元洲牛肉麵 (青華閣) (已結業)

門口張紙寫住3-6pm,幫襯有9$飲品送。我4點40到，一入去冇人，我望一望，有個職員瞓係幾張凳到，起身話落左場，然後去熄燈。原本以為啲小店做生意應該好啲，主動啲，點知原來係中意幾時開就開，瞓就瞓。

幸好店員幫助, 讓前一枱客稍移玉步, 讓我一大兩小就座.  店子細小, 但坐位依然不覺得逼.  店員殷勤有禮, 介紹不同食物飲品外.  可能是新開, 學生有飲品送, 結果送了兩杯分別$14的凍飲.  (幼稚園學生都計!)麻辣牛筋牛腩麵不太油, 牛筋大條, 牛腩夠厚, 份量多, 又入味. 麻辣有大辣有小辣, 選了小辣剛剛好.  麵的份量也夠多.去骨蔥油雞脾麵, 面頭有不少炸過蔥油, 香口. 雞脾大件.  另外叫了個加喱角, 因為即炸夠熱夠脆, 所以很好食.一行三人吃得很飽, 特別係個大人.一定會再來.

話說有日經過依間新開既麵店，門口貼左告示返今日D麵賣哂，心諗係咪咁好味呀咁快賣哂？然後第二日專登去試，點知一試便知龍與鳳！一入到餐廳完全無人，係樓面都無一個，嗌多兩聲先有人係廚房出黎，先唔講店員既態度，話哂試業都會體諒。店員就話今日得招牌牛肉麵，咁我一心諗住試牛肉麵當然無問題啦！出餐時間都算快，只係幾分鐘，賣相係正常，牛肉同麵既份量都算多，先試試佢既麵，完全唔係手打，類似現成既日本拉麵，個湯極度味精，食左一啖就好口渴！牛肉就尚算軟腍但無咩牛味，我諗賣哂既原因只係餐廳預既份量少，絕對沒有其他！好在價錢唔貴但肯定有更好既選擇！

lunch time經過呢間新開嘅牛肉麵店見裡面裝修唔錯又人少少就入去一試 估唔到又幾好食😋小店環境都唔錯 裝修明顯有花心思舖面細細地只有4人枱、6人枱各兩張+一張單人枱而店內播放住悠閒嘅爵士樂上班一族聽住d歌食嘢 心情都relax啲起初睇店名以為係台灣牛肉麵睇Menu先知原來mix左日式元素最後叫咗牛筋牛肉麵同凍檸茶落完單好快就上菜牛筋同牛腩份量都幾多牛腩肉質好稔 夠哂入味 牛筋都好好食麵底係粗扁身嘅拉麵 口感爽滑 湯底偏油 雖然味道唔算好香濃 但有淡淡牛肉香原本想試吓自家製樽仔飲品可惜暫時未有 於是叫咗凍檸茶杯身比較細杯同用即棄杯裝檸檬片好厚切 檸味十足總括而言呢度嘅牛肉麵絕對值得推介👍👍一定會再嚟幫襯！