全記海鮮菜館

營業中

休息中

農曆新年過後終於開放晚市堂食，市區應該勁多人。為咗逃避人潮，去西貢市應該係唔錯嘅選擇。唔知係咪少咗遊客，啲海鮮菜館都好積極招徠，竟然完全冇推薦買新鮮海鮮再加工煮。由得啲客點海鮮套餐完全冇 upsell, 好多年都未見過咁。點左每位$295嘅海鮮套餐，再加豆腐海鮮湯同例牌燒鵝。燒鵝皮係吹嘅，肉有少少靭和有渣。最搞笑侍應問我要上庄定下庄，我話上庄，但係最尾嚟咗下庄。特濃芝士焗龍蝦伊麵底，芝士確係比平時食開嘅推得厚啲。龍蝦冇過熟，OK啦。跟住嚟咗蒜蓉粉絲蒸扇貝，呢個真係離晒大譜。令到成餐飯嘅觀感扣咗80%分。扇貝一食落去有重重嘅雪味，我好肯定佢係會回收啲殼再放雪藏平價帶子做呢一味菜。完全不誠實。雖然係套餐都成$300一個人，點可以咁！加咗$88 upgrade清蒸海上鮮做蒸沙巴躉，佢個蒸魚豉油有啲失望。椒鹽墨魚，冇椒鹽味，粉漿唔夠脆等咗咁耐先可以有晚飯堂食，第一餐咁有少少失望。

平日五點幾入座，點咗二人餐，揀四款餸，最後上菜上咗椒鹽墨魚，龍蝦伊麵，椒鹽鮑魚，清蒸海上鮮。最侍應服務態度非常惡劣，食到一肚氣🤮落錯單唔認，仲要以「已經煮緊」為理由迫我哋硬食🤮🤮原來點咗扇貝，最後變咗墨魚。如果最後係好味嘅都冇咁嬲，但每樣餸份量都偏少，質素同味道亦不比隔離嘅競爭對手好。特別係墨魚同鮑魚都令人大失所望。已經將依間餐廳入咗黑名單。以後都唔會再幫襯。附近實在有太多更加好嘅選擇，依間味道唔特別好之餘仲要受人氣🤮

行完山後, 今天到全記海鮮菜館食海鮮餐. 基本上周圍的海鮮菜館的海鮮餐都是差不多價錢, 分別可選擇四款或五款海鮮菜式. 我們四人選擇開心四人共聚餐, $268/位四人餐可自選5款海鮮:香蒜椒鹽墨魚, 粉漿不夠脆, 味道可以, 墨魚新鮮彈牙蒜蓉粉絲蒸元貝, 元貝size較細, 蒜蓉豉油粉絲與平時食的味道相若. 這個菜式不過不失特濃芝士龍蝦伊麵底, 芝士味香濃, 龍蝦肉彈牙, 可惜份量較少😅椒鹽瀨尿蝦, 椒鹽味非常好味(似食薯片味精粉🤭), 瀨尿蝦肉質都不錯. 不過份量有點不均勻, 我們亦與經理反映. 當然反映與不反映結果都是一樣🤷‍♀️ 若然叫二人餐, 又叫椒鹽瀨尿蝦, 會有多少件瀨尿蝦呢?!🤔薑蔥炒蟹, 整個餐來說這款菜式分量比其他較多, 芡汁味道偏鹹. 多薑多蔥段郊外油菜, 是日是菜心, 白灼加豉油或可每位加$10自選蔬菜海鮮餐平均每位價格看似便宜, 不過份量真的叫少. 若然4人淨叫這個四人海鮮餐, 我相信大家都不會飽肚&滿足. 今次我們另加白飯&4款點心, 我們食完也不太飽肚😅

態度惡劣，服務勁差。睇食評見麻麻地，考慮去唔去食，但一場來到西貢都朝聖下啦。人多，大家都乖乖哋喺門口排隊，點知一行七人喺側面鼠入去就被人招呼，仲安樂咁坐低食，因二人限聚關係，七人就霸咗4張枱。我已經走上前話人哋冇排隊，但個侍應冇理，只係叫我等，我心諗咁鬼亂，但算啦咁繼續等。卒之有個阿姐走來同我講「樓上有位喎」，我都未反應得切，半秒後佢就準備帶後面三人上去，我話係我哋排隊先，跟住阿姐話我哋冇應佢，我火來了，原來頭先個五個字意思係「樓上有位，你哋上唔上去？」我話佢完全冇等我地答就已經帶其他人上去，好彩後面嗰三人都好，知道係我地排先，畀番我哋上去。阿姐不斷大大聲聲話係我哋冇應佢，我頂！上到去仲精彩，另一位茶水阿姐嘲諷我地話新年流流嘈咩鬼，我話係你哋職員亂咁帶位，當然講完走人仲理鬼我地咩。然後一個疑似經理的阿叔/伯過來了解發生咩事，我複述事情，佢hea我話「得喇明白喇喺我地唔啱」我回應話「咁你明咩？」跟住就話唔洗講喇，發老脾叫我哋走。原來當自己人服務態度惡劣，唔想回應咪唔做你生意囉。人哋米之蓮，大把客，洗乜尊重你😠

收得貴 食物難食 蝦餃無味 鳳爪唔入味兼皮硬 糯米雞蒸到過晒龍 汁少無料 事但擺舊雞肉就算 唐記好食過佢 唔明西貢全記何來咁出名 全西貢幾十年 未試過飲茶有咁差 錢就識賺 貨就求其交 如果唔係陪阿媽去食 佢老細請我都唔來 難食到 衰過地踎茶樓 唔明啲遊客會盲中中中入到中伏 咁大個人未試過咁差飲早茶體驗🤬🤬🤬

吾好以為入西貢一定係海鮮，朝早入嚟飲茶都好正！仲要吾收茶位，去邊搵😏本人係奶黃包粉絲，去親飲茶都叫一籠！今次例牌啦，流沙奶黃包好好味！流沙架真係，又吾太甜，食左兩個都吾「漏」其他都好味，仲有舊式茶樓風味，下次入西貢食早餐吾一定飲咖啡啦😁食完仲可以行下西貢，買下海鮮😄

朋友生日只可以二人聚餐，所以我哋到西貢一行再吃點東西慶祝。西貢很熱鬧，原來比市區更加擠擁。全記海鮮菜館 坐滿了客人，當然是符合限聚令的人數，我們選擇了室內的位置，要點他們拿手菜式。二人海鮮餐選擇好多，不過原來客人多數選的都是那四五款。古法椒鹽鮑魚雖然細細隻，但係肉質很厚又稔滑。上湯龍蝦伊麵底 龍蝦🦞肉非常爽口，上湯伊麵底比較清爽。蒜蓉粉絲蒸元貝不錯，味道很鮮，粉絲亦非常好味。薑蔥炒蟹雖然是一隻蟹，但係size真係好細，但勝在新鮮。套餐還有生菜一碟，很爽口。另外叫咗一個雪山包是椰茸餡的，不太好吃，這個餡料配雪山包不太夾。

昨晚入西貢，星期日一早就帶同小狗海旁走走兼飲茶。西貢酒樓成行成市，據說是受惠於 SARS, 當時准許它們可以外面放餐桌做生意，主意因為外面空氣流通，受惠到現在。「全記」幾乎是最大最多位，所以輕易就有枱，西貢食肆大多不會拒絕毛孩，侍應對毛孩都友善，不過要坐 “膠椅”，很合理，所以很多毛孩主人都喜歡帶毛孩來西貢食肆。點了最基本的點心：蝦餃、燒賣、叉燒包、雞扎。自己帶備舊普洱，點心味精難免，不過都大大件，不過不失啦！點心加茶錢，星期六、日加一服務，盛惠 $153

在西貢區居住近30年，落西貢嘆茶偏好兩間酒家全記同永和，全記星期天(免加一，但是六、日、假期會轉貴小小餐牌)，再者週未假期入西貢遊客勁多要等位，11點前較容易入坐。全記老板親力親為，經常出現廳面幫手、招呼同街坊熟客，我喜歡坐閣樓，地方細細無咁嘈，缺點係抽氣不足，廳尾煎腸粉檔送你一身油煙味，秋涼首選坐門口海鮮缸前，清風送爽有海景，帶毛孩就要坐呢區。全記海鮮套餐抵食之選，厨房煮功比附近幾家都好，今次先講飲茶、茶太普通所以自帶茶葉，义燒包(麫皮軟滑)，蝦餃(蝦仁結實爽脆)，潮洲粉菓(皮薄，花生沙葛菜脯脆口)，煎薄撐(配料香口，中心軟邊焦香脆)，义燒腸粉(皮薄义燒不肥)，魚湯鮮竹卷(湯濃甜不咸)，糯米雞(傳統配料，糯有咬口)，芋角，牛肉球水也很好食，厨房我最喜歡干炒安格斯牛河，魚香茄子炆伊麫，新派厨房，用油適中不似老派手重！下次再分享海鮮餐經驗。

自從朋友帶過一次每次嚟西貢一定會嚟番呢間食海鮮態度有善 有時仲會大家講吓笑揀海鮮個過程感覺都唔錯唔會覺得佢哋為咗想貴啲呃你要啲重嘅真係會幫你揀新鮮 同埋推薦有啲乜嘢好食聖子超級彈牙 每次嚟到必點果皮鮑魚 果皮味道出奇地夾一啖鮑魚加少少果皮 回味無窮啲醬汁亦都加唔少分油焗蟹 屋企人好鍾意食我就比較鍾意食大閘蟹啦 哈哈雖然表面好油 但係食落去唔會啲膏味道都幾濃 肉質正常冇乜特別不過就比較麻煩食到成手都係好彩佢哋都有附送檸檬水清潔每次黎到食海鮮都會覺得放鬆 又喺正過海隔離唔會有一頸血嘅感覺😝雖然成條街都仲有好多間海鮮 但食過呢間都唔會想試其他8/10

星期日我們一行人四人一早預約了這間餐廳吃晚餐。因為聽說過有很抵食的套餐，原來真的有！沒法子想像這麼抵食，已有那麼新鮮及好吃我們要了一個四人餐選擇了1 芝士龍蝦伊麵 2 椒鹽鮑魚3 椒鹽鮮魷魚4 蒜蓉蒸扇貝 5 椒鹽賴尿蝦6鐵觀音7 紅豆沙額外在魚缸選擇了兩款海鮮1 蟶子（用豉椒蒸）2 琵琶蝦 （用黃金炒的方式）額外也叫了飲品1 啤酒🍻 很多支套餐真的很抵食！用各種方式蒸炒煮 都很可口，龍蝦也很新鮮！但是最深刻的就是額外買的聖子！一向都很喜歡吃海鮮，從前食的蟶子都很新鮮，用來打邊爐的都是！ 但是今次食的聖子比以往食的任何一次都新鮮得無比 我們四個都覺得非常驚訝，而當中有星加坡人及日本人，他們都留下非常深刻的印象！芝士焗龍蝦的芝士是車打芝士，味道濃郁可口！扇貝的煮法也剛剛好，味道不會太濃也不淡，清新可口，蒜蓉味足夠！鮑魚稍為比較硬，雖然是原隻上，但是椒鹽後口感夠堅硬！額外買的琵琶蝦，由於是用黃金炒，新鮮味覺都被覆蓋了，可能用其他方式煮會比較好😅但是總體來說，10分美味！外籍朋友都十分滿意 還跟我們說很感謝我們帶他們到這裏

#西貢海鮮 #🦞#芝士龍蝦伊麵 龍蝦好吃多肉彈牙鮮甜😂清水煮伊麵再淋上芝士醬....清淡失望，以為是炒的干燒伊麵#蒜蓉粉絲蒸蚌 新鮮味道不錯，蒜蓉粉絲正。#椒鹽瀨尿蝦 新鮮，大大隻自己揀，清甜彈牙，好吃😋#焗油蟹 其中一隻不好吃，沒有什麼膏。另一隻還好，有返少少蟹味道。但不太推介#西蘭花 #🥦 像水煮一樣埋單$1474～ᶘ ᵒᴥᵒᶅ個人口味評分：8/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西

🌹週末與老公去西貢小島爬山，回程後到西貢搵食，本來不諗住去食海鮮，路過見到價錢吸引，環境亦OK，所以就決定坐下吃海鮮。🌹「全記」在西貢有多間分店，接近巴士站店特別多人，我們選的是較遠距離的店，人較少！翻看菜牌有米芝蓮公仔作宣傳，即刻覺得無選錯，但不肯定是否真實，另外，食店不用收加一服務費，又覺得很不錯哦！😂點餐🥢（5🌟為滿分）薑蔥炒蟹🌟🌟蟹較細小，肉沒有，膏沒有，只有薑蔥香龍蝦伊麵🌟🌟🌟🌟一隻龍蝦🦞開邊，食得方便，伊麵佈滿汁液😋豉椒炒蜆🌟🌟🌟🌟蜆屬中等尺碼，味道不錯蒜蓉蒸扇貝🌟🌟🌟🌟蒜蓉配粉絲，十分入味，扇貝肉稍微細小郊外油菜🌟🌟🌟湯浸生菜🥬紅豆沙🌟🌟🌟紅豆大大粒，有果皮香，稍甜個人評分（5💙為滿分）食物💙💙💙💙服務💙💙💙環境💙💙衛生💙💙抵食💙💙💙💙回頭率💙💙💙💙負評👎🏻食店容許客人在用餐餐桌吸煙，本來想坐多一會，享受下，但嗅到二手煙即刻心情急轉下降！埋單離去！希望食店留意及改善！

唔會再有下次同朋友兩個人黎食二人set 每位268蚊 叫4個餸 送一個菜同甜品我地叫左以下4樣野 逐樣點評。豉椒炒蜆=味精炒蜆 啲味勁鹹 越食越渴啲蜆又細隻 啲肉又甩晒出黎成盤都係殼蒜蓉粉絲蒸扇貝算正常 冇特別龍蝦伊面啲芝士汁撈都冇撈過落去就咁一個乾面淋左啲芝士汁上去龍蝦算ok 但冇驚喜薑蔥炒蟹伏中之伏兩個人食 係一隻蟹仲要勁細隻冇肉食 肉質鬆散份量少得可憐而且好鹹....整體來講 唔好食 唔值有米芝蓮同埋個價都幾貴 份量好少...

假日最岩同屋企人一家西貢一日遊首先坐船去左鹽田灣，行左一個圈玩到大約6:00pm，出番西貢碼頭，就入左全記海鮮酒家食飯。我地叫左南非鮑魚、椒鹽賴尿蝦、油鹽焗奄仔蟹、白灼蝦⋯⋯南非鮑魚幾有咬口又新鮮，最後食完仲有糖水送👍🏼