116
47
49
電話號碼
27926938
開飯介紹
多款海鮮靚菜日日新鮮出爐，喜歡食蟹的這裡有海膽重皮蟹粥，重皮蟹膏多，用來煲粥非常甜美；另有蛋白薑蒸石蟹，製法新鮮，非常滑口。
繼續閱讀
營業時間
今日營業
07:00 - 23:00
招牌菜
食家推介
西貢係香港人悠閒後花園，吃海鮮巳似乎別無他選，特別海傍一帶，好似全記海鲜酒家，對正海景，原來重有點心可以吃，又可以多一個選擇，點心水準亦唔差，即叫即蒸，款式也不少，服務員亦好有禮貌，清蒸大海斑，新鮮肉嫩且滑加埋鹹魚蒸肉餅飯就真係绝配當然唔少得新界嫩菜心整體是環境舒適，乾淨，服務好，品質新鮮的
繼續閱讀
小秘書今日放自己一日假 今朝晨早入滘西洲走一轉⛳️🏌🏻♀️ 個肚餓到扁咗（... 我都想😅）落船上到碼頭，突然我好想去飲茶 好想去「全記」食 #薑蔥牛柏葉、#咖哩蒸土魷 🦑 膽固醇萬歲🤣🤣平時同屋企人入西貢，通常都只會去食海鮮，不過其實我欣賞「全記」嘅點心多啲㗎 鐘意佢即叫即蒸、熱辣辣嘅感覺，而且感覺比市區酒樓嘅食物鮮味😋價錢亦唔算貴。兩個人食嘅話，叫啲兩三點心，再加個蒸飯就啱啱好😄
繼續閱讀
幫襯咗呢間全記超過十年，每年嚟三四次，每次都不過不失，但求一家人開開心心食下海鮮就算。過去一年公私都忙，成年冇嚟西貢吃喝玩樂，今日日難得抽到時間嚟西貢，所以都嚟全記食下海鮮，點知今日一役，肯定以後都唔會再嚟！加咗價冇問題，侍應冷口冷面都係等閒事，但食物確實係差咗一截：椒鹽墨魚粉厚但冇味，一啲都唔脆、上湯龍蝦伊麵龍蝦頭頭尾尾大兜亂，帶肉的只有兩小件、椒鹽瀨尿蝦繼續不過不失、元貝冇鮮味只有爽，難得蒜蓉味都冇。今日最趕客係服務，跟餐有菜送，歷年落單侍應都會問要咩菜要點煮，今日侍應甲落單後，我哋發現未揀菜，於是請侍應乙過嚟問：「唔該想問跟餐嘅菜有咩揀？」「菜心通菜西蘭花白菜」「咁要白菜丫！」「要點煮？蒜蓉炒？」「好丫！」侍應乙走開唔夠三分鐘，上菜姐姐上碟灼生菜，我哋話啱啱叫咗碟蒜蓉炒白菜，佢叫咗侍應丙過嚟，侍應丙問都冇問，一句喝過嚟「跟餐係生菜！而家食定唔食！」屋企人同佢講以前有得揀菜，侍應乙都俾我哋揀同話蒜蓉炒，佢再喝多一句「而家你哋食定唔食！」侍應丁過嚟問咩事，我哋同佢講多次成件事，佢俾我哋再揀過同要咩菜，我哋話唔需要，灼生菜ok，之後侍應乙自己走過嚟話唔好意思，話可能自己誤會咗，我話你記得取消個白菜，佢話ok，但最後埋單當然都係冇取消，要收我哋$98炒白菜！平心而論，三百蚊一位食呢啲「海鮮」，附近其實有更多更好嘅選擇，十幾年都喺度食其實只係習慣，但今日侍應丙的一副嘴臉令我哋覺得自己太犯賤，仲差啲以為自己喺度乞梗食，成家都吞唔到呢啖氣，樣樣都冇心機食，一踏出門口已一齊講，「以後都唔要再嚟全記食！」
繼續閱讀
有外籍同事要轉去新的工作地方，離開香港前就想到帶他再來西貢全記吃海鮮，肯定喜歡吧！因為要請客、budget 有限，這裡的個人餐很經濟，每次來、叫3人份可以選5個海鮮、送一個菜，還有甜品，每樣也很美味😋，非常滿足，每次水凖也可維持👍🏻值得推介！
繼續閱讀
兩三個月前由叔叔發起既每月一次聚餐，今次嫲嫲請大家去西貢食海鮮於是一家十五口就一齊入左西貢。今晚叫左好多海鮮，我最愛既芝士龍蝦伊麵底，龍蝦夠多肉，芝士汁夠惹味，夾伊麵食超正椒鹽瀬尿蝦新鮮香囗，肉質彈牙又多膏，真心好食豉汁炒聖子同樣出色，好大隻又惹味，啲汁送飯一流再來係龍躉兩味，炆既夠入味，炒既夠鑊氣，魚肉肉質厚實吾多骨我第二最愛係薑蔥炆蠔，蠔肉夠大隻而且味鮮，啲蔥都炒得好正仲有薑蔥炒蟹同辣酒煮花螺一樣非常好味今餐真係好正，正過去流浮山同布袋澳，雖然價錢相對較貴，但久吾久去一次都係抵既
繼續閱讀