影片
更多
2023-11-23
18 瀏覽
上次去日本所有食嘅行程都塞到好滿好滿，結果食唔到壽喜燒。喺太子見到一間專食壽喜燒嘅小店，之後再去太子決定試一試。店內裝修好日系，牆身有浮世繪畫作好有氣氛，主要都係以木系同海浪嘅藍色配搭，仲有魔女宅急便列車一般嘅座位。💡壽喜燒二人餐 $488呢個套餐性價比極高，唔只有美國牛板腱200g同美國極黑豚肉100g，仲有前菜、炸物、野菜拼盤同果汁！對牛嘅質素有更高要求嘅人，可以試試和牛Set，但我就比較謹慎，通常都會試個普通set，連普通set都好味先會再課重金試更好嘅set🤣quota有限冇計啦～呢間呢個set完全合格，下次想食壽喜燒會再想試試和牛😍前菜：名古屋粟米椒鹽香味會令人諗起大排檔，粟米香甜，配上炸蒜同蔥超香口(應該可以直接送到半碗飯)。炸物：吉列西班牙豬扒炸皮係酥脆，挾起都唔會皮肉分離。肉質好軟腍，唔會炸得太乾身。主菜：壽喜燒🍲喺香港食壽喜燒通常都好有香港style，野菜放底面頭放牛肉當火鍋，但正宗係先食肉再食野菜～呢個set好抵，店員仲要認真教先用牛脂燒出油，倒壽喜燒汁收乾少少，再放牛肉。牛板腱肉質細嫩而且脂肪比例分布均勻，肉味配上壽喜燒汁，再加上一絲絲嘅口感，再慢慢享受真係幾正。
💡壽喜燒二人餐 $488呢個套餐性價比極高，唔只有美國牛板腱200g同美國極黑豚肉100g，仲有前菜、炸物、野菜拼盤同果汁！對牛嘅質素有更高要求嘅人，可以試試和牛Set，但我就比較謹慎，通常都會試個普通set，連普通set都好味先會再課重金試更好嘅set🤣quota有限冇計啦～呢間呢個set完全合格，下次想食壽喜燒會再想試試和牛😍
前菜：名古屋粟米椒鹽香味會令人諗起大排檔，粟米香甜，配上炸蒜同蔥超香口(應該可以直接送到半碗飯)。
炸物：吉列西班牙豬扒炸皮係酥脆，挾起都唔會皮肉分離。肉質好軟腍，唔會炸得太乾身。
主菜：壽喜燒🍲喺香港食壽喜燒通常都好有香港style，野菜放底面頭放牛肉當火鍋，但正宗係先食肉再食野菜～呢個set好抵，店員仲要認真教先用牛脂燒出油，倒壽喜燒汁收乾少少，再放牛肉。牛板腱肉質細嫩而且脂肪比例分布均勻，肉味配上壽喜燒汁，再加上一絲絲嘅口感，再慢慢享受真係幾正。極黑豚肉脂肪令到肉有油脂包住，唔會嚡口。
之後加入清湯，可以煮埋野菜拼盤，食咗咁多肉，當然要嘅菜平衡下，甜甜地嘅湯底真係煮咩都好食。本身都諗緊要唔要叫個烏冬，但食咗咁多肉，發現蒟蒻粉真係最合適嘅配搭。作為香港人，打騸爐唔食粉麵過唔去，但蒟蒻粉口感夠輕盈，唔算好索汁，但對於食咗咁多肉之後作為收尾都幾圓滿。
張貼
