公利真料竹蔗水

營業中

休息中

因應時代的變遷, 老字號已經越來越少, 能保留懷舊情懷的, 就更加少。公利的樓底高, 空間感十足。不論是門面, 枱, 櫈, 磚牆, 吊扇等, 都散發著懷舊氣息。店舖設有堂食, 可一邊享受食物, 一邊感受當時的氛圍。幸運的更可見店員即場鮮榨蔗汁, 是一種文化的承傳。蔗汁糕 $16蔗汁糕質感黏糯, 味道天然, 蔗味清淡, 不會太甜, 感覺健康。雖然近日天氣漸涼, 唯中午氣溫依然不減, 如蔗汁糕可雪凍食, 想必更加透心涼。堂食的食物和飲品, 均用發泡膠碗和紙杯盛載, 略嫌不夠環保。

係蓮香樓食完點心就走左過黎食甜品😋😋成日聽朋友講呢到既蔗汁糕好出名 又話佢細個成日食不過我一次都未試過😂😂今次終於有機會俾我食到，又真係幾清甜，好岩夏天食，清暑佳品😋😋下次要試埋其他款！

記得有一天跟同事們午餐過後，在走回公司的途中就經過 #公利 ，數數手指原來已經經營70多年。看了一下下，發現除了一向深受大家歡迎的原汁原味 #竹蔗汁 之外，還有 #竹蔗糕 🥧、 #竹蔗啤酒 🍻。實在讓我挺震撼，因為我沒想到這麼傳統的店，也會交出如此創新的產品呢！我就買了一份竹蔗糕（$16），因為當時太飽，真的再喝不下一大杯啤酒🍺啦！不得不說，竹蔗糕交出水準來！👍🏻清甜爽口，糕點入口有韌度，不會太軟或過硬，剛剛好！每一口都帶陣陣蔗香，甜度清幽簡單，一點都不死甜不膩口。🤙🏻$16有四件，我心裏也沒有底，到底貴不貴，嘿嘿😁！#公利對面既graffiti好靚啊#買一口清新香甜16蚊算係咁上下

還記得小時候媽媽每天也會弄蔗汁給我喝... 現在要找賣蔗汁等地方不多, 卻在中環這個熱鬧地區有一間店售賣 - 公利!說真的, 蔗汁糕一點也不便宜, $16只有4件! 不過每一口充滿兒時回憶... 煙韌口感不會過軟, 而且味道完全是蔗汁, 沒有添加糖水! 先於門外購買, 因坐進店子後沒人理會!雖然這天只點了蔗汁糕 (覺得有點貴), 但我卻覺得很美味; 而且店內環境保留著6 70年代的感覺, 光是店外已是一個拍攝的好景物! 我會再來的!

見到youtuber介紹公利所以特登去試，叫咗蔗汁糕同蔗汁- 蔗汁糕$16 -蔗汁$14太失望！完全唔值呢個價錢。蔗汁甜到好似落咗糖水咁，同埋一啲蔗汁味都冇。蔗汁糕就好似食緊無味嘅大菜糕，食咗兩啖已經唔想再食。

特登嚟中環飲公利飲吓蔗汁饂吓蔗汁糕,我地5個人就叫咗支裝竹蔗汁×2蔗汁糕×2竹蔗汁不愧咁出名,甜度係啱啱好,同時係飲倒竹蔗嘅原味,非常好飲,簡直係完美100分!飲完之後真係覺得好滋潤蔗汁糕都一樣係咁出色,整糕好講究技巧,份量一定係啱啱好,蔗汁糕嘅味道控制得好好,樣都係完美100分!喺店裏面坐低嘆返杯靚蔗汁,坐喺度涼吓其實可以好開心!而且店裏面環境好舒服,好通風,好涼爽!老闆同埋老闆娘都好好人,問佢地小小問題都會好用心答,真係值得欣賞!

每次經過中環都會去公利因為佢既遮汁真係好正!!! 通常都會坐入去入面得三張枱如果繁忙時段可能冇得坐 但坐入去可以玩貓可以玩貓貓☺️☺️除左叫遮汁之外都一定必叫遮汁膏如果你未試過一定要試下!!!

公利真料竹蔗水位於半山蘇豪區 ，從港鐵站出來後, 大概行多十分鐘到到擺花街, 再上少少就係,其本上我每次去完pmq都會行過去飲番杯解解暑,最喜歡公利果到的紛圍, 雖然我每次只係飲一杯蔗汁, 十幾蚊,但老闆都唔會介意我係入面坐好耐,因為有時行得耐PMQ, 的確好倦, 又要覆下msg, 覆下email咁, 坐坐下就半個鐘,老闆都唔會趕人走, 抵過去飲咖啡啦真係~~講番杯蔗汁, 公利的竹蔗用青蔗, 青蔗雖然性質寒涼, 但因為佢地會蒸熟咗先榨, 清甜得黎仲會溫和D, 所以其實咩體質都岩飲,大熱天時去飲杯凍既真係透心涼~~

有冇人都中意飲蔗汁😍?記得細細個同屋企人行街，經過間生果店有得賣蔗汁都會買番杯，一路行一路飲😙前日約咗朋友出嚟食嘢😆呢排天氣真係好熱，行到好想暈咁濟🌞記得上次佢話呢到有蔗汁糕，所以就決定入嚟食順便飲番杯蔗汁😚呢間鋪頭裝修都幾懷舊，坐位唔算多，最得意係有隻貓貓係到🐈😍.#竹蔗汁 (杯裝 $14)😋好味指數：(7/10)見到menu寫住潤肺生津，滋陰潤燥😆唔知功效係咪真係咁勁，不過熱辣辣飲番杯凍蔗汁真係好舒服☺飲落去好甜同有種幾潤喉嘅感覺😙#蔗汁糕 ($16)😋好味指數：(7/10)第一次食竹蔗糕🤔食落去口感都幾q彈😚相比起竹蔗汁嚟講就冇咁甜，清清地咁😆.⭐溫馨小提示📌因為竹蔗汁比較甜所以建議食咗蔗汁糕先😚

[ 夏天消暑🔥| 超解渴蔗汁蔗汁糕!! ]••上個星期同朋友去中環遊🚀個日成30℃行到我地又暈又想嘔😷差啲中暑，好彩無暈係街💀最後我地去左公利歇一歇，呢間每次行過我都會買支竹蔗汁🍵⋆ ⋆ ⋆ ⋆ ⋆-🔹蔗汁糕($16)⭐️7/10🔹竹蔗汁($14)⭐️8/10蔗汁糕係煙煙韌韌，淡淡蔗汁味，甜度唔高👍🏻配埋蔗汁飲就最岩，蔗汁較甜👅仲要非常冰涼❄️行到熱辣辣飲真係勁岩！覺得成個人涼哂🤤我地2個share一杯，好Sweet🍬-🔺位置係PMQ隔離，附近有#勝香園 #周月 #座銀 #九記牛腩 #流心牛角包🥐 所以去開附近都可以去飲杯野，消消暑🔥

友人真好，記得我曾提及過想去公利飲竹蔗汁，他便帶我一起去試試。行上幾個斜路，看到老香港特色的店子。環境是老香港文化。我们叫了蔗汁和蔗汁糕。蔗汁入囗清新，甜美，不"確"喉，確是潤肺生津！蔗汁糕入口不太甜，應是用馬蹄粉加蔗汁做成，好好味呀！(如盛器不用白保膠就更好)回家後，喉咙亦沒有不適而咳起來(因我之前飲過一些話鮮窄的蔗汁，就咳了很久，所以已很久沒有飲過蔗汁了！)多謝公利給我的味蕾，再能有機會去品嘗蔗汁的味道。

工作關係經過公利，相請不如偶遇，就幫襯一下這間老字號。店內樓底極高，充滿懷舊的味道。但可惜我要趕著辦其他的事情，所以只能買外賣。我買了一杯茅根竹蔗水立刻飲用，並買了一支竹蔗汁回家與老公品嚐。起初我以為茅根竹蔗水與竹蔗汁的分別是多了茅根，但原來只係我一廂情願，變成笑話。翻查網上資料茅根竹蔗水是指將茅根與竹蔗煲成的涼茶，不但清熱解渴，更有袪濕消腫、減肥瘦身之效，又可降血脂、血壓及血糖。雖然不是想像般的茅根竹蔗水，但嚐了一口後，發現味道唔錯，本身咽喉有少少不適，立刻得以舒緩。而竹蔗汁應該是原枝竹蔗榨汁而成，清甜美味，無有半點草腥味。竹蔗汁潤肺生津，滋陰潤燥，絶對適合捱更抵夜的都市人。

以前享中環番工已經好想去公利，但拖下拖下都好多年。今日去開上環食飯就醒起佢，幾飽都要試。唔洗諗，當然係叫蔗汁同埋蔗汁糕蔗汁好清新但略甜。而蔗汁糕反而冇咁甜，爽口蔗味濃郁。舖頭細細但依然保留舊年代嘅裝横，好令人懷緬兒時年代呢！

一直都好想試呢間中式涼茶鋪，但好少去中環呢邊，食完waffle diner，我就拉左朋友陪我買黎食喇，呢度既蔗汁糕好似好出名蔗汁糕 $15 第一次食蔗汁糕，平時飲蔗汁就多，所以我覺得幾有驚喜，雖然蔗汁味唔算好濃，但多左份清香，甜度唔高，感覺好天然❤️，口感q彈唔痴牙，幾有口感😋😋其實我分唔到佢一碗有幾多舊，因為我好中意食中式糕點，所以好快比我食晒，如果去開中上環，可以黎試試☺️☺️餐牌公利地址：中環蘇豪荷李活道60號地下

每一次去完中環，點都一定會食返個公利嘅蔗汁糕！但係今日食得有啲飽，取而代之，我就揀咗一杯溫暖嘅蔗汁。每杯蔗汁都係即叫即榨，非常新鮮。雖然凍嘅蔗汁會比較甜，飲落我比較鍾意，但係天氣實在太寒冷，決定飲番杯熱嘅。熱嘅會有淡淡的草青味，不過甘蔗嘅香甜就會慢慢浮現係味蕾上，唔錯。