全記海鮮菜館

兩三個月前由叔叔發起既每月一次聚餐，今次嫲嫲請大家去西貢食海鮮於是一家十五口就一齊入左西貢。
今晚叫左好多海鮮，我最愛既芝士龍蝦伊麵底，龍蝦夠多肉，芝士汁夠惹味，夾伊麵食超正

椒鹽瀬尿蝦新鮮香囗，肉質彈牙又多膏，真心好食

豉汁炒聖子同樣出色，好大隻又惹味，啲汁送飯一流

再來係龍躉兩味，炆既夠入味，炒既夠鑊氣，魚肉肉質厚實吾多骨

1

我第二最愛係薑蔥炆蠔，蠔肉夠大隻而且味鮮，啲蔥都炒得好正

仲有薑蔥炒蟹同辣酒煮花螺一樣非常好味

今餐真係好正，正過去流浮山同布袋澳，雖然價錢相對較貴，但久吾久去一次都係抵既