六両三 (已結業)

見咁多人比好評就一於同朋友去試下 我就叫左三寶牛肉麵 + 糖心蛋 $105 再同朋友share一份麻辣鴨血 $48+滷豬腳 $48一食落去, 其實佢同鐵牛差不多, 未至於可以得到咁多好評. 個湯底只可以用還可以形容. 難食佢一定唔係, 但係好食佢都一定唔係, 不過收呢個價錢仲要排隊食就真係減哂分. 三寶包括牛腱, 牛筋同牛肋條 牛唔會太冧 呢樣係啱我口味的, 肉嘅份量都可以, 唔算小. 但係味道無其他評論講得咁誇張好食, 只係味道非常普通但係又over-priced嘅台灣麵. 麻辣鴨血就非常過份, 完全無麻辣味, 可能唔係我想像果種啦. 不過個豬腳唔錯嘅 $48係會覺得好食嘅👍🏻

🔸紅燒牛肉麵其實食落個麵底係無乜味嘅，不過軟硬適中。呢度標榜無味精，所以個湯底都係無乜味嘅。牛肉係好淋嘅，不過個人比較鍾意有咬口多啲！唯一讚嘅係滷蛋滷得好入味！評分：6/10價錢：💰$75 + $8(滷蛋)🔸滷肉飯(小)呢個係抵食之選！珍珠米係我嘅至愛，滷肉汁甜甜地，滷肉半肥瘦。仲有兩塊醃蘿蔔，好味！食得出係煮得長時間嘅心機味道！評分：8/10👍🏻👍🏻價錢：💰$18🔸阿宏蔥油拌麵好多蔥，全部醃到黑色，我初初仲以為係木耳😂個麵都唔係太多油。不過不失。評分：6.5/10價錢：💰$46總括嚟講，佢嘅滷製醃製食品係入味嘅。不過牛肉麵味道偏淡，性價比不高。

今次唔係我第一次食六兩三了! 食過幾次，水準都KEEP到，好味道。今次叫了| 半筋半肉麵(紅燒) $85| (Rate: 8.5/10)|麻辣鴨血配粉絲|  (Rate: 5/10)|滷肉飯(大) $28| (Rate: 6.5/10)| 半筋半肉麵(紅燒) $85| (Rate: 8.5/10)一如既往咁好食!!牛筋好大條，好稔，又入味。肉既牛味都好濃，大件得黎又唔會韌。我最中訛就係個麵底，好有咬口，唔會淋PAT PAT，但同時又好入味，唔會有生麵既味道。湯底就唔洗講，唔會係出面食既死咸，牛肉咪好濃，我飲左好多啖，哈哈。|麻辣鴨血配粉絲|  (Rate: 5/10)呢個唔記得左影相，印象中配埋粉絲大碗裝係期間限定既。見到冇理由唔試下啦！不過我覺得麻麻地，麻辣湯底冇層次，只有咸辣，鴨血好大塊但味道就不過不失，都唔算太好味。|滷肉飯(大) $28| (Rate: 6.5/10)當晚剛剛好我地叫左最後一碗滷肉飯，味道中上，一定冇台灣咁好食哈哈。今次略嫌滷肉汁唔夠多，飯粒少少硬，可能係因為最後一碗既關係。整體來說，牛肉麵係最出色，每次想食台灣野都係諗起六兩三

假日正午12點，有幸辦完事在附近，經過發現六両三在此，見不用等位，就即改變計劃，入去一試。點了紅燒牛肉面，試一下湯頭，注意是不辣的，清甜味美，沒有過濃死咸，亦沒有味精，隱隱有點藥材味，搭落還有點細個時喝保衛爾牛肉汁的風味，有驚喜。麵是粗麵，軟硬適中，可惜的是間中有幾條頭位置仍有點硬，似未熟透，但大部份仍是合格。牛肉淋滑，牛味佳，肉中間有滑滑的筋位，沒有過咸，件數給得慷慨，吃得開心。唯一的遺憾是麵不太掛湯，但應不是店家的錯吧？好似無聽過台灣牛肉麵要掛湯的..（.除了那這重油重辣的店，一層油當然掛得上）大概是這家湯太好我才覺得遺憾，只好把麵放在大湯匙裡跟湯一起吃好了。

夜晚OT，之後放工，最開心係可以食到一餐好味嘅晚餐。而呢間走全木的設計，好似日式居酒屋，但其實是供應基隆廟口夜市的小食店，是由來港二十年的基隆人開的。價錢比較便宜，而食物有滿滿的台灣味道😋滷肉飯 (HK$28)．呢度嘅招牌菜，也是我每次回訪都必食．大碗的，滿滿的白飯．上面的豬肉粒，見得到清晰的兩層脂肪及瘦肉，肉味香濃、入味，入口軟滑．2片黃蘿蔔，清甜爽口．白飯配美味不太鹹的滷水汁，好滿足呀😋皮蛋豆腐 (HK$35)．看見表面的鰹魚乾，吹呀吹，好吸睛啦～．豆腐，好冰涼，入口軟滑，清甜豆腐嘅味道．皮蛋多的是，彈牙爽口呀冬瓜檸檬茶 (HK$18)．點咗少冰．冬瓜檸檬茶本身已經一早煮好、調味好，凍在雪櫃中．杯面有幾片檸檬，唔夠檸味可以自己篤多啲

坊間不少售賣台式牛肉麵的店舖，卻有不少店舖的牛肉麵湯底使用湯精等人工香料，雖令湯麵更香，但會令人非常口渴😖不過以下這間台式小店的牛肉麵湯底，以不添加味精的湯底，吸引了不少客人慕名而來😋🤤🏞環境尖沙咀店的面積較細，但裝修卻絕不馬虎：木系為主的店舖格局🪵，簡約而富有台灣本土風味的裝潢🎊🪅🎏🍜食物1. 半筋牛肉麵🍖🍜（$90）🔸 餐廳的湯底不加味精，每日將牛骨熬製30個鐘，再加上蔬果、藥材、香料等，湯味香濃有層次，而且不會覺得口渴；牛肉麵的麵條粗身，麵質彈牙；牛筋爽口、牛肉炆得軟淋不太韌😋2. 甜不辣🐟（$25）🔸 甜不辣彈牙有咬口，但如果甜醬另上會更好。如有需要可以嘗試與店員講一聲😯3. 冬瓜檸檬茶🍋🥤（$18）🔸 檸檬味較重，不覺有冬瓜味；甜度不算太高，可接受水平，清涼解渴🥵💁🏻‍♀️服務自助的點餐形式：下單後8-10分鐘即可享受美食。店員有禮，使人賓至如歸🤗👀總結無可否認，在食物的選擇方面不算很多，但勝在製作用心和認真，而且價錢經濟實惠🤑湯底不落味精更是可以encore這間餐廳的理由😉———————————————————————餐廳評分（5分為最高）美味：🐤🐤🐤🐤環境：🐤🐤🐤🐤服務：🐤

冇得去旅行，唯有喺香港品嚐各國嘅美食。happy Friday去咗尖沙咀，結果試咗一間之前排咗好耐隊，結果放棄冇食嘅台灣餐廳。今次都排咗大概30-45mins.叫咗以下嘅食物牛腱牛肋條麵$85牛肉幾入味，而且炆得好淋。麵質都幾爽口，唔重麵粉味。飲咗幾啖湯，飲完都冇口渴。滷肉飯（大）$25不過不失，整體都幾入味，肥瘦適中，以價錢來講，算係大碗。食完都幾飽。麻辣鴨血$45鴨血份量比想像中少，而且質地比較老，好似自己網上買嗰啲仲好味😅冬瓜茶$15冬瓜茶好清甜，雖然冇得小甜，但都唔係死甜。如果以台式餐廳黎講，表現唔算話十分突出。但餐廳裏面嘅環境幾有台灣嘅感覺，值得一讚👍🏼

平時行過門口見到好多人排隊⋯所以一直都好想試冇得去台灣喺香港食下台灣嘢都好我哋晚上六點到，等咗10分鐘…我哋叫咗個台灣牛肉麵食得出係冇味精嘅牛肉麵，湯底好清甜牛肉牛筋好好味皮蛋豆腐份量好多我哋兩個人都食唔晒豆腐好滑，滷肉飯都好味😋

今次黎左呢間食dinner, 放工過去，已見好多人排緊隊。等左30分鐘左右到我地，可以入去。佢有好多牛肉麵揀，仲有小食我地揀左三寶牛肉麵，牛腱牛肋麵 同埋 麻辣鴨血 同 小黃瓜落完單，d 野食都好快到，個麵好大碗，好足料，個紅燒湯底都好好味。麻辣鴨血，我自己唔算食得辣，但都食到，仲有小黃瓜個呆都腌得岩岩好 唔會好酸。但食到3分2 時，有侍應提我地食野限時45分鐘左右，而我地得返好少時間，佢提我地就夠鐘，搞到食到有d 趕咁，平時食lunch 既時間都要一個鐘，食家呢個dinner 限時係一個鐘都無🙈🙈如果限時可以比多dd 時間就好啦。因為我食野食得好慢🤣🤣

台灣人主理牛肉麵滷肉飯 湯底熬至少一天店主Ivan係台灣基隆人，來港多年廣東話相當流利 老闆自家秘製既特色湯底真係非常好飲開店之前係台灣拜師學藝牛骨湯湯頭用10斤牛筒骨熬至少30小時，加蔬菜香料藥材等繼續熬製直至骨髓全溶化同呈現乳白色 所以飲到係真真正正既牛骨精華濃鮮湯底牛肉麵湯底有川味紅燒及清燉兩款 川味四川花椒、豆辦醬、台灣豉油及藥材熬製的湯頭製作燒湯濃郁帶微辣配料有牛肋條牛腱選用美國牛肉，先炆後焗牛肉同牛筋唔會煮到腍晒爛晒，入味之餘仍保持有咬口 麵身質感Q彈亦掛湯仲可以加自家提煉嘅牛骨髓辣油 添加紅燒牛肉麵之中，香氣即刻更濃辣仲有唔少台式小食喇! 可以試下由台灣入貨既皮蛋 醇香口感彈牙又唔會有臭味當然唔少得一杯特色台灣奶茶喇!香甜順口 正宗台灣奶茶味道 珍珠又彈牙尖沙咀宜昌街3號地下平均消費$100評分8/10

被小店門面充滿古式風味的裝潢所吸引，而內裡佈置同樣一致、有質感。空間不算大，有種像日式居酒屋的格調。阿宏蔥油拌麵 ($46)• 可自行選擇需不需要蔥花，保留的話便會有滿滿一層舖在拌麵之上。• 麵的質感柔軟飽滿，外面不會有多餘的水份而影響到蔥油的口感和味道。• 蔥油的油香頗溫和、有層次，當中的蔥段已經處理得十分香腍、入口即溶的口感。麻辣鴨血 ($48)• 一貫台灣夜市可以吃到的味道，鴨血口感軟硬度適中。• 辣度很低，辣一點的話應會更加滋味。

牛肉麵💰$75😈今日我地1516係食韓國野定台灣野😢最尾揀左台灣野既六両三💛佢呢到無得book位都係去到門口拎飛入去既😬今日閒日唔算太多人所以等左兩三張枱就入得去💛我同🐻都係食牛肉麵🍜不過我地就每人加$10加左蛋我地一個加溏心蛋一個加滷蛋🥚不過我地一致認為滷蛋比較好食啲因為可能溏心蛋配拉麵🍜會夾啲😈而牛肉麵既牛𦟌好淋身同埋好多塊好重牛味仲要我地最有驚喜就係個油麥菜🥬平時台灣麵都係蘿蔔同生菜但呢個油麥菜好食😄而湯底都好濃唔會太偏甜唔錯🥠皮蛋豆腐💰$36😈另外我地仲叫左個皮蛋豆腐💛佢係一磚好大舊既豆腐上面加左啲小木魚同埋有好多皮蛋係側面好香🤤佢個醬汁甜甜地再配落凍冰冰既豆腐呢個冷盤我都幾鍾意🍚滷肉飯💰$18 (小)😈我地每次都會喪叫小食💛我地仲加左個細既滷肉飯🍚怕大既會食唔唒😈呢個細既滷肉飯岩岩好兩個人Share又唔怕食太飽食唔落其他野😝滷肉飯個汁我幾鍾意甜甜地同埋好多肉汁可以送飯而飯粒仲係圓身珍珠米好有咬口😬冬瓜茶都係加💰$15仲要唔會太甜食咁多野再飲都唔錯

叫左一個川味紅燒一個麻辣牛肉麵兩個都完全唔掂牛展冇味d麵冇味杯檸檬冬瓜茶淡過水另外個甜不辣還可以啦唔係難食但係亦都唔係好食menu其他野未試過但係唔會俾機會因為連招牌菜都差既時候，其他野都唔會好得去邊完全唔明點解會成日咁多人排隊個人認為滿漢全席仲好味過佢真係可一不可再啊大佬

午飯時候, 尖沙咀到處到好多人, 隨便去左呢間六両三, 排隊等了半小時才可以入, 入到去Order左碗紅燒牛肉麵+冬瓜茶, 杯冬瓜茶好飲, 但真係從來未食過一碗咁難食的牛肉麵, 湯底色係有的, 但湯底味太淡, 無味的, 好似水煮咁, 係真係只用水, 無任何調味去煮咁, 食左半碗無食, 放棄左, 以後唔會再去。

睇返食評, 原來我今個月平均每星期食一餐台灣菜, 滷友記, 一起食堂, 燈籠滷味同六両三。而我的美味排名是一起食堂>燈籠滷味>滷友記>六両三。當晚睇完醫生後就到附近搵飯食, 六両三就在診所一分鐘路程都唔使。大概下午6:30到達, 幸運地坐到最後一張枱。六両三都幾受歡迎, 7點多離開既時候, 一眼望過去門外有大約10個人等緊位。我地點左滷肉飯, 麻醬麵, 紅燒牛肋條, 冬瓜茶同蜂蜜🍯咸金橘。成餐飯我最推介係杯冬瓜茶, 清新天然既味道, 甜度剛剛好。紅燒牛肋條 - 因為一起食堂牛肋條的美味所以好掛住, 今晚ENCORE再叫牛肋條食。就咁睇六両三牛肋條既外表, 肥肉分佈比一起食堂的多, 但奇怪既係一咬落去, 口感比一起食堂的牛肋條乾同韌, 但其實佢又入味架喎, 所以應該唔係炆得唔夠耐既問題, 而係來貨既問題。呢碟牛肋條既唔得🙅🏻‍♀️我心(我偏好半肥瘦同軟腍既肉)亦唔得🙅‍♂️老公心(佢偏好瘦肉)。滷肉飯 - 米飯偏乾, 滷肉偏水, 滷肉同一個問題, 肥肉分佈較多, 但瘦肉部份好乾硬。麻醬麵 - $50, 呢個不錯, 醬汁充足香濃, 同我近期愛吃的賈以食日麻花麵有幾分相似