75
3
1
港鐵佐敦站 A 出口, 步行約4分鐘 繼續閱讀
所有分店 (7)
電話號碼
55466499
62093572 (whatsapp)
開飯介紹
藝人杜大偉開設的火鍋店。雞煲、火鍋一應俱全。海鮮拼盤、刺身拼盤等食材新鮮而且份量十足。 繼續閱讀
營業時間
今日營業
18:00 - 03:00
星期一至日
18:00 - 03:00
付款方式
AlipayHK 支付寶 現金
座位數目
100
其他資料
網上訂座
Wi-Fi
深夜營業
自帶酒水
VIP房
電話訂座
賞訂座積分
外賣服務
加一服務費
電視播放
當面支付
有關獎賞計劃
食評 (86)
等級4 2019-03-01
1160 瀏覽
呵呵!已經跟朋友說過很多次了, 今天終於有機會來一嚐明星火鍋的魅力!這間火鍋店的老闆之一,就是「愛回家亅的「細楊生亅杜大偉,聽聞常常有大台的小生花旦在這裡的 VIP房內開餐!哈哈! 在明星效應之下,我已經 無數次聽到大家都在推介這家火鍋!好!先試店家的名物「阿嫲雞煲亅, 根據風趣幽默的阿姐店員的指示 ,雞煲一滾起,就要每兩分鐘攪拌一次 以防黐底 , 攪拌四次共八分鐘,雞便會全熟,可以進食。在四分鐘的時候加入牛栢葉、魷魚、豬皮一齊煮, 便可以讓這些 街頭小食名物 ,全然吸收到雞煲的精華後, 變得美味可口。這個雞煲裏面,我覺得最好食的就是魷魚和豬皮。 雞件不是不好吃, 只是它 大部分都是雞翼斬件造成的, 對於不吃雞皮的福福郎來說, 就好像沒有什麼可吃下肚了! 如果能夠讓食客選擇自己想吃的雞部位, 那就好了, 一定會大大加分!!。。。🦉識食火鍋,當然是要揀鴛鴦鍋來吃, 因為一次過可以品嚐兩種不同的口味, 快感x2!我們今次便揀了「蕃茄薯仔湯底亅和「芫茜皮蛋湯底亅, 貪其清清地, 用來淥海鮮可以突出海鮮的真正原味和鮮甜味。今晚的海鮮很豐富,有蟹丶蝦丶 蟶子丶大蜆丶 厚切龍躉王丶薄切龍躉片丶魷魚, 還有新鮮蝦滑和墨魚滑!!其他配菜的選擇也十分之多!你看我們叫的蔬菜籃丶豆腐丶粟米。。。 多麼大堆頭哦 !!而且因為餐廳人流多丶流量大,東西吃起來感覺都是很新鮮的。另外,當然唔少得我最喜歡的牛肉,今次叫的是牛脊背肉, 比較瘦 ,肉質紋理分佈均勻, 牛味較重 ,一點也不肥膩, 最合喜歡keep fit的福福郎。在那麼多的海鮮之中,我最喜歡「草蝦」和「厚切龍躉片亅。我鍾情草蝦的蝦味濃郁, 龍躉片的質感和其超厚魚皮內的骨膠原。。。。,🦉在等湯底滾起的時候,店家還很細心的 弄了 一碟「鮑魚炆花膠亅丶一碟「雞腳雲耳亅 及一盤刺身拼盤給我們 邊等邊吃, 很豪氣哦!餐廳走的是平民化的路線, 總括來說,食材都是大路貨色,不是走精緻路綫,十二分好味那種。 五個字總括:「大件夾抵食」!但這也有一個好處,就是一口價丶沒有隱藏收費。正所謂:「貨真價實丶明碼實價丶童叟無欺亅。難怪今天一來到這裏。。。 便發覺未到晚上七時半,已經 「全院滿座亅了。吃完這家明星火鍋之後,我覺得它的「性價比亅其實是挺高的,夠熱鬧丶話題性十足,很適合大夥一班人來嘻!嘻!哈!哈!「朋友,與你又過了一個歡樂年年的晚上啊 。亅👍👍正!。。。🦉+ ==============================立即訂閱我的食評吧!福福郎想 跟你分享上班族的苦與樂丶貓頭鷹的人生觀丶美食和「金句亅啊!Relax,and just subscribe! 。。。🦉============================== 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-25
1115 瀏覽
與同事外出佐敦工作至晚上加班時段,我倆已經餓扁了,在大街看到倫哥火鍋,想起曾有同事提及他的鮑魚花膠好味,我在太子也吃過,真的可以,他應該可以填滿我們空蕩蕩的感覺。先來是魚生盤:蝦與帶子鮮甜,八爪魚與北寄貝爽口,還有三文魚及腩。再來熱辣辣敦湯,料多於湯,味道很香,只是用茶樹菇,瘦肉與雞肉,飲到不想放口。跟著是重點食物:鮑魚花膠味道保持水準,鮑魚彈牙入味,花膠超多及爽軟,熱度略為不足,不過肚子餓,快速地給吃完。少辣雞鍋,待應姐姐教導煮的方法,在吃了一半途中可加入牛栢葉、豬皮與魷魚同煮吃;雞肉嫩而不鞋,再吃可點中辣,很大的雞鍋,竟然也可以吃到沒有剩,待應姐姐還提醒雞鍋是任追加的。辛勞了一天,火氣太盛,我們選了芫茜皮蛋湯鍋,來個清淡的也不錯,灼海鮮不怕被奪走鮮味。海鮮盤:小象拔蚌與北寄貝(甜及爽脆),大蜆,白蜆,蟹半隻及海蝦(鮮甜,Q彈),有皮龍躉(有質感)。吃到這時還端上牛頸脊(已忘記有),轉色便放進口,腍嫩有牛味,微肥,好味,還有其他未吃的各種…實在豐富。墨魚滑,有碎粒墨魚與蝦肉混在當中,有自家的特式。待應姐姐們工作勤快,細心介紹食物及為客人燙杯給熱水。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-24
843 瀏覽
倫哥聽就聽得多,但係未試過,今晚肥妹仔就去咗佐敦嘅呢一間倫哥私房菜度打邊爐,一入到去環境裝修都好開揚,好時,尚坐低見到啲餐具肥妹仔都不禁會心一笑,因為真係好特別好可愛。首先會畀一啲刺身我哋食,刺身有北寄貝,三文魚,帶子,八爪魚等。肥妹仔每樣試咗一些,超級新鮮,係火鍋店入面食到咁嘅水準,真係好有驚喜。跟住我哋就叫咗個雞煲嚟試下,我哋叫咗一個唔辣嘅雞煲,四人份量,醬汁好好食,唔會好鹹,而佢嘅雞肉都幾嫩滑, 不錯。另外仲叫咗一碟炸魚皮嚟食,佢嘅炸魚皮應該係自己鋪頭新鮮炸起,上枱嘅時候仲係熱辣辣,脆卜卜。另外仲上咗每人一壺中湯,佢嘅中湯係雞湯嚟嘅,飲落去好重老火湯嘅味道,超級鮮甜,湯品嚟講真係一絕。除咗雞煲之外原來佢仲會有蝦嘅串燒,肥妹仔我試咗嗰隻蝦串燒,蝦肉結實,一啲都唔行。另外仲有驚喜嘅就係原來呢個套餐仲包埋鮑魚花膠等等,真係有幾豪華得幾豪華!鮑魚炆到好軟淋,花膠都係一樣,索曬嗰鮑汁味,食到非常之幸福 。另外食完雞煲仲打邊爐,我哋喺海鮮方面叫咗鯇魚片,大蜆,白沙, 大蝦 帶子,鮑魚, 仲有膏蟹, 蟶子,真係你諗得出佢哋都可以有可以有 。佢哋嘅海鮮真係冇得彈,非常之新鮮, 肉質鮮甜,淨係食海鮮已經回本。 另外仲叫咗一個本地手切牛肉,一上枱見到啲牛肉色澤均勻,肥瘦比例剛剛好,輕輕一灼,肉質嫩滑,牛味好濃, 非常高質素 。另外仲有一碟蠔,肥妹仔就冇試,不過肥爸肥媽嘅評語都覺得啲蠔好新鮮,一啲都唔腥!另外仲叫咗墨魚滑,同蝦餃子,雲吞等等。雖然係大路嘢,但係一啲都唔馬虎,最尾仲叫咗一個蔬菜盆,清一清腸胃。蔬菜非常新鮮,冇渣。肥妹仔另外自己仲叫咗一碟炸響鈴,攞嚟索湯底,佢嘅炸響呢又係新鮮自己炸,上枱時熱辣辣,好香豆香味。而甜品方面就有燒菠蘿,菠蘿非常新鮮,甜滋滋。同埋紅糖冰粉 ,非常滿足嘅一餐 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-01
2113 瀏覽
倫哥火鍋私房菜, 地點方便又有代客泊車, 地點上面可以話係一流! 除咗地點好 , 食物質素之外 , 點可以成為香港人心目中嘅王者之中嘅王者?最令我刮目相看嘅 員工嘅 有溫度嘅服務! 全場爆滿, 店員都能間中走黎關心我個雞煲煮成點, D野食上齊未, 又幫我拎野飲咁~~太出色了!!!D餐具唔知點解令我覺得好WARM好有HEART!一坐低吹口吹唔停,倫哥貼心地奉上每位一客足料燉湯俾你潤一潤補一補~~真係料多過湯~~滴滴精華~ 開始食咗個雞煲先。 阿姐好細心咁問要咩辣?  同埋教要點樣煮。 冇可能失敗嘅情況之下 , 一煲好成功嘅雞煲出嚟。慢慢享受完呢個暖意雞煲之後, 仲有勁新鮮肥美的刺身食~覺得好夢幻, 俾3百蚊鬆D居然咁多好野食, 以後食BUFFET已滿足唔到我了~這個時候 倫哥攞咗個簽筒畀我~~ 同黃大仙嗰個外觀變無大分別。 心諗點呀? 仲未到過年喎咁快就求籤 ? 原來 係抽獎遊戲。抽中啲乜嘢就有乜嘢食物! 獎品獎品豐富。 倫哥 話有 花膠/鮑魚 等等,豐富禮物任你抽 。抽中兩條燒腸仔,叫好過冇啦~~大家開心就好了~驚喜唔好俾佢停,無啦啦又有花膠扣鮑魚食,我覺得好似做左皇帝咁呀~!好入味好淋軟~正!跟住就去做今晚嘅重點火鍋!  嚟到今晚嘅主菜海鮮火鍋, 新鮮魚片﹑蜆﹑蟶子王﹑蟹都係極新鮮海鮮, 仲要有 新鮮花膠同埋兩隻鮑魚 。喺呢個時候我已經諗呢個份量已經夠兩個人食飽喇!仲未計其他打邊爐配料呢。又係土地問題。香港食肆 地方唔大+人客多 係標準嘅問題, 打邊爐放到成枱都係, 唔夠位置放菜 係常識。手切牛肉重點推介,倫哥出品,實屬佳品!喺呢個時候阿姐再推出一 絕招:「 全天候流動車仔!」 仲細心教你點用擺位點,唔會阻到人出入! 呢啲有溫度嘅服務並唔係每一間餐廳可以有㗎。仲有汽水同涼茶任飲~提提你呢度人好多記得訂枱呀! 繼續閱讀
(以上食評乃用戶個人意見 , 並不代表OpenRice之觀點。)
難得約到終於唔使ot嘅朋友k食飯,當然要遷就下佢,食佢最鍾意嘅嘢啦。呢位朋友有兩大最愛,分別係帶子同鮑魚,佢對帶子有一種莫名嘅執著,寧願冇女朋友,都不能夠冇帶子食。所以我哋當然要一如佢所願,同佢去試下倫哥最出名嘅海鮮火鍋,同埋前菜嘅花膠炆鮑魚啦。任食嘅火鍋配料選擇都幾多,不過為免浪費,我哋決定先食咗所有前菜,同埋第一輪嘅火鍋料先,再決定係咪需要加單。好快就上咗刺身拼盤,有朋友k心愛嘅帶子,相當鮮嫩可口,佢都忍唔住食咗唔少。如果帶子係佢女朋友,我諗佢一早係人生贏家。而甜蝦質素都唔錯,都幾大隻,入口亦鮮甜味美,相對街外嘅日本餐廳都唔輸蝕。跟住亦都係重頭戲,有滋味嘅花膠炆鮑魚 作為前菜,朋友k對於品嚐鮑魚有一種執著,太嫩口太細嘅,佢係拒絕擺入口的。經爐火同醬汁炆煮炮製過嘅鮑魚,就好似有經歷嘅女人一樣咁有韻味。若以鮑姐同Ali為例,識食嘅食家已經心中有數。所以倫哥嘅花膠炆鮑魚絕對合格,除咗醬汁入味香濃,鮑魚味道層次豐富,有種稠密嘅膠質鎖緊鮑魚,食落好惹味。仲有香脆嘅鹽燒海蝦,燒得好香口好惹味,調味唔會太重,味道剛剛好。再試下個雞煲,秘製嘅醬汁香濃,但唔會太辣,食起嚟無出面鋪頭嘅麻辣化學味,雞肉嫩滑人,不過切得略嫌細粒,但就好入味,加上魷魚同豬皮吸收曬醬汁,簡直可以撈飯。呢度嘅燉湯都係必試,相當足料,飲落好滋潤,入面仲有茶樹菇、雞腳、瘦肉,味道清甜,好想飲多碗。終於到主角出場,是日重點嘅海鮮拼盤同牛肉,海鮮拼盤入面真係好多款,有龍躉、蟶子王、大蜆、蚌仔等等,非常豐富。而且仲好新鮮,尤其是蟶子,食落好爽口好甜,龍躉肉厚而嫩滑,咁樣打邊爐真係好正。再試埋咁多雪花嘅牛肉,非常香嘅牛味,但油脂分佈均勻,輕輕灼十秒就食得,入口滿滿都係肉香,真係好滿足。配料方面必食嘅係 即炸嘅炸魚皮同埋手打嘅墨魚滑。尤其係個墨魚滑,除咗彈牙之外,亦都好多墨魚粒粒,食落好有口感同嚼頭,忍唔住encore咗幾次。Overall呢度嘅好多質素真係幾高,價錢亦都唔算太貴,都係三百零蚊一位,下次再想打邊爐,呢度都係一個唔錯嘅選擇。 繼續閱讀
(以上食評乃用戶個人意見 , 並不代表OpenRice之觀點。)