全記海鮮菜館

營業中

休息中

大年初一同屋企人行完山之後去西貢本身想食隔離一間片皮鴨架不過佢初二先開周圍都係人 所以我哋又食呢一間全記啦今次上咗一樓 風景都幾好又寬敞海鮮就食得多 食午市嘅點心都係第一次叫咗好多點心蝦餃燒賣流沙奶黃包牛肉球翠苗餃仲有蝦春卷 每一樣都好足料 好好食奶皇包入邊都真係好流心但係碟蝦腸就爭啲 縮晒水咁仲有個牛肉球都唔算特別好食小食我哋叫咗豆腐 仲有魷魚鬚魷魚鬚真係好好食呀好食到我哋要再叫多碟美中不足係佢賣晒叉燒酥唯有下次再嚟食啦

今晚试了四人套餐 大跌眼镜 首先不便宜 每人298元还要加一 四人也要一千多 可以选五个菜 结果 螃蟹 鲍鱼都无 算了 我忍了 坐下来 点了几样菜 结果蒸鱼也无 是江湖骗子吗 😰难道一千多只能吃点蔬菜 猪肉 💣而且 菜的分量及其少 也就是二人份量 四人吃完 不饱 再去别人家吃第二顿吧 这次经历总结 骗子餐厅 不会再来

近近地入去西貢食野，諗住是但搵間餐廳，不過經過全記見到坐滿晒人，阿姐又話有套餐抵食，我地見價錢又唔貴咪坐低試下。服務其實唔係差既，因為你無理由同酒店比。最緊要都係啲食物。老實講，咁既價錢有哩個質素，個人黎講係好抵既，而且又好食。不過可能係果段時間先有特價餐，夜晚就未必食到咁平。如果撞岩晏晝果啲時間搵野食，可以去試下

近期點心愈來愈失望。今天的炸腐皮卷更不知所謂，外型一碟3件也不相同。請看附圖。希望全記管理層正視。究竟是沒有好師傅，還是因賽馬日。第二，服務質素也要注意。部分員工工作程序沒有跟足標準，只求快捷，沒有留意走捷徑有否影响食物質素。

第一次喺Openrice 寫食評，全因未試過咁俾人搵笨，希望提醒大家，唔好再有人做水魚。三個人食三只鲍魚，三只蟶子，一例花螺，一只墨魚，一只象拔蚌，一個湯，一碟炒飯。海鮮材料$1520，加工費$700-連刺身只係切幾刀都收近$100，炒飯$128，湯$88，兩支啤酒$80，埋單$2600。冇問清楚加工費多少，只怪自己不小心，太天真，但希望以後冇人重蹈覆轍！I am writing this review on OpenRice for the first time only because I feel the need to warn everyone that this restaurant is a total rip-off. The charge for cooking the seafood is incredibly expensive! They even charge almost $100 for making a sashimi dish - there isn’t even cooking involved! Not having been back to

都明白如果唔係service 同 hygiene差到癲，單係講味道此餐廳不止 Michelin star 推介，我個人覺得可上一星甚至二星水平。不過，可惜吖，環境、服務、衛生全部麻麻......但當然 business is business , 單靠味道都有甘多人 甘多年來支持，it is undeniable that this business model is sustainable and successful. 再客觀講，例如炒飯真係好好味，而且唔貴，抵食！但海鮮價錢偏貴。

西貢係香港人悠閒後花園，吃海鮮巳似乎別無他選，特別海傍一帶，好似全記海鲜酒家，對正海景，原來重有點心可以吃，又可以多一個選擇，點心水準亦唔差，即叫即蒸，款式也不少，服務員亦好有禮貌，清蒸大海斑，新鮮肉嫩且滑加埋鹹魚蒸肉餅飯就真係绝配當然唔少得新界嫩菜心整體是環境舒適，乾淨，服務好，品質新鮮的

小秘書今日放自己一日假 今朝晨早入滘西洲走一轉⛳️🏌🏻‍♀️ 個肚餓到扁咗（... 我都想😅）落船上到碼頭，突然我好想去飲茶 好想去「全記」食 #薑蔥牛柏葉、#咖哩蒸土魷 🦑 膽固醇萬歲🤣🤣平時同屋企人入西貢，通常都只會去食海鮮，不過其實我欣賞「全記」嘅點心多啲㗎 鐘意佢即叫即蒸、熱辣辣嘅感覺，而且感覺比市區酒樓嘅食物鮮味😋價錢亦唔算貴。兩個人食嘅話，叫啲兩三點心，再加個蒸飯就啱啱好😄

幫襯咗呢間全記超過十年，每年嚟三四次，每次都不過不失，但求一家人開開心心食下海鮮就算。過去一年公私都忙，成年冇嚟西貢吃喝玩樂，今日日難得抽到時間嚟西貢，所以都嚟全記食下海鮮，點知今日一役，肯定以後都唔會再嚟！加咗價冇問題，侍應冷口冷面都係等閒事，但食物確實係差咗一截：椒鹽墨魚粉厚但冇味，一啲都唔脆、上湯龍蝦伊麵龍蝦頭頭尾尾大兜亂，帶肉的只有兩小件、椒鹽瀨尿蝦繼續不過不失、元貝冇鮮味只有爽，難得蒜蓉味都冇。今日最趕客係服務，跟餐有菜送，歷年落單侍應都會問要咩菜要點煮，今日侍應甲落單後，我哋發現未揀菜，於是請侍應乙過嚟問：「唔該想問跟餐嘅菜有咩揀？」「菜心通菜西蘭花白菜」「咁要白菜丫！」「要點煮？蒜蓉炒？」「好丫！」侍應乙走開唔夠三分鐘，上菜姐姐上碟灼生菜，我哋話啱啱叫咗碟蒜蓉炒白菜，佢叫咗侍應丙過嚟，侍應丙問都冇問，一句喝過嚟「跟餐係生菜！而家食定唔食！」屋企人同佢講以前有得揀菜，侍應乙都俾我哋揀同話蒜蓉炒，佢再喝多一句「而家你哋食定唔食！」侍應丁過嚟問咩事，我哋同佢講多次成件事，佢俾我哋再揀過同要咩菜，我哋話唔需要，灼生菜ok，之後侍應乙自己走過嚟話唔好意思，話可能自己誤會咗，我話你記

有外籍同事要轉去新的工作地方，離開香港前就想到帶他再來西貢全記吃海鮮，肯定喜歡吧！因為要請客、budget 有限，這裡的個人餐很經濟，每次來、叫3人份可以選5個海鮮、送一個菜，還有甜品，每樣也很美味😋，非常滿足，每次水凖也可維持👍🏻值得推介！

兩三個月前由叔叔發起既每月一次聚餐，今次嫲嫲請大家去西貢食海鮮於是一家十五口就一齊入左西貢。今晚叫左好多海鮮，我最愛既芝士龍蝦伊麵底，龍蝦夠多肉，芝士汁夠惹味，夾伊麵食超正椒鹽瀬尿蝦新鮮香囗，肉質彈牙又多膏，真心好食豉汁炒聖子同樣出色，好大隻又惹味，啲汁送飯一流再來係龍躉兩味，炆既夠入味，炒既夠鑊氣，魚肉肉質厚實吾多骨我第二最愛係薑蔥炆蠔，蠔肉夠大隻而且味鮮，啲蔥都炒得好正仲有薑蔥炒蟹同辣酒煮花螺一樣非常好味今餐真係好正，正過去流浮山同布袋澳，雖然價錢相對較貴，但久吾久去一次都係抵既

套歺特惠$264一位，4款菜式，岀來就只有差到不得了的份量，炒蜆大约30隻，但岀來只有10多隻有肉，全是壳，炒岀來一点鑊气都没有(冰的)，薑蔥炒蟹，都是一样，全冰的，鲍鱼2小隻，賴尿蝦1隻，這样就是264一位，但如果自已選海鲜叫，就每道菜要加5元左右的師父炒工费，如果這样叫，可能就有鑊气，套歺已包炒工费，所以就炒成這样，哈哈，這就是米之蓮海鲜酒家，真的不知米之蓮怎評選

平時家中兩老都會去西貢全記飲早茶，最近返香港就同佢地去了2次，第一次服務食物都好好。第二次去食個蝦餃時就明顯蒸過頭，個皮痴住隔離果粒，一夾爛皮,零零碎碎，要用匙羹食，食物如炸蝦卷/春卷/馬拉糕－如以往，也有叫特別d的蜂巢糕，最精彩的係食唔晒d野想要個食物盒打包，見唔到著恤衫D侍，咪問個岩岩食完飯、休息中、著polo tee 既阿姐囉，佢串咀咁話：我地冇食物盒ga wor!---------------------------同佢講多嘥氣，問返著恤衫的侍應，轉頭就有:-)) 

A four-day staycation in Sai Kung with parents in tow demanded an authentic lazy Susan seafood experience. So, we took a table Chuen Kee – one of the seemingly identikit restaurants on the harbour front  and ordered a mountain of prawns, clams, grouper and squid. Now, there are a number of implicit rules you should follow when dining in “lazy Susan” restaurants. Top of that list is never, ever, for pain of death, look into the kitchen. You cannot unsee the sights. There’s usually always an elder

西貢碼頭有多間海鮮餐廳，試過了幾間後，還是會選擇回來「全記」！真心覺得質量是有一定的保證！海鮮套餐以人頭計費，明明是4人套餐，但3人也可挑選，份量按人數而增減！「芝士龍蝦伊麵」龍蝦新鮮啖啖肉，芝士份量多，極香濃！配伊麵食用絕對一流！「椒鹽瀨尿蝦」份量不多額顯矜貴，蝦肉新鮮，口感彈牙，非常惹味！「蒜蓉粉絲蒜扇貝」大大粒元貝，鋪滿蒜蓉，味道惹味香濃，粉絲吸收了元貝的精華，非常味美！「清蒸䱽魚」魚肉嫩滑、鮮甜！「豉椒沙蜆」略嫌蜆肉太小，調味過重，覆蓋了蜆肉原有的鮮甜味。「蒜蓉青菜」味道不差，但略嫌過熟了。最後便是飯後「甜品」，可選水果或紅豆沙！不錯，員工都很熱情有禮！不用多說了，臨近海傍，盡覽海景，當然是美美的了。