全記海鮮菜館

營業中

休息中

假日嘅西貢人山人海，海傍嘅海鮮餐館未入黑都坐左好多人。見全記規模好大又係米芝蓮推介就坐低試吓，可以揀坐室內或室外。入到去見牆上貼住好多明星合照，似乎有啲名氣。雖然感覺係做遊客生意，但價錢好合理，4人餐可以揀5款海鮮再送1碟菜同水果，每人只係$278。1️⃣灼蝦唔錯，夠鮮味2️⃣一向都好鍾意食嘅蒜蓉粉絲扇貝，一人一隻唔係幾夠喉😆3️⃣芝士龍蝦伊麵，龍蝦唔多，如果特別鍾意食龍蝦可以每人加$30就每人有半邊龍蝦🦞4️⃣炒蜆，啲汁覆蓋左蜆嘅鮮味，還是喜歡白酒煮蜆5️⃣蒸䱽魚，幾好份量啱啱好唔算多，環境都算乾淨企理，可能人多，洗手間有啲污嘈。食物質素唔差但唔突出，整體不過不失吧

西貢食海鮮 唔識叫就直接點套餐會比較安全,因為明碼實價!蒜蓉粉絲蒸扇貝 新鮮即開扇貝加粉絲同蔥蒜蒸無蒸到過火 仍然保留到扇貝既鮮甜味道 粉絲吸曬精華最好食蔥蒜炒大蝦 鮮蝦用蔥蒜快炒爆香 簡單唔花巧,就係食蝦鮮味蝦頭膏也不少,夠香口, 蝦身大隻肉味鮮甜 原條蒸魚 原條魚用薑絲蔥花蒸最後淋熱油豉油 肉厚夠肥嫩 魚肉香嫩好食椒鹽瀨尿蝦 走油爆香蝦身 香辣惹味 蝦肉鮮味!消費$600西貢萬年街87-89號地下

放假梗係去鬆一鬆啦，遊下車河、吹下海風，我哋去咗西貢漫步同埋食海鮮，泊好車行去到碼頭附近，我哋選擇了全記海鮮酒家。午餐時間差不多滿坐很熱鬧，我們坐出面近海邊的位置，邊望海景邊食午飯，不過而家係夏天真係好熱，就算佢舖頭已經準備好多風扇，但係我都係一路滴汗一路食，有啲後悔點解唔坐入去有冷氣，不過望住過海食海鮮又有另一番風味，海鮮新鮮，店員服務態度很好，價錢套餐很優惠，不過份量唔多，如果本身食量大應該唔夠飽。

🍪 【#西貢】全記海鮮菜館💥獲12年米芝蓮推介 海邊平民價早茶💥.🍪全記位於西貢海傍，放假經常嚟邊食點心邊欣賞海景，好嘆！🌅 西貢居民好捧場，一朝已經好多人飲茶~✧This local favorite on Sai Kung promenade gives you an absolute advantage to enjoy the sea breeze and harbour view. That makes me a frequent visitor. 🍪連續12年獲評為米芝蓮推介食肆，點心即叫即蒸，新鮮又好味✧Awarded the Bib Gourmand for 12 consecutive years. Fresh and scrumptious made-to-order dim sum. 🍪狗仔都入得，酒樓會提供專用膠櫈✧Plastic chairs are available for dogs. 🐶~~~~~~~~~~~~~🍽全記蝦餃皇 (頂)（4.5/5）🦐Shrimp dumplings我最鍾意嘅點心，幾乎每次嚟都會叫✧My favourite dim sum

同朋友去完橋咀島，諗住食餐好嘅海鮮， 點知入咗間black店，由頭到尾每碟都唔得掂！所有食材都唔新鮮，仲話標榜米芝蓮， 簡直米豬蓮都不如白灼海生蝦有細隻，完全無味的蝦特濃芝士焗龍蝦鐵線的伊麵，超細隻的籠蝦姜蔥炒蟹蟹蓋只有殼，唔見晒啲膏蒜蓉粉絲蒸扇貝最離譜的一味餸，明顯係將雪藏帶子放在扇貝的殼上面，可以完全分開的。這樣的質素，每位＄258，燒鵝另計不包在餐中。奉勸各位去西貢不要到這間食，完全中伏！

事日西貢遊，夜晚想食海鮮，行過好幾間海鮮酒家，比較過好幾間同類嘅酒家平過佢、多餸過佢、選擇多過佢嘅比比皆是，但最後都俾「米芝蓮大廚推介」依幾個字吸引咗入去幫襯，就等我講下今晚食咗啲乜啦，叫咗個溫馨二人世界套餐，人頭258連加一兩個加埋就568兩位，四個海鮮，一個油菜。椒鹽瀨尿蝦  - 所謂的二揀一的重點海鮮，我哋就揀咗瀨尿蝦，上枱一睇，同相象差幾遠下，我諗得14-15CM長，每隻一開二，有一隻啲肉係梅嘅，另一隻肉質正常但都唔可以叫做爽彈，椒鹽係幾香嘅，但椒鹽食味過重，把瀨尿蝦的鮮味完全蓋過，但二隻有一隻係梅嘅此點不能接受。白灼海生蝦 - 蝦都叫大隻，食味正常係新鮮嘅，但份量太少得過8隻，有啲過份。香蒜椒鹽墨魚 - 椒鹽味同樣過重，墨魚粉漿過多太厚粉，完全吃不到墨魚鮮味，墨魚唔爽彈，咬落粉口明顯唔新鮮，唔好食，同樣分量過少。清蒸海上鮮(黃立倉) - 成晚條蒸魚叫做最正常，唔差，叫做蒸得無過龍，蔥花同豉油都叫有點綴但做唔到提味作用，食味一般。郊外油菜 - 同麵檔水準一樣。此餐完全唔抵食，食味其實係一般嘅，但絶對唔係好食，專登入嚟食海鮮就唔好揀佢嘅，都係果句平過佢、多餸過佢、選擇多過佢嘅比比

叫左四人餐有龍蝦伊面丶蒸元貝丶椒鹽瀨尿蝦丶椒鹽鮑魚丶薑蔥炒蟹 個蒸元貝上枱真係嚇一嚇，係用個舊殼放粒勁細嘅急凍帶子上去，我第一次見海鮮酒家咁做，另外揀咗6隻蟶子加餸，炒到出嚟變咗5隻，食完先發現得5個殼5舊肉同個侍應講返，點知佢仲問返我點解食完先講，態度極之惡劣！乜有人一上枱就數下幾多隻?呢間西貢全記真係好唔老實龍蝦伊面個伊面底好食，但係龍蝦肉就得兩舊其他全部都係殻，椒鹽瀨尿蝦丶炒蟹份量非常小，冇下次

好少寫食評，但係因為真係太嬲所以都要寫一寫黎食晚飯，叫左個二人海鮮餐啲海鮮完全唔新鮮😡😡😡扇貝粒肉細到5毫子咁大都冇，離晒譜😡啲炒蜆個傳菜一擺低，另一個就行過黎問食晒未，可想而知佢兜野幾差，大部份都冇肉😡😡碟魚完全冇鑊氣又唔夠熱😡😡碟油菜真係離晒譜，剩係得油，完全冇味，自己煮都一定好食過佢😡仲有個伊麵焗龍蝦，啲龍蝦得一兩舊係有肉嘅其他都係得個殼，仲要催左幾次先有得食😡總括嚟講，呢間野唔需要再幫襯

今天一行4人到西貢，被這家有米芝蓮食府稱號以及擁有優良地理位置的餐廳所吸引。4人海鮮餐人均全包價為278蚊，可以選5個海鮮、1碟菜，還有糖水或水果，確實吃得過！而且每碟菜的質素都相當不錯！首先芝士龍蝦伊麵的芝士味很濃，龍蝦很彈口易吃；清蒸海蝦每隻蝦都很新鮮，不黏殼很易剝殼；瀨尿蝦很大隻，只要剪開中間就可以輕鬆拿到中間的肉塊，蝦肉比外面吃到的明顯較大，肉質鮮美，是最為驚豔的一道海鮮！鮑魚也很大隻又彈口，且容易從殼中取出鮑魚來；扇貝與外面差不多，都是配蒜蓉粉絲底，其實也不錯！重點一提是這裡不只海鮮出色，部長的服務態度相當好，會關顧客人的需要，除了陳皮蓮子紅豆沙為甜品，也送了很甜又涼涼的生果橙，確是吃得非常愉快的一餐！

話說玩完水，一直都想試下西貢碼頭的海鮮，見全記海鮮餐館是米芝蓮餐館，就打算試試，一坐低叫了菜，等了一小時才上第一道菜，整餐晚飯足足吃了3小時(當中2.5小時都是在等)，周邊的顧客全部都是在等 。至於食物質素，這絕對不配米芝蓮，第一道，炸墨魚，墨魚是粉的，炸得不徹底，比一般大排擋更差。第二道，炸鮑魚，好明顯鮑魚都是冰鮮貨，啲殼是重用的，全部不連殼，完全是在吃無味的鮑魚。第三道，炸賴尿蝦，勁咸，啲賴尿蝦剪到好碎，頭頭尾尾多，無乜肉的，仲要勁咸。這是一個很差的經驗，絕對要跟大家分享！

嚟到西貢，除咗食海鮮同cafe之外，竟然俾我發現到好正嘅點心，新鮮熱辣，蝦餃燒賣粒粒都好大粒，另外小菜同埋粉麵都好熱同好夠火候👍🏻👍🏻👍🏻，大大碟,所以下次去你西貢除咗食海鮮之外，仲可以試下d點心😉

為咗同屋企人慶生，遠道入咗西貢食海鮮大餐，見到呢個全記裏邊有個套餐都幾抵食，八個人可以叫七個餸 另外會再跟雞腳及一碟油菜 ，$258一位 ！由於今晚涼涼地所以坐咗喺 室外，環境都幾舒服，欣賞下西貢嘅夜景，間中仲會吹住啲海風，同埋外邊亦都幾整潔。而鋪外已經放滿龍蝦、螃蟹、貝類等等的海鮮，十分吸引選好套餐之後，就會先比鹽水雞腳你食住先，可以點砂礓汁，雞腳浸到十分之淋滑，先開開胃古法椒鹽鮑魚（每人一隻），味道係幾香口嘅，外邊有少少脆，但個鮑魚係唔un ，滑滑地咁，都OK 。芝士焗龍蝦（伊麵底）：呢個係需要每位加$30，變成每人可以有半邊龍蝦🦞，望落去都幾吸引，個伊麵係好飽肚，龍蝦都幾爽身，幾大隻下，味道都OK，就係膩咗啲！椒鹽賴尿蝦：這個就做得比較一般，炸得唔夠香脆，肉質比較軟軟的，椒鹽的味道就還可以！椒鹽墨魚：同椒鹽鮮魷比較有少少唔同，這個墨魚係比較爽身硬一些的，比較有口感。薑蔥炒蟹：味道香濃，不過呢個蟹就冇咩膏嘅，勝在夠多肉！蒜蓉粉絲蒸元貝（每人一隻）：味道就冇乜特別，同埋元貝比較細粒。菠蘿咕嚕肉：這個不錯，酸酸甜甜很開胃，由於肥肉比較多，所以食落個口感好香滑。整體以 $288 呢個價錢

天氣很熱但到了西貢有點海風，陽光雖然猛烈，但遊人也很多。有時想唔到吃什麼，去食個大眾化的海鮮餐也不錯。今日「全記」戶外位置已滿，我們上了二樓，有冷氣嘆。點了二人龍蝦鮑魚套餐，選擇好多自由配搭。服務員推介我哋波士頓龍蝦轉澳洲龍蝦，每位加$30 ，她説澳洲龍蝦開邊上，比較大隻肉質也比較爽，不妨一試。特濃芝士龍蝦伊麵外觀不錯，開邊澳洲龍蝦也很大隻，多肉、肉質爽，但鮮甜味不足，個伊麵底則有點乾，但味道可以。椒鹽鮑魚腍滑夠味。蒜蓉粉絲蒸鮮元貝味道也不錯，尤其是粉絲部份更美味。香蒜椒鹽墨魚，鮮嫩可口，送啤酒一流。還有一碟西生菜及水果，超甜的香橙一個。吃完到碼頭走走，度過一個愉快的周日。

今次唔係食海鮮，淨係食點心，平日下晝二時左右入座，人唔係太多，坐喺外邊，天陰陰，唔係太熱，仲有好多風扇吹住你，對住海邊，坐得舒適。服務唔錯，有個侍應仲好好傾，點心都係比較大路，選擇唔係太多，不過有啲都幾有特色，茶水點心都好快上枱，點左啲例牌點心，樣樣都好大件，質素唔錯，仲有懷舊大包，好足料，超大蝦餃，不過食咗有隻唔係太新鮮，但係裏面真係好多蝦，包汁雞腳就細隻咗少少，花生亦都唔夠林，不過整體無論質量都唔錯，價錢亦都好合理，下次會晨早嚟，一個慢慢嘆個早茶嘅好地方！

行山行到到累，時間尚早，都係去西貢食個海鮮餐，始終都係西貢全記係首選。我哋一行八個人，叫咗好多嘢食，全部都係海鮮🦞辣酒煮花螺，蒜蓉炒菜心，椒鹽豆腐，椒鹽鮮油，清蒸鮑魚仔，粉絲蒸扇貝，山楂骨，雞腳