全記海鮮菜館

營業中

休息中

今日起西貢全記海鮮食左個兩人海鮮套餐，盛惠636蚊。 介紹下今日既菜色，4款自選海鮮+免費油菜+免費生果盤4款海鮮包括：白灼蝦7隻 炒蜆（7隻有肉 8隻冇肉 1隻無開口） 粉絲蒸扇貝兩個 椒鹽瀨尿蝦1條等我重點同大家介紹下各款海鮮，首先D蝦已經係得7隻咁少，仲要肉質霉霉哋，out！D炒蜆得7隻有肉，搞到我哋好似返去飢荒年代咁，係咁吮D殼上面剩餘既汁，out！D粉絲扇貝犀利囉，上菜既時候冇曬裙邊，得一粒離左殼既扇貝肉，加上我見到廁所隔離個倉庫擺曬D冰鮮帆立貝，就知道呢粒一定係冰鮮帆立貝加本地扇貝殼裝飾既fusion嘢，out！D椒鹽瀨尿蝦就係細細哋一條斬成6件，瘦底肉質差，out！而食到最後一刻，都係冇上到生果盤。至於服務質素就可以用「屎淋尿瀨」形容，out！如果大家聽完以上介紹，都係堅持要去西貢全記海鮮食2人海鮮套餐，向全記老闆課金636蚊智商稅的話。我真係要考慮一下借錢起西貢開返間一模一樣既食店，一定冇得輸！

位於西貢海傍街嘅全記海鮮，有大量戶外座位對住海邊，又有大大張banner寫住米芝蓮推介，即刻被吸引咗埋嚟食個海鮮餐叫咗個二人餐，四道菜式送埋油菜生果，喺西貢咁多海鮮餐廳中唔係最平，但就好多款式選擇🔸芝士龍蝦伊麵芝士汁好濃，撈埋伊麵食真係一絕🤤龍蝦肉唔係好多，但就夠晒二人份🔸豉椒炒蜆好夠鑊氣好濃味，蜆肉大大隻無乜沙，好好食！🔸椒鹽墨魚調味都算OK，不過唔夠香脆，應該整好擺咗好耐🔸碧綠泡蝦球呢一道菜就稍為失色啦，蝦球份量都夠食，但對比另外三道菜就比較普通淡口

鍾意嚟呢度，因為open area, 今日晏咗少少嚟，已經排晒隊做安心出行，好彩都坐到open area, 室內就唔建議，都係冇乜特別，食呢度真係要睇埋環境填飽個肚一陣間就出返行山，呢度有得食又有好多嘢睇

多年冇吃全記，看見套餐唔貴就試下，點知就中伏，雖然我都有幫襯開全記茶餐廳。其實個套餐份量小都預咗，但估不到味道比市區酒樓還要差，多年的聲譽是浪得虛名嗎？全套餐得碟龍蝦好味，其他幾碟真是得啖笑，我都可以整得好吃過佢。芝士焗龍蝦，整體味道不錯，雖然賣相差及料是斬頭斬尾，有四嚿肉算唔錯。薑蔥炒蟹，味道非常一般，真係食唔到薑蔥嘅味道，本身隻蟹都麻麻地，但薑蔥都冇味咁點會叫薑蔥炒蟹。 椒鹽魷魚，呢碟應該係預先整定，冇可能呢碟唔脆口及魷魚又淋。

喺西貢海旁飲茶，真係幾舒服嘅，最近人流唔多，喺呢度飲茶都唔會有好擠擁唔衛生嘅感覺，亦都有個機會好好望吓陽光，提升正能量。呢度飲茶呢，當然都要做足晒所有安心出行啦，查針卡嘅功夫。樓面姐姐，亦都好有禮貌，好有耐性咁提食客去做好安心出行同埋查針卡，呢度要加一加分。而點心，可以去中間嘅車仔檔自己去選擇，都有各色各類嘅點心，都齊全嘅，枱面亦都會有點心紙，俾大家去落單。經過”詳細”研究，可惜呢度個小點應該係得一款，就係牛柏葉，真係百物騰貴，如果有其他嘅小點請大家分享一下特別提一提嘅係，佢象徵式收茶錢，我星期六去食，一大朝早，7:30左右啦，收一蚊茶錢一個食完一個咁開心嘅早茶之後，真係充滿力量，去挑戰西貢嘅遠足路線。

一行三人經過西貢全記 見到高朋滿座 侍應力推套歺 三佰五十幾蚊一位 連加一。可選五度海鮮。見係米芝連推介食店 ，點知出事 。我們點咗芝士龍蝦伊面 椒鹽賴尿蝦 椒鹽墨魚 蒜蓉粉絲蒸扇貝 薑䓤炒蟹 第一度龍蝦因加＄每人有半邊 但冇龍蝦腳 完全唔熱 。賴尿蝦斬件上 肉係霉 併埋得兩隻 以為上錯餐 於是問侍應三人餐不是三隻嗎 ？對方回應是餐上不是跟人頭上。但價錢是跟人頭收 真係百思不得其解 。蒸扇貝殼係大，但肉極細 都唔緊要 奇在肉與殼完全分離 冇群邊 肉充滿雪味。不禁懷疑用咗上一手客人食過嘅殼再舖雪藏肉當新鮮賣。炒蟹肉係霉。但蟹蓋完全沒丁點膏肉黏連 非常乾淨 （與平時食過嘅炒蟹蓋不一樣），似用上一手客人嘅蟹蓋重用。墨魚尚算正常。明白食店要賺錢 ，大不了將自選五度菜改為三度菜。好過用那渣手段欺客 打爛招牌 。

喂食Niki去搵好嘢食😋今日主要入西貢係想食阿拉斯加長腳蟹🦀因為兩個人食所以想揀隻最細嘅師傅話呢隻係最細，同埋見佢係最生猛，所以我地就揀咗佢啦😋阿拉斯加長腳蟹（$1500+$200加工費）侍應問我哋想點整介紹我哋主要有兩種食法：-1）清蒸2）蟹身可以用薑蔥炒，另外蟹腳可以用花雕酒浸我地最尾揀咗清蒸因為想食最原始嘅鮮味上菜嘅時候會比埋醋我哋我覺得點咗醋之後酸酸地，同埋提高到個鮮味，開胃之餘又好食，都唔錯喎個蟹腳啖啖肉，好好食呀👍🏻

今日我地4人黎到西貢經過諗住順便食個海鮮，見到全記啲套餐258一人唔算貴就入左黎食。（可以選5個送）套餐本來就預左唔會係咩好野，但係新鮮，煮得好食就得啦。點知…. 啲海鮮其實新鮮程度勉強可以接受（話曬都係套餐，唔可以要求太多啦）不過份量極少，煮得難食。個炒蜆「傑塔塔」成pet咩咁。好彩唔係自己簡海鮮比佢煮，唔係應該激死！整體黎講，258一位都唔值。下次會試試隔離左右。

去完鹽田梓，都差唔多要食晚餐，黎西貢當然要食海鮮啦但都知道會貴架啦，揀左呢間米之蓮餐廳，叫左個二人海鮮餐，揀4個餸，送時菜同紅豆沙豉椒炒蜆，豉椒味道好濃郁，色澤都好靚，但蜆肉真係好細粒，炒到搵唔到咁濟椒鹽鮑魚好嫩，但近乎無椒鹽味，椒鹽賴尿蝦係大隻，肉質唔梅，好味，最後係最好食既粉絲蒸扇貝，好夠蒜味，帶子好彈牙海鮮都OK，但同出面海鮮酒家差唔多，但呢到就食環境啦呢到西貢唔食海鮮就對唔住自己啦，下次搵第2間試試

星期日去西貢行山，最近天氣真好，行完山個人叉足電，之後當然返西貢市中心食下海鮮。成條海鮮街行咗轉，最後選擇呢間米芝蓮海鮮餐廳食晚餐。叫咗二人餐食，可以揀四個餸，另外有一碟油菜。質素其實麻麻哋，薑蔥炒蟹冇乜肉，龍蝦伊麵不過不失，碧綠蝦球都普普通通，鮑魚就正常嘅。兩個人連埋加一$600埋單，飽就飽嘅，但係質素好一般。星期日夜晚六點幾都算易搵位，一去到即刻有位，環境都算衛生，枱同枱之間都有一定距離，職員服務態度都OK。

(English review below)西貢的萬聖節晚上，還未到6點，四處都是（扮鬼的）人（同狗勾~），好多餐廳都已經擠滿人。我跟朋友在海邊見到連這間霸王（這裏大部分海鮮酒家都屬於這個集團），朋友打趣地說:「唓~都唔知係唔係掛住米芝連個牌呃游客嘅，哈哈。」。不過我們見這裡都快滿座，就決定進去，費事碰運氣到其他餐廳排隊。酒樓安排我們的位置剛好是在室外的大魚缸旁邊。魚缸內有超大條的魚，目測至少都有一米長，非常吸睛，很多比魚還小的小朋友都前來拍照（所以我很旺丁~）。其實魚缸都幾壯觀，半圓的設計讓大魚顯得更大條，我坐在旁邊覺得自己身處海洋公園，不過這個海洋公園的大魚比較可憐，都沒什麽空間可以活動，有點幽閉恐懼。不知道這麽大條的魚會在什麽情況才會上檯成爲食物呢？這裏有傳統酒樓的味道，加上是在海邊，環境不算乾淨，回收碗碟的手推車都放到門前，不過整體都尚算企理。不少人都是出海水上活動完才過來的，都不會怎麽介意濕漉漉的地面吧，未天黑就已經燈光火著，不用期望有海邊的浪漫氣氛了。我們入座後已經差不多爆滿，有很多人排隊很久也等不到位置。酒樓服務大家應該不會有期望吧，加上人多，一開始就預左這餐會吃得趕。菜

食佢個2人套餐，見到有蒜泥粉絲蒜元貝，點知一嚟到，個殼超大，粒肉勁細，而且元貝肉有雪味，粒肉同個殼係一上碟已經完全分離，因為我都經常食元貝，無論係北海道定韓國貨，我一食一望就望得出，結果我懷疑係急凍貨，因為佢無群邊，正常新鮮元貝，邊有可能會宰走個群邊？之後就到龍蝦伊麵，職員問我加唔加50蚊轉南澳洲龍蝦，我問佢唔加50蚊係咪姐係波士頓龍蝦，佢話係，我就叫做波龍點知碟龍蝦嚟到，我發現點解無左龍蝦鉗，就問下個職員，職員話因為餐單無講明係原隻，所以佢地拎左個龍蝦鉗去做其他餸菜其他菜色都係非常非常非常差，我真係忍無可忍先至打呢篇食評，如果有緣分嘅網友睇到呢一刻仲睇緊，咁恭喜你，希望我可以救得一個得一個

好少寫食評，但係今次真係唔寫唔得，唔想見到其他人被欺騙一心去西貢開開心心行吓食海鮮，見到呢間話連續十幾年米芝蓮就試吓，點知食到一肚火二人套餐可選4款海鮮或小菜，另有油菜，生果或糖水 ～ $516兩位白灼蝦 ～ 唔新鮮，有部分蝦殼淋或已甩。芝士龍蝦伊麵 ～ 份量少，只得3小件龍蝦有肉，其他係頭尾殼冇肉。蒜蓉粉絲蒸鮮元貝兩隻 ～ 呢個最最最離譜，只係用雪藏元貝放在元貝殼上面蒸，完全係欺騙！花雕蛋白蒸蟹 ～ 呢款最正常，雖然係細隻而且蟹鉗已經脫落，不過尚算新鮮，係唯一一樣令我有食緊海鮮嘅感覺。總括而言，呢間嘢絕對唔會再幫襯

全記(香港米芝蓮推薦美食)位置西貢，個位置好方便，就係西貢碼頭近海旁邊，基本上去親每次都會經過，佢地有好多唔同種類即海鮮提供。但一定要講既最抵食係佢既龍蝦鮑魚全包套餐，我地一共食左椒鹽鮑魚，芝士龍蝦伊麵，豉汁炒蜆，蒜蓉粉絲蒸元貝。個套餐有平有貴，最平都係二百幾一個人，我呢餐再加左其他野就大約三百左右，以咁環境位置同水準真係好唔錯。食得出佢海鮮新鮮，同烹飪時間恰當。每次都唔會令我失望🤩去西貢諗唔到食咩食佢實唔會出錯。

入西貢唔食海鮮就浪費，行過全記見佢好多客，咁就入去試吓啦！雖然只係1人前，冇礙興緻行去魚缸揀海鮮煮幾個餸😄椒鹽鮑魚個人好少食椒鹽餸，但出街食當然點啲自己唔會係屋企煮嘅餸，所以叫椒鹽鮑魚。鮑魚一啲都唔老仲有椒鹽香口感，用可樂送呢碟餸好正！紅燒豆腐話係家常菜，但我自己從來未試過煮紅燒豆腐。呢碟豆腐用紅燒，味覺上清楚分開到椒鹽、蒜蓉蒸嘅味道，唔會濃咗但亦唔會淡口。蒜蓉粉絲蒸聖子4隻超大聖子蒸得啱啱好，配蒜蓉粉絲蒸，食到聖子鮮味之餘，粉絲又吸住啲汁，1個人食晒4隻好夠喉！樣樣都好似幾好食，但點解係不過不失嘅海鮮酒家呢？🧐 重 點 係 碟 碟 送 到 我 枱 都 只 係 暖 暖 地 嘅！！我有嘗試過同服務員講，個個都好似好忙咁，叫極都冇人應，我又肚餓，唯有食囉！我都見到隔離枱有同樣問題，叫咗好耐先至有服務員睬佢，到我食完走啦，佢果碟餸都未喺廚房返出嚟。