倫哥火鍋私房菜 (已搬遷) 新店位置

真係超好食，又超抵食。每次朋友聚餐都黎呢間，平均一個月食一次個雞煲都好正，好入味，食完雞煲又有得打邊炉，D海鮮又够新鮮，好鮮甜，值得推薦！最最重要嘅係可以任食！

剛剛去完日本返黎約朋友食飯派手信，朋友推薦倫哥雞煲加打邊爐。一開始個雞煲係任食嘅，味濃，都ok嘅，但我地都冇再追加啦～直接食海鮮打邊爐。上邊爐之前飲左個燉湯，都ok嘅。d海鮮都新鮮嘅。而且都幾大堆頭，可惜唔係樣樣海鮮都可以追加~打邊爐最緊要係個湯底，我地叫左個龍蝦湯底，中伏了！超級咸！！而且冇乜湯味……龍蝦肉好實……都冇咩心機再食。d牛係ok嘅。倫哥勝在元素多，但係個湯底就真係……一次完了……

見到啲食評寫得咁好，就來試下，但感覺唔係真係咁好😣先講服務，可能我地果台個鐘壞左，叫天不應，叫地不聞，吓吓要行出去找人。😤落單方面，邊啲可以任食，邊啲加錢，冇好仔細說明清楚，又冇紙填，而服務員又唔會好清晰，搞到唔知點樣再翻叫，所係咁依翻叫 一次😒食物方面，先講醬油，得豉油、葱、蒜、指天椒等，一般唔得再一般，沙爹醬都冇頭一輪啲食物都還好，但翻叫果啲認真馬馬，從張相睇到，啲魚真係有啲綠綠地色，唔係啲生菜透出來，除非啲生菜會甩色所謂的牛頸脊都係好普通，同埋無幾多人都係比咁大盤、我地一行6 人，蝕左😔總括來講，只值普通$150-200 左右的酒樓火鍋任食，無值呢個價

288/位，任食雞煲，部分海鮮，無刺身，雞煲唔係太濃味，無咩味，跟牛柏葉，水魷，兩樣我都唔食的。每位鮑魚北菇各一件，口感一流，味道不過不失，賣相有進步空間，湯每位一盅，好足料但好油，火鍋湯底蟹唔洗加錢，龍蝦就加30，蟹2個人半隻計，單數唔會比半隻你，無劃紙比你劃，肥牛得一款，無牛味，龍躉魚片推介，魚皮推介，貢丸臭油益，蝦滑變壞，蠔鮮甜，口頭落單，漏單都嚴重，但勝在態度好，醬料選擇少，飲品選擇亦太少，沒有無糖的茶類飲品。最驚喜飲品燕窩燉蛋白。288食呢d 真係年青人比較適合。

同朋友去食晚飯 第一次去 先食雞煲 好野味 又吾會太麻太辣 好味 又每人送左個湯 好味 夠火爐 又加送位位一只鮑魚 其實已經飽左一半 之後打邊爐 勁多海鮮 雖然有部分野吾可以再encore 但係基本上都冇問題 因為都好夠食 牛肉好味可惜再加要俾錢 主要我地就繼續食其他 因為都仲有好多吾使錢既野任食 野飲又任飲 真係飽到一個點 唯一係職員人手有啲吾夠 但都一定會再幫襯

多得老友幾個禮拜前book 先可以一行六人挑戰倫哥先黎兩個前菜 木耳同青瓜 辣辣地好開胃哥哥仲比左啲蘿蔔糕我地試下佢地個XO醬雞煲前先黎左一人一壺燉湯 一人一隻鮑魚同冬菇燉湯好足料 好清甜 飲到一滴都無淨鮑魚同冬菇都好入味第一次叫雞煲試下小辣先試試佢本身都唔係好食得辣 小辣完全可以接受到佢仲跟左一碟牛柏葉 魷魚同豬皮俾你食到中途加入去吸味個煲一到要等八分鐘，中途每兩分鐘撈一撈防痴底職員哥哥好貼心幫我地撈啲雞係入哂味 同埋係超滑越肥既部分係越好食! 雖然唔健康但真係好食啲我地Encore左一次雞煲 試埋個中辣如果唔食得辣 中辣可能就有啲辣左啲 啲豬皮未必食到食完雞煲就到火煱我熱揀左蟹湯，你亦可以加三十蚊轉龍蝦湯海鮮拼盤樣樣都好新鮮 有象拔蚌仔 蝦 推蟶子同大硯不過蟶子係無得refill ge同行朋友推介佢個黑白蝦滑(可Encore)肥牛 各式丸類同餃子都在水準之上響鈴同炸魚皮都好正 唔可以錯過最後個個都飽到抱住個肚走總括黎講要黎挑戰倫哥 請預留胃部空間

開心share番先😹😹今日食呢間野係叫「倫哥私房菜」佢係無限任加雞..我地5個人refill去2次..然後食海鮮打邊爐（d料係新鮮好多,有新鮮雲吞餃子，但牛就得一碟［牛頸脊］）（海鮮有象拔蚌 蠔 蟶子 ...可以睇番圖）最後有燕窩燉牛奶同埋會送鮑魚冬菇同椰子雞湯人均：$300-350味道：🌝🌝🌝🌝🌑環境：🌝🌝🌝🌗🌑 （有點迫..地方細，但乾淨）服務：🌝🌝🌝🌗🌑 整體：🌝🌝🌝🌝🌑

唔想再食啲普通打邊爐野，例如丸啦丸啦同埋牛啦菜啦咁，平時我都有去倫哥食lunch ,見到佢有打邊爐，仲有啲自家製打邊爐材料，就同一班好難約得齊嘅朋友一齊去。為咗就大家不同的屋企地理位置，我哋約咗響佐敦嘅呢一間倫歌，倫哥其實有咁多分店都有好處入正題講下嘢食先，打邊爐之前送上一碗燉湯，超足料中式燉湯，入邊有雞，豬肉，茶樹菇，仲有杞子紅棗等等等等，好補身，我最鍾意食湯入邊嘅雞腳，好軟林林，如果話唔足夠嘅地方，就係佢上面有浸雞油，大家記得撇咗浸油先好飲之後再嚟鮑魚冬菇鮑魚冬菇以人頭計，大家可以見到冬菇係超大隻超厚肉之後佢上咗雞煲張相個樣唔係咁靚，但係雞煲個味唔錯，佢仲俾咗張紙我哋教我地點樣食個雞煲，我估應該係得半隻雞或者一隻 ,分量少少哋，等我哋大家仲有胃口可以食陣間嘅打邊爐未開始正式打邊爐其實已經滿足，終於到主菜湯底係蕃茄薯仔湯，其實我個人覺得有啲鹹，希望下次倫哥呢一個湯底唔好加太多鹽。一開始來的係海鮮船，所有海鮮人頭計，我哋六個人，所以呢隻船望落去超吸引。海鮮最重要係新鮮，所有材料都好鮮，冇聽過有人話其中一樣材料霉左，唔甜等等海鮮船入邊某幾樣海鮮可以再叫唔使加錢，但我哋都比較細食，每人食完

一天我們6条友去吃打邊爐，开始吃雞煲先，味道还可以雞有D都入味，吃吃下途中再上雞湯及鲍魚可以即吃，好特別，吃完雞煲我以為跟著倒湯打邊爐，原來打邊爐煲另上，感覺好好及分明，海鲜併盤放位有次序及牛肉新鮮，只是龍虾有D梅，象拔蚌，響羚及魚皮等都新鮮，記得有一位男服務員態度特別好，所以我們每次都等他行过就叫他，因他会花小小時間去带令我們吃次序怎樣是最好，加上這个價錢又不限時第二次去了深水埗這間……，再去一定去佐敦及尖沙咀

晚飯和友人一行四人食倫哥，最正既係一次過可以食雞煲同埋蟹鍋打邊爐。首先食既係呢個刺身拼盤，好新鮮每樣有四舊唔洗爭。之後雞煲我地叫左小辣，因為大家都係食辣之人，覺得小辣唔太辣，食完一個店員叫我地試下中辣。 由於要留肚食其他邊爐食物，店員或幫我地叫左一個份量較少既雞煲，好細心。除海鮮有部份食物係任食，整體食物質素都好好，唔似其他任食火鍋。邊爐後甜品有燕窩墩奶，感覺中和了邊爐重味既口腔，完美。期待下次再黎食

再次來到佐敦德興街這家倫哥，這次儲齊六個人，其實不算是儲齊，因為某名友人再次放飛機✈️😒，頂上的是某人的伴侶👨‍👨‍👦。因為倫哥的東西實在份量非常之大，先有雞煲，上次吃的是BB辣，今次點了小辣，辣度當然比BB辣濃少少，但是味道好像更好，辣味濃一點，味道較香。然之後又會有海鮮，蒜蓉蒸扇貝粉絲，裏面還會有少許金菇，味道還算鮮甜🤓，但是蒜蓉味道不算香濃。然後打邊爐的東西份量又會非常多，蝦滑、墨魚滑、牛頸脊😀都份量挺多。有個芝心牛丸，定係芝心貢丸，質感像比較奇怪，因為外皮不像牛丸也不似貢丸，只有很多芝士在內裏，只有那些喜歡「拉絲芝士控」的人士會喜歡。貢丸較佳，爽彈，不錯。沙律醬丸，應該叫千島醬丸吧，酸酸的，很多千島醬在薄薄的外皮下。但可惜，上一次那個很好笑容店員竟然不在🤦🏾‍♂️，令出色的一頓火鍋驟然失色。但其他的店員服務其實也不錯，即使你多番叫他要什麼要什麼，無限添加，又或者加湯，掉了東西，店員仍然善意服務，微笑待人，還算不錯👍🏿。

墨魚滑好好食墨魚滑好好食墨魚滑好好食重要說話要說三次墨魚滑加了不少海鮮（例如蝦、墨魚粒等）所以墨魚滑特別彈牙 而且味道濃郁令人一試難忘 立即叫多幾支食另外 龍躉亦都係不得不提龍躉的存在令到我喜愛的脆鯇腩都有點兒失色其他的貝殼類都好唔錯（老實說，我不懂分辨貝的品種，點菜的時候只能說：有殻的都要😅）食到相都唔記得影😐結賬時，每位306，又冇話好抵好抵，不過以食物質素來說，都是差不多的價錢。p.s. 都有再幫襯的打算

聽咗好耐人哋推介依家私房菜打邊爐，一定來試一試，睇吓係咪咁好味，$278一個，星期六日仲要加＄10每位同再加一　，開頭係食咗雞煲先，都糸好味，唔係太鹹，之後有個鮑魚仔食，味道冇乜特別鮑魚非常細粒，同有個海鮮拼盤打邊爐，啲蜆同埋啲魚幾好味，其他食材冇咩特別，最尾有個燉奶甜品，我覺得係最好食嘅食物之一，非常滑又有牛奶味，但糸環境好迫，枱貼枱，同埋裏面好嘈雜

前菜有兩款，麻辣四季豆&麻辣雞腳，兩款都好好味，坐低左又等緊個雞煲黎既時候，不妨可以試下。雞煲有分好多辣度揀，我地一煲唔辣，一煲中辣，我地跟住佢張instruction紙教我地點炒煲雞，就算自己落手落腳炒都炒得好好味，d雞既肉質好嫩，真係好正！海鮮拼盤，d海鮮非常、十分之新鮮！最緊要係，除左帶子同聖子，其他海鮮都係任食，包括有：龍躉片、鯇魚腩、馬刀貝、蜆、蝦⋯⋯邊爐湯底有幾個選擇：蕃茄薯仔、芫荽皮蛋、蟹湯同埋龍蝦湯(另加$30)，我地揀左一煲蟹湯，另一煲龍蝦湯，兩個湯都係放原隻蟹/龍蝦落去煲，所以成個湯底都好鮮味！邊爐嘅配料有好多款，最出色係芝心牛肉丸，芝士味好濃，牛肉食得出係手打牛肉，好正！整體來說，好好味！又任食，又唔限時，係朋友聚會既好地方！

當初bk位就係whatsapp book 都叫做好方便 對方對答都好有禮貌當日6點開始 我地7日坐6人枱 其他人未到職員都好細心攞d小食比我地食住等但冇人過黎講解過落單野飲果d係點做因為呢度唔似平時即寫紙落單 係要口頭叫職員追加食物(係咪因為口頭會減少d人叫即次數同份量呢🤔)一開始先食雞煲 雞煲味道一般 同平時食既都差唔多 但唔明點解上枱之後仲要客人等8分鐘再炒4次...都幾晒時間之後職員會無啦啦自己上套餐既小菜 就有鮑魚同一個蒜蓉粉絲蒸一個貝殼類既野 呢兩樣都幾好味咁我地7個人 前後食左3個雞煲 其實都唔係好過份姐 佢又要比人任食 到我地叫第三次 個職員好似好唔願意幫我地再追加咁 個雞煲大部份都係骨 一個點夠喉咼食完雞煲就打邊爐 有蟹鍋同龍蝦鍋揀 龍蝦鍋要另加$30咁我地就食蟹鍋啦 先黎一個海鮮拼盤 除左兩三樣冇得refill之外 其他都可以任叫打邊爐既野食唔算多選擇 不過都足夠既...最奇怪係有隻芝士牛丸 味道真係勁唔夾 d芝士係好食 但d牛丸同芝士係完全兩樣野分開....其他都普通啦 冇咩特別加埋一$320左右一個 呢個質素 試一次都ok既 但未必會再黎真係