影片
更多
2014-07-07
8443 瀏覽
舅父生日, 訂枱同埋姨媽呀姨食飯, 只可以揀6或8點食, 星期日晚都係食早D好~朗豪坊就成日去, 呢間中菜都經過好多次, 一路都感覺好貴而且平時gathering實唔食中菜, 所以終於有機會試都係幾興奮!遲左少少到, 去到個時舅父已經到左仲叫埋菜喇~ 見到枱面有壺好似花茶既野, 原來係'太極香片' (都係中茶), $28壺, 話試一壺可以免1個人茶錢, 所以枱面就有一壺普通香片加太極版喇~ 其實佢既普通香片已經好飲過出面茶樓, 無咁澀較易入口, 太極版就茶味濃深色d同澀少少~8個人嗌左個6人餐, 聽聞好似係個waitress提議既~ 通常餐都係多到食唔晒, 8個人食就差唔多喇~ 唯一差少少就係真係碟碟都係6件, 我地要自己切開佢bb豬, 其實係咪豬bb我就食唔出既, 不過都燒得幾脆! 而且個醬已經係入面, 唔洗自己點~ 旁邊有d西式沙律菜幾fusion, 食落都健康d燴燕窩, 通常都係食翅, 燕窩都係第一次食, 雖然我睇唔到燕窩, 其他料都足, 不過呢碗野好solid下同濃味龍鳳球, 個咁大既炸球都估到係蝦架喇~ 幾脆幾香, 中間既雞肉同翠玉瓜就salty左d, 無飯一齊食真係有d
遲左少少到, 去到個時舅父已經到左仲叫埋菜喇~ 見到枱面有壺好似花茶既野, 原來係'太極香片' (都係中茶), $28壺, 話試一壺可以免1個人茶錢, 所以枱面就有一壺普通香片加太極版喇~ 其實佢既普通香片已經好飲過出面茶樓, 無咁澀較易入口, 太極版就茶味濃深色d同澀少少~
8個人嗌左個6人餐, 聽聞好似係個waitress提議既~ 通常餐都係多到食唔晒, 8個人食就差唔多喇~ 唯一差少少就係真係碟碟都係6件, 我地要自己切開佢
bb豬, 其實係咪豬bb我就食唔出既, 不過都燒得幾脆! 而且個醬已經係入面, 唔洗自己點~ 旁邊有d西式沙律菜幾fusion, 食落都健康d
燴燕窩, 通常都係食翅, 燕窩都係第一次食, 雖然我睇唔到燕窩, 其他料都足, 不過呢碗野好solid下同濃味
龍鳳球, 個咁大既炸球都估到係蝦架喇~ 幾脆幾香, 中間既雞肉同翠玉瓜就salty左d, 無飯一齊食真係有d口乾...
同生炒骨差不多味, 我仍然係覺得太濃味, 不過我表弟好中意, 仲叫左豌飯係撈汁
普通一條斑, 條魚算唔錯, 唔會hai hai聲~
我最中意呢碟豆腐菜苗, 個豆腐又滑, 雖然好汁不過夠清, d菜又嫩, 好食!
蛋白炒飯, 正常味道, 香噴噴, 不過食完前面d送其實都好飽, 個飯都係試1-2啖就打包做第二日既午餐喇~
跟餐包個湯丸, 薑汁好濃好夠薑! 飲晒個喉嚨有D辣添~ 不過好正!仲叫多左個西式甜品拿破崙!!! 茶樓食呢個真係幾型, 我個瑞典表弟竟然未聽過拿破崙?! 黎到淨係賣相都唔錯, 旁邊既糖絲仲吸引! 入口即融~~ 咁大個拿破崙都唔知應該點食, 成5層高, 最後都係逐層拎落黎分一半, 入面有西瓜, 哈密瓜, 密瓜, 火龍果, 蘆薈, 吉士都唔係話好甜, 個餅做得幾脆又唔算好油~ 如果人夠多都值得一試架! 而且都係$78, 咁大個抵啦!
呢個中西合璧既晚餐坐得又舒服, 食得又特別~ 有機會可以再黎 ;)
張貼
