八妹雞煲

營業中

休息中

今日班同事約我去打邊爐，我哋就去咗一間叫做八妹雞煲到食晚飯，我同事話之前食過呢間雞煲唔錯，所以就叫我地一齊去食啦！入到餐廳，有好多人喺度食緊，門口都有好多人等緊位，好彩我哋有book到位！環境都唔錯，地方都幾大，人手都好足夠，所以工作效率都幾高！咁我哋就叫咗個雞煲食，叫咗一隻，都唔算太貴，都係$208， 啲雞好滑又大件，調味料都調得唔錯，仲有我最愛嘅紫洋蔥！我哋仲叫咗美國桶蠔，我想講真係好大隻，平時我地打邊爐啲蠔會縮水，但係呢一隻整熟後都係好大隻，仲要好有蠔味，一d都唔腥仲叫咗個鴛鴦滑，即係墨魚滑同蝦滑，佢上邊鋪滿晒蟹子，兩隻滑都好好味，又爽口又彈牙日本鱈場蟹柳，同普通蟹柳都好大分別，呢隻因為好滑，仲好有蟹味，我好鍾意食呢隻蟹柳之後仲叫咗魚皮餃，魚皮餃份量都幾多，爽口彈牙，打邊爐必點打邊爐點可以冇嘢飲架，呢間火鍋店都幾特別，出咗大大杯嘅飲品，真係幾大杯下我要推介大家飲凍檸柑桔，又解渴，仲要係足料嘅，有晒話梅係入邊凍檸檬茶，打邊爐飲番杯真係幾正我覺得呢間餐廳真係唔錯，集合雞煲加打邊爐 ，仲要有好多海鮮可以選擇，價錢唔貴之餘仲要好新鮮，食物選擇都算多，下次都要再encore！

今日我舅父生日，我就請我舅父舅母食晚飯，為咗方便佢哋，咁我就諗住喺大埔附近度食，佢哋話想食雞煲火鍋，所以我哋就決定去食呢間八妹雞煲！一入到餐廳，員工都好好服務，有介紹下啲嘢食同食法！餐廳都幾大，都坐得幾舒服！首先就梗係要食咗個雞煲先啦，我哋就叫咗個小辣，因為我同舅母都唔係好食得辣，但係我覺得呢隻味係啱啱好！啲雞都好入味，味道都唔錯之後食完雞煲，就加湯打邊爐！我哋就叫咗個A級安格斯肥牛，個肥牛都幾好味，有少少入口即溶嘅感覺，好軟熟，仲要份量都幾多，咁大碟都係百幾蚊竹串海蝦，海蝦都好新鮮，仲要係生蝦，食落口都幾爽口，又大隻聽人講呢度最出名係即炸響鈴，果然係名不虛傳，真係幾好味，有脆又大件我舅父最中意打邊爐就係落午餐肉😂估唔到午餐肉都有擺設😂佢話仲要係未落湯之前放落雞煲食，先係最入味仲叫咗油麥菜，估唔到份量都幾多，最估唔到嘅係撈埋啲雞煲嘅醬汁，係咁入味，啲菜都幾新鮮總括來講，間餐廳食物質素高，用料新鮮，價錢都唔算太貴，下次我都要帶啲朋友來試吓先得！

本小姐為雞煲愛好者，更是食辣之人！泥開大埔，特登泥呢間好多人讚好嘅8妹雞煲試下先呀！店內環境整潔，燈光充足，由於時間尙早，店內只有一兩枱客人，另外店員服務也相當好。兩位愛辣愛雞嘅志同道合來到，當然唔洗諗就點左中辣一隻雞啦！秘制辣妹雞煲 一隻 中辣 （$208）雞煲唔洗10分鐘就到嗱！雖然店員話雞已熟食得嫁啦！但要滾熱辣先正嫁嘛！再滾下先！色：望落煲雞好靚仔，醬料均勻沾上每件雞件。香：聞落好有香料辣味。味：食落麻中有辣，但關鍵問題在於⋯太甜啦！純粹個人喜好，食得辣嘅人應該會明白，食麻辣就想要辣得過隱，想感受「麻」於唇邊跳躍嘅觸動，「辣」在舌尖上起舞的感覺。而呢個雞煲就好似麻同辣呢個絕配間多左啲野（係甜得濟個隻甜）同埋雞件比想像中冇咁嫩滑，雞煲中後期出好多油，可以入泥之前期望太大，有少少落差。本地手切肥牛 大份（$198）牛肉脂肪比例勻稱，加入甜椰椰雞煲都仲食到牛肉味，入口鬆化，唔錯唔錯！總結：綜觀各項，雞煲尚可，與個人口味有別，牛肉鮮嫩可口，雞煲外不錯之選擇。學會：每次去一間餐廳時，最好稍為先降低少少期望，盡量減少落差！

忙到透支嘅日子，帶住無靈魂嘅身軀，幾攰都要同朋友仔出泥吹吹水，傾吓計，皆因朋友係要見架嘛！尤其係你～～😌😘😘今日我哋就揀咗泥八妺雞煲，貪佢坐得舒服又夠大🤗🤗。火鍋湯底都有唔少選擇架😉😉😉我地泥親每次都忍唔住食佢招牌雞煲🐔🐔，不過今次我哋就叫咗個🍅🍅蕃茄三拼肥牛鍋，實行一次過滿足晒波波兔🐰同朋友仔鍾意食蕃茄🍅🍅同牛牛🐮🐮嘅2大願望！！😚😚✌🏻先泥個湯底先👆🏻👆🏻👆🏻好濃郁嘅蕃茄湯味，仲有好多新鮮既超甜粟米🌽🌽🌽😋嘩～波波兔🐰嘅主角三拼牛到啦！！😍😍😍佢哋分別係手切牛🔪🔪丶滑牛🐮🐮&雪花肥牛❄️❄️。真係啱晒我呢個牛魔王呀😈😈！！！😍😍😍😍😍😋😋睇下呢片牛牛🐮🐮，脂肪分佈平均，厚薄適中，咬落仲軟綿綿🤤🤤🤤，所以每次泥親波波兔🐰都必選！！👍🏻👍🏻👍🏻為食都要注重均衡飲食，有益健康嘅蔬菜當然唔少得啦🥗🥗🥗👆🏻👆🏻蘿蔔丶萵筍丶鮮淮山👍🏻👍🏻👆🏻👆🏻油麥菜👏🏻👏🏻👆🏻👆🏻👆🏻呢個捲到好似個波既響鈴，同出邊嗰啲完全唔同架。🙈🙈第一，即叫即炸已經加分👏🏻👏🏻👏🏻！第二，出面一般薄響鈴只是脆，但呢個"波板響鈴"，入口唔只香脆，仲要鬆化啊。正👍🏻🤓🤓🤓😋😋😋你話咁邪惡嘅美食，叫人點樣抵擋得住誘惑？？！😌😌😍😍

呢間整體來講都唔錯幾好食，雞煲最最仲嘅事味道同埋雞嘅質素，呢間係各方面都攞到一個平衡點，環境都唔錯價錢算尚算合理，都值得推介一試~~~食完雞煲仲可以打埋邊爐，，材料都夠多，，夠做～

阿妹話要同我食生日飯，但叫我入大埔搵佢，我當然一口拒絕啦，我呢d 9龍人，十年都唔去一次新界，但佢話有間雞煲真心好好食，既然搵到美食引誘我，一於就遠征大埔try一try佢啦店面都好大間好易搵，連我咁唔熟大埔路都搵到餐廳店面寬敞，坐得幾舒服，侍應招呼都幾熱情有禮餐牌選擇都幾多，除左雞煲命有其他特色湯底配料款式都算齊全八妹鷄煲-中辣辣味咸味都好夠，洋蔥味好香，但食落唔搶口，反而帶點甜味呢度既響鈴係即炸嫁，一放落湯仲有渣渣聲，聽到就開心，響鈴沒別的，就要即炸！吃落先無渣本地手切肥牛肥瘦分佈平均，咬落嫩滑之餘牛香四溢鮮蝦滑加墨魚滑鮮甜爽口，超新鮮炸芋頭肥胖之最，但索哂雞煲d汁，點忍得口大大杯椰汁冰椰香味超重，應該算是真材實料，好飲阿妹爭埋單，唔知幾錢但確實雞煲好食，配料新鮮算是不枉我山長水遠過黎大埔食佢啦

久唔久都會食下雞煲，今晚心血來潮黎大埔食番個八妹，門口已嗅到超濃烈的雞煲味好想食，呢度環境好大好寬闊，牆上有點香港特色裝飾。服務態度唔錯，姐姐好耐心同我地落左單，啲菜又出得好快，好食會再嚟！叫左個小辣雞煲，啲雞夠哂入味，洋蔥吸哂啲汁好正。啲汁好濃 但份量好足 雞都好滑身😋岩哂本人食濃味嘅口味！至於打邊爐配料，手打鴛鴦滑即係蝦滑同墨魚滑，勁大粒好鮮甜，質感爽口彈牙，用心做，非常好食。響玲夠脆，唐山菜新鮮再吸收埋個湯底，d菜就索晒啲汁少少辣，好過癮。手切肥牛食落好有口感，咬多兩啖牛味更出，入味之餘又唔會韌。竹庶茅根足料清甜解渴

今晚OT,收工同事帶左我去八妺食雞煲，好好對待五臟腑雞煲調味調得真系好強烈，未攪拌已經可以一直聞到強烈既香料味道，用料亦都好充足，大量香菜香料，仲有大量辣椒跟多得很花椒，還有青椒、芫茜、洋蔥、蒜頭、乾蔥頭、等等。味道清香、豐富而多層次、麻麻辣辣又帶甜，雞都一樣好嫩易咬，而且辣味十足食開辣既我地都覺得辣得好有水準留曬鼻水，但的確系值得一贊的美食，半小時後越煲越濃，高溫由內而外，溫度由胃部散發出黎見枱枱都飲自製的竹庶茅根，的確夠凍又清甜，清到淡淡地好天然～～食雞煲飲仲可以清下熱氣滋潤下桶蠔肥美好大隻，火煱效果好好，大大隻好有蠔味，食得好滿足，encore叫多碟牛坑腩原汁原味不油不膩，鮮甜醇厚的牛味夾著絲絲複雜味道西班牙豚豬腩片肉質鮮嫰, 油花細緻, 色澤及味道鮮甜，脂肪香肉汁甜，非常美味、特別好吃羊肉滲出的油脂與火鍋的微辣互相結合，形成讓人抵擋不住的好滋味帶子大粒鮮甜、清新可口，尤其肉厚多汁、白雪雪的帶子，軟綿鮮甜雪花肥牛(大)牛肉的雪花分布均勻，頻色呈鮮紅色。入口沒有想像中的靱，反而柔軟軟腍，加上醬料提升牛肉的鮮味。唐生菜其葉片鮮嫩，飽滿肥厚，呈翠綠色，味道爽脆清嫩，口感清香

今晚同舊同事食飯就嚟呢度食雞煲，叫左個麻辣小辣全雞，我食開麻辣湯底嘅，呢度嘅麻辣雞煲汁好濃，雞件多肉好嫩滑，味道亦唔錯，佢用大大隻瓦煲，嗰個雞煲味係好特別，而且好多洋蔥莞茜大蔥，非常惹味。唔用佢黎做湯底打邊爐真係浪費左！由於個汁好濃，d雞入哂味食物質素好，價錢合理！會上癮！安格斯美國肥牛肉色澤均勻,望落去對版,肉質嫩滑，脂肪夠，牛肉味濃有口感，有肉汁。竹串海蝦大隻鮮甜彈牙，麻辣湯底下夠曬入味。特級牛肉粒脂肪分佈平均，油花細密，味道爽口嫩滑，真係好鍾意食牛，佢地啲牛肉材料幾靚。佢哋有埋海鮮區俾你睇到啲海鮮幾新鮮，這些服務態度都幾好，笑笑口幾開心，食火鍋除咗啤酒之外仲會叫竹蔗茅根，大大壼自家製，最正就係唔太甜！

市面上有各式各樣的雞鍋，朋友推介我們今晚作姊妹淘的落腳點。一進門，服務員便迅速為我們安排座位，食店裝潢簡潔，沒有過份的華麗，搶眼黃色牆上有些特色牌配紅色枱，令人覺得簡約時尚外，入夜人越來越多，大家都開心享受美食，我們受到強烈歡樂氣氛感染下，使今晚飯局特別開懷 雞煲選用秘制辣椒，味道不會過份濃烈，辣度剛剛好，絶對迎合香港人的口味，雞塊十分嫩滑，雞味十足，香料中亦吃得岀雞味(大)安格斯肥牛當然是名不虛傳，牛肉味濃，脂肪與肉質成了黃金比例，故肉質十分嫩口，雖然未能去到入口即溶境界，但足已滿足到味蕾，必定再encore火鍋配料方面，我們點了鮮腐竹，牛肉粒，雙拼蚌同油麥菜。雙栟蚌都非常新鮮，冇腥味。特別推薦珊瑚蚌，非常爽口鮮甜！鮮腐竹這塊淡黃泛 油光，豆香幽幽，入口滑膩細緻。牛肉粒肉質鮮嫩，口感豐富，油脂分佈平均，牛味濃郁，非常喜歡。油麥菜葉片呈長披針形，色澤淡綠、質地脆嫩，口感極為鮮嫩、清香，打邊爐唔少得嘅菜。這一晚，沒有豪華的裝潢，但食物的質素都可令每位食客都享受其中。

今晚聚會來一個雞煲夜再加打邊爐，由於大家都唔係太食得辣，我地叫左小辣雞煲例牌。辣味啱啱好，雞好入味，正雞煲來到後，店員幫我們拌一拌雞煲。未食已嗅到濃濃雞味，惹味的雞煲醬汁配上雞是非常好的配搭。吃到七七八八後，火鍋配料也陸續送上。先來山根，再來一碟珍寶北海道帶子，帶子肥美可愛，滲著微微的鮮味，是火鍋不錯的選擇。雞煲火鍋少不免一碟例牌雪花肥牛，肥牛既色澤同肥瘦均勻程度的確好吸引, 鮮紅色既肥牛每片都佈滿白色既脂肪, 肥牛就算煮到好熟食落口感都唔會韌，放進鍋裡燙一燙，再把肉放進口裡是一種滿足。店員親切的服務態度為這趟雞煲之旅的完美總結。

約了朋友到大埔食飯，諗起之前食過的雞煲，可惜結業了。幸好還有其它專食雞煲火煱的，這間八妹雞煲，環境寬敞，衛生乾淨。侍應見有小朋友，還主動詢問我們是否需要bb椅，服務一流，值得一讚。雞煲湯底和火鍋配料選擇也很多，因為有小朋友同行，這次就選擇了不辣的秘製八妹雞煲湯底。下單一兩分鐘便迅速逐一開始上菜了。原來不辣的雞煲也非常入味，小朋友也喜歡吃，自動一塊接一塊地吃。吃得差不多再加湯變火鍋。北海道帶子，鮮甜美味，不錯。竹串海蝦，吃得出的新鮮,鲜甜彈牙。最值得一提的是牛坑腩，炆得軟而不爛，加上雞煲的汁，很美味。推薦本地手切肥牛👍,愛吃牛的一定要點這個。飲品價錢相宜，竹蔗茅根水，一大壺$32。椰汁冰$22 也是很大杯，目測有0.5L。總括而言，環境舒適又衛生，食物質素頗高，朋友也說值得下次再來。

又係喺屋企附近覓食嘅時候啦，今晚又做無飯家庭。呢間八妹雞煲每次行過都見到入面人山人海，一直想試，今晚係機會啦。雖然平日夜晚，估唔到依舊多人，本身想食雞煲辣下佢，但見到隔離枱叫咗個番茄花甲蟹煲，我哋呢啲愛蟹人士即時轉軚，跟風又叫咗個。蕃茄肉蟹花甲鍋個煲唔算貴，估唔到二百幾蚊有咁大隻肉蟹，兩個人食都幾係野。另外仲有啲蕃茄、粟米、花甲，湯底非常濃郁。肉蟹認真唔講得笑，爆曬膏，成個蟹殼啲膏多到呢，真係唔理得膽固醇咁多啦。另外個湯底夠晒鮮，淥嘢食淥到咁上下，味道仲濃，我自己都忍不住飲左一碗啊！竹笙又叫我打邊爐最愛嘅竹笙，呢度都算抵食，50蚊一碟，平時冇八九十蚊都唔使諗。竹笙索晒啲番茄湯，同平時食嘅麻辣鍋完全唔同感覺，feel到好清新嘅感覺。手切肥牛兩個人叫咗碟細嘅試吓先，食完之後好後悔無叫啲大嘅，因為好好味呀。肥牛夠晒腍，而且有牛味，好快就清晒一碟啦。美國筒蠔一碟有成五大隻，我自己本身唔算太鍾意食蠔，不過食咗一隻都覺得好鮮味，上枱大大隻，淥完都唔會縮晒水，朋友仔係蠔怪，自己食晒另外四隻都仲唔夠喉。鴛鴦滑即係蝦滑加墨魚滑，88蚊有兩大舊，有幾抵食喎，兩款都夠晒彈牙，而且加左蟹子，增加口感，個人鍾意

次次去親舅父屋企都會經過既八妹雞煲，都 一定會大排長龍。老公前一晚就問定我今晚想食乜，我就揀咗呢間八妹雞煲。放工早少少去到唔使排隊一坐底，待應就叫我地嗌左雞煲先，因為我唔食辣既關係，所以老公都要就我食唔辣雞煲 落左雞煲後，再慢慢選擇其他配料。 時間岩岩好，落完配料單，野飲同雞煲就到。超大杯既凍檸茶: 茶味唔澀，好解渴雞煲上檯後，侍應會炒炒，雞煲入面既芫荽，八角，紫洋蔥等等嘅味道出曬嚟 雞肉嫩滑，再配秘製雞汁，唔太咸好惹味。食到差唔多，就自己加埋豬骨湯底。繼續食....雙拼蚌: 有珊瑚蚌同埋象拔蚌。蚌類滾完仲咁大舊，唔會好似出面滾完唔知去左邊。口感彈牙，爽口，有鮮甜味鴛鴦滑: （墨魚滑同埋蝦滑）兩款上面都加左蟹籽。滾完都脆卜卜，材料新鮮，加上係手打既關係，滑類爽口彈牙。脆鯇腩: 厚切，大舊，好脆，成碟自己食晒冇老公份竹笙 / 烏冬: 烏冬幼身，口感好滑; 竹笙口感爽口，兩樣野食都吸盡湯底精華，必嗌另外，我見到差唔多每檯都會叫響鈴，太飽既關係，下次再食。

雞煲勁正啊！辣得好過癮啊！叫左半隻雞！勁充料啊！個雞肉都係勁滑！勁夠味！比起出面既雞煲！呢個嘅香料好多！係爆香！叫咗個鴛鴦手打滑！有蝦滑同墨魚！兩種都加左蟹籽係上面！蟹籽燙完都仲係脆卜卜嫁！就算燙完變咗麻辣味嘅墨魚湯都好食！太肚餓等唔切！所以叫咗個小食！係麻辣豬肚！ 豬肚係切左幼條嘅！條條都好彈牙！好有咬口！凍凍地加上個麻辣味好開胃！食雞煲又點可以無咗肥牛呢！就叫咗個安格斯牛肉片！勁肥美！最後整返個到稻庭烏冬飽晒！