元洲牛肉麵 (青華閣) (已結業)

黃店超推這間牛肉麵，已經黎過好多次！真的太太太美味了！推！推！推！一來再來，回味無窮人流好多，大家都知係好野飲品可自取，奶茶香滑但我覺得甜了點紅油餃子皇五大隻賣相吸引！第一次食皮薄內餡足料，好香微辣！好過癮（招牌牛筋牛肉湯幼麵）好大碗好吸引！牛筋香軟又大件，入味；必點麻辣，惹味都不得了牛肉好大件好香口，幼麵是拉麵，彈牙份量不少（招牌牛肉麵）這個還是最好食，入味又厚身又香軟口感，一碗有3塊，好抵食又美味多麼的厚身湯底唔咸又配有白菜，好味道！必試之選

今晚太感動，po碗台灣麵慶祝下！老實呢間係暫時響香港食過數一數二嘅台式牛肉麵，仲要42蚊有交易！但居然咁多空凳，說好的人龍呢？😭—————————————————🔹招牌元州牛肉麵($42)🔹牛筋牛肉乾拌麵 ($65)🔹玄米茶 ($10) | 油菜 ($22).我地一路食，同隔離枱一齊話點解可以咁淋，三舊牛展大大碌，每舊有5cm咁厚😂肥瘦相間得啱啱好，超有牛味仲要完全唔痴牙，完全感受到自己吮盡隻牛嘅日月精華～牛展會痴住啲晶瑩剔透牛筋，一部分有膠質，一部分尚彈牙有咬口，正到呢！隔離男人即刻叫老婆研究點滷，笑死😂.單叫嘅牛筋會比痴住牛𦟌嘅更淋更軟身，少咗彈牙個種口感，各有所好啦！不得不提個麵底，勁撚好食，好煙韌嗚嗚！不過覺得個牛肉湯底反而比較遜色，鹹得來有點頸渴，無牛肉湯應有嘅層次，如果連呢個都進步埋，相信可以爆分😽.拌麵就略嫌太少醬無乜味，嗌翻湯麵穩陣好多！.🤙🏻:建議細食朋友叫少麵，因為個三舊肉真係好撚飽，食到最後有啲漏，嗌42蚊嗰個已經好正㗎喇💛..✨ 元洲牛肉麵 ✨📍 長沙灣元州街498號青華閣地下I號舖⏰ 1100-2000| Weekend -2100 | 星期一休息.

本身已經好鍾意食蔥油 凍凍地 加埋少少麻辣 真係無得頂 雞肉又好嫩口  值得食！另外個牛肉飯 估唔到咁既價錢 牛肉可以咁厚肉亦都好入味！ 不過我覺得嗌番牛肉麵應該會夾d～

首先上的是山椒炸雞，$35山椒就係面個幾點椒😅😅咬開中間， 粉好厚， 雞好肥， 但肉算嫩， 但無咩味 然後一碗麻辣招牌牛肉粗麵$46同之前睇到嘅評語一樣， 啲牛肉好大件， 仲有3 -4 件， 以46蚊來說， 抵。不過略嫌牛肉太肥， 太淋🥱但個麻辣湯底幾正， 有麻味， 夠辣，又唔會太油第二碗 原味牛筋台灣粗麵同牛肉麵一樣， 啲牛筋好件， 仲有4 件， 45 蚊，係好抵呢個牛筋有齊兩隻口感第一隻係我鍾意個種口感，有少少黏牙， q 彈， 少少脆口第二隻係好淋身， 入口即化， 個人不太喜歡佢啲牛筋鹵得唔均勻， 有啲無咩味， 有啲就好入味🤔至於個湯底就不錯， 唔會好油膩， 係咸左少少🤏Btw 位置好窄， 坐得不太舒服😝

今日同男朋友來食，地方不算大，但乾淨簡單的設計，平凡中令客人食得更自在，小食及飲品可在雪櫃中自取。這間主力出名牛肉，我點了一個招牌牛肉麵，要了粗麵（台灣麵），而男朋友就點了去骨花雕雞脾湯麵：幼麵（拉麵），本身想點一個炸餃子皇，可惜售完。招牌牛肉粗麵（少辣）香噴噴送上，好快送到；份量剛好，3塊牛展肉大大塊又厚身又軟腍又入味；有一條爽脆白菜仔；粗麵是台灣麵，有口感又唔會太硬身，煙韌美味；去骨花雕雞脾幼麵去骨花雕雞脾好香滑唔肥，入味香酒味；幼麵是拉麵，軟身掛湯！好有水準的牛肉麵，值得推介香港人小店

#支持良心餐廳招牌元洲牛肉麵 $40 （星期六日另收加一）性價比超級高嘅牛肉麵三大舊超厚身牛𦟌！雖然未去到話好淋 但都幾有牛味仲有咁大舊真係比佢嚇親😂麵揀左粗麵 都有少少咬口 唔會係淋哂嗰種總之CP值超級高！

3pm, 午膳時間已過，來到荔枝角，還未吃飯，隨便在地圖上找間小店，也沒閒暇看看食評比較一下，便進店坐下來。小店有十多個坐位，這個時間還有大約8位客人，我坐在一位男生對面搭枱。小店名字叫「元洲牛肉麵」，第一次幫襯，當然要試試牛肉麵！一碗牛肉麵的價錢是40蚊，加辣貴一點點，要埋牛筋貴一點點，各種類食物都好抵食！（全日都是這個價錢）牛肉麵很快便來了！份量不少啊，幾塊厚厚的牛肉，怎可能是40蚊一碗麵的價錢。坐對面的男生點了葱油雞髀麵，雞脾看來很好吃！急不及待，吃了一口牛肉，太好味喇！雖然牛肉很厚，但很軟淋，非常高質素！麵的質感也很好，軟硬適中。很喜歡這碗元洲牛肉麵！已約定老公，下次一起來，要他試試牛肉麵，也要一齊吃葱油雞髀！

每個下午最困擾就是要想午餐吃甚麼，剛好公司附近的「元洲牛肉麵」最近很火紅，我們竟然未試過，當然要組隊一試！不過店內位置有限，我們人數太多，只好分開坐。.去骨麻辣雞脾麵 $48微辣惹味的湯底，煙韌幼滑的幼麵條，及嫩滑香口的無骨雞腿肉，整碗麵齒頰留香，食完還想食的感覺第一次光顧，本來應該試試他們的「招牌元洲牛肉麵」，但被他們的「無骨雞腿」吸引了眼球，不過同行朋友給我試了一口牛肉及牛筋，非常入味、嫩滑易入口！

從前我極少乘巴士，嫌它時間長、路面情況難預料，但近日生活習慣改變，慢慢開始懂得它的美，有時能放慢腳步欣賞沿途風景，亦是另一番滋味。 是日繼續努力將黃色經濟圈融入生活，來到長沙灣一間小店。小店以前是賣漢堡的，今年年中才轉做牛肉麵；地方小小，檯凳排得密，能容納二十人左右。 招牌元洲牛肉麵$40 用藍白碗盛上感覺精緻吸引，湯底帶藥材香，三大件牛𦟌肉味濃、肉質鬆軟不痴牙，粗麵滑身微韌，份量多又熱辣辣，無期望底下確是驚喜。 平日出去食牛肉麵最基本普通的都要五六十塊，這裡平一大截之餘還要用心高質，值得支持。

Lunch揾飯食，聽識食同事食過話好好味，所以都試下！舖面唔算大，不過lunch食飯最緊要快靚正！去到岩岩有人食完，即入啦一叫左個招牌牛肉麵，一上檯，嘩！不得了？我以為得幾片牛肉，點知係三大舊牛肉，好夠淋好入味，帶有小小牛筋，非常好食！麵底有得揀粗幼，我要左粗，好彈有咬口！到湯底，有淡淡牛肉味，唔係死咸死落鹽果隻，我都飲左唔小！坐坐下有人走老闆娘仲問我地要唔要調位坐得舒服啲，明明舖細又係lunch time，服務超好！又多一間飯堂了！

難得同某君一齊係星期一放假😍，當然唔好放過佢，要去吃喝玩樂啦，今日我地揀咗間小店試下，其實我之前已拜訪過一次，不過就已售罄食唔到，今日終於一償心願，睇下係咪咁掂😌招牌元州牛肉麵 $40>牛肉大大舊，仲要有三舊，感覺好抵食>湯底藥材味濃，真材實料>牛肉入口即溶又入味，高質>麵質又滑又煙韌彈牙>食到尾都仲熱辣辣，正呀==================推介指數 🌕🌕🌕🌕🌗花雕酸菜牛筋牛肉麵 $65>個樣好靚仔，精神>湯底好香花雕味，藥材味亦好濃>酸菜微辣醒胃但略嫌不夠酸>牛肉勁腍兼入味，好味>牛筋都係好腍好入味，不過個人就比較喜歡有少少彈牙嘅筋>麵質比較腍，但好滑>成碗麵無想像中咁熱==================推介指數 🌕🌕🌕🌕🌘兩碗麵都好出色，仲要唔貴，如果真係要揀，個人比較喜歡招牌元州牛肉麵，因唔知點解啲質比較彈牙，仲要比另一碗熱好多，好啱我心水😍 走個時已急不及待咁同某君研究定下次試咩好呢😛

網上見到有人推薦，所以星期日下晝去試下，去到都有d人，需要等下位。入左去之後見到雪櫃有自家製玄米綠茶，奶茶同埋桃子汁紅茶，都好健康，同埋自家製都可以放心飲。另外仲有涼拌小菜，應該每日款式都唔一樣。食完感覺真心食物質素好好，嗌左碗招牌元洲牛肉麵，豬肉餃同麻辣牛肉牛筋麵，d牛肉牛筋又大又入味，湯底都好重牛味，餃子都係自己包，皮薄餡靚，連麻辣湯都少有夠香夠麻！香港第一次食到咁高汁又唔貴既牛肉麵！重點係價錢都唔貴，埋單都唔洗150蚊，性價比高！！

從漢堡店轉營牛肉麵的餐廳 有意想不到的驚喜！半筋半肉牛肉麵 超大塊和超厚的牛肉和牛筋 然後都軟稔又入味 超級好吃 台灣的牛肉麵的牛肉都沒那麼厚呢 一塊大概可以切三四片出來 湯底是用牛骨煮8小時的 濃濃的味道 😛我的蔥油雞腿相對就比較平淡了 不過去骨的 還是吃得很爽啦 為什麼在香港會有這麼好吃又便宜的牛肉麵呢 某名人開的名店港幣$100 一碗 然後超少料又不太好吃 這家50元左右又多料又好吃是怎麼回事 以為只是網絡上的吹棒 結果真的沒誇張😨

今日路過發現開咗一間新食店，原來專賣牛肉麵等等嘅台式麵類。有少少掛住台灣嘅味道，今日晚餐一於就佢啦。一拉開店門，發現地方唔大，但坐落都幾舒服，無壓迫感。一問之下原來鋪頭唔係易咗手，而係店主想改賣唔同嘅食品，真係勇氣可嘉，就即管試試鋪主嘅手勢如何。食台式野點少得台式飲品 — 奶茶呢，樽仔奶茶雖然唔係即沖即飲，但非常香滑，茶味夠，又唔太甜，好合我口味。今日我重口味少少，嗌咗牛筋牛肉炸醬拌麵，作為咀嚼控，必點粗麵，麵條順滑有𡁻頭，炸醬同麵條比例啱啱好，唔會過鹹，牛肉夠淋好入味，牛筋入味得黎夠彈牙，好食！今日墨魚餅賣曬😭想食炸野，唯有食雞翼啦，最後嗌咗芝麻雞翼，佢係成隻連雞翼尖，無包任何粉去炸，外皮芝麻好香，食落酥脆唔油膩，鍾意雞翼嘅話呢道好推薦。食物品質好，價錢ok，下次會再黎幫襯。

我曾經在附近上班，可惜這小店開的時候，我已經離開了，沒想到多年之後，機緣巧合下，我竟然嚐到一碗如此出色的去骨雞髀麵。小店只有二十多個座位，既然是用牛肉麵作招牌，當然要試，但更令我讚嘆的，是店主極力推介的葱油去骨雞髀麵。雞髀入口嫩滑，沒有雪藏味，配合葱油香味，實在是天作之合。另外，我們還點了牛肉麵和蝦多士。我選了幼麵，本來以為是上海麵那種比較軟的口感，沒想到很有咬口，即使吸了湯，也不會糊掉。此外，特別欣賞牛肉湯的香氣逼人。如果你喜歡小店的誠意之作，這是不能錯過的味道。