元気寿司 (已搬遷) 新店位置

幾日前餓餓地，見元氣今日難得少人咪去食下。 卡位都係最舒服，個個位又有迴轉壽司。我覺得佢呢到既三文魚刺身比出面都好食。因為一來佢厚身，食既口感會仲正。二來佢味亦都係比較鮮，加埋有少少冰冰地，感覺鮮味更增。手卷有兩隻都幾鍾意食，一隻係三文魚手卷，手卷既三文魚比較薄身，但鮮味就差唔多。反而個辣味三文魚我幾鐘意食，辣辣地既三文魚汁配埋壽司飯，仲有埋三文魚既口感。我仲會配埋個熱烏冬一齊食，令自己飽肚，自己可以隨口味加七味粉，有少少辣味更加好食架。我一個人食大概都要70幾蚊，唔算太平或者太貴啦，不過落單幾分鐘就有野食都ok好服務既。

難得放假走去九龍塘接啲姨甥放學，問佢地想食乜，一齊話食元氣，足漲，仲諗住帶佢地食好野諗定又一城幾間心水都被ban😩第二間日本野都唔食🙄咁唯有返德福食.....唔使等不過都幾爆既下午茶時段無大枱坐得bar枱。睇黎小朋友係熟客仔，menu都唔睇就話自要食烏冬面餐，好好好等我睇睇先，原來下午茶餐有咁多組合既，俾佢地點，原來對佢地黎講乜餐都無所謂，佢地其實只係想食烏冬😅其他果啲我食晒佢就得😅咁就叫左個壽司set 加青瓜沙律前菜配烏冬，第二款壽司set加賣飛佛笨蛋配烏冬。前菜無期望瓜小蕃茄粟米粒分開無撈既，烏冬都幾大碗（咩味就唔知，俾人食晒），壽司個樣好過轉緊果啲，至少壽司上面舊魚仲凍既，笨蛋依然👌🏻$48真係抵食。

元氣壽司有得落單order又有得係迴轉枱拎，岩哂肚餓既餓鬼，坐低充有得食！軍艦壽司即叫即整，紫菜夠新鮮，入口卜卜脆！壽司飯同刺身既份量成正比，唔會飯多過刺身份量，絕對冇呃錢，抵食！

一場嚟到九龍灣，諗唔到食咩之際，一於食壽司！🍣日式料理一向是港人熱捧，所以晚飯時間要排隊是常識吧🤔但由於小編是會員，所以可以預先係電話取票🖖🏿慳返唔少時間！但今次呢間元氣令我略為有點兒失望😪由於覺得迴轉枱上的壽司不太新鮮，所以都係選擇order。一上枱，壽司賣相不錯，但略嫌比起其他分店的壽司大小比較小🤔其中波士頓卷裏面的煙三文魚更是少得可憐。小編最愛吃赤海蝦，但味道亦不太新鮮，蝦味不太出眾😞而其他壽司，味道也是一般般～總括而言，對壽司要求不太高的食客可以一試。但至於小編，如非必要，應該不會再試😖

聽人講元氣下午茶好抵食，終於可以試了。選了60元個款， 有三文魚刺身3件，炙燒左口魚裙邊壽司，炙燒牛油赤海蝦壽司及北寄貝壽司， 再配溫泉蛋加烏冬。三文魚都好大件，似厚切，啖啖肉。左口魚好有烤味，牛油海蝦好滑好鮮， 北寄見好爽。温泉蛋是原隻上枱， 豉油另上， 鹹味可自行調配，不錯。嘩， 好靚的溫泉蛋， 流心蛋黄真的好有蛋味，由於烏冬味道稍淡， 把溫泉蛋的豉油加在一起吃就啱啱好。好滿足，晚餐也不用吃了。

元氣出左下午茶餐係一個唔錯既選擇。可以係佢既menu揀選唔同配搭，計返係平左嫁。所有份量都唔會話少左。烏冬同螺肉都ok，不過我多數都會落七味粉，等烏冬唔會太單調。今次上枱d壽司賣相一般，個牛牛壽司都靭，咬唔到一半。最鍾意食係右二辣味吞拿魚，佢個辣醬好鬼正。下午茶不錯選擇！！

午餐食得唔夠飽，一直諗去食下午茶諗起好耐冇食元氣壽司新鮮，想食的種類套餐入面已經有，蝦，北寄貝，八爪魚，三文魚,墨魚，都好肥美新鮮去元氣必食的炸蝦卷，落單時講明要熱食，正， 熱辣辣吉列外皮好脆，蝦又彈牙，真係好食烏冬，沙律都係正常野

瞓晏左，索性請個病假，haha趁剛剛轉午餐menu又未係好多番工人放lunch，我去元氣嘆番個午餐男友番晏，啱曬，可以一齊食午餐包7件壽司蛋凍嘅，整定，食千兩真係即整架八爪魚，冇味，好似吸左水嘅海棉，但食落似膠北寄貝，又係冇鮮味墨魚，爽爽熟蝦，肉身薄薄，冇乜蝦味赤海蝦，正，甜，爽，厚肉三文魚，唔夠肥，魚味唔出沙律叫走汁，怕太酸三件炸蝦卷壽司怕太飽，叫左走飯，炸蝦新鮮，脆脆厚左小小，個蝦肉大件兼爽爽烏冬一碗色淡味濃，似堅魚味，又似木魚味，但總之就係魚味四溢，烏冬爽滑，煙un冇酸

唔好以為我真係同小朋友食元氣，其實我係同男友食，佢係一個大細路，除左三文魚，所以生嘢都唔食所以叫左好多熟嘢同兒童之選，仲有每次都一定叫嘅蝦船熟蝦：可能放好耐，冇乜蝦味，肉身略凍燒三文魚：又係冇乜燒味，當一船三文魚食，哈，肥感算厚三文魚：又係必食，今round三文魚都合格，肥肥平均灸燒左口魚裙邊：燒唔夠，冇乜烤味，肉質淋滑，似肥膏，就係唔夠烤，所以麻麻地腐皮：卷型壽司，咬開一半都唔易散，微甜腐皮，真係一口接一口蝦船：腐皮外層甜甜的，蟹柳碎，粟米碎伴入沙律醬，好開胃炸蝦：lee個正呀，即整，仲暖暖，蝦身小熱，脆脆炸漿唔大厚，match飯，冇曬炸物嘅油膩感三文魚小卷：紫菜唔脆，三文魚同三文魚壽司嘅質地一樣，即係d頭尾切左，包紫菜食咁蟹柳小卷：本人覺得好揾bun豬豬，唔底食囉，但我對面嗰個大細路鐘意冇話，紫菜又係唔脆，蟹柳乾，易散，唔啱我食

同事生日, 所以請佢係公司附近食下午茶, 睇過幾間餐廳後, 我地決定要食元氣既大滿足下午茶!下午茶的配搭是, 先選一個壽司組合, 再挑選一個小食及一個輕食, 然後還可以優惠價錢追加指定食物。原本挑選好要吃C餐, 怎料落單時竟然蠢到嗌錯左B餐, 吃不到心頭好, 令我嬲了自己半天。B餐有5件不同的壽司, 包括:三文魚: 有筋, 要廢一點力氣才可咬斷三文魚, 而且油脂少到彷彿不存在。辛辣長鮨吞拿魚: 上面辛辣的辣椒醬如果單吃是挺出色的, 卜卜脆的辣椒十分香。但配上吞拿魚壽司好像格格不入, 在日式和川式中間, 不倫不類。赤海蝦: 最好吃的一件! 蝦很新鮮, 肉質爽甜。燒牛肋骨: 雖然牛肉有炭燒香味, 但沒有牛味, 而且亦是難以咬開。螺片: 才過了兩天, 我怎麼沒有印象吃過他... 應該是味道平庸的一塊...蟹柳栗米沙津就是蟹柳跟粟米跟沙津醬呀, 簡單又充滿童年回憶的小食。日式燉蛋好好吃的燉蛋! 嫩滑香甜, 而且裡面配料頗多, 是一個令人感到幸福及滿足的燉蛋。軟殼蟹手卷 加購價$9建議大家吃下午茶餐時一定要追加個手卷呀, 因為真是十分超值, $9元就可以吃到正價價錢$20元的軟殼蟹手卷! 材料亦

自選組合1，2，3。 叫左左下角$48 食tea@元氣三條炸多春魚🐟，咬落去係好脆同較硬，個人覺得比較硬😳，我鍾意食比較鬆脆，而非硬脆。蛋蛋好滑🙆🏽，有冬菇香味，下面有嗚門卷，料幾足。👍🏼✨壽司正常，唔難食亦唔特別好味。最好味嘅係芝子鰻魚卷，軟芝士入口即溶，鰻魚汁醬香濃加本身的鰻香很夾。咁嘅價錢，都大飽了，係德福呢個貴商場算係交到貨。😊😊

為左慳錢😂五點半食個飽d既下午茶當晚飯先！同男朋友一人叫個一個set 呢個係壽司盛1D配蟹柳粟米沙律同湯烏冬芝士鰻魚卷好好食！芝士幾creamy其他就一般啦 我order左壽司盛1B配炸多春魚同日式燉蛋多春魚炸得好脆好香口👍🏻👍🏻不得不讚係下午茶價錢咁抵個刺身依然幾厚身 10蚊一碟三文魚腩，唔攞對唔住自己啦個油香真係同普通三文魚冇得比又甘香又滑😋😋 呢個就一般啦 下次唔會再攞食三文魚腩抵好多😍😍德福呢間既服務好好因為隔左幾日去左朗豪坊既元氣再食下午茶發現服務態度頗差 另外壽司質素亦冇咁好

魚生一向都是至愛，見到餐牌這個香草三文魚刺身，圖片好靚，點了，上枱，貨不對辦。圖片中的三文魚是厚切，但是實物卻薄如蟬翼啊。除此之外，三文魚加上了香草，味道較純三文魚魚生香濃好味，若是真的是厚切更佳。其他隨便點了些壽司，魚生尚算新鮮，口感可以，不過壽司飯卻有些散，唔夠實。最後點了三文魚鮫，魚鮫略為廋，唔算肥，肉較少，不過唔肥都好，不用那麼啖啖油。

第一次嚟元氣食午餐. 我叫左一個壽司定食, 同事都係, 另一個就叫刺身定身, 其餘的兩個散叫. 壽司定食十分豐富, 有一碗牛肉湯烏冬, 炸蝦壽司三件, 鰻魚壽司兩件, 北寄貝壽司一及三文魚壽司各一件, 一碗沙律, 一碗關東煮. 壽司好味, 炸蝦夠香脆, 三文魚都肥美, 鰻魚都OK呀, 北寄貝都新鮮. 牛肉烏冬都好大碗同埋好多牛肉的, 牛肉夠淋身, 好香, 好味, 沙律係有少少醋汁, 有粟米, 椰菜絲, 蕃茄仔. 同事話D汁有少少怪. 好似唔同平時食開咁. 我覺得OK. 關東煮入面有魚蛋, 豆腐等. 幾入味的, 顏色好深, 好味道. 同事們都叫左一些壽司一齊食, 賣相都好吸引, 味道也好好的呀, 有玉子, 腐皮沙律, 蟹柳棒, 蝦等等.另外一份係刺身定食, 刺身有三文魚, 蝦及帶子, 還有幾件壽司的, 仲有沙律同埋烏冬呀, 都好豐富同吸引的. 刺身夠新鮮肥美, 壽司都好大件好味.

元氣真係好勁，即使佢開分店開到成行成市，仍然每間都大排長龍! 這間位於德褔既都不例外!今日排左一陣就入到。見到出左秋季餐牌。一陣子冇來，多左新選擇。鵝肝壽司，$22 煎得好香，油份都出哂，食落口夠香脆。望落亦好有光澤!另叫返每次會點既，蒸蛋 $18溫泉蛋烏冬(溫)，$28海鹽帶子壽司 $16海鹽赤海蝦，$10食完比錢時，發現原來現在元氣做緊promotion. 食滿$50有一個印花，儲滿4個印花可以換兩件芝士蛋糕!! 芝士蛋糕原價要$16 一件! 可以立即換!