全記海鮮菜館

營業中

休息中

心情問題，搞到個人呢排懶咗好多😅 趁住boss呢日出咗去做嘢，#小秘書 一於放自己半日假，入西貢行下輕鬆下🌻 陽光普照嘅星期五，令個人都開心啲。我哋走咗去 #全記 飲茶，無諗過weekdays都咁熱鬧🌻 差唔多兩點，#全記 依然 #座無虛席，不過好彩我哋好快就等到位。每次嚟到，#小秘書 都一定會食佢哋嘅 #牛柏葉 同埋 #魚湯鮮竹卷，愛 #鮮味嘅食物 嘅你哋都一定要試😋 #牛柏葉 同啲 #薑絲 同 #配料 一齊蒸，有一種仲難形容嘅鮮味；而 #鮮竹卷 亦都材料豐富，咬落去啖啖肉、配襯埋啲 #魚湯 一齊入口😋正呀喂！

二人套餐，價錢ok la 特濃芝士焗龍蝦，芝士味很重，但就唔夠熱辣辣古法椒鹽鮑魚，椒鹽味不重，但鮑魚幾好咬感薑蔥炒蟹冇乜肉食清蒸海上鮮，這條魚就熱辣辣，味道口感不錯😅附送油菜一碟紅豆沙一碗。總括來說食物不夠熱⋯⋯

由近期香港示威遊行次數不少，間接令到港鐵封站停駛的次數亦都增加，逼使部份市民遊客轉往「西貢墟」（不是指「西貢區」）這個未曾經舉辦過示威遊行，亦未曾出現過騷亂的小社區遊覽，間接令到西貢墟食店生意增加。例如阿媽，老豆本來想在早上，於小巴總站旁邊的「全記海鮮菜館」裡面飲早茶。結果阿媽就發現「全記海鮮菜館」裡面擠滿了食客，等了很久也輪候不到檯。最後阿媽被迫選擇，在戶外露天位置飲早茶。不過，西貢墟裡面大部分的海鮮酒家，包括「全記」、「洪X」、「通X」，近年都會有一個習慣，就是會在店外設立露天餐檯餐櫈，方便食客飲茶，而且會在戶外露天位置搭建起帳篷，避免日曬雨淋的情況發生。而且我以前，也曾經在「西沙灣」前酒家食店「海灣食坊」裡面，經常需要在戶外露天的環境下，以及在海景陪伴下享用中茶和點心食品，不過「海灣食坊」的環境沒有風扇，溫度比「全記」熱得多了。我跟老豆、阿媽她們，坐在「全記」的帳篷區裡面的餐櫈上，完全不覺得當時的溫度炎熱，而且有「全記」的巨大風扇對我不斷地吹，令我的暑氣全消。由於今次我在「全記」只是飲早茶的關係，所以不需要太過執著於自己食的食材是什麼，亦不需要食白飯，由得阿媽老豆自己去選擇點心了

屋企人喺西貢郊遊完之後，黎左全記飲茶，食飽見到而家佢地竟然都有賣糯米糍，就買咗兩盒返嚟喇。糯米糍$10一盒，一盒有兩件，只有花生餡。一件其實都唔細，可能係酒樓自家新鮮做，所以佢哋個皮係非常之軟糯煙韌。包嘅呢，就係比較傳統嘅花生餡，花生碎炒得香，都唔錯。而家Ｄ糯米糍出嘅餡款式越來越多，芒果榴槤果Ｄ咁，反而傳統嘅花生餡嘅，可能功夫多，就越來越唔常見。偶爾可以食到嘅，都有啲懷舊嘅感覺。如果行咁岩行開西貢嘅可以一試，當然就唔使特別去幫襯啦，不過買幾盒攞嚟做手信嘅都幾好嘅。

好耐無去西貢，就順便同屋企人嚟飲早茶~之前嚟過一次，覺得味道唔錯，同埋見到呢度相比其他係最多人既一間點左兩盅飯，份量都好足~菜苗餃好味，裡面好多蝦鵪鶉蛋燒賣同牛肉球都好好味。蜂巢糕如果可以配埋三花奶就無得頂啦

7/9/2019 星期六，天晴，係時候吸收一下郊外新鮮空氣，放鬆一下！揸車入西貢，搵地方飲茶。全記 飲茶出名點心新鮮，又有一些傳統點心叫，坐戶外可以望下海景，睇下人來人往活動情景。心情開懷，食得都開心😃

某日同事問我$248價錢可以吃7款海鮮，有沒有興趣去，最後我們連小孩一行十五人嚟到西貢全記海鮮。待應解釋詳情，勤換碟。。特濃芝士焗龍蝦伊麵底 - 是晚最正最多好評的芝士汁。龍蝦肉少，很多都是硬殼，伊麵13人份量來說份量比較少。古法椒鹽鮑魚 - 椒鹽煮法整的鮑魚都沒有太大期望。蒜蓉粉絲蒸元貝- 元貝大大隻，粉絲吸汁，非常彈牙，蒜蓉味濃。椒鹽瀨尿蝦 - 一隻瀨尿蝦一開四，肉質不嫩滑不彈牙， 有膏在裏面， 可是味精太濃。白灼海生蝦 - 賣相不討好，不夠鮮味，分量是足夠的， 蝦不是常見的品種。薑蔥炒蟹 - 三隻空洞洞蟹蓋， 蟹肉多有鮮味。香蒜椒鹽墨魚 - 又係好咸，好碎。$498 原隻燒鵝皇- 果然不是吃燒鵝的地方，同事吃到鴨味，海鮮比較靠譜。沙薑雞腳 - 是我喜歡吃的林身鬆化雞腳， 吮得好好味，有膠質。蒜蓉西蘭花 - 有蒜蓉，但沒蒜味。芡汁杰，花冠軟身花莖很硬。總體都合格，中上， 一分錢一分貨。但$20/枝可樂就貴左啲

好耐冇入西貢，同老公兩個入咗西貢行街順便食飯，西貢地方太多特色美食，當然揀出名食海鮮，薑蔥炒蟹，蟹肉鮮炒得啱啱好😋通菜不過不失，豉椒炒聖子，聖子炒得唔錯好爽不會太咸，其實全記去過好幾次，難得可以保持水準👍🏼，服務態度好好😊，有機會一定再去😀

今日夜晚有時間，就揸咗架車去西貢食海鮮。朋友推介話一定要嚟呢間全記食海鮮，因為足料，而且新鮮。呢個係豉椒炒聖子，聖子嘅肉質鮮嫩，入面完全冇沙，幾好食。我最鍾意食就係呢啲黃金龍蝦，鹹蛋味極重，龍蝦肉厚，夠大隻，又多肉，成碟比我清晒。之後到呢個蒜蓉蒸扇貝，扇貝嘅肉都好大粒，正嘅時間剛剛好，唔會整到個扇貝老晒，同埋啲粉絲出奇地彈牙。最後呢啲清炒西蘭花，真係好清，同啲海鮮對比之下，都可以清下個喉嚨嘅。如果加幾粒鮮尤落去，會更好囉～

大家吃海鮮一般都在鯉魚門附近，但是平價又新鮮的海鮮還是推薦西貢，可以在碼頭坐船去離島悠閒漫步後，回到碼頭，看到有漁船在海旁叫賣，買上一些石斑蝦貝類再找一間口味好環境佳的酒樓加工，同時可以配上店裏當季的新鮮品種。我們選了進口海膽做刺身，海膽肉質飽滿，金黃色的一整條入口，超級爽滑、細膩、鮮美！還有經典的粵菜及炒粉搭配起來吃到飽到走不動路。晚風吹拂，三兩姐妹在碼頭附近的酒吧坐在沙發上對著大海一起飲杯酒，卸下所有疲憊和繁雜的情緒，只想此刻永久停留。

自來日本元貝大大粒，出到黎竟然係普通貨色，南非鮑魚大大隻，蒸完出黎竟然細隻咗，下次再食唔知會唔會變大連鮑？生意已經唔好，呢間野絕對失望，我條海斑，比佢蒸死咗，未食過咁滑嘅海斑變筋肉人，wine list揀酒，竟然有曱甴逃出！隻曱甴重好生猛！星期日晚七點已經開始無人，九點已經可以收工，現場買花甲，細隻已經唔係問題，但唔忍心食佢落肚，價錢已經唔平，加工費亦好貴！現場香港人少之有少，質素重咁差，七月節啱晒，搵鬼黎！

今日同媽咪同女朋友都放假！天時暑熱🔥 又唔想出市區行街，所以我就提議揸車去西貢遊車河食海鮮🦞 本身我地好少入西貢，所以難得假期先入西貢行下。行到過去海旁 街上有很多酒樓職員四處派單張三至四人海鮮餐每位$274(全包價), 可以係表內所列的海鮮小菜任選五款。西貢本身都係做遊客生意 所以都算好抵食 而且仲有油菜和糖水送，不需加一！坐外面座位，吹吹海風，非常有風味。#特濃芝士焗龍蝦伊面 雖然冇一隻份量嘅大龍蝦🦞 但份量都唔算少！而且芝士味果然又濃又香，芝士汁好creamy，但無蓋過咗龍蝦本身嘅味道，龍蝦肉同伊麵都有濃濃芝士味，不過食得多會有啲膩既感覺。#蒜蓉粉絲蒸元貝 元貝大隻鮮甜，仲有好多蒜蓉粉絲鋪係面，蒜蓉粉絲的份量真是超多，醬油都比較多 偏鹹了一點，不過整體味道不錯👍🏻#古法椒鹽鮑魚 好少會將鮑魚椒鹽，尼種煮法我都係第一次食，好有驚喜。椒鹽味道好濃厚，鮑魚外表酥酥脆脆，鮑魚亦非常彈牙，真係好好食！#椒鹽賴尿蝦不知道係咪蝦本身就好細隻，全記的造法是斬開一半去煮，味道好香口而且走油走得好好唔會過分油膩，可惜蝦肉好似縮左水，真的少得可憐，可以唔洗試！

話說同個朋友去左半月灣曬太陽，出返黎朋友想食海鮮，為左唔想做水魚比人劏，所以叫二人套餐就算。二人餐每位$298有四款自選海鮮，加碟菜同甜品，感覺還好。前菜有花生，我都食左好多。為了驚唔夠飽，跟餐要了份特濃芝士焗龍蝦(伊麵底)。芝士汁都算幾香，而且幾好掛麵。龍蝦肉都幾大舊。伊麵入口尚算良好，雖然唔係我鍾意的偏硬口感，但未算太淋身。蒜蓉粉絲蒸扇貝的扇貝唔係痴住個殻，粉絲的量亦唔太多。香蒜椒鹽墨魚真心麻麻地，佢個粉漿雖然唔算太厚，但基本的熱辣辣脆卜卜都唔多做到，係失望的。清蒸海上鮮啫係蒸魚，平時唔多食蒸魚的我，都自動夾黎食。骨唔算多，加上魚肉滑溜，整體都幾好。朋友叫咗一份避風塘炒蟹(兩隻)。螃蟹係餐廳門口旁斷磅秤，加埋二人份的加工錢，呢碟野要二百幾蚊，而且蟹肉唔算多，其實都幾貴下，好彩個蟹炒得都幾香。二人餐仲包左一碟菜，質素中規中矩。最後，叫職員幫手安排糖水。今日的糖水是紅豆莎。煲得比預期好，有果皮香，而且都算煲到沙沙地==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

天時暑熱納悶在家，老公提議開車去西貢遊車河，到埗後見不到太多狗狗, 人就很多。由於天氣實在太熱, 行了一陣已汗流浹背, 街上有很多酒樓職員四處派單張, 老公見到每位$298就叫好抵食, 反正可涼涼冷氣, 飲下茶就去全記坐低。 二人海鮮餐每位$298(全包價), 表內所列的海鮮小菜任選四款。芝士龍蝦伊麵~ 一切正常但龍蝦的鉗卻不翼而飛，侍應解釋說套餐龍蝦是沒有鉗的，我再睇菜單，的確沒有註明是完整龍蝦，只有無奈😓薑蔥炒蟹~ 味道可以，但隻蟹細得可憐，肉質鬆散似不太新鮮😑椒鹽墨魚~ 炸粉太厚，又無味道😟蒜蓉粉絲蒸扇貝~呢個最正常，好味道😋蠔油生菜~ 正常😅知道而家生意難做， 但應該可以做好啲，西貢多做遊客生意，希望香港人一齊努力振興旅遊業。

難得友人駕車請去西貢食飯沒有目標地逛海鮮餐廳見阿姐姐好落力派傳單又拉客姑且揀呢間大大個米芝蓮推介圖二人餐似乎幾抵食此餐可揀四個餸再加油菜但來到後發現份量都幾少椒鹽墨魚同泡蝦球都好一般龍蝦亦比較細但呢個價錢唔可能太高要求吧始終係海鮮餐廳當然要食海鮮鮮元貝唔錯既不過二人餐始終唔夠二人食再額外叫了聖子如果聖子再肥美點就更好總括而言不過不失啦但米芝蓮推介就過譽了