倫哥火鍋私房菜 (已搬遷) 新店位置

兩個人食完捧住個肚走啲嘢都算新鮮，但係又唔算係最好食嘅火鍋！不過呢個價錢有咁多嘢食都算係好抵啦！值得推界黑色墨魚滑同牛肉，堅好食！略嫌環境有啲嘈，不過待應服務殷勤，可以繼續幫襯！

食完雞煲打邊爐，雞煲都算好食，但肥牛無牛味，鮑魚都完全無鮑魚味，但賣相好靚，其他食物都正常，價錢比例都算合理，但伙計 service 好有問題，都唔係爆晒，成枱垃圾都唔收，係由開始到食完，都無主動清理枱面，扣晒分，認真差，係越食越激氣

自己不是第一次食倫哥，覺得食物質素不錯，仲要無限時間，所以早早訂位，再約朋友一齊聚下吹下水。一行八人，有燉湯，小鮑魚同蒜蓉粉絲蒸象拔蚌做前菜。八個人可以要兩個雞煲，一小辣一唔辣，雞煲惹味，再加牛柏葉水魷同豬皮，兩煲都清晒！火鍋料啲海鮮拼盤都幾勁，有聖子、帶子、生蠔、蝦、龍躉、脆魚片、白鱔等等（太多自己睇圖啦！）再有其他火鍋配配料，大家都忙住食食食！要再讃下個雞煲！雖然係火鍋任食，但都冇馬虎，佢個2分鐘x4既配方，啲雞真係滑！勁食之後要抖下先可以再去！埋單都係每人＄300鬆啲～

我饞食之前post相就多，咁次都係第一次寫！約咗幾個饞食友去佐敦倫哥打邊爐，餐廳按排咗我地6位坐卡位，茶餐廳既格局，全場爆滿，好熱鬧，舒適度一般，服務員都殷勤既，不過大家都要俾少少耐性等侯，因佢地都好鬼忙，唔想白行一趟就一定要book位喇！一開始嚟雞煲、有湯、有鮑魚…一口鮑魚湯夠料雞煲要自己攪，小心過熱會燶，要定時炒，另有魷魚同牛柏葉放落去炒。雞肉夠入味，好滑，有D燶咗都係滑架！雞肉有得再加，不過要留肚食其它野揀咗龍蝦做湯底（要加30蚊）海鮮要追加既，要問清楚，唔咪樣樣都有得再加架牛肉都係冇得再添添咗無限次既魚皮同響鈴最後係甜品，好滑，不過冇得再追加lu！

服務態度好，設備好好每個卡位都有部電視，大家值得去試！今日31/12職員都一起倒數，好有氣氛到零時零分就一起新年快樂好有氣氛，推介大家可以去食下，價錢唔係好貴晚市大約$330一位，雞煲，海鮮，打邊爐

因為公司聚會，要包一個場，可以容納15人，又要唔限時，真係諗到頭都爆。朋友介紹下，去左德興街倫哥私房菜。服務好到不得了，食品質素好到不得了，環境好到不得了......一句講晒倫哥私房菜正！平日$278+10%任飲任食無限時食過西環、佐敦、太子！始終覺得佐敦最好！

平安夜，正當全世界都祟尚高級餐廳食西餐，我卻來個反傳統，去食雞煲打邊爐話說原來有個套餐，包括一個湯個湯正足料猴頭菇燉湯，唔係味精貨無限refill 雞煲因為同行者有人唔食得辣，所以嗌左個唔辣雞煲。雖然唔辣，但d雞都好夠味，最緊要係可以再添，唔夠喉，咪嗌多煲囉😂但仲有個海鮮火鍋等緊，所以要保留戰鬥力龍蝦湯底邊爐勁多海鮮既邊爐，有蝦，聖子，元貝生蠔等，食材新鮮，正然後套餐仲任食丸，聽到丸呢個字好似好hea咁，但其實係超彈牙既魚蛋，芝心牛丸咁，實情一d都唔hea牛方面，每兩個人一碟，再添要加38蚊一碟，對於肉食既男性黎講，當然唔夠，需要加多一碟。侍應話，呢隻唔係肥牛，係牛脊，肉質唔韌，有d軟稔最後仲有個北海道牛乳燕窩布甸好滑，有香牛奶味最緊要埋單，都係一人350蚊又雞煲又海鮮，又任食汽水真係抵到爛

朋友聽多人讚《倫哥》…叫我有機會不防尼試試…今晚哩場飯局…揀尼較為方便大家o既佐敦分店…位置容易揾…舖面積吾算大, 入口兩邊設卡座, 埋邊有三兩張圓枱…一眼就似茶餐廳格局...吾同係發現側邊原來都有個VIP房咁…七時準時到...一坐下, 朋友話枱下地面”痴立立”…哥仔都反應快, 即時用消毒藥水尼拖地…卡座算幾狹窄…要些微彎著身曲著腳咁坐埋去…沙發靠背早就被磨到蝕晒皮添耶!!! 雖然係閒日星期四晚, 但都full晒…服務生都忙得團團轉的!!...但整體都招呼妥當o既!! 一坐低不忘先送來五花茶…跟著尼調味架等客人自選”混醬”!!見人齊…食物就依序上檯…四人份雞鍋…有五個層次o既辣度供客選擇…我地先取中庸之道…選中度的!!…醃好o既生雞件灑上香蔥芫茜等香菜, 賣相吸引!!! …哥仔叮囑我地每兩分鐘要炒一炒!!...香氣泗溢耶!!...不過真係太近距離, 雖然鍋底算深但仍不免淺油!! …絶對要小心你件靚衫啊!!哈!!...雞肉實在惹味而且不斷炒都吾乾吾”鞋”!!...至於辣度, 我認為下次有機會係可以挑戰極限的耶!!...食到咁上下…就可以放埋豬皮、土魷同牛栢葉落去炒!!...嘩! 估吾到

難得約到一班人一齊去拾下拾下，想食呢間好耐了，終於可以一嘗，之前聽朋友話好食，吸引死我。 一黎就黎左個大雞煲先個汁又不錯喎，同出面雞煲有得比，幾香濃，我地要左微辣，因為唔想太辣食唔到其他嘢，帶有少少辣，又唔會唔夠惹味，不錯。之後頭盆先來小型鮑魚，雖然size 係較細，不過味度口感都做得不錯。 最期待海鮮盆終於來了，有鮮蝦，大聖子，海帶，蠔蠔，鮮魚片，三種貝殼類，種類都還可以接受，都算新鮮，只是有點沙，打邊爐來說不錯，有些可以再叫。牛肉雖然細塊，不過有手切牛肉既口感，新鮮，牛就無得任食了。其他配菜都算係新鮮，不過份量就不算多，再叫都要等好耐先有。 任飲款式就不算多。 平日三百加埋一三百三左右每人。

因為鋪頭窄，食客多，所以出菜係有啲慢，不過抵食。重點係食物新鮮，而且睇落大大件，我食嗰排係蟹季，仲有一人一隻大閘蟹送。 當時大閘蟹新聞未出。先打雞煲，雞肉滑嘅。但味道偏鹹。未打邊爐已經飽五成。套餐包嘅items 實在多元化。我覺得唔比坊間火鍋任食少，但係材料靚。啲唔貴嘅食物又可以任食。例如菜吖 (再貪小便宜都唔可以唔食菜咖嘛) 所以真心覺得抵。

打邊爐，278一位，有海鮮盆，每人一件，又話限量任食（即係除咗某幾樣要加錢外），好似魚咁（班片， 鱔 片， 鯇魚），點知返叫每樣一碟，但只出一碟，跟住話其他兩樣賣哂，總之 ，想嗰樣無嗰樣😡😡

今次生日飯揀了去倫哥9點幾落到去橫風橫雨 我地一行十人落到去太子，嗰reception 話無我地booking 既記錄。。。even 我地show 到個電話記錄同日期時間，佢地都話無，又激氣又無奈諗住轉場去珠江酒家，點知休息。。。朋友生日實在不想掃興，太子分店的staff問我地願意落佐敦嗰間分店為我們安排座位，我地最後都有去，成十點我只想有個位食飯同慶祝生日，希望貴公司好好檢討一下make reservation 方面點樣可全面啲，少啲甩漏到左十點零終於有得食，啲餐前小食不錯，有雞腳，涼拌雲耳等，入味好吃的開胃小食到先吃個雞煲，今次揀左小辣，吃之前waiter 話要每隔一定時間就要反一反，炒一炒千呼萬喚，終於食得雞肉係啖啖嫩肉，個汁濃郁鮮，只不過真係油左啲，應該係個汁要用油去開黎炒香的關係。吃完雞之後我地就食大閘蟹全公來，膏一般濃厚，入口略為淡口同薄，不過送的就不要太高要求吧再黎係鮑魚，入口鮮美，炆得夠淋，有誠意的👍之後就梗係上等左成晚的海鮮火鍋湯底係蕃茄蟹，鮮味十足！正海鮮拼盤第一round 真係十分精彩要數最鐘意係個龍躉魚同蝦龍躉魚啖啖鮮甜魚肉，魚皮膠質重 ，正！蝦係食到好新鮮，食

十月八日晚同舊同學相聚约了去倫哥火鍋…大部份二三十年冇見，感覺很特別。十多人同格幸好有朋友一早book 房，否則冇位。本人上次出外去打邊爐已有五六年，冇記錯好似係太孓春夏秋冬，每碟計，食起來就住就住。今次很特別，來到先吃幾味私房菋，有吃原隻鲍魚，特式雞煲，雞煲要動手炒五分鐘，可揀大辣小辣同少少辣，但我地很多人都不太嘗辣，所以只叫少少辣。非酒精飲品及汽水任飲海鲜火鍋配料新鲜，限量食品可任叫任食，如丸、鲜蝦、蜆等，面飽蟹湯底，埋單四千多。因為訂咗房，大家也倾得吃得開心，很好的選擇每人三百多元，有機會一定再次光顧。

抱住同家人一齊試新野心態去食，真係估唔到任食火鍋竟然無野可以食，本來已經少選擇，之後食食下仲要話無曬，根本食唔飽，好多野都要另外加錢先有，海鮮還可以，其他食物質素一般，職員又少，order咗野又無影要不停催，所以下次不會再去了！

無下次！食物質素一般！服務最差👎🏻👎🏻👎🏻！所謂任食……乜都無晒……連菜都無得reorder！！同佢order 野， 佢望到唔望你， 又冇回應，都唔知有冇落單，再追問佢，佢就話落咗單就得架啦但等咗一輪， 又話買晒冇貨， 咁樣點叫人再去你度食野呀？