影片
更多
2017-11-15
177 瀏覽
未裝修前，都算係區內數一數二嘅雞煲，點知裝修後第一次去食，就完全唔係果回事，完全中大伏！更諗唔明係點解可以有咁多正評咁少負皮？？雞嘅份量少、雞汁更少（我係以喱間嘢以前提供嘅份量而去做比較，唔係同其他舖頭比），問個阿姐係咪咁少汁，佢就話：「係得咁多架，想要多啲就15蚊買一碗大大碗汁啦。」出咗名，真係做雞(汁)都唔同啲。叫咗個丸拼盤，大佬啊，我知$50蚊8粒丸唔算貴亦唔算平，但可唔可以唔好個感覺咁HEA，每粒丸都鋪咗一層浪漫嘅白雪喺面，食落去有無雪味就費事嘥氣講添啦，仲有碟蜂巢豆腐，係，我知間舖而家出名、巴閉，但可唔可以切開豆腐後都稍稍擺番好佢先出菜呢？唔知以為求其用手一揸就放落碟。碟肥牛好有心，果種薄嘅程度呢真係唔怕攝到牙，又薄又無肉味，以上種種你大可以講一句「一分錢一分貨」駁我，但係，你唔係飲食架！每一碟都要錢架，唔係賣得唔貴就求其到咁啊再講啲樓面，係，我真係知你忙，但可唔可以上菜時稍稍望清楚張枱擺咗啲咩喺度，唔好求其"PAT"落張枱度就算呢？點解一張相都無？一來為免加速自己嘅火滾，二來，已經諗住永無下次，又點會再花時間影相呢？上到黎諗住望下有無其他苦主，驚覺竟然有咁多正評，咁究竟係我
雞嘅份量少、雞汁更少（我係以喱間嘢以前提供嘅份量而去做比較，唔係同其他舖頭比），問個阿姐係咪咁少汁，佢就話：「係得咁多架，想要多啲就15蚊買一碗大大碗汁啦。」出咗名，真係做雞(汁)都唔同啲。
叫咗個丸拼盤，大佬啊，我知$50蚊8粒丸唔算貴亦唔算平，但可唔可以唔好個感覺咁HEA，每粒丸都鋪咗一層浪漫嘅白雪喺面，食落去有無雪味就費事嘥氣講添啦，仲有碟蜂巢豆腐，係，我知間舖而家出名、巴閉，但可唔可以切開豆腐後都稍稍擺番好佢先出菜呢？唔知以為求其用手一揸就放落碟。碟肥牛好有心，果種薄嘅程度呢真係唔怕攝到牙，又薄又無肉味，以上種種你大可以講一句「一分錢一分貨」駁我，但係，你唔係飲食架！每一碟都要錢架，唔係賣得唔貴就求其到咁啊
再講啲樓面，係，我真係知你忙，但可唔可以上菜時稍稍望清楚張枱擺咗啲咩喺度，唔好求其"PAT"落張枱度就算呢？
點解一張相都無？一來為免加速自己嘅火滾，二來，已經諗住永無下次，又點會再花時間影相呢？上到黎諗住望下有無其他苦主，驚覺竟然有咁多正評，咁究竟係我黑仔定點呢？
我自己黎講，永遠唔會再幫襯喱間大埔名店！出面求其搵間任食嘅都高質過佢！
張貼