元気寿司 (已搬遷) 新店位置

我自己係九龍灣返工,所以一定經過德福,呢間算係我去得最多既分店,而且佢既壽司真係幾好食..沈晚放工又去左LA,一坐底先叫一個軟殼蟹手卷,軟殼蟹仲係熱&好多沙律醬,跟住食左個元氣卷,其實即係三文魚卷,不過中間有炸魚皮,三文魚同炸魚皮既感覺好MATCH,好正,跟住食埋個日式燉旦,好多料,好大舊蟹柳,好好味..呢間D侍應都幾好SERVICE ,特別係有位四眼既男侍應,佢D SERVICE我覺得好好..一定會繼續支持...

行完街的星期六晚,我地去左元氣食sushi. 餐牌是新的,不過選擇唔多.最好味,一定要吃的就是燒三文魚,油甘魚,波士頓卷...呢幾樣跟板前/和花亭都有得比.燒過的魚魚香味濃郁.好想再食.yummmmmmmm.....

欺騙.....沒有外賣送貨服務就不要刊登出來,打電話想叫外賣送貨,點知服務員話有外賣要自取,沒有任何解釋,如沒有外賣送貨服務就不要刊登出來,凡仲講得咁好聽,買滿190元外賣送貨至指定範圍。

是日大食會的主角就係有女工友去德福買回來的元氣壽司，工頭今天好豪氣買成六百幾銀日本野都面不改容，實屬可嘉﹗除左海膽既味道有少少遜色似唔新鮮之外，所有壽司都新鮮好味，我最愛的當然係小小的三文魚卷，鍾意佢切得夠長多紫菜﹗手卷料足做得不錯，我點的三文魚皮手卷差不多食到最後一啖都仲有料食到﹗抵食﹗

和朋友去SHOPPING之前去食SUSHI,呢度只得元氣,雖然知道呢度的質素都不太好,但都沒辦法.可能沒有抱期望,所以有大大的驚喜.其中的燒三文魚非常非常好味,魚身燒得好香,食落好滑.其他sushi 都大大件,好抵食.

又是心血來潮。很久也沒來德福廣場，這裡大改革了很多。幾間大集團餐廳集中了商場入口的右邊，設計還不錯呢﹗雖然選擇多，但今次目的只有一個~~元氣壽司。哈哈﹗入到門口未坐下已聽到前前後後眾人的'依喇嘛喇些'，曾光顧其他分店未試過好像今次這麼有震撼力﹗頓時以為自己是大人物到訪:b是日也吃了'例牌'款式(即玉子﹑腐皮﹑蟹子軟殼蟹卷...)。全是熟食。這類的壽司外型不討好(比元朗分店還差)，不是爛了就是沒了一部份...或者壽司內的材料又凹又凸，很難要得下手。特別要說的是：蟹柳轉了像蟹腳條的，心大喜之下吃下，怎料蟹腳又乾又散，還是用回普通蟹柳好。(至少不乾...)；相反每件飯也是非常之濕及黏，我喜歡吃軟飯也受不到呢﹗

每次去元氣,都會嘗試它們的新推介,但今次就比較例外,今期對它們推廣介的元氣月餅及H跾gen-Dazs脆杏仁朱古力條實在提不起興趣。好了!然歸正轉,平均每月我都會幫陣元氣1-2次,每次都必叫它們的新推介,它們所推介的壽司大多是從日本入口,講真呀!我不太在乎好味與否,只在乎曾經嘗過。還有的是,每次去元氣,我都不會吃迴轉帶上的壽司,此終覺得不知那碟碟的壽司轉了多久,所以我會找waiter or waitress另外order D 壽司,然後眼晴緊盯著她有沒有從迴轉帶拿去給你吃,為的是要保證自己吃的壽司真係新鮮出爐嗎!另外,每一次我都會獨孤幾味order辣味三文魚壽司及軟殼蟹手卷,其它就一般啦!今次order咗4碟軟殼蟹手卷及4碟辣味三文魚壽司，特別想提佢個軟殼蟹手卷,D好似蛋黄醬嘅物體同D卜卜脆的蟹子及炸軟殼蟹的蘇香味道份外地夾,誰也搶不了誰的風頭,再加埋一碗三文魚頭麵豉湯,用筷子夾幾夾,可夾得出魚頭的內在組織來,湯內除了嘗到三文魚及麵豉的味道,還有白蘿蔔及頗多的胡椒,我想,必定是用來pig走魚頭的腥味。

去左太古城等男朋友仔之後,都係過左黎食sushi,因為男朋友仔話想食sushi~~今次唔洗等位,因為我地6:15就去到了!!!!迴轉枱會令我的相眼只是叮著眼前的sushi^^食左幾碟三文魚,都不錯,唯獨是有碟有血><不過始終不能與板前,和花庭相比!元氣卷,都很好吃,很special呢,其實,佢呢個幾match~!辣味三文魚,本人最中意食呢度既辣味三文魚...^^炸蝦卷,不錯,但是唔係熱的,已經大打折扣了><煙燻三文魚,都幾好食呢~~~三文魚刺身,今次既quality幾高呢,又近腩,好正......近排煲緊<壽司王子>原來日本對sushi師父既要求係咁高,對每件壽司都好嚴格.......唔知香港果d係咪呢!?

好耐都無食過元氣, 今日lunch就同家姐來食壽司...好彩lunch hour都唔需要等位...不過元氣已經今非昔比啦...自從有峰壽司等店舖我都有成2年無幫襯啦...一有比較真係知道元氣唔多得..帶子壽司已經輸成條街..又唔新鮮又唔肥美又唔甜絕對唔合格, 就連普通既三文魚壽司都唔多好味..至正就係軟殼蟹手卷啦...其他食物真係麻麻地..都係無下次

九龍灣開了新店睇戲前尚有時間人家又想吃壽司之前又吃過魚一丁集團便轉戰元氣吧人氣依然旺盛味道就唉迴轉帶上的壽司全部都像放了很久即使是叫回來的(可能也是在帶上拿下來)不論魚生或是飯都有出水的情況紫菜變了梅菜就更不在話下連完全不用計新鮮的辣味三文魚也有點怪味只有芥辣八爪魚一款軍艦算是收貨其餘十多碟全都退步得緊要蒸蛋因為不是壽司所以是例外元氣的皇朝步向衰落了?從門外的人龍看又不像但如此高昂的時間成本如此的食物質素唉..無氣再講了