八妹雞煲

營業中

休息中

貓貓今日食雞煲。好耐冇食雞煲啦。話說今日兵仔話請食飯，黎緊開心星期五。貓貓梗係應承佢啦。食雞煲食中辣，真係未死過。雞肉好滑，一入口，塊雞真係好夠味，味道超濃同香。好足料！成個雞煲夠火候。好惹味。就算食到雞胸，雞肉都依然滑，雞煲整得好好味。果然係轉食雞煲既地方。難得兵仔請，keep住食肉啦梗係。西班牙黑豚豬腩肉好香。好甜，味道新鮮。越食越開胃。加左湯底，冇咁辣，但味道依然惹味。足料惹味既湯底，加左魚皮餃勁好味。魚皮餃皮好彈牙，入邊又夠鮮甜，真係越食越開胃。呢個星期五估唔到有咁好既西食。感恩！

限時冇嘢做我最鍾意就係食雞煲， 今日大埔一田做大特價出開大埔掃完貨， 跟手走咗去八妹雞煲度食晚飯朋友仔介紹之前食過一次 ，覺得好好唔錯所以帶我嚟食， 依家六點鐘時間仲好早 大把枱唔洗等位 真係好好彩，聽說平時晚晚爆滿出面有排等。千祈唔好以為你一支 係一個薏米水 ，未點嘢食已經為你準備咗一壺湯，擺定喺度，有需要嘅時候就可以自己加湯啦。調味料放低咗就可以自己加返啱口味嘅配料啦蕃茄三拼肥牛鍋（ 手切肥牛，雪花肥牛，滑牛）$238好抵食呀，牛嘅分量又多 ， 而且仲要有三款添 ， 平時 點個牛肉食下，都要二百幾蚊啦 。今晚我哋兩個人應該都食唔曬番茄同牛嘅味道真係好夾， 三款牛， 都 充滿牛味 肉汁仲非常juice 呢份大蜆都唔錯，隻隻都幾大下， 而且仲好新鮮添我最鍾意食潮州白魚蛋夠爽口彈牙再點返個稻庭烏冬撈落蕃茄湯底食，最鬼正鮮炸脆魚皮就咁食都好好味 脆卜卜 桂花蚌都係我打邊爐最愛嘅飛佛之一，又爽又甜，夠厚身夠口感頭先坐低點嘅時候鮮蝦畀未返貨 ，食到中途佢返咗貨喇 ，即刻攞出嚟畀我哋食，果然超級新鮮。

今晚星期五，和朋友來到大埔吃雞煲室內很寬敞，光光猛猛挺令人精神的，有大桌子適合大夥人聚會，也有二人枱、四人枱呢。我和朋友兩人，所以點了半隻雞煲，辣度有六個選擇，我們點了微辣加15$每碗八妹辣雞汁。雞煲汁很濃郁雞塊滿滿雞煲汁，很惹味八妹辣雞汁對於愛吃辣的人來說是超正的麻麻辣辣，與雞煲很夾！吃完雞煲，當然是加湯打邊爐肉類還有醉雞可點呢，很香酒味。鴛鴦滑是蝦滑和墨魚滑，熟了之後入口挺彈牙雞煲火鍋怕熱氣可點竹庶茅根下火很清甜惹味雞煲

之前一直聽聞呢間雞煲好出名，所以今日就黎試吓～呢度環境好大好寬闊，光線好充足，店員服務態度十分好，上菜速度也十分快。因為我同朋友得兩個人，所以我哋都係重質唔重量。店員一來就放底一jar奶白色嘅野，我初頭以為係薏米水但摸落去暖粒粒，之後先知原來係食完雞煲用嚟打邊爐嘅湯底，超正好濃味！首先一定要點嘅當然係秘製八妹雞煲。我哋叫咗小辣，試吓味～辣度啱啱好，辣中帶點麻，麻中又帶點甜嘅味道。雞肉肉質十分鮮嫩好正～之後梗係唔少得本地手切肥牛。一黎到已經見到肥牛色澤帶亮澤，不像雪藏牛暗啞，有肉鮮味。牛肉爽滑中帶點鬆化，吃上來特別甘香。之後仲點左竹串海蝦。超級新鮮上枱d觸鬚仲係郁緊嘅～海蝦肉質緊實富彈性，味道爽甜鮮美 。朋友好鍾意食萵筍，我又鍾意淮山，所以叫咗個三拼加埋蘿蔔片。加完入個麻辣火鍋入面煮完之後淮山同萵筍都十分入味，好鮮甜，值得一試！呢度啲蝦滑墨魚滑同埋蚌好爽口彈牙好鮮甜！另一個驚喜係鮮蝦雲吞，皮薄餡靚，雲吞入邊嘅蝦十分爽滑鮮甜。另外呢到d嘢飲都好抵飲好大杯。食雞煲點少得一杯好嘅嘢飲呢！酸梅鹹柑桔好好飲可以降下火。整體來說食物同服務質素都no.1

眼見這間店門外人山人海，湊熱鬧看看水準如何！幸運地只等了五分鐘到就有卡位枱，一進店内雞煲的香氣撲鼻！坐下後二話不說下單，雞煲選了中辣，雞煲一上枱香味已經湧出來，難怪整間店都瀰漫著一股雞煲香味呢！撈伴芫茜之後馬上試雞，很入味，雞肉很滑不靭，醬汁調得很好，既辣又香，食到停不到口啊！食完雞之後指定動作打邊爐，這款本地牛，牛肉味較濃，入口細嫩，而且廚師切得夠薄，拖一拖水已經食得！豬腩片！嚮鈴是即叫即炸的，上到枱還熱的，拖一下水即刻食一流啊，跟街外盒裝的真係無得比！食完那麼多肉當然要食點菜，清清腸胃，點了油麥菜跟生菜，這兩種菜最易吸盡湯的精華，雞煲,火鍋必食的！

晚上跟朋友到依間八妹雞煲，餐單非常吸引，服務態度良好，值得一試。我地點左個中辣一隻雞煲，俾左好多，好抵。辣度適中，非常過癮。果次想點鮑魚一試，不過賣唒。為左解渴，我地點左兩杯野食，分別係椰汁同竹筍茅根，份量大大杯，好飲。鯇魚片大片，新鮮，丸類墨魚丸同芝士丸，火鍋當然不能無左牛肉，牛肉八妹亦分左好多種類，客人可根據自己既口味選擇，牛肉嫩口，必試。啲蝦送到黎果陣仲係度郁，非常新鮮，美國蠔大到手掌咁，但如果客人承受唔到海水味，唔係一個好既選擇。我同朋友都偏愛海鮮，忍唔住叫埋炸軟殻蟹，外脆內軟。招牌響鈴，一定要試，好大個，吸晒啲湯汁，不愧為招牌。總括而言，八妹雞煲係值得去，食物新鮮，侍應服務態度良好，上食物既速度快，一班人好岩去！

係同事又係鄰居多好😊今日同老友兼同事一齊收7點，約埋返屋企附近食雞煲！平時成日六日經過都見到爆哂場，今晚閒日去 果然無咁逼，唔洗等位之餘仲有卡位坐。岩哂～我地兩個都係無辣不歡！麻辣雞煲黎個大辣絕對無問題 哈哈。夠麻夠辣，雞件入哂味，加埋煮稔哂既洋蔥頭，滋味十足。呢度既響鈴出名新鮮即叫即炸，當然要試。真係唔失禮喎，熱辣辣既響鈴 鬆脆可口。喜歡即食又得，輕輕烚幾秒黎食又得，兩種滋味喔。安格斯肥牛，單係賣相已經好吸引。食落更令人回味無窮👍🏻牛味重，油脂香而不膩，好讚。呢個蔬菜籃相當足料，仲有我最愛既秋葵。食完一輪肉，食番d新鮮蔬菜清清腸胃就最好不過。不得不提係呢度有1664飲😍而且非常冰凍👍🏻本來諗住一人一杯，最後都叫多round先夠皮 嘻嘻。八妹d服務真係幾唔錯，d姐姐做野快靚正，又醒目。下次收夜再約老友食宵夜都得喎！

無無聊聊今日放事假, 走左去大埔整重要野, 整完之後都差唔多7點, 仲有點肚餓, 橫掂都肚餓, 番屋企整都好夜, 就叫埋女友同啊媽一齊去食飯, OP前排有發佈勁正餐廳, 就見到八妹雞煲, 見唔係好遠就去探探路,.見到入面環境唔錯, 我就入左去, 我想講真係越夜越多人冇幾耐女友同啊媽都黎左啦睇番菜餐其實唔貴首先當然係叫左個雞煲先因為仲想食其他野打邊爐既關係所以就叫左半隻雞 半隻雞雞煲 $138D雞真係好正, 雞肉鮮嫩多汁, 加埋本身有既花淑八角秘制醬汁真係好好味~半煲話甘快就食哂雖然叫左唔辣既雞煲, 但係食多左都係會口乾乾所以就叫左杯凍椰汁冰$22估唔到幾好飲, 以為因為冰會好淡, 估唔到椰汁味好濃又唔太甜, 奶味都好濃,好好飲冇幾耐打邊爐既材料就到啦~~好正啊脆肉鯇魚片$58放落爐大約10分鐘就食得, 魚味濃, 肉身爽口鮮甜, 因為切薄片, 所以魚骨都唔係好多櫻花蝦片 $48櫻花蝦之前去台灣就甩得多, 仲好好食好鮮味, 咬口仲好正蝦餅果然好正, 仲要炸過黎, 脆脆地好好咬口, 仲有好濃既櫻花蝦味道, 咸味適中鴛鴦滑(蝦滑+墨魚滑) $88蝦滑鮮味, 彈牙口感十足墨魚滑亦非常爽口彈牙,

他以前舊中學在大埔，所以到現在要好的老友大多都住在那頭，我們久不久都會過去一起聚餐，反正也不好意思要他們過來。今次他們說要去一間大埔很有名的雞煲店，誇張到大埔人人都知道這麼厲害？位置在我們上一次吃的西餐廳旁邊的小街，上次沒留意到，因為很少走到過去我們8點早早到達，可能是平日的關係，不用等位，但餐廳已差不多有8、9成滿了，還真Lucky！他們指蕃茄肉蟹花甲鍋很正，蕃茄味越煲越濃味，但第一次來，我們還是點了秘制八妹雞煲。很快雞煲就已經上檯，好多洋蔥好多芫荽，我自己就不討厭芫荽，而且食落都不算很重芫荽味，所以完全沒有味道！雞煲味很吸引，有一種越吃越上癮的感覺，而且不會很油膩，吃完不會很口渴，沒有太多味精成份，而且雞肉很滑，是以往吃過的雞煲中比較滑嫩的而且啖啖肉，連雞翼尖都非常滑口，所以果然是八妹秘製有名雞煲牛魔王當然少不了本地手切肥牛，睇落一片片肉質軟林，顏色也很紅，脂肪花紋不錯，而且吃下去啖啖牛味，雖然還是比不上韓牛，不過望梅止渴啦，手切牛也是不錯的選擇即炸響鈴果然是即炸，上檯時店員小心翼翼叫我們不要燙傷，籃下有碟墊著，原來滿滿都是剛炸起的油，好新鮮呢~將新鮮的炸響鈴放在雞煲湯汁裡，索滿滿

因為舅父家住大埔，兒時媽咪經常帶我入大埔玩。以前入大埔，總係覺得長途跋涉；要經過長長的大埔公路，山路迂回曲折，車程往往要逾小時。現今交通發達，入大埔經吐露港公路，快捷方便。今日同媽咪相約舅父舅母晚飯，佢地揀左一間係屋企附近既麻辣雞煲，聽聞口卑極佳的。這間八妹雞煲招牌相當顯眼，並不難找。門外更有多個錶位，方便泊車。店內地方非常寬敞，光猛舒適。我地點了麻辣雞煲(大辣). 好濃烈既麻香味，加上洋蔥 芹菜等配料；香味令我急不及待要品嚐一下！雞件切成小件，更能吸收調味汁外，亦容祖一啖放入口。香辣慢慢滲入味薔，邊吃邊流汗，好刺激！美國手切肥牛，牛味重，脂肪比例均勻；香口而不膩，好吃。我最喜歡吃爽口食物，萵荀同淮山絕對是火鍋必備的。輕輕烚2-3分鐘即可，清新爽口。如果喜歡稔身點的朋友可再灼多一會。火鍋點可能少得午餐肉。切成小件，更快熟，更可口。手打墨魚滑，爽口彈牙，味道一流。鴛鴦蚌--貴妃蚌+桂花蚌。鮮味十足，而且爽口有彈性，口感一百分！的確名不虛傳，係大埔數一數二出色的雞煲火鍋。聊聊天，聽著長輩們訴說往事，說著說著。。好像瞬間覺得自己長大了很多。。而他們 亦變老了。

當晚相約了舊日工作的前輩食晚餐，他倆都是很照顧後輩的前輩呢所以即使不再一起工作也有保持聯絡而見面後，他們建議吃雞煲！我也沒有所謂，就此三人便走進了《八妹》-可先先選鍋底，再後選配料待作後段火鍋食材，而餐單中亦有一些餐前小食。坐下時，店員已會奉上湯底，讓客人吃罷雞煲後加湯轉火鍋在雞煲呈上後，前輩便說要收起電話，專心吃這頓飯，所以其後也沒有拍照了當天點了雞煲外，還點了安格斯肥牛、蔬菜盤、即炸响鈴、日本蠔及竹笙飲品方面因不想喝酒，便點了兩枝久違的天地一號雞煲調味不錯，而所點的火鍋配料也算新鮮！加上店內坐位寬闊，又不會有店員趕著要你埋單的態度，最我們吃罷坐著聊天近一小時才結賬雖然味道不是驚為天人，但不失為相聚晚膳的選擇

今晚係朋友屋企大戰完四方城，就去左佢樓下間雞煲開餐。朋友話呢間雞煲成日爆場的，尤其是星期六日。今晚平日9點幾去到，唔洗排隊真好。不過店內都真係幾滿座。點左個大麻辣雞煲～～店員仲問我地驚唔驚辣得滯！！哈哈 好彩我地四個都係嗜辣者，無辣不歡。麻辣雞煲無令我地失望，辣味夠濃，由放入口少辣感，到一啖一啖咬開雞件，麻辣汁慢慢滲入味蕾，麻感十足！！店員極力推介今晚新鮮活海蝦，我地就點左黎食。d蝦攞到黎仲係好生猛架，果然新鮮！無介紹錯，蝦肉彈牙，而且鮮味一流。香脆鮮炸響鈴，大大件而且新鮮炸起熱辣辣，口感爽脆。喜歡即食又得，放係湯燙兩下再食亦得，兩種滋味。火鍋必食---午餐肉。切成一小塊三角形，方便易熟，一啖放入口更正！我最愛的鱔片～肉質幾爽口幾滑，唔點醬汁更可試到佢既鮮味！正～總括而言我都幾喜歡呢間雞煲，坐得舒服之餘，員工亦服侍週到；好主動換碟，上菜速度亦好快，讚！

呢一間係全大埔比較出名嘅雞煲餐廳，所以都食過無數次，今次就等我正式介紹下，佢入面有乜嘢食物推介啦。今次起碼第10次食，一如以往叫返個鮑魚雞煲。因為佢啲鮑魚好林，唔似出面啲鮑魚好難咬，對於我成日咬唔到啲比較硬身嘅食物，所以就覺得好好食！第一次喺度叫海鮮食，今次叫咗聖子，好大隻而且好新鮮，冇沙架！午餐肉擺入火鍋入面，索晒啲味道，而且煲到好林好入味。佢最出位嘅火鍋配料係牛頸脊，即係本地手切肥牛，玩肥瘦好好食！

約左班友仔去大埔食雞煲，友人係大埔地胆，試下呢間雞煲都好！天你暖左，亦阻不了我地想食雞煲和打邊的衝動，冷氣夠重爽！雞雞要個鮑魚雞煲，唔辣，D汁入晒鮑魚度，鮑魚好鮮，細細隻重好味，係有少少韌，但有咬口，加上D汁有少少甜，反而更突出鮑魚鮮甜味道，加上D雞入味，好滑呀，個汁真係好香，入面加左D咩香料呢，真係好香，食得出好多蔥頭同D香料味，重有芫茜味，但真係香，雞入晒味，唔辣雞煲都好食。打邊爐叫左個鮮茄湯底，呢牌燥底，唔食辣啦，個湯底真係足料，好多鮮茄，夠晒酸甜開胃，好濃郁，飲左好多湯，正到震。番茄湯當然要食下海鮮，魷魚好食新鮮至極，咪滾大熟，否則會好似橡根，無晒鮮味。另外海鮮好鮮甜，食鮮茄湯配佢真Match！花姿蚌都好爽，不過無咩味，吸收番茄湯至好食。肥牛也好味，蜼不是最好貨色，但牛味足，也不太肥。重有個芝士豆腐，第一次食，好滑，芝士味不算太濃，OK。響鈴索茄湯汁或雞煲汁都好味道，一定要食！估唔到大陸D天地壹號蘋果醋都幾好飲，甜甜酸酸，有DD"那那"地，打邊爐配佢，唔錯！雞煲都人男人最愛。

連小朋友吃一點零食，都不禁止。食物一般，沒想像中好味。海鮮味道一般 夠鮮味。火鍋料比鍋還早到。杯很細，沒有水提供。裝修算是最大的亮點，抽氣好。不會很大陣味。性價比 算差。