全記海鮮菜館

營業中

休息中

難得友人駕車請去西貢食飯沒有目標地逛海鮮餐廳見阿姐姐好落力派傳單又拉客姑且揀呢間大大個米芝蓮推介圖二人餐似乎幾抵食此餐可揀四個餸再加油菜但來到後發現份量都幾少椒鹽墨魚同泡蝦球都好一般龍蝦亦比較細但呢個價錢唔可能太高要求吧始終係海鮮餐廳當然要食海鮮鮮元貝唔錯既不過二人餐始終唔夠二人食再額外叫了聖子如果聖子再肥美點就更好總括而言不過不失啦但米芝蓮推介就過譽了

是咁的，星期日晚餓底與友人興起入西貢hea。夜晚來到碼頭附近找海鮮食，經過全記，門口的姐姐熱情地介紹二人餐，說海鮮一定新鮮，唔新鮮包換，好，就試下呢間米芝蓮。二人餐有四個海鮮一個菜，再有糖水，盛惠299個大洋，價錢seem reasonable，但，第一碟來的炒蜆，竟然是。凍。的！似是炒完放涼左，叫侍應幫我們換過碟，她沒有理會，叫另一位侍應，仍然不理我們，叫到第三個阿姐，才說幫我們炒返熱，what? are you ok? 炒返熱，啲蜆咪老晒縮晒水？我們堅持要換過碟，阿姐口說ok，不過第二次上枱的蜆，仍然是。不。夠。熱！好明顯是原碟落鑊返炒兩野再拎出來🙄龍蝦，細隻都算，肉仲老到一個點🙄，芝士味就是普通酒樓食到果隻味，無咩特別。扇貝，兩隻，size中等，又是普通酒樓水準，不過碟失。椒鹽墨魚，佢個椒鹽唔係脆既，係一種沙沙地既口感，呢個叫做成個餐最好食既一樣野。白菜仔，碟菜幾好，夠嫩。總結：呢個價錢，咁既水準，我地唔會再來第二次！

難得入西貢玩完一輪，諗住食少少野，所以就揀左黎呢一間到。見到本簿入面寫住2 people set 二人套餐就入左去。最後收左成600埋單 你話呢d貨色298接近300，咪忍下，咩價錢，乜質素。 但成600蚊，你就早講每位，係就5會入去食。我去600幾食燒肉5好？ 仲要態度差咁兇返人！真係專宰遊客！ 得果幾碟野，咪即係成200蚊一碟。d蝦毛魚毛值600蚊，真係！係！好5順條氣！諗起都嬲嬲地未試過嬲到要上黎打食評！真係第一次如果大家想係西貢食野既話，一定5好再係到食，野食少得😴😴😴😴😴😴😴😴😴😴😴😴😴😴

月前,老闆話食個晚飯,揀咗噚(5-7-2019 Fri )晚嚟呢間食,一行12人,我哋 食咗:1. 麻辣鴨舌唔係好感覺到麻,只係辣,都幾辣.味道:3分2. 沙薑雞腳雞腳好多肉,好腍味道:5分3. 齋腰果真係好齋,但口感正常脆唔太鹹,卻又OK.味道:5分4. 長腳蟹身上湯伊麵蟹身肉多,新鮮,伊麵唔會太鹹.不過冇剪到,建議可剪成半條.味道:5分5. 燒鵝一隻一直用火喺下面熱住,皮脆. 味道:5分6. 牡丹蝦刺身大大隻鮮甜. 味道:5分7. 椒鹽瀨尿蝦大隻,啖啖肉,好彩味道都溫和.味道:4分8. 豉椒炒蟶子蟶子大大隻,爽口.味道:4分9. 海鮮湯白色湯,內裡有白菜,味道同我喺屋企飲到嘅魚頭湯一樣.味道:3分10. 西蘭花應該係清炒,正常冇問題.味道:3分11. 陳皮蒸鮑魚Size 啱啱好,又厚身,爽口.味道:4分12. 椒鹽牡丹蝦頭同樣味道都溫和,蝦頭都有好多糕.味道:4分13. 蒜蓉粉絲蒸扇貝同樣係溫和嘅菜.味道:4分14. 象拔蚌刺身感覺有啲鯹.味道:3分15. 花鵰蛋白蒸長腳蟹腳蛋白蒸得滑,蟹肉同樣係鮮甜.味道:4分16. 腐魚通菜?唔太濃味.味道:3分17. 椒鹽象拔蚌頭粉漿唔厚,味

要食海鮮，首選一定是西貢這次同事挑選了全記，話係大件夾抵食，就去睇下係唔係去到發覺不只一間全間，可是當見到門口淋漓滿目的生猛生鮮就知我們已到目的地因為今次好多人，決定唔叫套餐，可以散叫多Ｄ野食簡左超多海鮮＋小菜，滿足唔同人需要１）白灼蝦　４／５分要知道一隻蝦新鮮／出色與否，簡白灼一試便知龍與鳳果然它成為我今晚最喜歡的一道海鮮份量好多又大隻，最緊要係蝦肉鮮甜實用，大家都不理矜持狂搶２）豉椒炒聖子／豉樣炒花甲　２／５分看我這個評分便知個大概，雖然豉椒幾入味，聖子同花甲肉都大隻有咬口可惜肉和甲完全分離，特別是花甲，基本我們都是從碟底去找肉同事打開一隻緊閉的甲，入面竟然是吉的，令人懷疑花甲肉究竟從何而來這２味菜都大打折扣！３）蒜蓉粉絲蒸扇貝　３／５分這道菜是我全晚最期待也最失望的一道菜要我用一句形容的話，我只想到＂妹仔大過主人婆＂這句說話蒜蓉粉絲的份量真是超多，令我這個蒜蓉粉絲迷超興奮可是扇貝卻令人失望，我和同事用盡九牛二虎之力也難以令扇貝肉從甲上取起男士尚可勉強食到８成的肉身，女士們就慘了，基本上入口的只有扇貝肉碎４）椒鹽瀨尿蝦　３／５平時我出外食的都是全隻瀨尿蝦，全記的造法是斬開一半的每人

朋友話嚟西貢想食海鮮, 見呢間幾多人, 就入左去試。通常呢啲餐都好大份,所以我哋揀左個二人餐share食, 加左一隻元貝(二人餐得兩隻元貝, 所以加多左一隻$38)。 我哋揀左特濃芝士焗龍蝦(伊面底), 蒜蓉粉絲蒸鮮元貝, 白灼海螺, 白灼海生蝦。跟餐仲包左碟油菜同果盆~第一次食海螺, 上碟嗰時跟左海鮮醬。但我同朋友都覺得唔蘸會好啲, 蘸左個醬味太濃,會蓋過左海螺本身嘅鮮味。唔蘸會食到有少少海水味同清甜爽口嘅螺肉😋白灼海蝦都好新鮮, 蝦肉鮮甜彈牙😋😋特濃芝士龍蝦伊麵一上菜就聞到好香嘅芝士味, 龍蝦肉都好新鮮, 唔會有霉味, 肉質爽口, 唔會韌😋😋伊面吸收晒芝士同龍蝦嘅精華😋😋蒜蓉粉絲蒸鮮元貝, 蒜蓉好香, 鮮元貝好爽口鮮甜😋😋😋最後仲有一盤橙, 都好甜, 呢餐食得好滿足😋😋

是日假期去左食海鮮，呢間海鮮平時我地都會去，去到男友屋企人就選海鮮，我就等食🤗有龍蝦、 瀨尿蝦、 老鼠斑（無記錯應該係😅） 白灼蝦、 東風螺選完之後會比個no. 我地，然後等侍應幫我地叫做法既，龍蝦（選左蒜蓉蒸😑，其實我一聽到選蒜蓉，我係O左咀，蒜蓉d咁重味既野放係個龍蝦到，浪費了... 不過大家都話覺得想食蒜蓉🙈）， 瀨尿蝦就椒鹽，斑就一定係蒸啦，白灼蝦同 東風螺咁次次食左先記得影相，不過算啦！講返d海鮮❤️最先黎當然係白灼蝦同東風螺，海蝦黎好新鮮好爽口同甜，新鮮海鮮白灼係最佳煮法之一，再黎龍蝦個龍蝦係好新鮮，肉夠厚夠爽甜，不過選錯煮法，仲要係澳龍（如果冇睇錯😅），不過配蒜蓉證實在太九唔搭八啦，所以我只食左一舊， 之後就老鼠斑啦， 但係條老鼠斑呢就覺得魚味唔夠🤔可能本身呢種魚係咁既味，不過蒸得岩岩好，近骨有小小小生，而最後個椒鹽瀨尿蝦呢就好正，有糕既😍😍😍勁開心，味道又好食。整體服務同野食都ok ，就唔洗望會食得平，食海鮮一定係食質素既

今日是母親節正日，首先祝各位母親節快樂🎉昨天提前為母親慶祝母親節，選擇了西貢全記，我們一行五個大人，一位四歲小朋友。預訂了七點。由於怕當日塞車，所以提前六點開車到達上址，想把蛋糕先放酒樓，然後行一陣但服務員好像有點不耐煩。當日海鮮選購了一隻兩斤龍蝦（$1000連加工），五隻鮑魚（$400連加工），兩隻賴尿蝦（$400連加工不建議），小菜選購了：豆腐，生炒骨，通菜，埋單$2400，價錢尚可接受，但份量就小一些，服務態度一般（可能母親節太忙）！

今晚和家人到西貢食海鮮，由巴士總站沿住海傍向舊墟方向行，沿途有好多海鮮酒家，行了幾間，覺得這間環境不錯，可坐外面座位，吹吹海風，非常有風味。我們選了四人共聚餐，可以選5款主食，仲有油菜和糖水送，只需$278/位，不需加一，幾抵食。特濃芝士焗龍蝦伊麵底 芝士味又濃又香，芝士汁好creamy，龍蝦肉及伊麵有濃濃芝士味，感覺很正。古法椒鹽鮑魚 這種煮法還是第一次吃，椒鹽味道好濃厚，鮑魚亦非常彈牙。椒鹽瀨尿蝦 四個人只有兩隻瀨尿蝦，如果一人有一隻當然更好，味道唔錯，只可惜份量少左d。蒜蓉粉絲蒸元貝元貝鮮甜，仲有我最愛的蒜蓉粉絲鋪係面。薑蔥炒蟹 薑蔥炒非常香，蟹肉完全炒到入哂味。油菜紅豆沙

好耐無黎西貢食海鮮啦, 印象中都有1-2年, 趁happy Friday, 同朋友黎重溫下先.可能始終都係遊客區, 要保留佢既特色, 周圍環境都無乜改變. 海鮮舖頭都係嗰幾間乜記物記, 今晚就黎左全記.見到menu有個開心4人共聚餐, 我地4個人, 啱啱好, 就叫呢個!雖然係套餐, 但係佢係每位計, 每位$298, 全包, 茶芥都包埋, 唔使加一, 16款海鮮俾你揀5款, 再加油菜, 果盆或糖水, 其實都算抵食, 西貢食海鮮, 4個人, $1200唔使, 算平喇.特濃芝士焗龍蝦 伊麵底, 雖然或者有機會係雜錦龍蝦, 但係都算好味, 同埋伊麵唔會一pat pat咁椒鹽瀨尿蝦, 好乾身, 唔差, 係肉少左D蒜茸粉絲蒸元貝, 好大隻, 蒸得好味, D汁都好正!古法椒鹽鮑魚, 店員推介, 炒得好乾身, 加埋椒鹽好好味, 肉質好爽薑蔥炒蟹, 正常喇, 因我唔太like蟹

#全記海鮮菜館 (西貢)好少入西貢，難得假期入西貢行下。碼頭邊食肆林立。有米之蓮光環既全記最為吸睛。揀左米之蓮超值龍蝦鮑魚全包套餐。最平嗰個都已經好多嘢食同埋可以食到好飽。#椒鹽賴尿蝦 好香口而且走油走得好好唔會過分油膩。必食！#椒鹽鮑魚 好少會將鮑魚椒鹽。第一次食呢個食法，好有驚喜。鮑魚外表酥酥脆脆，內軟彈牙。必食！#白灼海蝦 大隻鮮甜。必食！#蒜蓉粉絲蒸元貝 醬油比較多 偏鹹了一點#特濃芝士焗龍蝦伊面 芝士味果然好濃但有啲蓋過咗龍蝦本身嘅味道，而且有啲膩既感覺。總結嚟講，去到西貢一定要試下全記。但缺點係成日都爆場，有時嘢食會等得都好耐下。

又一年既開年飯黎呢度食. 我地揀左4688 套餐. 因為有瀨尿蝦呀!!!我地13個, 鮑魚同元貝加人頭, 其他SHARE都冇問題~先黎呢個芝士焗龍蝦, 肉同殼冇分離, 亦都好好肉地, 唔會話成碟得D 殼係度.  椒鹽豆腐. 正好香口又熱辣辣. 重有20粒, 可以ENCORE唔怕打交.碧綠泡蝦球. 呢個普通, D 蝦中SIZE, 唔算話好大粒.蒸扇貝, 呢個好大粒好厚肉...正正正~蒸鮑魚, 已清走唔食得既腸同內臟, 肉同殼已起, 究竟D 殼會唔會重用GA呢?! XDD蒸石斑, 夠大條, 唔多LIKE 魚既我, 今次都有食少少既.喂呀..等左好耐既主角呀,.,,終於出場喇...椒鹽瀨尿蝦呀. 一開三, 應該一開2就夠, 一開三個頭其實冇乜肉食.D 肉好肥美, 好大只...正呀!!!跟餐既菜啦...最後另一主角出場, 避風塘炒蟹, 夠哂惹味, 大大份.勁多糕好誇張!! 但其實食到呢度大家都飽到咁上下了..呢個真係只可試少少...最後黎埋個炒飯, 羅D 避風塘脆脆料去撈飯...一流呀!XDDD重有個多豆好蓉既紅豆沙作結~ 呢餐開年飯好圓滿.以前新年黎過, 個時受過氣, 今次黎有改進~

真的超級敵正！第次來西貢吃海，體驗直接在漁船買新海，加工時毫猶豫地選全記，事實證明沒有選錯。芝士龍蝦和避風塘瀨尿蝦巨贊，芝士做得是般地好吃，避風塘辣得黎好惹味，其他地方來未吃過甘正！買2隻小龍蝦，瀨尿蝦，6隻大元，2隻紅蟹，用850港幣，全記加工費和點飲料400多d，還送糖水，服務態度流。美好的天，以後必須還要再來！

話說今日去西貢 去完橋咀島 返出嚟已經五點鐘已經好肚餓 上次晏晝嚟食過全記嘅lunch覺得唔錯今次就諗住再返兜真係好後悔揀咗呢間比佢既二人餐呃左入黎個餐我哋叫咗椒鹽賴尿蝦 白灼海蝦 椒鹽豆腐 同埋豉椒炒蜆 個餐仲有送唐生菜 同糖水 每人收費298 個白灼蝦又細粒仲要係死蝦 一睇就知唔新鮮本人一向好鍾意食賴尿蝦 任何煮法既賴尿蝦都鍾意食但呢個真係搞唔掂 都係好似擺左好耐咁個殼軟淋淋 同啲肉又痴埋一齊炒蜆又有沙 得個豆腐最好食 之前試過一班人黎食海鮮都唔係咁差可能食二人餐先係咁唔會再有下次 我寧願食第間細鋪 雖然其他細鋪無咁靚 無咁多人幫襯 但起碼啲野食對得住個價錢

AUNTIE由大不烈顛回港過年, 當然要去西貢食新鮮海鮮啦. 一行又十人, 好彩有代客泊車, 唔使煩等車位.我都係第一次去全記, 因為佢有套餐, 睇個價錢, 又幾化算喎, 唔使變水魚. 套餐有指定菜式, 無聖子在內. 新年期間更加無"套餐瀨尿蝦", 每人加100就可以轉大隻瀨尿蝦喎. 咁又唔係我地原意啦. 1) 雞腳: 浸得太耐, 啲皮散散地.  但入味. 一試無況.2) 椒鹽鮑魚: 我覺得似KFC炸法, 一樣脆卜卜, 肉嫩可口. 推介3) 龍蝦伊麵: 選了上湯, 怕芝士凍左一舊舊. 不過唔夠味, 伊麵唔夠十人份量.  一般般. 4) 炒蟹: 碎碎的, 細細粒的, 蟹蓋扑碎...... 好彩啲肉唔算霉, 但唔會ENCORE咯.5) 䱽魚兩條: 最抵食.  無過火, 肉滑. 最快清碟.6) 粉絲扇貝: 必食, 粒粒扇貝都夠份取, 蒜粒多夠惹味, 食飯一流.7) 無瀨尿蝦底下選擇的白灼蝦: 隻隻都夠大, 又彈牙,又大碟, 抵呀. 不過我地都係想食瀨尿蝦多啲咯8) 豉椒炒蜆: 唔多想講, 唔叫唔係損失.9) 恰生菜叫幾個靚仔同一支啤酒, 埋單每人$320. 其實係抵食, 星期日仲要係新年檔期