八月花 (朗豪坊)

營業中

休息中

朗豪坊唯一的酒樓假如我是自由行, 亦會踏入這擁有靚門面的地方希望在瘋狂掃貨後, 像香港人般歎點心八月軒長期要等位飲茶不過十二點前來到多數有位酒樓近來推廣懷舊菜式當中有大量懷舊點心如大包, 蔗汁糕美心在這方面一直都做得很好, 致力帶新鮮感給食客特別製成的簿裝餐牌同樣充滿誠意雖是努力包裝, 但過往的經驗, 味道只是一般所以今次簡單的叫了點心媽媽說蒸籠點心拼盤好像很精緻又不用選擇果然鮑魚酥很不錯非常入味的鮑魚, 酥皮又新鮮熱辣芋角很有趣, 內有很大的蝦不過有大蝦反而覺得怪怪豉油炒飯, 很大的一碟用的是珍珠米好吃!不過吃多幾啖, 會覺得好甜而且內裡只有蔥, 一點餸都沒有寡寡的每位$170的價錢覺得可以吃更好的東西

舅父生日, 訂枱同埋姨媽呀姨食飯, 只可以揀6或8點食, 星期日晚都係食早D好~朗豪坊就成日去, 呢間中菜都經過好多次, 一路都感覺好貴而且平時gathering實唔食中菜, 所以終於有機會試都係幾興奮!遲左少少到, 去到個時舅父已經到左仲叫埋菜喇~  見到枱面有壺好似花茶既野, 原來係'太極香片' (都係中茶), $28壺, 話試一壺可以免1個人茶錢, 所以枱面就有一壺普通香片加太極版喇~  其實佢既普通香片已經好飲過出面茶樓, 無咁澀較易入口, 太極版就茶味濃深色d同澀少少~8個人嗌左個6人餐, 聽聞好似係個waitress提議既~ 通常餐都係多到食唔晒, 8個人食就差唔多喇~ 唯一差少少就係真係碟碟都係6件, 我地要自己切開佢bb豬, 其實係咪豬bb我就食唔出既, 不過都燒得幾脆! 而且個醬已經係入面, 唔洗自己點~ 旁邊有d西式沙律菜幾fusion, 食落都健康d燴燕窩, 通常都係食翅, 燕窩都係第一次食, 雖然我睇唔到燕窩, 其他料都足, 不過呢碗野好solid下同濃味龍鳳球, 個咁大既炸球都估到係蝦架喇~ 幾脆幾香, 中間既雞肉同翠玉瓜就salty左d, 無飯一齊食真係有d

今次第一次黎試，發覺部份點心甚有創意，喜出望外。多款美食中，最喜愛魷魚鬚，因為佢雖然唔係炸，但應有既味道完全沒有減少，兼且脆身，說得上是佳品!牛脷酥同檸味叉燒餐包都係不錯，後者夠熱夠味，餐包挺身而軟，也值推介。

因為訂了明日的壽宴, 故先特別提前一天來試試.首先等入坐約等了一小時, 但為了食好野, 等是應該的, 但卻打消了看食評說坐得舒服的說法, 我們七人, 被安排一張約坐四人的桌子, 放了餐具, 桌面就只餘放一個蒸籠的位置, 故為了空出位置放食品, 吃得極為急趕.我們點了..鳳爪~一般筒仔飯~ 沒驚喜, 好細荷葉飯~生米炸兩~除了碟子比較漂亮, 跟街外粥店的沒分別鯪魚球~一般椒鹽九肚魚~最為出色的一碟流沙飽~跟普通酒家相同還有其他春卷,XO 腸粉......反正就沒特別, 沒驚喜, 但埋單就有驚喜了.第一之寫食評, 只是想反映真實, 過往真的跟食評帶給不少驚喜及味之回憶, 可惜今次....希望今天的只是點心的失誤, 期望明天的壽宴有令改觀之作出現.

食過咁多間"八月"系列(常顧中環,尖咀), 今次第一次黎旺角呢間, 似乎質素比較唔平均~脆皮BB賣哂, 真失望~ 之後叫了以下~1) 特別叫了壺菊花$34, 類似花茶, ok可以再濃d~2) 黎"八月"系列必食嘅椒鹽豆腐粒$38, 外脆內軟, 好味!!3) 鲍汁炆鳳爪$42, 炆得啱啱好, 軟得黎唔會散, 好味!! 但食唔出鮑汁~4) 鬼唔搭八春卷$40, 好味ok脆!! 但得3條~5) 鷄蛋豬腳薑$42, 得兩大舊豬腳, 薑多的是, 豬腳比較硬, d汁無乜薑味~6) 白灼翡翠苗$38, 真係白灼, 爽口但完全無味~7) 椒鹽魷魚鬚$42, 以為係平時個d, 最後其實佢係煎魷魚鬚多d, 但都好味~8) 义燒包$28 & 蛋撻$20, 普通~9) 最後, 黎"八月"系列必食嘅蛋白杏仁茶$22, 香滑好味!!

美心集團最近推出了一個名為「食尚福建 品味台灣」的推廣活動，在旗下的各間中菜酒樓推出了多款福建和台灣菜式，還邀請了部分相熟食友前往試菜。這次自己雖然未有獲邀，但在看過部分食友試菜後的食評後，卻心癢癢的，便找了一個周日的晚上前往這間較常到的「八月軒」一試店中推廣的閩菜和台菜。其實這次「食尚福建 品味台灣」推廣活動推出的菜式是甚多的，從前菜小食、主菜、湯羹，粥麵以至甜品都有，不過這夜只得我與太太兩人，吃不得那麼多，便只是叫來「南投炒九孔鮑」（$168）、「南靖三弄土鵝」（$98）和「台南擔仔麵」（$28）三款菜式作晚餐。這天我們的座位在酒樓裡面的靠窗座位，外望正是人來人往，車水馬龍的旺角街頭，入夜後的旺角鬧市，燈火通明，別有一番繁華氣象。主菜未到， 餐前小吃先來。是「銀魚乾花生」，作為前菜，這鹹脆的小吃還算不錯。「南靖三弄土鵝」中的南靖是福建地方，以土樓為人所認識。這道菜雖不知道是否真是南靖的地道菜式，但這味道濃甜的菜式份量不少，鵝肉也頗軟熟，加上配角的芋頭也炆得軟腍入味，給自己頗佳的印象。「南投炒九孔鮑」用的是台灣沿海出產的九孔鮑，爽口中帶點兒嚼勁，味道不錯，配以腍甜的南瓜，我倆夫妻每人

次次家庭聚會都會去平時幫襯開既酒樓，但因為酒樓最近大裝修，所以雖然驚d長輩唔鍾意，但都要提議試試八月軒! 美心集團既八月系列 (八月花、八月居) 一向係我既至愛，今次八月軒亦不例外!是次晚飯叫左十二人晚餐，有七個餸，咦! 七個!? 所以再加多個脆皮BB豬同檸汁叉燒包! 先黎八月軒燒味拼盤，有叉燒、燒鵝、海浙、豉油雞、鮑片夾青瓜，樣樣都唔錯，尤其是鮑片夾青瓜，鮑片十分鮮味而且juicy~脆皮BB豬暖暖的，皮脆肉唔韌，咸度適中，乳豬件既底部已加有海鮮醬，唔需要再加已夠味道~花膠竹笙燴生翅 - 唔需要加醋已經十分夠味! 非常足料! 好多翅、好多竹笙，我仲飲左兩碗! X.O.醬花蚌炒蝦仁 - 花蚌同露荀好爽，微辣，好惹味~艇皇浸翠苗 - 有豆苗仔、蒜子、東菇碎、竹笙碎，上湯好鮮甜，唔覺有味精，而豆苗仔亦好嫩好爽~生炒牛肉飯 - 唔錯，無特別，不過唔太喜歡飯上面既松子~招牌炸子雞 - 皮脆肉嫩，咸度亦適中~唔錯~其實仲有清蒸沙巴龍躉，不過唔記得影相~一向好怕酒樓既蒸魚肉質粗鞋，但今次卻非常美味，蒸得剛剛好，肉質嫩滑鮮味! 平時屋企人多數都會食淨，不過今次真係一件都不留! 另外叫既檸汁叉燒包，包裡

點心出品比以前差左,侍應服務都一般,漏單未check下就話要蒸等下先.之後再等一陣先知漏單,價錢同出品有出入.雀籠點心內粉果蒸得太熟太軟,鳳爪就太咸.馬拉糕甜到苦.

美心集團，旗下有很多品牌餐廳，八月軒是其中一間。大集團的好處是可訂一款精緻的餐具以供旗下多間餐廳使用，這兒的餐具，我在另一間美心品牌也見過。食物份量比我想像多，因為之前我認為它是貴價又精緻的中菜。款式配搭也有點新意，例如﹕這客羊肉豬筋配三色椒。顏色已拿了很多分，豬筋算軟身，羊肉又不羶。落單時，我多口問侍應，會不會辣，他告訴我是用長辣椒，會很辣。我追問，不是三色椒嗎﹖他說是三色長辣椒。幸好，沒有被他說的辣度嚇怕。其實一點也不辣。椰子雞或粟子雞，大家一定食過。兩樣加埋一定比較少，這客雙子雞，椰子粟子真是幾飽肚。香濃的椰汁味，加上椰子肉和粟子，口感味道也很好。比較平凡的，可算這客帶子炒飯，沒有太多驚喜。不過份量也算多，有超過六小碗。是次用餐有信用咭優惠，三道菜也要三百幾元，其實也不算便宜。

朋友係外國番黎,當然要聚聚,呢間餐廳比一舨中菜館寧靜得多,傾計一流,服務態度都不錯,食物都算不過不失,最好味係隻BB醬燒乳豬$280,唔需要點乳豬醬,都非常入味,讚! 甜品個賣相好吸引,唔試過唔心死,但味道就一般,13個人食,除開每人240蚊,總算舒適,食得過,價錢都可以接受

是日跟家人往八月軒吃午餐, 週日中午十二時十五分到達, 等了差不多三十分鐘才可入座. 店內一貫美心集團風格,走新派西式路線, 環境可以. 點選了迷你竹筒飯(HK$20), 拔絲咕嚕肉(HK$80), 茶莅每位(HK$12), 前菜(HK$20).前菜是一些榨菜和花生粒, 筆者的dad很喜愛這個, 說很開胃. 但筆者不好榨菜, 哈哈, 還是等主菜吧!迷你竹筒飯, 真的有樣有內涵. 由迷仔竹筒裝著荷葉飯, 夠玩味. 每粒飯粒也沾上醬汁, 很香很入味! 飯與飯之間夾雜著乾元貝絲, 將味道昇華, 不錯.拔絲咕嚕肉, 肉粒外層脆脆的, 粉漿不厚, 內裏的肉也很軟, 醬汁酸酸甜甜, 很美味. 碟內的馬蹄粒外層有一層啫喱膜, 味道帶著一點花香, 不算好吃, 但感覺有趣.侍應態度其差, 店方應正視這個問題.

原隻乳豬外表賣相不錯，可惜做燒味的行家表示豬是乳豬，但豬身不像乳豬。吃過後本人亦很認同，豬身的骨較粗，肉亦不像一般乳豬香滑，此豬肉質有點"UN"，亦不夠新鮮。如果豬新鮮，不加醬亦可，但可惜豬肉肉質既不佳，亦沒有甘香味。本人曾向待應索取乳豬醬，可惜不獲接納，原因乳豬醬已在骨底。細看下，乳豬醬果真是擦在豬骨底，故此必需要骨入口入會吃到乳豬醬，但部份豬骨肉分離，故要吃到醬就自行"吃骨"了。蘿白糕有軟粗的蘿白絲，可惜太多粟粉令到糕身軟實，不然會更好吃。點心併盤用鳥籠裝飾上枱，很精緻。不過只有外表精緻而味道欠佳。上層的燒賣和蝦餃味道無特別，亦不見得特別新鮮。下層春卷和甜點偏涼，不夠熱。相信因為要蒸點和炸/焗點一起上枱，而煮食時間未有配合，故部份點心偏涼。總括而言，整餐晚飯"中伏"。雖然環境不錯，但服務質素一般，人員不會變通。食物材料不新鮮，以貴價錢價但未能提供相應的食物質素和服務。

Bird爸 說想來一試，結果 bird丶bird弟 和 bird爸 就一團人走了進來當白老鼠…裝修一流，夠高檔有派頭。連杯子茶具也精緻式巧過人 ！bird弟 看過餐單，想找點普通的小菜根本無可能，一個荷葉飯也加鮑魚… 可惜， bird弟 最討厭那個，所以轉叫了竹筒飯。賣相ok但份量真的太少… x2也不夠 bird弟 和 bird爸 吃…汗bbb 這個鮮菌翡翠苗清淡爽口，bird 和 bird弟 很喜歡啦。就視角，以為牛柳絲會很少，但原來全隱藏在碟子中央的凹入部分。  bird 只可說， 吃之餘又有玩味。 其實這兒的食物賣相、質素、味道都很好，就可惜敗在服務上…事原是這樣的，因食到中場，再order了兩次白飯，但 bird們 等又等，等了超～久都沒有來…正當想找侍應問卻找不到，整個場只見有送菜員。結果兩次也是要抓住不是路過而是真的有事做的侍應追！ 

又是某個星期六的週末來到旺角,在這區飲茶是極少数之一,當天揀咗美心集團嘅八月軒一試,點心大部份都OK同其他同集團的品質近似,但亦有小部份唔多得的點心, 最明顯的是當日嘅义燒腸粉, 在這集團的酒樓未見過有腸粉皮會爆開見到內餡的, 今次實屬首次,其他的餃類都十分之好,尤其餃皮最為特出, 另外還有一款冬菇牛肉球(大)就無係其他同集團的酒樓見過, 雖然加冬菇後變成了”大點”但係又幾得喎!飽魚雞粒酥新鮮焗出來好好味, 雖然三隻尺碼有大細,個餡汁偏向似义燒飽嘅餡汁,古法千層糕唔係間間美心的茶樓有做, 呢度就有得食而且做得不錯添!

朋友請食飯，推介呢間餐廳，當然賞面啦！必點我最愛的炸子雞，皮脆肉滑，冇得輸！花雕蟹肉伊麪，一向愛有酒味的菜式，清新的蟹肉配上帶點酒香的汁，好味道！蛋球雪糕：賣相可愛，不過四件太多，食到有點漏～