚。我隔離枱個女士大讚牛肉麵湯底正，好清，好濃味😋，應該無落味精！可惜我食完個飯就飽😂，你地食完話我聽個牛肉麵如何？ BTW，呢碗滷肉飯做得幾出色，再經尖沙咀會食多次😋。

位於尖沙咀宜昌街嘅一家台灣料理小店。裝飾古色古香，用上大量木材，特別有風味。魯肉飯 大 ($28)。只係港幣28蚊一碗嘅魯肉飯，只講價錢本身已經十分吸引。魯肉飯多汁肉嫩，入口不會過咸，味道適中。雖然只係28蚊，但份量食材絕對不失禮！强烈推薦！

我在附近剪頭髮常常見到這間小店很多人排隊，常常都想去試吓，但係又成日唔記得咗這一間小店。直到早前睇一篇雜誌報道，說這間小店要開分店，而且俾人騙了，付了超昂貴的裝修費用。心想既然開得飯店應該是很好吃的吧，另外我見他被人欺騙這麼慘，去支持一下這間小店。這一次我來吃午餐，大約下午三點，鋪頭裏面滿滿的人，但至少不用排隊。我點了一個紅燒牛肉麵，在點了一個滷肉飯。滷肉飯龍龍的豬油香，是我喜歡的味道。紅燒牛肉麵有一種淡淡的四川麻辣味道，但又不會10分辣，非常之香口。我個人10分推介這間小店，而且小店還可以免費加面底，適合大食的人。