元気寿司 (已搬遷) 新店位置

是晚收工食元氣!甜蝦寿司，甜蝦好鮮甜，完全冇異味!炸蝦卷，係我必食，但嗯到既令我好失望成舊都係好似雪櫃拎出黎甘，係冰凍既!燒燒味三文魚:燒過下之後，魚油出曬黎，勁香呀!一加上佢既辣椒醬，有蝦米，炸蒜等，配埋超野味!醬味秋刀魚，秋刀魚有佢自己獨特既味道，生食係腍中帶口感!象拔蚌，都好腍，好有膠質赤貝，唔太有脆既感覺，好腍下灸燒蝦，上面既醬令到舊寿司成舊都好濃味。(另三款我冇食物，所以冇打到)另外我地都有追加其他野食，基金上都唔錯!服務都好好!

今日同勁鍾意食壽司既朋友一齊黎食，好彩本身係會員，可以網上取飛，但都要等成15分鐘，如果唔係會員的話要到門口先取飛就一定有排等，呢樣野真係要比個nice!!!!!黎呢度我一定要食左口魚，一咬入口即溶，而且非常juice, 口感超正，其次係帶子壽司，啖啖肉，超新鮮，好有飽肚感，今個月係我生日，會員有9折，又有double 分，超爽........

元氣會有不同季時性推出不同的時令壽司.今天我來試下先自助的醬料架和筷子牙籤晚上時間人流比較多店員都會留意醬料使用得比較快所以會定時來更換新和添加用資由於是繁忙時間，原本4人雅坐，其實對面會坐了不識的客人同檯，又真的滿不慣。但~~~元氣不限時吃東西下班後,是最好的慢慢來享受一番餐桌上已經準備好豉油碟和一個柸服務員可能見到我用紙巾擦手,之後立即就送上濕紙巾給我.立即覺得他們都會觀察客人的需要窩心的服務,值得一讚.在輸送帶上會有不同款的壽司想要什麼都申手可取.三文魚頭湯,鮮味比想像中淡因為麵豉味比較重而鹹,今天我沒有做重口味~三文魚頭和魚鮫很有肉,吃魚對我們身體好.時令特撰:石垣貝-hkd14肉質爽口和薄身,沒有太大的特別~塊象拔蚌厚身,膠質感重,好有口嚼鮮味十足一件不夠,再要吃多一件軟殼蟹手卷既叫既整,紫菜咬下去脆卜卜聲,軟殼蟹還熱的,飯的酸度不是太重但軟當晚自斟自飲綠茶之下,吃了2小時超自助的晚餐,慢慢吃才是我的享受之道.

一個人去叫咗一個餐，入邊有烏冬同八件壽司，入面都有唔少件三文魚八爪魚，食到D魚好新鮮，且返飯好棉好滑做得唔錯，八爪魚和赤貝有好有鮮味，夠彈品。最精彩嘅是烏冬，好彈牙，好滑，又大碗大只需要＄70就食到夜晚＄100嘅價錢真係抵!

星期日，難得放假出嚟行下街食下嘢。本來想去飲茶，但係要等好多張枱，見元氣少人啲咪去攞張飛囉，但都要等差不多二十分鐘。無計，星期日度度都咁多人啦。星期日多人其實都有樣好處，就係好快會壽司整出嚟，壽司會比平日新鮮啲。三文魚刺身無乜雪味，好多魚油，口感一流！吉列豬扒手卷~ 佢個設計好方便，用手包完全唔會掂到手卷。即叫即做，豬扒脆扑扑。蟹柳沙律船~雖然係兒童之選，但係甜甜哋又幾好食。炸蝦卷都係即叫即做，仲好熱架！太卷大大件，好抵食。元氣卷其實唔錯，但中間嘅炸魚皮硬咗啲....手卷，有軟殼蟹同三文魚紫菜好脆~ 同埋啲餸都幾多，食到底都仲有~

難得平日放假，今日走咗去 元気食下午茶，有「午後の自選三食」，有幾款揀我揀咗E, 選了炸雜菜同燉蛋，另追加一個三文魚頭湯（原價$18，依家$12）有些人會嫌三文魚頭湯好“腥”，係比較腥，但我又接受到喎 !雜菜餅 , 有點油膩....蒸蛋係最安全既壽司一貫元氣的水準計落依個餐抵過正價, 所以晏咗食LUNCH嚟食確係抵D

帶三隻馬騮去踩完冰，四圍逛到晚飯時間，問班馬騮想食乜？答案一定係壽司，去到要等位，去到時差不多下午六時半，仲係下午茶時段，好好彩六時二十五分入到場，坐到迴轉卡位，舒服又可以自取壽司！地方當然乾淨，日本餐有保證，即刻點兩個下午茶餐！然後再叫其他嘢！餐好快上菜，份量都夠飽，尤其係配烏冬，好煙韌，溫泉蛋可以自己打蛋同落汁，呢個安排幾好，咸淡可以自己決定，壽司新鮮！兩個套餐再加兩個軟殻蟹手卷--新鮮炸起，香脆好味另外叫多幾款壽司：飛魚子、三文魚子正常，點知芥辣八爪魚來錯蟹子沙律軍艦，同侍應講先換返啱，芥辣八爪魚唔夠攻鼻，八爪魚爽口，螺片最失望，有一件係爛嘅，好肉酸都攞比客人！最後叫了朱古力芝士蛋糕，朱古力味好濃，所以食唔到其他味！我鍾意原味多點！服務勤快，好快有人應！唔錯！

今日下午經過元氣 見佢地既下午茶價錢都幾平 一個餐都係45蚊左右 於是就去左試下 由於係星期五下午 所以沒咩人係裏面 所以氣氛幾寧靜 又坐正係窗口既卡位 成個感覺都已經唔錯我同我個fd都選擇左c餐 五件寿司 加多個小食同個烏冬三文魚壽司本來就已經係好味 其實就不必多說 但果種三文魚既鮮味實在令我讚不絕口 反而一提既係辣味三文魚軍艦 佢地張三文魚切成一粒粒再加上辣汁 果種口感加埋少少辣味 連我本身唔食辣既人 都想拎多舊黎食至於小食方面 我就選擇左炸魷魚圈 好 熱辣辣 明顯係即叫即炸 下面既油紙等左陣已經吸左些少油 令個炸物沒咁油膩 唔會有種食完就好滯既感覺個熱烏冬都要加埋七味粉 味道先會好味 如果唔係 個烏冬會沒咩味道總括而言 食物係以新鮮為主  熟食就即叫即煮 壽司 例如係甜蝦 都保留左原本既鮮味 不過由於係下午茶 份量未必係人人都覺多而我胃口較小 所以覺得足夠我食 一個人消費大概都係四十五蚊左右 ok la

Lunchtime 一個人食乜都得。點三左右喺德福四圍都多人，不過一個人去邊都有位坐。望入去見到枱上邊嘅食物幾吸引就坐底。我好欣賞元氣依然保持以綠茶粉代替茶包，綠茶味更純更濃！對自己好啲就叫咗個元氣定食，雖然無晒八爪魚丸，炸八爪魚圈更好食！個餐真係好飽，好彩係食炸八爪魚圈，如果唔係會被八爪魚丸啲塞飽個胃。炸八爪魚圈喊咗少少，不過個偏淡嘅冷烏冬正好平衡返。對於蒸蛋無太大喜好，不過材料十足！包括蛋、蟹柳、素翅和冬菇。蛋不會過老，十分滑！

下午茶, 見元氣人龍少有得唔長, 價錢幾抵. 食下先.選了個下午茶餐加吞拿魚手捲, 服務都可以不過個餐等了很耐.炸蝦幾彈牙皮脆, 烏冬都幾好, 壽司方面: 燒三文魚不錯, 脂肪多鮮甜, 燒蝦也很彈牙, 味稍淡.三文魚一般, 其他兩款軍璼也一般, 紫菜已軟. 吞拿魚手捲, 吞拿魚肉都鮮甜, 紫菜也很脆, 不錯.

近日元氣招募一批新會員, 宅女就要憑自己努力去食食食, 食滿HK$800就可以成為會員.其實元氣一向的水準又不是非常高, 但成為會員唯一一個吸引宅女的好處, 就是可以用手機預先取票留位對於在居所附近那家長期人龍的元氣, 這個無疑是一大方便所以這段時間唯有密密食, 儲滿HK$800就可以登記這晚仍是點了幾款基本款壽司, 味道都是OK不會差但又不是很特別但牛油大蝦壽司味道就比較突出, 大大隻蝦抹上一層牛油來炙燒, 入口帶著輕微的焦香加上豐潤的牛油,蝦肉亦夠爽身, 算是幾印象深刻的.

午餐食左自助餐，晚餐就食輕便啲，揀左元氣。六點幾去到，嘩，已經企滿人，等位票要等一百張枱，認真誇張！聖誕月，特別多人出外消費，加上元氣app可以攞定票，可惜唔係會員無得攞定。一路等一路行街睇下野，唔經唔覺過左成個鐘，有位啦。店員忙到爆，枱都係咁二執左抹左就算，仲有好多蟹籽係枱面。次次都叫嘅蒸蛋，水準依舊，不過今日好忙，店員無問開唔開蓋，放低就走左，好熱呀。海膽，海膽墨魚，芥末墨魚，飛魚籽軍艦。太多人，等左好耐先有得食，紫菜仲好脆ok啦。唯海膽軍唔多滿意，唔夠新鮮，已經半滆了。海鹽蝦，甜蛋壽司。蝦好鮮味，但啲海鹽我覺得可有可無。食完排隊等埋單，又要等左成半個鐘，食一餐就用左三四個鐘時間。

雖然自己係AKB48嘅Fans，不過就算元氣壽司搵咗成員渡邊麻友做香港代言幾個月，自己都未去過食。一次機緣巧合拎咗張50蚊現金卷，終於為咗用咗佢而「朝聖」一次。時值Happy Friday晚，未入官門、先打50大板，好彩朋友係元氣會員，所以可以用手機Apps一早拎定飛，唔係就唔只剩係要等45分鐘咁短！場內場海外同樣人山人山，因為同朋友二人行，所以只係坐迴轉位。雖然好多時都係坐迴轉位，但一睇帶上壽司嘅種類同鮮度，都係向店員落單算。雖然元氣嘅價錢算係平民，不過質素都唔算差，帆立貝、赤海蝦鮮味十足，芥辣八爪魚都係出色之作，特別係海膽尤魚，平得嚟又好重海膽味，正！不過三文魚就比較失色了。海鹽特大帆立貝 $32帆立貝鮮味十足，不過海鹽太多有啲喊。仲順手試咗近嚟好多鋪頭都強Sell嘅 池魚壽司  不過味道個人嚟講真係好一般。而限時嘅 柚子尤魚 ，個人覺得柚子味過重，好怪！最後就叫咗新出嘅 尤魚天婦羅 $32 ，唔會好粉，熱辣辣又唔會太齦，推薦！

今天襯lunch time 到Telford Plaza辨點事情。辨好後見重有時間便想起很久沒吃元氣的午巿套餐。可能已經差不多一點半，所以不用等位。看過menu後便決定吃''($63)三色刺身丼上的時候還附上一碗miso soup。不過是用粉冲的一般貨色，根本不值一提！首先嘗了一口飯。飯又乾又硬，像是放了一整晚的隔夜飯！用筷子一gap三文魚，發現不是一粒粒的，而是三文魚碎，有些是條狀，有些甚至gap都gap不起！！！不過放進口裡卻沒什麼特別。不特別新鮮，也不特別難吃。看menu以為是角切帶子，誰知只是貝柱！有點被騙的感覺...吃進口只覺有種腥味！最後只吃了一粒便放棄了進食那些貝柱蝦是整個飯我唯一滿意的食材！記憶中三色刺身丼以前只售五十多元，刺身也比當天吃到的新鮮許多！是因為百物滕升還是只是我唔好彩？

下午茶時段來到，好好彩不用等位，遲多兩位就開始等了。還有午餐餐牌，考慮了一陣，決定要A餐同B餐。A餐有三文魚，灸燒三文魚，黑椒海蝦，蟹籽沙律，辣味三文魚五款，味道唔錯。三文魚肥美，壽司飯軟熟濕潤，好味。自由配方面選了綠茶蕎麥麵，炸洋蔥圈。冷麵豉油一早已經加定落碗入面，而且略少。蕎麥麵食唔出綠茶味，不過麵本身有蕎麥香，唔錯。至於洋蔥圈……好明顯係返炸，好乾好油，可以不吃。B餐有三文魚，墨魚，甜蝦，辣味三文魚，芥辣爪魚。味道鮮甜，新鮮好食。不過伴碟嘅酸薑有好勁糖精味，不能入口。另選了蟹籽沙律，茶碗蒸。沙律不太冷，似乎係室温放左好一陣，而且我覺得切絲比切片好食。蒸蛋有水準，有蛋味，夠熱又滑，正。黎到元氣，當然要飲至愛嘅綠茶粉啦，真係好好飲。