全記海鮮菜館

營業中

休息中

果日開心滿滿又去食全記，個人大概每一至兩個月都會去一次，每次都幾好。但最近一次光顧，食到一肚氣。首先，我地食食下，佢主動走過來話送海鮮湯。點知最後埋單佢竟然收$88. 一問之下，佢話湯料要另外收費！最後多番理論，佢先減反。另外，D元貝離晒個殼，個size 完全唔 match. 食個海鮮，都明白係咩事。大家幫襯要少心check 單。

＄258一位，我地兩位，喺門口拉客嘅呀姐兜客，見傳單描述ok,喺門口時呀姐講一人有一隻瀬尿蝦，諗住＄258一位都唔期望份量會好多，第一次黎諗住試過好食就會多個地方可以同屋企人下一次黎散叫下海鮮食，但無諗到椒鹽瀬尿蝦兩位嘅份量係少到一隻瀬尿蝦都無肉又無，薑葱炒蟹d蟹一定無一隻，迷你至極又無肉係殼多，同經理反映，經理仲講佢地好老實，係老實就應該在傳單上寫明份量二人一隻瀨尿蝦都無,  寫到明應該唔會有人入黎食, 真係咁都講得出👍唔負評都唔得啦

今日西貢半天遊，當然食埋海鮮才回家啦...全記做緊套餐...按人頭每位$248全包..海蝦夠新鮮，夠鮮甜！芝士龍蝦伊面，芝士夠多夠香濃，龍蝦肉質鮮嫩鮮甜椒鹽賴尿蝦，份量足，肉質嫩椒鹽夠惹味！椒鹽鮑魚，第一次這樣吃，鮑魚夠鮮！扇貝很鮮甜而且份量很足郊外油菜菜夠嫩綠爽口紅豆沙甜度適中而且夠淋

昨天到全記晚飯並點了四餸二人套餐，$258一位，加了$40龍蝦伊麵改澳龍，龍蝦尚可，伊麵感覺整定，淋，沒咬口，麵有麵煮，龍蝦有龍蝦整，只是上枱前合體。花雕蒸蟹，所謂蟹膏灰黑色的，用的碟淺得不能再淺，一截手指深度都冇，蒸蛋沒有花雕酒香。椒鹽鮮魷，凍的，淋的。蒸扇貝，殻肉分離，不帶裙邊，兩樣本身就不是連體的。所謂送的(實質羊毛出自羊身上)郊外油菜及水果，唔知以為係天價食材，生菜上碟只得正常五分一個左右，橙上碟只得三分一個左右，留意係二人餐，紅荳糖水好彩係甜的。貨不真、價不實，做慣遊客生意已經不懂真真正，點做生意了，不吃也罷!

晩餐朋友即興想食海鮮🦞 就即飛入西貢搵食！呢間朋友食過話不錯，開頭打算試下其他店，因為有小朋友，想揀間乾淨啲！但左揀右揀最後都係食返呢間，朋友食過起碼唔會好伏先！😂一入去就安排位置係入面，而且一枱人都無，可能見有bb，安排小人的枱，非常好！👍🏻 首先我哋叫咗個2人套餐，但忘記咗我仔都好大食，應該要叫3人餐以上至啱😅 所以之後我哋再單叫咗好多海鮮！個人最鐘意粉絲蒸扇貝，超多粉絲！😋 粒帶子都好大隻，所以食完我哋再叫多2隻😂 仲有龍蝦伊麵又係必食推介！我哋加錢轉澳洲龍蝦🦞 會多肉多小小，啖啖肉，超正！唯一美不足係伊麵小咗啲😢 仲有揀咗條斑仔，但真係太小肉，而且最貴係條魚，最唔抵食！其他都好好食，海洋食得岀真係好新鮮！而且地方又乾淨！一家大小有小朋友一完推介呢間！

成日都來西貢飲茶ge 我，次次都必叫炸蝦角，真系超好食！！入面粒蝦又大大粒又彈牙有鮮味，點埋d 沙律醬一齊食，真系覺得一碟得四粒唔夠喉( o̴̶̷᷄﹏o̴̶̷̥᷅ )-仲有蝦餃都系100分熱辣辣出爐個粒蝦餃極度飽滿，至少有兩粒蝦在內。佢個辣油都不過不失啦但只有油就失色小小我比較中意有無辣椒籽-燒賣無咩特別 但都算好味 無一大舊肥肉系入面豬肉同蝦比例都唔錯٩(๑•ㅂ•)۶-叉燒包同雞扎都系基本野啦無特別。-但想吐槽一下佢個洗手間濕到爆炸 每行一步都京京仆乖死然後個Hygiene 都幾惡劣好多蚊阿 好多昆蟲系個廁所入面然後每個Partition 牆都系濕立立你會極害怕自己唔小心掂到牆身ﾎｰ!((〆( `Д´ )ﾒﾓﾒﾓ一間咁大的酒家，管理一下洗手間啦！

爸爸生日，很久沒有一家人出外食飯，所以到西貢食海鮮。去到碼頭，有兩三間海鮮酒家，我們選擇了全記海鮮酒家，因為家人說比較出名。下午4點，人不算多，我們坐出面近海邊的位置，邊望海景邊食飯。我們點了三人海鮮餐，可選五款食物，送一碟油菜。五款食物我們選了芝士龍蝦（伊麵底）、清蒸帶子、炸鮑魚、薑蔥炒蟹（兩隻）、椒鹽瀨尿蝦（兩隻）。最好食的是椒鹽瀨尿蝦和芝士龍蝦，但帶子不是新鮮，是雪櫃的帶子，因為飯後我見到店員收起d帶子殻，相信是會重用，所以下次不要點帶子

都真係幾搵笨 附近行左幾間海鮮就呢間最熱鬧 見個阿姐推薦得咁落力 又見人多就諗住試下 見到餐廳都幾多客諗住都應該無咁伏 但點知都忍唔住要打返啲評價我地點左個二人餐 魚無咩特別 炒蟹得一隻無咩肉 瀨尿蝦同炒蜆超多殼無肉 白飯仲要另外叫 炒個通菜都要加20蚊 生果同糖水仲要問佢先記得拎過黎 食完成600都好似無食過野咁 返到屋企仲要食多個杯麵 都唔明點解仲可以咁多人食 下次食飯之前都真係要check清楚open rice評價 可一不可再 完全唔知拎米芝連嘅準則

一次極度失望的一餐，一家人一行八人，叫了八人套餐，海鮮質素非常一段，還有偷工減料，禮貌查詢服務員，服務員堅持沒有偷工減料，態度不友善，明白套餐將價就貨，但都不是這麼過份。首先，海鮮食物不新鮮，上枱海鮮不是熱的，是暖的，我去普通酒樓都沒有這種情況，第二，我是叫了八人套餐，份量明顯不是八人的份量，我嘗試禮貌的反映，店員只是冷漠的回應：【係咁的，沒有問題】。原本都是默默接受，但當看到椒鹽瀨尿蝦上枱，份量明顯只是四人份量，再次向店員反映，最初她是堅持沒有問題，但當再仔細問八人份量應該有多少隻瀨尿蝦，她回答會有四隻，但當我要求檢查是否有足夠份量時，女店員只能拼到兩隻半瀨尿蝦，好不情願下只好拿回廚房，但態度是不認錯和沒有禮貌，我只是禮貌地反映事實，難道這樣都要受氣嗎？隔了15分鐘，瀨尿蝦又是冷和暖之間的溫度的，真的不能接受。最離譜是蒸扇貝，有八隻，但每份只有半隻扇貝，明顯是cut了一半，而且是換了急凍扇貝，自我開始食扇貝以來（超過20年），第一次遇到這樣欺騙食客的食店，一間普通酒樓都不會這樣騙食客。奉勸各位審慎考慮是否幫襯，本人會永久 blacklist，完。

叫咗3人餐，侍應阿姐叫我哋每人加$30轉澳洲龍蝦，，咁就梗係加啦😂，一嚟到上檯，大大件，朋友已經話（好彩加咗錢😂）D龍蝦肉勁彈牙！夾著D芝士汁，芝士汁濃但又不太漏，味道剛剛好！伊麵底又係勁夾芝士！超好食😋😋之後椒鹽飽魚略嫌細隻咗少少，味道尚算可口，炸粉唔多，啱晒我哋口味😆蒜蓉粉絲蒸扇貝就夠晒誠意，好新鮮！粉絲多，爽口鮮甜！好出色！最後白灼蝦亦有水準，新鮮！下次去西貢一定返兜全記食海鮮！😌

一般寫得評論嘅目的：勁好食、勁難食、勁搵笨、勁激氣有是旦一樣中就會願意分享下個感受！好野齊齊分享，劣野當然咪幫襯，否則必定後悔！「不聽網評言，吃虧在眼前😇」揀咗佢嘅每人套餐（2百幾3百到），搵笨到無朋友，樣樣都係一件仔，揀咗佢嘅每人套餐（2百6至3百到），搵笨到無朋友，樣樣都係一件仔，仲諗住呢度會食到新鮮啲啦，點知啲扇貝同飽魚都係用冰鮮交貨😆，5人份量嘅龍蝦伊麵都係只能每人食到幾條麵，最好笑係食完埋單同無食無乜分別😂如果你大把錢、想減肥又想食冰鮮，可以考慮食呢間唷🤪

全記海鮮（西貢）🐟🦐🦞🦀行完山搵咗間海鮮餐館外面睇都幾多人幫襯就試一試佢我哋五個人揀咗三種海鮮🌟第一樣就係豉椒炒蟶子份量都頗多 都炒得惹味嘅但係就食到有沙🌟第二樣就係蒸龍躉仔龍躉仔冇乜腥味 但稱唔想鮮甜主要係食到蒸魚豉油味 攞嚟送飯🌟第三樣呢 就係蒜蓉蒸扇貝扇貝肉比較有趙口🤣唔係好易咬 size都比較細 另外就叫咗啲雞呀叉燒呀咁樣同埋一個菜咁都冇乜特別 正正常咁我哋呢就就一路揀海鮮呢都冇問價錢嘅純粹就咁睇樣揀啦 諗住蟶子扇貝龍躉仔都唔會貴得去邊咁店員亦都冇主動報價俾我哋聽咁到埋單嘅時候呢就發現原來三樣海鮮（5人份量）未計手工費呢都要$900即係除翻開呢每樣嘢都大概$300喎最後連埋手工費 燒味拼盤白飯全部人均消費$350咁我哋平時都有煮開野食嘅都知道其實呢啲譬如街市買唔錯嘅扇貝日本扇貝 彈牙爽甜嘅可能五人份量都150有找龍躉仔咁上下size $200都比多啦嚟呢度食方便在行完山就腳可以坐得舒舒服服同班friend悠悠閒行咁傾吓計抵唔抵就真係見仁見智講到尾要食最足料鮮味嘅就緊係番屋企食阿媽煮嘅海鮮大餐👩🏻‍🦱👩🏻‍🍳我諗我都唔會再黎食第2次環境：🌟🌟🌟💫抵食度：🌟🌟味道：🌟🌟🌟

大年初四-聽日就要開工啦🥺🥺開工前梗係要食返餐好，然後繼續捱世界。我哋今次一行三人，叫左8個點心，再加兩份海鮮1️⃣炸雲吞2️⃣鹹水角3️⃣鳳爪4️⃣蝦餃5️⃣流沙奶皇包6️⃣珍珠雞7️⃣叉燒包8️⃣椒鹽炸墨魚🦑佢明明係一間海鮮酒家,意想不到啲點心都咁好味，炸雲吞皮超脆，流沙包流沙做得好出色。食完點心之後，就到壓軸我最想食好耐冇食嘅芝士龍蝦伊麵，龍蝦肉彈牙又新鮮，汁好creamy. 食完咁多點心之後再食佢都仲食得落超級推介最後叫咗一碟豉椒炒蟶子豉椒炒蟶子一樣勁新鮮，啲肉勁彈牙，食到佢本身鮮甜味

每次去到行嚟行去睇海鮮同揀海鮮都好開心🎶海鮮生猛就一定係啦另外烹調都好重要每次必食🦀花雕蛋白蒸花蟹好大隻😍蟹鉗都有手掌咁大酒香蛋白滑dodo椒鹽鮑魚，炸粉好薄，啖啖鮮美蒜蓉粉絲大扇貝，今次有啲過熟，蒜蓉粉絲好野味墨魚雪白帶半透明🦑爽爽脆可惜今次冇海膽…仲有飯後果，甜品，糖水服務不錯，執拾換碗碟清潔勤快總括嚟講：每次水準都保持到嘅大滿足❤️

嚟到西貢一定要到此一遊，服務態度非常好對老人家體貼。食嘢方面海鮮非常新鮮，價錢亦相對來講比較抵。話說三大人一齊去食咗一餐，除咗芝士焗龍蝦之外其他海鮮亦非常新鮮大家都食得舔舔脷。建議大家在疫情期間，去旁邊少啲人嘅海鮮譜食個套餐，有保證之餘，價錢亦唔錯，分量十足。Great seafood. Set courses for 2-4 are very reasonable, especially if allowed to choose your own seafood.