六両三 (已結業)

半筋半肉麵(麻辣)($90)湯底用牛骨同蔬菜熬成，真材實料，沒有添加任何味精/味粉，湯底有香濃牛骨味，但唔會好油，真係好味到飲晒啲湯，而麵係選用粗麵其實只係落咗少少自家製辣醬，通常食台灣麻辣麵都覺得唔夠辣，呢個好夠辣🥵，不過就唔麻牛肉牛筋非常好食，牛肉牛筋都係切得厚身，肉質鮮嫩，煮得好淋，好入味，入口即溶上次有食過，不過覺得今次更出色，因為湯冇咁油同冇咁鹹，食完唔會有口渴嘅感覺，高度推介👍🏻👍🏻👍🏻蜂蜜鹹金橘($18)自家製，鹹金橘切到碎碎，然後用蜂蜜醃製，好香，好值得試吓，不過個人覺得熱飲會更好，因為加冰會溝淡

疫情期間冇得去旅行，但係又好想食台灣野，於是去左呢間好出名嘅台灣菜餐廳入去餐廳前店員會為客人量度體溫，確保客人健康。而且餐廳有按政府規定，將d枱隔開最少1.5米距離。枱與枱相距最少1.5米餐廳風格模擬台灣小食檔由於我地係11點入去食，所以呢餐係當brunch嘅。叫左一個滷肉飯、一隻滷蛋、涼拌青瓜同埋一碗紅燒牛筋湯。個滷肉飯雖然只係$36，但份量都好多，大碗到我同男朋友要share先食得晒成個飯堆到好高之餘，個面真係鋪滿滷肉d滷肉肥瘦適中，加埋d滷肉汁撈住飯一齊食真係好邪惡隻滷蛋好入味而涼拌青瓜夠凍，同埋佢個味係酸酸地用左白醋醃咁嘅，可以減低食滷肉飯嘅肥膩感滷肉汁、滷蛋、涼拌青瓜至於個紅燒牛筋湯份量都幾多，兩個人share食都夠紅燒牛筋湯牛筋好入味，仲要好淋呢個價錢、呢個份量、呢個味道，真係完美！我諗唔到呢間店有咩可以挑剔嘅地方～

//#黃店地圖系列間野叫：六兩三邊度黎：尖沙咀宜昌街3號地下🌝：參與罷工 派水派遮給遊行人士▪阿宏蔥油拌麵 $467.5分蔥油味道香濃 醬汁就本身偏淡口 而香蔥就偏濃味 相輔相成 撈埋一齊拌麵食就一流 而且小店十分佛心 提供免費加麵 落單時要講定喔▪滷肉飯(大) $287.5分滷肉入口即化 調味得剛剛好 鹹甜適中 如果白飯可以煲耐少少 同滷肉汁就更加能達之水乳交融嘅狀態了▪甜不辣(小) $107.5分甜不辣就無得輸架啦 主要都係食Q彈嘅口感 甜辣醬偏酸甜帶微微微微微辣而已 係香港食住黎頂頂癮先▪涼拌牛筋絲(小) $20(不予置評)看到了它 我是真的受傷了 麻油加香菜味喧賓奪主 牛筋份量少得可憐 頓時化身茄厘啡 亦都無咩味道 要食牛都係正正經經嗌返牛肉麵算辣 見隔離檯個牛肉麵 條牛筋好肥美的...

成年冇去過台灣旅行 仲要而家遙遙無期唔知幾時先可以出境 梗係要去食下地道台灣菜醫下思鄉之苦啦🤡紅燒牛肉麵 🍜牛展煮得好諗 基本上都入口即溶 湯底好重牛骨味 自己都飲咗好多 都唔會太咸 粗面偏硬 下次可能會試幼面炸排骨小食 呢個炸得比較乾 可能因為本身塊排骨都唔算厚身 所以炸完之後水份流失咗就比較乾同埋硬 灑上調味粉就好惹味 味道唔錯但係肉質就麻麻😷蔥油拌麵 🤤一開始見到黑蚊蚊以為係炸醬 個蔥油都幾香 朋友話幼面軟熟啲 並且掛啲蔥油掛得好啲叫咗好多款小食 其中自己最鍾意百葉豆腐 嗰種煙煙韌韌 有啲似魚蛋但係又有豆香味嘅口感好正🤗

想食台灣野好耐喇～最後決定同朋友食呢一間餐廳因為見到上網好多人推介所以今日一於嚟試吓佢覺得成個氣氛都唔錯但係我去嘅時候都要排一排隊不過好快就有得入去食物質素都幾好滿足左我台灣嘢食嘅胃

每次經過都好多人等位，今日刻意襯佢晚市開舖去食。遲左幾分鐘，入到去已經有人。😲我點了紅燒牛腱牛肋條麵（$85）。食牛肉麵第一件事係試下個湯底，好有台灣風味。另外牛腱超級軟，一啲筋都無，甚至有少少入口即溶嘅感覺。牛肋條就有咬口得嚟又唔刃，拿捏得剛剛好。食麵都不停聞到牛肉味。朋友點了紅燒牛肉湯飯（$70），個湯底應該是一樣的。另外叫了個甜不辣（$10）做小食，雖然同我上次喺台灣食唔同，不過幾開胃。我哋叫左蜂蜜咸甘橘飲品（每杯$18）。小店位置不多，要有等位心理準備。

雖然橫街，但好遠已經望到好多人排，但想食台灣野無計啦，7點半等到9點都得！唔似其他台灣舖頭咁多款選擇，主打真係筋，肉同牛肋條麵，可以揀麻辣同原味，建議去食既人唔食得辣真係唔好叫麻辣！！！因為係闊既粗麵，所以麻辣的確係香d，但堅！係！麻！辣！原味其實都好香，食得出真係煲出黎既湯，d肉都夠冧同入味😋😋另外叫左三款小食同一杯冬瓜茶但無影相，甜不辣就比起台灣差少少，唔係太夠煙韌，不過都唔差既！杯冬瓜茶都香茶味，唔太甜！唯獨只係因為多人，所以較為迫

星期六下午黎呢間排曬長龍嘅六両三佢出面嘅裝潢非常靚同有feel，似日本小店嘅感覺-我食左最普通嘅「牛肉麵」，但吃起來也毫不普通！首先係牛肉湯非常濃郁，有陣濃厚嘅紅燒牛肉香味，甜甜地又有少少辣味-佢嘅麵條唔會好淋身，都幾彈牙有咬口似係真係手打嘅拉麵！-佢個牛肉係用左牛腱好入味亦相當淋身，好有台灣牛肉麵嘅感覺令人驚訝嘅係，佢牛腱肉嘅份量都幾多！同個牛腱肉都幾厚身，唔會食完好似得陣風咁-最後一定要讚嘅係，除左外部裝潢靚內部嘅裝修亦非常精緻既有日本小店嘅氛圍，又有台灣家庭式經營嘅古早店風情

喺武漢肺炎疫情之下，尖沙咀嘅人流非常之少，再見唔到成街都係拖篋嘅人，又或者痞喺街度食煙嘅人，呢個咁舒服嘅尖沙咀真係好正行咗一陣覺得肚餓，就搵到一間好有良心嘅台式牛肉麵店，店舖裝修非常古色古香，令到人感到好舒適， 而且佢嘅防疫功夫做得非常之足夠令我好安心👍🏻我同男朋友兩個人首先叫咗一個冷盤，就係麻辣牛筋，牛筋嘅口感非常之有趣，有別於一般我哋喺麵店食嘅牛筋，佢嘅口感非常之煙un, 味道夠麻夠香夠辣，好鬼開胃嚟到呢啲牛肉麵餐廳就一定要試吓佢嘅紅燒牛肉麵，一如我所料，湯底非常之香濃牛肉炆得好淰，同時又唔會失去左牛肉嘅香味，而且個面底軟硬適中，整個面嘅配搭都做得好好， 而且佢嘅面係可以無限添加， 男仔一定唔會唔飽😝呢排雖然冇得去旅行，但可以食住呢間咁正宗嘅台式牛肉麵店一解思鄉之愁真係好感動下次有機會想試埋佢個魯肉飯，因為好抵食😝食一啖牛肉麵，飲一啖茶，再望下周圍有良心嘅裝修同埋文宣，令到我更加珍惜依個咁舒服嘅尖沙咀

閒日晚上，還是門庭若市。店外排著人龍，但其實是取票入座的，別傻傻的只排隊不取票喔！ 由於店內位置不多，等了15-20分鐘才能入座，夏日炎炎，有點辛苦😅。滷肉飯 （大）$28招牌菜，滷肉滿滿的，醬汁濃厚，不錯。川味紅燒牛肉麵 $75手工麵條很煙韌彈牙，牛肉是牛展，柔軟入味。湯底頗濃的，但感覺上沒有太多川味😂。整體感覺，還不錯，但不驚艷。另外，我們還點了兩款小份的小食，甜不辣和涼拌牛根絲，$10/份。份量真的小😂，就淺嚐一下，味道也不錯。所有料理的味道與質素都不錯，性價比可以，但不夠驚艷，就是不會還人特意再來吃一次的感覺。對一個沒有太熱愛台灣菜的人而言，有種不痛不癢的感覺🙈。期望繼續努力💪！

我一向都幾鍾意台灣野 呢間大家應該唔陌生🥳舖頭近尖東都幾細 尤其而家要隔開坐預咗要等位😿好彩我之前平日6點幾去淨係等一陣就入到😛呢度雖然選擇少啲 但係價錢貼地 味道不錯🤤滷肉飯(小) $18 🍚你冇睇錯 真係咁平！正常應該嗌大碗都係$28 但係我嗰日都幾飽🤣 滷肉係我最鍾意嘅半肥瘦😍 個汁夠撈飯唔會漿口😆 就咁食一碗都好滿足(˶‾᷄ ⁻̫ ‾᷅˵)甜不辣 (小) $10鍾意呢度可以俾人嗌細份試多幾樣👍🏻煙煙韌韌配埋個台式甜醬幾好食😋另外我朋友食過都唔錯既有🌟紅燒半筋半肉麵🌟滷豬腳🌟炸醬麵🌟滷水糖心蛋

襯五一黃金週去平時少去嘅地方幫襯黃店。六両三位於尖沙咀比較少人流嘅街上，可能因為疫情影響，座位變少，都有6個客喺出面等緊位我去到先去攞飛，然後都好快就可以入去入到去覺得鋪位唔算大但幾舒服，冷氣幾足餐廳用過膠紙同marker落單，咁樣都幾環保我坐喺吧枱，雖然無同廚師對話，但睇佢地相處會覺得佢地好隨和，互相幫忙講返食物，我叫咗牛筋牛肋條麵，牛筋牛肋條都好淋好食，個湯底少少辣但唔會食唔到，仲幾開胃。麵就淋咗啲，我喜歡硬牙甚至有啲硬身因為五一黃金週，餐廳搞promote送中size冬瓜茶岩哂咁熱嘅天氣，冬瓜茶唔會太甜，恰到好處。雖然只係中size, 但已經係正常凍飲杯size。另外，餐廳有盒裝本地製口罩賣，但$210一盒有啲貴

遺落嘅相片😂😂今日del相時先發現前幾個月前食過呢間台灣麵，但我完全遺忘佐它🤣🤣🤣呢間台灣牛肉麵真係超多人like次次去食都要排隊，食好野一定要等得😝果次叫佐兩碗紅燒牛肉麵，一個係粗麵另一係幼麵，令我最深刻係個湯底濃郁中牛味帶點藥材嘅香氣，非常清香，而且麵質軟硬度適中，牛肉又軟淋入味，食得過😆下次要試吓其他小食🍜

二月台灣旅行取消咗，閉關咗咁耐， 出街就梗係要食台灣嘢頂住癮先啦呢間六兩三係fd揀嘅， 六點幾去到， 原來都有好多人食緊， 不過我地唔駛等位， 好好彩食完出到嚟就已經排晒長龍我揀咗滷肉飯， 同d小食。。。。 豬手， 青瓜， 甜不辣， fd就食葱油面。 佢d小食真係要贊， 好好味 青瓜好清新，好爽， 勁平， $10....痴咗線。。。。。 豬手好淋好多骨膠原， 正~~ 甜不辣都好好味~好彩碗滷肉飯叫咗細碗，唔駛食太飽， 一陣可以再食甜品但係碗面就好大碗。。。。佢呢幾日仲送冬瓜茶添， 好味好足料， 唔會因為免費而揸流灘， 抵贊成餐都好抵食， 咁多嘢先$12x..... 駛唔駛咁抵食呀， 尖沙咀喎， 咁平。。。。。 睇個價錢以為食緊快餐店。。。。 仲要d哥哥仔好好招呼， 好有禮貌

屬於香港人嘅五一黃金周正式開始，係時候回顧一下幫襯良心餐廳嘅美好時光！💛·呢間店舖環境唔算好大，座位較近，但夠企理。食物選擇都幾多，我哋揀咗2款小食、2款飯/麵、1款飲品，全部都係網上推介嘅選項。💁🏻‍♀️💬🔸 川味紅燒三寶牛肉麵（$88）食親台灣嘢，好多時都會食牛肉麵🐂🍜，今次都唔例外。紅燒三寶包括牛筋、牛腱、牛肋條，湯底充滿香濃嘅牛肉味，3款餸同麵條都好入味，餸夠軟腍，好好味，我想自己獨食呀！🤤🙈😆·🔸 滷肉飯 (小)（$18）粒粒分明嘅飯，口感一流，每啖飯配埋少肥嘅滷肉，邪惡但勁滿足！😈😌·🔸 皮蛋豆腐（$38）皮蛋向來係我鍾情嘅食物之一， 呢個涼拌小菜係必叫！😍 一片皮蛋、一片豆腐，夾埋一齊食，滑嘟嘟又好味道！😚·🔸 甜不辣（$25）口感煙韌，建議要趁熱食呀！·🔸 冬瓜茶（$20）夠甜夠凍，消暑一流！·食物質素高，價錢合理，雖然要排隊，但絕對係值得幫襯嘅良心店呀！😉