八月花 (朗豪坊)

營業中

休息中

大集團旗下酒楼, 走健康路缐，與其他酒樓分別之處，可以另加錢選用一些優質茶葉, 而且仲係用爐上，熱沸沸，另類既享受👍 傳統點心不算太多選擇, 但卻不乏創意之作, 叫咗有機腐衣鮮淮山, 加咗芝麻醬，好味正😋 冷香芒煙鴨胸，估不到芒果同鴨胸㚒到不得了，另一佳作👍奇怪點解叫小小奶皇流沙包，原來係小小流沙囉，不過又恰到好處，啱啱好，另一個驚喜係極品醬油炒飯，估不到咁鬼好食，其實只係鼓油炒飯，選用珍珠米，只係加上小小蔥粒，真係唔知點解會咁好食😋😋

喺朗豪坊行街行到有點攰和餓所以去了八月軒飲個下午茶順便唞唞再行過街。地方光猛、一貫美心集團的好服務。今次要了點心併盤、上湯炸粉果、腸粉、糯米飯、擔擔麵、味道過得去！今餐最大驚喜的是在其他酒樓艱得一見的上湯炸粉果，粉果炸得香脆浸上湯吃感覺無咁熱氣！

放假最鍾意來八月軒飲茶 貪佢坐得舒服之餘食物質素有保證。茶具好靚 唔似普通酒樓 有d格調 加錢叫左鐵觀音 用玻璃煲仔上 保持熱度 唔加錢可以揀普通茶葉，用酒樓茶壺上。小籠蝦餃: gimmick就夠啦,味道一般得一粒，$48 ，貪新鮮可以一試又可以呃like. 重點來了：小心流沙包 熱辣辣 細細個 一咬個餡即刻走出來 食得買鹹蛋黃味重 唔似出面淨得奶黃又唔夠流心，呢個絕對係我鍾意來八月軒嘅原因！！如果可以大個少少就好啦 一人一個唔夠喉 上排中間係香煎腸粉 第二推介！真正做到处脆內軟 好味過平時食開個d!而且特價時段唔洗十蚊一碟！抵！呢間酒樓雖然係大集團其下 不過食物有質素 環境舒服 嘆早茶or bruch都好正！

有一段長時間沒有寫過食評，見近來有一些的餘暇又可以寫一些近來去過的食店和感受。在旺角朗豪坊三樓的「八月軒」是美心食品有限公司以下廣東菜食肆的其中一間，在2011年5月開業，到現在大約都有了四年的歷史，「八月軒」是以健康概念，除了嚴選當造食材，大廚於烹調時會用充滿維他命E且全無膽固醇的米糠油，烹煮過程中更不加味精，只用粵式巧手技術將原鮮佳餚帶給客人，令食物的感受好像鮮花綻放之天然韻味。在朗豪坊商場的三樓地點十分之易到達，商場的人流很多，格局就是一入就有一個大廳，兩邊和中間可以擺放了很多的四人的細枱，而中間更有一排十二人的大枱，而最入的一個細廳由於面向亞皆老街，一些在旁邊的二人枱更加可以望到街景，不過夏天坐這些近窗的位置會比較熱，剛剛太陽西斜的時間來進餐就要考慮選擇這些坐置。由於經常在旺角進餐，而老人家都喜歡食一些傳統的中菜，這食店都成為常常去進餐的地店，而去的次數很多，加上有很多時不用訂位也能進餐，所以都可以隨時行過來都有位。餐牌的選擇和一般廣東酒樓差不多，有很多的前菜類、海鮮類、肉類和蔬菜類的選擇，而到了一些時節也會有一些時令的菜式，也會不時有一些和信用咭公司合營的優惠菜式和套餐，所以

中午去「八月軒」飲茶，印象中它的出品不錯。「車仔豬腸粉」$28圖片上有兩支長牙籤，又用懷舊的漱口盅載着，好像很有噱頭，事實就是普通的豬腸粉一碟，還要欠缺牙籤，咁我唯有插兩支獠牙的牙籤扮吓嘢啦。「煎胡椒包」$38好像很亮麗的擺盤，煎著上枱：但查實個煎 pan 是不熱的，包下面又有一些生的大蔥，很奇怪的感覺。是吃的還是裝飾的？！包皮很厚，睇嚟要搳一搳。。。「(小心) 流沙奶皇包」$28被它的名字吸引到，又要小心又剩，正常是有些期待。Well，事實是沒有流沙，各位可以不用小心。。。「素粉果」$28皮薄，晶瑩剔透，這個最好吃。「菠蘿叉燒餐包」$28可能已經焗起了一段時間，沒有想像中熱辣辣，味道還不賴的。「鳳尾蝦芋盒」$32是古天樂版，好燶，與餐牌上完全是兩個模樣。其實「八月軒」出品一向唔錯，今次發生了什麼事？！希望下次再來會有所改善啦 :-)

這晚約了一班好久不見的朋友吃飯，由於今次在地點，時間，要訂到位，又要坐得舒服和好味的情況下，我就建議美心中菜（當然其中一原因是我有某張信用咭有75折的關係吧）//今次這家是第一次來試，主要是地點方便。雖然已預先訂位，還是要等25分鐘左右才能入座，不過進去後環境又尚算舒適//點菜了，點了不少的菜，因大家都有點肚餓//（菜名可能和我描述有點差別請見諒）一口牛柳：牛肉算滑，夠香夠鮮味//黑胡椒雞：推介，雞件同入味，十分開胃//京都豬肉：用冇咁肥的豬的部分，係酸酸甜甜幾開胃//白灼蚌：有鮮味，不過由於剛巧其他菜式較濃味，這相對失色了點//明火例湯，粉葛鯪魚，好飲，應沒有味精，家常味道十足，我個人好湯水十分難忘//湯浸翡翠苗：份量尚可，沒有那種煮得很老的感覺，不錯//筒仔飯：煮得不錯，沒有太油膩和太鹹，家常的感覺//還有最難忘的甜品，拿玻崙：多人食一定要好好分享，裡面的吉士醬配上不同的鮮果，為這餐畫上完美的句號//由於有食品75折的信用卡優惠的關係，每人人均150左右，有這麼多好味的餸菜，是一個安全的選擇

同朋友朗豪坊晚飯，呢間生意非常好，訂座也要等半小時。小吃叫了九唔塔八春卷，螺片拼海哲。點左七款菜。甜品有杏仁茶(OK)，揚枝甘露(好)，鲜奶疍白(温的，不好)。整体食物不錯尤其燒豬仔，招呼—般，埋單 2000

八點趕住睇戲，匆匆忙忙食餐飯！6點到左旺角，因為佛誕想食齋所以決定來八月軒食中餐！兩個人叫左原粒搖柱白菜湯，湯味夠濃，好好飲！其實我哋都係食完tea無耐，所以就小小地叫左個桶齋同埋桶仔飯！齋好足料，粉絲爽口，豆卜入味，整體好味！飯都香口，一粒一粒，唔係痴埋一舊，like！兩人＄300埋單，有茶有湯有菜有飯，有戲睇。放假真好！

和男友有共識，如非特別日子都不會拜會雙方的父母，一來能在大家的父母心目中顯得比較矜貴，二來亦能省卻不少禮節上的麻煩。大時大節如農曆新年，我倆便會襯著這機會互相拜訪，讓雙親知道我倆的感情仍然穩定不用掛心哈哈。今年男友就邀請我父母去飲茶，而他深明投其所好的重要性，所以選址媽喜歡的八月軒。年初四早上十一時多到來，仍尚餘不少空位，不過亦要稱讚男友比我們早來開定茶，加分。菠蘿叉燒焗餐包$28金金黃黃的餐包看上迷人，菠蘿皮脆又香甜，配上少少叉燒內餡（沒有吃出肥肉和杰撻撻令人倒胃口的醬汁），又鹹又甜是我喜愛的味道。沙爹金錢肚$28金錢肚肉厚但不韌，沙爹汁煨得入味，好吃。豬腳薑$42不知怎的爸對豬腳薑有著莫名的好感，每次他看見別人吃都會嚷著要點。幾件豬腳數塊薑加一隻蛋，份量足夠每人吃一點過過口癮，味道酸酸甜甜，感覺開胃。小心流沙包$28三小個流沙包份量好像縮小了一大截，有一個尤其迷你，女士都能一口吃光，不過向好的一方面想，吃畢整個感覺都沒那麼不健康！幸而掰開那橙黃內餡仍會徐徐流出，帶有好香濃的蛋黃味，好想再吃多一個。北菇牛肉球$32每一夥牛肉球頭上都頂著一頂北菇帽子，大方得體；北菇軟淋、牛肉打得鬆軟，

係朗豪坊行開街一係就去食堂，一係就捱貴餐廳，反正都係啦，因為有信用卡有得平，我就入來呢間中菜試下。首先叫左Ｄ中式菜，大致上算得ＯＫ，呢個荷葉鮑魚珍珠雞雖然味道麻麻，但見到成隻鮑魚仔都算幾好賣相。最估唔到既係，原來最好味既居然係甜品，超愛香蕉既我點左呢味香蕉三弄，一層又一層唔同既口感將香蕉變出不同味道，頂層雪糕用上了雲利拿味，接著有鮮香蕉同脆脆餅，頂度重有焦糖脆糖，但比較硬同埋痴牙，可以慢慢吃。甜薄撐係真要爆推，用煎ＰＥＮ上夠晒特別，剛剛上台重係暖暖地，糯米夾住花生醬，加埋椰絲同埋粒粒花生真係爆好味，口感綿綿，間唔中咬到粒粒花生既香脆，正！

這次是我第2次去，第1次去感覺不錯，今次再去，同台異口同聲 --- 「不會再去」。原因之一當然是食物質素下降，如排骨粥及煎粉果，都不值一試，特別是後者「室溫上湯」令人擔心是循環再用，十分趕客。尚好，有一款桶仔蒸飯叫做「像樣」。其實我們點了4款，但鮑汁鳳爪點了10分鐘後被告知售罄，也沒辦法，本想補叫一款，但當時有食物上台，試一試後，當堂不敢再叫，後來我們也確實盡快走了，去吃別的醫肚。趕客的，其實還有擺位及侍者。我們今次被安排入去大廳左邊的大房，一看之下，擺了至少十多台，感覺極其擠逼，坐下來也不舒服。侍應方面，大陸口音不在話下 --- 我情願你說國語，如「鼎泰豐」的，我並不反感 --- 無禮之處見於不問即收(指尚未食完的食物)，而我見2,3個臉上更鑿了「求其」二字，就是拿單去賣也要你再追，否則冇左件事! 我們的座位能看見侍應斟水，他們「快手快腳」，水滴地毯，真是不敢恭維 ! 我仲以為去了就黎拆的新界公共屋村老式酒樓 !

有機腐衣淮山$45麻醬同淮山嘅配搭幾新穎要讚嘅係麻醬帶有醋酸味, 粒粒既芝麻比平時食嘅更香花膠瑤柱灌湯餃$48有咁大舊花膠乾瑤柱, 抵食指數都有70%招牌龍蝦餃皇$48胡椒味好重近況有d辣, 無哂材料本來嘅味道, 加咗太多嘅蝦肉, 口感好似燒賣瑤柱蔥花軟硬海皇腸粉$36搵黎搵去都唔見有軟殼蟹, 我就變左軟腳蟹hahaa*想點個甜品嗌遲d先上 店員回一句"呢到唔係酒店無得叫起", 我對呢個反應好驚訝, 你可以建議我一陣再點, 但呢種態度令我好反感

為兩位美女賀壽，因為之前要就其中一位壽星女工作的關係，晚飯地點選了旺角紅 van站附近的的「八月軒」，一行十二人，人多好辦事，叫餸都可以叫多啲！所以餸菜非常多，每樣都可以試一下呀。餐廳正在做福建及台灣菜的主題，據聞以往有很多福建人因歷史問題而移居台灣，所以兩者口味方面會有一絲牽連。先來有每人贈送一杯的「芭樂特飲」或「蜂蜜白涼瓜汁」，讓食客先投入台灣風情。我喝的是「蜂蜜白涼瓜汁」，個人感覺是涼瓜味太輕，蜜糖味太重，喜愛苦味重的朋友，下次落單時可以試試叫侍應少甜。每人一盅「福建佛跳牆」，點解咁鬼香材料有鮑魚、花膠、海參、冬菇等，足料。燉出來的湯很鮮，而且不油，的確是弄得不錯，賣$138一客，抵吃。前菜方面有「台式鹵鴨脷」，「白切鵝肉扁」及「屏東糯米腸」連骨的鹵鴨脷就像是「老天祿」的麻辣版，最得我歡心。糯米腸是不用點醬汁已經有調味，但內裡有花生粒我就不太喜歡，純粹個人喜好，非戰之罪。「脆脆BB豬」不是片皮薄切，每件都連皮帶肉，乳豬醬已塗在肉的底部，皮脆，吃得過。S 先生點名叫的「炭燒半熟嫩牛肉沙律」，我覺得非常好吃！肉質真的燒得很鮮嫩，outside burnt inside rare，配合

位於旺角朗豪坊，亦是美心集團其下。食物有保証，但不會有驚喜。 鲍魚炆雞煲，味道適中。大眾化口味。咕嚕肉，太甜。糖分太多令肉都連成一齊。螺片肉，亦不過不失，有口質但欠本身螺片味。甜品，十分美觀，但味道也普遍，好看但不好吃。脆感十分。家常便飯，不要太大期望。

在旺角一行10人食飯，當然要訂台。當天我們遊完船河，玩水，個個好似餓鬼甘，一來先叫個木桶仔飯，一人SHARE少少都唔係好夠甘。由於我們食8點果輪，叫咩無咩，就隨便叫幾款。一來忘記拍照，大家起勢不斷食呀食呀。木桶仔飯： 有點像煲仔飯，用甜豉油調味。OK好香，D飯有粒粒，最怕一PAT PAT8/10鱔，好似好好味，不過好咸，無咩人食5/10呢個有菜有肉，都OK，差不多食晒，6/10重點所在，我們見到其他人食，於是我們也食埋一份，朋友說平時要pre-order千層拿破崙先有，我們一下單已問店員有無呢個甜品，立刻HOLD左先。評： 味道一般，一層層內是水果粒，有D是西瓜肉，感覺有點怪，勝在外貌一層層吸引了，旁邊的青綠粉紅拔絲，口感很像構花糖，很好味呀。8/10總評： 滿足.