公利真料竹蔗水

營業中

休息中

公利只係有緣食過幾次，因為地理位置唔係勁就腳。今日咁岩經過就買左蔗汁（$38一樽）同蔗汁糕（$17一盒，有四小舊）。呢度既蔗汁糕一直都好好食。佢既味好淡既，質感就好似大菜糕，少少qq地，重點係唔會腍到一pat pat。鍾意佢有蔗汁香味，又唔太甜，感覺好清新。蔗汁一樽好大支，夠我地幾個人過口癮。佢都幾甜既，小妹認為可以溝水飲添呀如果怕甜。我飲幾啖就夠哂數喇。見到佢有蔗汁啤酒，不過我要番公，無得買黎試，有機會大家可以試下。

公利真料竹蔗水，坐落半山SOHO區，超過半個世紀的老字號，是香港僅存的幾間老店之一。其裝潢停留在60年代，涼茶櫃台、紙皮石、海報牌匾、戰前唐樓的格局，保留了本店的原汁原味....既然是標榜真材實料，當然要親身一試...公利除供應竹蔗汁與竹蔗水，還會提供涼茶、龜苓膏、蔗汁糕，以及酸梅湯、五花茶等產品。竹蔗汁顏色黃中帶綠，喝下去清甜潤喉，沒有那種加入糖份的甜膩，蔗味濃郁，是名副其實，真材實料以新鮮竹蔗鮮榨而成，絕無添加任何糖分或防腐劑。時至今日，很多涼茶舖都追上潮流，換上新裝，如果想體驗當年的感覺，大家或者要到中環的「公利真料竹蔗水」了。

炎炎夏日，行兩步路都已經成身汗，有咩好得過像枝冰涼爽甜的竹蔗水呢FATBROWN 今日做跟得男友，陪女朋友仔去大館行逛，逛住大館就買周圍行下睇下，大熱天時行左幾個字都開始身水身汗行行蘇豪見到有間同側邊鋪頭格格不入的舊式涼茶鋪-公利真千竹蔗水，好似幾特別下，即刻上網search 下，原來間野好出名，好多旅客黎香港都會專程去整番支竹蔗汁或者食番舊蔗汁榚會網上評價咁高，大熱天時介介有咁多人系外面排住隊咁食蔗汁榚，Fatbrown 呢個九龍人難得經過，梗系唔執輸食番次先喇<蔗汁榚$17> 一打開個盒蓋，即刻嗅到好清甜的蔗汁味食落口口感系淋淋地，唔系大菜榚個種口感好種蔗汁味，食得出系用新鮮甘蔗打出黎的有機會經過再買！

公利真料竹蔗水 (中環)中環蘇豪荷李活道60號地下～～～這家70多年的老店 能在租金這麼貴的中環生存這麼多年 肯定有他厲害的地方 在網上看到別人介紹之後 小Q跟大舊也一起去試試 店面幾乎沒有什麼裝修 有種懷舊的感覺 很有特色 是香港少見的老店（而且還在港島商業區中間）跟附近的新式店面相映成趣 店內賣的食物類別不多 但座無虛席 這次來 我們點了平時邵家渡蔗汁糕 糕點彈牙 帶點粘稠感 蔗汁味道濃郁 冰冰涼涼的 夏天吃好舒服呢 推薦大家去哦～～～推薦度：🔥🔥🔥🔥（5🔥最高）

週末約咗一班朋友去PMQ元創方，沿路會經過公利蔗汁🎋 之前咁啱睇TVB(˶‾᷄ ⁻̫ ‾᷅˵)記得都有介紹過佢地嘅蔗汁糕同蔗汁啤酒🍻 難得經過當然要去試一試啦！🥳店內唔算好大，大約坐到十個鬆啲嘅人。仲見到店員不停係度榨蔗汁添啊🎋左圖：🔸五花茶（$12）🔸右圖：🔸蔗汁（$14）🔸夏熱天時坐底飲杯涼茶就最正🤣 五花茶甘甜解渴😋蔗汁就不嬲都清甜㗎啦，鮮榨係好味啲🤤🔸蔗汁糕（$17）🔸有少少Q彈😂 食落清甜，但無蔗汁咁甜，味道有少少似馬蹄糕，不妨一試👍🏻🔸蔗汁啤酒（$40）🔸啤酒就要外賣或者拎走飲嘅，而蔗汁啤酒只有6%酒精，同朋友share嚟試每人幾啖就飲完。不過就唔係好飲到蔗汁嘅甜味，但細味啲㗳真啲就有好似”食蔗渣食到最後嘅蔗渣味”😂 啤酒反而相對地麥味較重，但幾香口，所以都好易入口，不過如果蔗汁味明顯啲就好了？是🤤

香港呢幾日天氣實在超級炎熱又悶焗！邊走邊流著汗水，悶熱溫度實在令人難耐，決定找個地方稍事休息，忽然想起一家老字號，這裡便是經營超過六十年的【公利真料竹蔗水】！售賣真材實料竹蔗水外，這裡也有販售解毒去濕、防治暗瘡、調理腸胃、老少咸宜的龜苓膏！公利真料竹蔗水店以簡單實際的方式售賣飲品/食品，買後可自行帶走外，亦可在門外暢快地飲下去（店內還有一些座位可作堂食之用）價目表上有杯裝跟支裝兩種價格，竹蔗水外也有販售雞骨草、五花茶、火麻仁...等。竹蔗水(杯裝) - $14現榨竹蔗水自然香甜，喝起來亦很順口，咕嚕咕嚕沒多久就喝光了！

七十年老店，能屹立中環蘇豪區多年不倒，跟旁邊的店鋪及建築有強列對比。至今電視節目還有介紹，當然有它的價值啦。很可惜今次也跟蔗汁啤酒緣慳一面，店主說要再2星期才能釀製完成，很期待啊😭😭啤酒不常有而且釀造需時，完全靠緣份，如果大家有緣遇到真的要一試！竹蔗水 $35 - 蔗水用先蒸後榨方式去製作，清甜程度更加分。看顏色就知道濃郁程度，純天然無添加，極清甜，值得一試👍🏻但甜度頗高最多只能喝到一半（有小杯可選）竹蔗糕 $16 - 保證是在外邊沒能試到的口味！口感像蒟蒻的Q, 相比甜度沒蔗水那麼高，所以可以一整碗吃下都唔係問題🤤

見到人成日係ig打卡，終於有機會試下呢度既蔗汁糕，食落覺得幾似馬蹄糕haha, 但又比馬蹄糕好食同清甜d, 感覺馬蹄糕係死甜，呢個就係天然既味道，值得一試既，口感都幾軟糯，又唔會過份軟身或太硬，但性價比又唔算好高，雖然出面好少有，但始終都只係小小既一碗，材料又唔係特別貴。另外，蔗汁都同出邊既有d唔同，有加左茅根既感覺，飲落似竹蔗茅根。

-今日行開上環，男朋友話呢間公利真料竹蔗水好出名，係老字號，所以就請我食番個蔗汁糕。蔗汁糕 $17蔗汁飲得多，但係蔗汁糕真係第一次食。四五塊大大舊，都幾墜手。味道簡單、清甜，而且甜味係來自蔗汁本身，可以話係純正天然，無額外落糖既真材實料。質感方面，好似啫喱咁，滑滑的，好清澈，唔會好似平時食開既糕點咁黏身。炎炎夏日食番個清甜糕點確實唔錯，解渴之如，又可以一嚐傳統手工製作。美中不足就係堂食都使用發泡膠碗盛載, 略嫌不夠環保。

前排睇電視介紹，巳經好想試下，本身都鍾意飲竹蔗水，不過係香港真係好少地方有得買，知道中環仲有，經過當然唔好放過，一於去試下佢！就係當眼轉角位，鋪面保留舊式裝修，幾特別！企係門前面，巳經聞到好香甜既竹蔗味道～鋪入面仲有員工即場用機器渣竹蔗，保證新鮮即製，叫左一支竹蔗水（$38）同試埋佢好出名既竹蔗糕（$17）😍，竹蔗水顏色係青綠色，飲落好清甜，真係好耐無試過咁清甜既竹蔗，可能同佢地店先蒸後渣既方法，令竹蔗更加鮮甜！飲得出絕對真材實料，的確消暑解渴！而竹蔗糕，一開四件，口感軟滑，無竹蔗水咁甜，清香微甜，好味！

每次去上環一定會走入公利飲庶汁。原於住在附近的朋友說，公利庶汁是她由細飲到大的，味道依然不變，可見經營者對食品的要求。今次照舊點了，庶汁同庶汁糕。店內有三張桌子，可供堂食，店里的裝飾品依舊保留開業時的招牌和歷年的文獻。乍看，想是一個會說話的博物館，承載著幾代人的歷史。庶汁和糕點都上好啦，一口喝下去，庶汁很濃，不像一般外面買的庶汁那麼稀。甜度適中，因為是熱的，一口下肚，很暖和舒服。庶汁糕，咬一口，清爽可口，唔會膩，難怪那麼多人也是它家的粉絲。

以前去Soho區想飲酒，年紀大左，飲台式飲品都好滿足。😼依家睇電視介紹既「公利真料竹蔗水」1948開業，至今已超過70年歷史！入左店內彷佛好飲番左50年代，一磚一瓦，傢私都係用左多年，難得樸素。🎈佢專賣中式涼茶、龜苓膏、竹蓆糕等等，出名有水準，當然叫佢最出名嘅竹蔗汁飲啦！🤤🤤果然，用咗新鮮蔗渣出嚟果然唔同啲，好香嘅蔗糖味，好鮮甜，係我懷念嘅味道呀！飲完幾解渴，滋陰，比起坊間嘅台式飲品更有益身心👍🏻支持！🤜🏻BTW，店家養左隻超可愛貓仔，好可愛，我地玩左一陣😽-竹蔗汁（枝） | $38

跟飯腳飯聚後總愛四周走走散散步 經過中環蘇豪區見到公利 超過半個世紀的老字號 以每日新鮮制甘蔗汁、草藥茶甚至龜苓膏 公利於1948年開業 開在戰前唐樓之內 現今仍保留舊時蔗汁店風格例如老招牌、階磚地、綠色玻璃窗 店內主打是蔗汁 蔗汁是新鮮鮮榨 絕不加糖及防腐劑而且蔗汁仲事先蒸過 少了點寒涼感 腸胃差的人亦適合飲用 蔗汁是天然蔗糖味道 清潤甘甜 不過甜而不膩 甜入心脾 仲份外健康而最近仲有手工蔗汁啤酒啤酒只有6%酒精 所以飲多兩口都唔會太容醉 飲落有好香既麥味 不過蔗汁味就不太飲到 味道亦不如如期的甜 但整體感覺新鮮易入口 行過買支不為過

這天和朋友約定了到大館行一行，順便去了一下公利買支庶汁比朋友爽一爽，自己都當然唔執輸一人一支，素聞公利竹庶水出名清甜，今日一試果然所言非虛，庶汁很清甜，一杯一定唔夠，要飲就一定要飲大大支，咁樣先夠爽！

蔗汁糕都幾墜手。味道簡單、清甜，甜味係來自蔗汁本身，食得出係無額外落糖真材實料質感方面較平時食開既糕點稠身，唔容易散或者比叉整到碎曬。口感幾特別，彈牙不失爽度。有別於芝麻糕、馬豆糕等中式糕點，蔗汁糕較為罕見，又出乎意料地好食、足料雖然價錢唔算平，性價比一般，整體而言，較想像中驚喜，值得一試！夏天消暑一流啊